تجمع حوامل الثلاث الشهور الوسطى4 - 5 - 6

روز & همبايه

انا الحمدالله بخير

والتهاب الي عندي الحمدالله خف والله لا يرده لاني اول مره في حياتي يصيدني شي جذي وكانت نفسيتي من الالم مو شي

البيبي الحمدالله بخير والله اييبه لي بالسلامه

قالوا لي جنس البيبي .. طبعا سر.. بس انا احساسي شي وقالوا لي شي ثاني

وماادري اصدق من يعني خاطري اجهز بس قلت بنتظر شوي بعد يمكن يصدق احساسي

قلت بسأل عن جنس البيبي عشان اطمن اكثر

انا حابه الاثنين الاولاد والبنات وخاطري فيهم اثنينهم

اهم شي انهم يوصلون وهم بصحة وسلامه

حروف القلب;5830391:
البقية جمعة مباركة لكم ...
شخباركم الغاليات ؟؟؟
تسلمووووووون دووووم ...
ألطااااااااااااااااف عساج بخير ؟؟؟ طمنينا عليج ....؟؟؟
همباية ؟؟؟؟؟؟؟؟
رونا ..فاشون.. انتظار.. ركايز ..توتو..جوهرة... جمال الروح.. أم عبادي.. حبيبة زوجها.. نوووووسه"إسم بنتي الدلع نوسه"عيون محمد... والبقية الغاليات الله يسهل علينا إن شاء الله

حرف_عنيد;5846239:
همباية انا نفسج احاول اخذ

لا والادهى اني انسق الاثياب بالجوتي والدلغات والقبعات للبنت

وبالاخير اهد كل شي واطلع

يعني الحين ياهل ما بيكون صاير له شهر شو يبي من القبعات والجواتي

بس العقل نعمة شو انسوي

ما انفكر في اصياحهم وسوالفهم اللي انفكر فيه شو بنلبسهم كيف بنكشخهم

فديتهم والله من الحين امخبلين فينا

هبماية شو حركة البيبي عندج هل اتحسين بالحركة عدل ولا

وانتي باي شهر الحين

همبايا ... هلا بج عمري ... شخبارج عساج بخير شو علووومج انتي ؟؟؟؟

اممم انا ولله الحمد بخير ومشية امووووري مع الحمل بس يا اختي عوار الظهر ذابحني وما اوووم ارقد الفليل .. الله يستر عقب في الثامن والتاسع عيل شو بسوي ؟؟؟ الله يستر بس ويعدي هاي الشهور على خييييييييير وريلي عفاني الله خبر خييير من يحط راسه ولا يحس ولا عنده خبر عني وانا اتويع عقب ان حس اشوي يدلك ظهري ويقولي مستوية مثل اليهال @__@ لازم ظهرج يعورج اشوي اتحملي ... بس صدق ما ارووووووم اتحرك لا يمين ولا يسار .... شفتي عاد الرياييل ما منهم فايده ^__* ...

اممم عن جنس البيبي ... الحمد لله عرفت وخبرووني انها بنوتة يا الله عقبال كل وحده تتمنى بنوتة ان شاء الله ربي يرزقها ببنوتة يا رب ... وانتي شو مسويه ؟؟ ها في شو خاطرج ؟؟؟ احيد قلتي لي هذا الحمل الثاني صح ؟؟ شراتي ولا انا غلطااانه ؟؟؟؟ الا تعالي يوم تروحين تتشرين في نكست ودبنهامز وهل الخربطااان لا تنسين تمريت علي اوكي ^__* خاطري اروووح بس يا اختي ما اعرف في اي طااابق ما في ألفلف في الموووول وعقب اذا حصلته خخخخخخخخخخخخخخخخخ .... مري علي وبنتشرى ويا بعض ^__^

همباية التوقيع مب موجود علشان جذي سالتج

لا انا اول بيبي علشان جذي متخبلة عليه واتريا اليوم اللي اشوفه وادلعه فديت قلبه


ريلي يحاتي انا كيف بربي وكيف بتصرف ويا الياهل يقول انتي بروحج يبي لج حد يدلعج ويسوي لج الحين ابتكونين ام الله يعين

يالله خواتي همبايا ام سويرة وانتظار وروز والكل الكل دون استثناء

اودعكم على خير وان شاء الله باجر الصبح اذا الله عطانا طولت العمر بلتقي وياكم واعرف اخباركم

تحياتي لكم

حرف عنيد .... وداعت الله حبوبة ... انشوفج على خير باجر ان شاء الله

سلمي لي على النونو ^__*

الله يسلمج غناتي حرف عنيد

انا بعد ماباقي شي ويخلص دوامي

يادوب بشطب باقي الشغلات الي عندي قبل لا ارد البيت

اشوفكم على خير كروشات

مســــــــــاء الخير جميعــا....

