تجمع حوامل الثلاث الشهور الوسطى4 - 5 - 6

حرف_عنيد;5856661:
هلا ام سويرة انا بخير الله يسلمج

توني تارسة الكرشة ومتريقة بس اخلص الدوام على طول بقول للافراش وينك

واحط راسي واريح

والله الليل ما ارقد عدل بسم الله عليه نونوتي يلعوزني اخر الليل ربي يحفظه حركته اتزيد اخر الليل ما ادري شو سالفته انا امعذبته هو امعذبني ما اعرف

نور النجوم 888;5856753:
صباح الخير يا كروشات ..

[COLOR="Red"] محد يسأل عني أنا زعلانة عليكم كلكم !!!
:mad2:


أمس رحت المجمع أدور لي ثياب حق الدوام !!!

ما حصلت شي كله تي شرتات خفيفة او جينز!!

انا أبي ثياب وين ألاقي !؟؟

بنات أنا في بداية الرابع حسيت بحركة مثل النبض ببطني ، بس ألحين صار لي اسبوع ما احس بشي عادي ؟وايد احاتي و موعدي مع الدكتورة بعد أكثر من أسبوعين؟[/COLOR]

حرف_عنيد;5857258:
انا عن نفسي رحت شريت لي قطع وفصلت لي مخاوير وشريت جلابيات جاهزة بدل ما افعص الياهل حرام

ورحت فصلت لي عبي بعد وسعتها وسويت فيها كسرات علشان ما ابين البطن لان بسم الله علي بطني صاير اكبير امدور بس انا اشوف حجمه كبير واربيعاتي يقولون لي لازم انتي حامل علشان جذي اتلاحظين الفرق

خواتي دوروا لكم ملابس خفيفة غير مكلفة لان بعد الولادة ما راح تستفيدين منها علشان جذي الجلابيات اريح شي واتخش الكرش وتحفظ النونو عن العين

يوم الجمعة مريت المول ولا اشوف بنات يرانا من زمان مب شايفتهم بنت يرانا شو سوت فيني قالت خليني اشوف بطنج يم الناس والله اني انحرجت هذا وانا متغشية بس والله فشلة

خرزة زرقة;5842370:
بنات وحشتوني موت.....

بس عندي خبر زفت انا خلاص اودعكم ويمكن اطوف الشهور ومانتلاقى.............

بسبب .....خلاص طلعونا من الشقة ...........وهالاسبوع بستمر يمكن يومين معاكم وبفارقكم

لانه مالقيت ولاشقة في بوظبي وبرجع البلاد غصبن عني

وبيضيع علي علاجي في الكورنيش وبروح للمستشفيات الارف جربتها ولاعت جبدي من الوساخة

والله حالتي صعبة وبنفترق انا وزوجي لانه مااعيش عند اهله وكل واحد بيرجع بيت الاهل

والله ضايق خلقي ومافينا ناجر في البلاد لانه ريلي يباني اكون معاه وانا مااتخيل نفسي بعيدة عنه مااعرف اعيش بروحي

والله حالي زفت وكل يوم نتصل عشان شقة واخر شي يوم اشوفها اتلوع بالجبد.........

وضيقة ومب شي .............


عموما امووووووووووووووووت فيكم والله يستر على حملي وصحتي عند الاهل

شمعة محبة;5841813:

السلام عليكم ورحمة الله وبركاته
انتظااار هلا الغاليه ... شحالج حبيبتي وشو أخبارج ؟؟؟ تسلمين على السؤال ...
أنا ييت من كم ساعه بيت أهلي لان ريلي سار :( ....
مرحبا بخواتي اليدد ... وحياكم الله ...
اختي ريمي الله يرزقج الذريه الصالحه السليمه ياااارب ... ويقر عينج بشوفتهم ...
خواتي الباقيات طمنوني عليكم ...
أنا أحس بضيق مادري ليش ... يمكن لان ريلي سافر .... لاني تميت أصيح يوم راح ... وقالي ليش تصيحين إلا هو أسبوع ؟؟؟ مادري شو فيني أعرف انه أسبوع بس لكن بعد مضايقه ...

انزين خواتي بغيت أستشيركم في شي .... ما يخصه في الحمل ...
أنا عندي خيل في البيت .... وااااااااااااااايد أحبه وانا أصلا أحب الخيول .. وهالخيل هديه من ريلي ...
بس للأسف يبغيله عباله ... يعني اهتمام ... تعرفون الخيل حيوان وايد حساس ورهيف ... وريلي بحكم شغله ما يقدر يعتني به دوم لان ما يكون في البيت دايما .... وانا في خاطري اني أهتم فيه وأعتني به لكن أنا حامل وطبعا ما قدر .... مع انه وااايد يحبني وكل ما يشوفني يمشي صوبي ...واتعود علينا فالبيت .... والخدامات عندنا في البيت يخافون منه ... أنا وريلي ساكنين في بيت أهله ....
عاد ريلي يقولي شو رايج نبيعه ... أنا طبعا رفضت وااايد ...أولا لان هديه منه :15: ...وثانيا لاني وااايد حبيته وتعودت على وجوده فالبيت .... لكن ماعرف شو تقولون ؟؟؟ وبعد من غير انه يبيله ميزانيه خاصه ...أخليه ولا أبيعه ... وهالموضوع بعد مضايقني لاني صدق أحب الخيل وتعودت عليه وهو بعد يحبنا ....لكن بعد أخاف انه يصير فيه شي لان ما نقدر نهتم فيه وايد ..
شو تشورون علي .... :think:

انتظـــــااااار;5843429:
-


الااااااااااااااا ماشفت البنات اليوووم

روووناا / رووووووووووز / الحب الكبير / الطاااف / عيون محمد / ام عبادي / حرف عنيد / حروف القلب / همبايه / جوهرة الدوحه / كنانه / ريماس3 /

والباااقييييييييييييييين <<<<< لو عديت للصبح ماخلصت ماشاالله لاتوواخذووني:1_42:


لاا يكوووووووووووووووووون عاازمتـــكـــم تـــوتـــو <<<<< عندها اهلهاااا

ومسوووين حززب هنااكـ <<< وماااااا قلتوووووووووولي:21_180:

هيييييييييييييييييين ياتوتو <<< توووهقت >>> خخخخخخخخخخخخخخخخخ:21_104:


المولعاانيه <<<<<< ترجعين بالسلامه ياارب

ليتني معااك <<<<<<< ووين اراااضيك ويين اياامك



-

حرف_عنيد;5844763:
صبحكم الله بالخير والسرور لكل بدون استثناء

واشكر كل من سال عني

بالنسبة لي شخصيا انا ما ادخل الا الصبح وقت الدوام وبصراحة يوم الخميس بعد كنت مشغولة

يا بنات انا انسرقت وان شاء الله اقدر ارد شي من افلوسي سرقوا مني ثمانين الف درهم

بس ما راح اسكت راح اكمل المشوار والله يعيني على الاقل ارد شي من المبلغ يعني انا اذا رديت 32000 بيكون اوكي خلاص رديت افلوسي

بتقولون لي كيف انسرقتي بقول قدر الله وما شاء الله فعل
دخلت في محفظة واكيد بنات الامارات سمعوا عن السالفة محفظة احمد عبدالقادر وامنسك الريال وانسرقنا

بس ربنا فوق وراح يوفقنا ان شاء الله
بس والله انا مستصعبة روحت البنك وروحت الشرطة والسوالف هذي وريلي يلومني يقول دخلتي عمرج في متاهات انتي في غنى عنها

اوني انا طالعة فيها بصير بزنز ويمن

يالله الله كريم بس انتوا ادعوا لي

عورت راسكم من الصبح

تعالوا شو اخبار النونوات

يوم الخميس مريت المول وكان بخاطري اجهز للبيبي بس بعد مترددة صح الدكتورة اتقول لي احتمال بنت بس بعد خايفة بشوف هالموعد على 8/5 شو بيقولون لي

لاني بخاطري اتشرى لها اذا كانت بنوته بس انا بخاطري اتشرى لبس طلعة وكشخة

تحياتي لكم بشوف اخباركم بعدين لين ما اتصحصحون اشوي

rose_rose7788;5846033:
مرحبا حوااامل ... اشحااالكم عساكم كلكم بخير وعافية يا رب ....