والله لكـــم وحشه..تراني ادخل اقرا ردودكـــم واطلع ع سريع خخخخخ.>>ما عندها وقت

وابصراحه هالايام ردت الحاله فيني كله رقاااد وكسل...وقمت امشي وااايد الله يعين واخر الليل احس ريلي منتفخه

تعرفون السفــر كله مشي ...وحركة النونو مب واااايد احس فيها يعني اوقات ..

في اي شهر يتم يتحرك اكثر او اي اسبوع بضبط؟؟؟؟

[GLINT]هلا فيــــــــــكم وحشتووووووووووووووني والله
ترقبو الاربعاء ولا الخميــــــــس ان شـــــــاءالله اعرف جنس الجنين
سلاااااااااااامي لكم ياغاليــــــــــــات
روز وانتظار وام سويرة وام عبادي وجمال الروح ورونا وعيون محمد والطاف ولتونه ويـــــــــــــنك يالغاليه الله يتمم عليك ويبعد عن كل سوء

وباقي الكروشات
الله يتمم لنا ياااااااااااااااااارب ويفرح قلـــــــــــوبنـــــــــا ياااااااااااااارب[/GLINT]

بالنسبه للخيل ....ساعات أقول ببيعه وساعات أقول بخليه .... خدامتي فيها حساسيه فظيعه في ايدها و ماتقدر تعتني بالخيل ... هي تسوي شغلها العادي من تنظيف وطبخ وهي لابسه قفازات ... والله خدامات آخر زمن !!!!!!! والخدامات الثانيات اللي فالبيت يخافون وأصلا ما يتكرمون يجابلون الخيل والله يكسر خاطري ...ساعات أكتشف ان خدامتي ما تحطله أكل ... مع اني كم مره هازبتنها ومنبهتنها...لكن مافي فايده ...
أقول بخليه لكن يوم أشوف اهمال الخدامات أقول ببيعه أحسن عشان ما يصير له شي وهو عندي والله بحس بتأنيب الظمير وعادي أسويها مناحه.... انتظاااار ريلي اشتراه وانا حامل ...تقريبا من خمس شهور ... يعني جذيه ولا جذيه ماقدر أركب عليه إلا بعد فتره طويييييله ...
والله محتاره .... ومضااااااااااااااااااااااااااااااااااااااااايقه الحمدلله رب العالمين على كل حال ....

السلام عليكم اخت خرزة زرقاء حاولي تستغفرين بعد كل فرض 500مرة وشوفي النتيجة اذا تأخرت النتيجة زيدي الاستغفار وبأذن الله بتلقين شقة..........

انتظـــــااااار;5842864:
-

احساس

الله يطمنك عليييه يارب ويرزقك مااتتمنين ولد او بنت

كله رضاا من رب العباااد الحمدلله

الرياضه هااذي ووش فايدتهاا للحواامل ؟؟؟؟؟؟؟؟؟؟؟؟؟؟؟

وتصلح من الاااان انسووويهاااا 000 موو بدرررري

-

حبيبتي الرياضه واااااااااااايد مفيده وخاصة اذا كنتي بكريه تساعد عضلات الرحم انها تتمدد وقت الولاده وتسهلها عليج وتساعد بعد على انج ان شاءالله ماتحتاجين خياطة المنطقه انا للاسف ماداومت عالرياضه عشان كذا احتجت للشق بس ترى مرررررررررررة مفيدة وتقوي الظهر عشان الالام اللي فيها تخف ووقت الولاده تتسهل ان شاءالله


انا الدكتورة قالت لي سويها من الحين ومرة في الاسبوع او بالكثير مرتين يكفي انا بديت اسويها المرة الاولى تقريبا من السابع بس الحين احتمال اذا رجعت من قطر الاسبوع الجاي ببدا لاني بروح هالويك اند ان شاءالله

أم سويره;5845688:
عادي حبيبتي لاتخافين

بس اذا تحاتين وايد روحي للدكتوره احسن عشان اطمنج

على قولتهم اذا البيبي تحت فهو بنوته

انا صرت مااصدق هالسوالف من كثر مااسمع

بس ان شاء الله ماعليج الا العافيه

والله خااااايفه بشكل ماتتصووورينه واذا على جنس البيبي فيني وولد..
الله المستعان

مشكورة انتظاااااار

الله يعطيك العاااااااااااااافيه

اتصدقووووووون موول ماشريت شي للبيبي فديته كل احس بعده بكير على المشترى ولا شورايكم؟؟؟