صدقها اخت انتظاااااااااااااااااار اللي بالشهر الرابع الحين ... الواحد من يدخل المنتدى ويتابع الموضوع وهو يمشي بسرعه نفس تجمعنا هذا ايود رااااسه ما شاء الله الصفحات تكثر وانا لي ما الصفحه تتبطل وتتكرم علي وارد على كل موضووووع الا خلص دامي كله خخخخخخخخخخخخخخخخخخخخخخ .... السموحه خواتي ما اقدر اقرا كل الردوود بس اتمنى انه الجميع يكون بخير وعافيه يا رب ....

انتظار الحبوبة وليتني معك اللي ما اعرف وين مختفية بس ان شاء الله امووورها تكون طيبة يارب وحرف عنيد وام عبادي والحب الكبير ورووووووووووونا الدلوووعه وريماااااااااااس 3 والمولعانية وعيووون محمد ووتوتو القمووورة وركوووووووووووووووزة الغالية والطاف وخروووووووووووووزة وحروف القلب وغدوووورة اللي صار لها فترة ما دخلت لا هي ولا عشووووووووووووقه وباقي الشله عساكم بخير وصحه وعافية يا رب انتوا وبيبياتكم وكل حامل يا رب انك اتيسر عليها والكل يقوم ان شاء الله بالف سلامه وسلامي للجميع وخصوصا للي ما ذكرت اساميهم تراكم في البال والقلب وما نبا زعل ^___^ ....

وحيا الله العرايس اليداد اللي انضموا لتجمعنا .... ربي ايسر على الجميع يا رب ونقوووم كلنا بالسلامه يا رب .. اممممممم وارحب باختي العزيزة بنت قطر ام نمووووووووووووري ان شاء الله انها انضمت ويانا :) وعساها تستفيد وتفيدنا بخبرتها ^___^ ....

همبايه;5846265:

ياحرووف القلب وحشتيني ياوحشه

شحالج يالغاليه ... وشو سالفتج وي العملية وليش الدكتورة حددتلج انه عمليه خلاص؟؟؟ خلي امرج على الله وان شاءالله مابيستوي الا الي فيه الخير لج

ليش انت كم مره مربية بعملية؟؟؟

انا والله روحي زايغة واحاتي هالموضوع ماتتخيلين اشكر واحاتي انه بيكون في رمضان وتخيلي بيكون عندي عرس بنت اختي بين العيدين يعني يادووب بكون مخلصه الاربعين ,,, بس ارد واقول الخيره في ما اختاره الله يمكن العمليه الي انا خايفه منها تكون اخير لي

والله كريم ان شاءالله

المهم

بيبي شوب ,, نكست ,, دبنهامز وماركس وسبنسر

كلهم تنزيلات

انا عن نفسي ما اروم ايود عمري وخذيت شوية تناتيش وردي وازرق وبرتقالي هههههههه

المولعانيه;5847370:
مســــــــــاء الخير جميعــا....

والله لكـــم وحشه..تراني ادخل اقرا ردودكـــم واطلع ع سريع خخخخخ.>>ما عندها وقت

وابصراحه هالايام ردت الحاله فيني كله رقاااد وكسل...وقمت امشي وااايد الله يعين واخر الليل احس ريلي منتفخه

تعرفون السفــر كله مشي ...وحركة النونو مب واااايد احس فيها يعني اوقات ..

في اي شهر يتم يتحرك اكثر او اي اسبوع بضبط؟؟؟؟

توتو;5847512:
[GLINT]هلا فيــــــــــكم وحشتووووووووووووووني والله
ترقبو الاربعاء ولا الخميــــــــس ان شـــــــاءالله اعرف جنس الجنين
سلاااااااااااامي لكم ياغاليــــــــــــات
روز وانتظار وام سويرة وام عبادي وجمال الروح ورونا وعيون محمد والطاف ولتونه ويـــــــــــــنك يالغاليه الله يتمم عليك ويبعد عن كل سوء

وباقي الكروشات
الله يتمم لنا ياااااااااااااااااارب ويفرح قلـــــــــــوبنـــــــــا ياااااااااااااارب[/GLINT]