انا 12يوم ان شاءالله وادخل السابع باذن الله

مرحبـــا كروشـــات وحشتــوني

البـارحه للأسف ما قدرت ارد عليكم .. بسبب إنه يونا ضيوف ورجعت بيتيه ظهري يعورني صرنا شرات العيايز ما نقهر الشغل ..
[GLINT]
مـا شاء الله عضوات يداد شرفــونا إن شاء الله تستانسون معـــانا[/GLINT]

ريمــي إن شاء الله ربي يرزقج بالذريه الصـالحه المعــافاه من كل شر إن شاء الله و بشرينـا في حال كنت حـامل

رونــا تروحين و تردين بالسلامه إن شاء الله بنتوله عليج و ع سوالفج

ألطـــــاف وليتنـــي معـــك قطعتونـــا عسى المــانع خيــر إن شاء الله

المولعـــانيه ديري بالج على نفسج و ربي يسعدكم في سفرتكــم

حرف_ عنيد ما تستــاهلين ع السرقه بس هالدنيا مالهـا أمــان ربي يعوضج عوض خيــر و أهم شي إنج بخير و النونو بعد بخير

أم سويره هالله هالله بعمرج وحاولي شغل البيت حد يسـاعدج فيه

انتــظــار الغــاليه سألت عنج العــافيه بس بغيت اذبحج يوم عرفت شو بيصير في سنوات الضيــاع .. حتى اليوم شفته من دون نفس ودي أخرب على أمي لأنها بعد اتـابعه بس قلت بعدين حرام

خرزه زرقـاء ما تدرين يمكن في هالشي خيره لج امج تكون قريبه منج مع إنه صعب الوحده تفارق ريلهــا .. مثل ما قالوا البنات استغفري و ادعي و إن شاء الله الله ينولج على قد نيتج

رووز بشري شو خدامتــج يت و لا بعدهــا

فــاطمه اعتقد الحين حلو لو تبدين تشرين حق الصغيروني لأنج في السـابع و ما تدرين يمكن خلاف تثقلين و تكرهين الطلعــات

ركــايز و توتو و الحب الكبيــر و بارك هايين و حروف القلب و همبــايه ونوووسه و الجميــــع إن شاء الله اموركم طيبــه

رغـد;5843851:
والله شكلنا بنقلب هالتجمع لسنوات الضياع هههههههههههه

شفتو شو عجيب هالمسلسل .. وبعدين يا انتظار ,, ههههههههههههههههه رحت قلت لزوجي

انو رفيف بتموت بعد الولاده قال قاطعي التجمع ههههههههههههه خرب علينا التابع ..


أبغي اللينك أرسليه لي ,, طفشت من طول حلقاهم ,, أبي اختصر .. وشكرا ,,

-


-


[B]رغــــد


خخخخخخخخخخخخخخخخخخخخخخخ

يااااللهـ:tongue:[/B]

-

حرف_عنيد;5844763:
صبحكم الله بالخير والسرور لكل بدون استثناء

واشكر كل من سال عني

بالنسبة لي شخصيا انا ما ادخل الا الصبح وقت الدوام وبصراحة يوم الخميس بعد كنت مشغولة

يا بنات انا انسرقت وان شاء الله اقدر ارد شي من افلوسي سرقوا مني ثمانين الف درهم

بس ما راح اسكت راح اكمل المشوار والله يعيني على الاقل ارد شي من المبلغ يعني انا اذا رديت 32000 بيكون اوكي خلاص رديت افلوسي

بتقولون لي كيف انسرقتي بقول قدر الله وما شاء الله فعل
دخلت في محفظة واكيد بنات الامارات سمعوا عن السالفة محفظة احمد عبدالقادر وامنسك الريال وانسرقنا

بس ربنا فوق وراح يوفقنا ان شاء الله
بس والله انا مستصعبة روحت البنك وروحت الشرطة والسوالف هذي وريلي يلومني يقول دخلتي عمرج في متاهات انتي في غنى عنها

اوني انا طالعة فيها بصير بزنز ويمن

يالله الله كريم بس انتوا ادعوا لي

عورت راسكم من الصبح

تعالوا شو اخبار النونوات

يوم الخميس مريت المول وكان بخاطري اجهز للبيبي بس بعد مترددة صح الدكتورة اتقول لي احتمال بنت بس بعد خايفة بشوف هالموعد على 8/5 شو بيقولون لي

لاني بخاطري اتشرى لها اذا كانت بنوته بس انا بخاطري اتشرى لبس طلعة وكشخة

تحياتي لكم بشوف اخباركم بعدين لين ما اتصحصحون اشوي

-

حرف عنيد

الله يااجرك في مصيبتك ويرد فلووسك
وانشالله تطمنين على البيبيه بأذن الله


-

حبيبهـ زوجها;5845617:
صباح الخير

حد موجود اسولف معاااااه

-

حبيبة زوجهاا


موجوودين بس فاارق التووووقيت<<<< هههههههههههههه


-