تجمع حوامل الثلاث الشهور الوسطى4 - 5 - 6

مشكوره إحساس جورى على المعلومه و فعلا الكلام ده صح و قريته فى كذا موقع

هلا يالغاليه رونا تسلمين فديتج

انا بعد لسه ماشريت ولاشي مو متحمسه مالي خلق كلش خخخخخخ بس شريت شوي ملابس وسيعه عشان الجامعه والطلعات ما كثرت وحق البيبي لسه ان شاءالله في السادس او السابع ببدا اجهز

صباحكم تشيز كيك يا أحلى حوامل هههه

رووونا .. سلامتك الغالية .. هذا الغممان ما ناوي يروح عنك؟ الحين ماباقي شيء وتدخلين الخامس .. شكله الوحام طول معك .. ربي يعينك وان شاء الله يروح قريب

كل الحلوين الباقين ..... ربي يحفظكم

صباح الخير

شخباركم كلكم حبيباتي

اخاف اقول الاسماء وانسى احد

الحب الكبير ماادري بس احس ان العيايز مرات مثل الدكاتره من كثر خبرتهم

بس انا من كثر ماسمعت عن خطر النوم على الظهر صرت اخاف

ودائما اسمع عن ان المفروض ماتحطين ريل على ريل << احد سمع عنها غيري

السلام عليكم ورحمة الله وبركاته ..

شخباركم بنات

جمعة مباركة للجميع.. ربي إفتح لنا أبواب رحمتك ومغفرتك .. ربي أرزقنا بالجنة والجمع مع الأحباب والأصحاب..

رووووووووونا .. هلا الغالية إزيك... ؟؟؟ ألف حمدلله على سلامتك ..

إحساس جوري حبيبتي صح النوم موب زين على البطن بس وقت الراحة شوي ...

أم سويرة .. أختي الغالية صح ما تحطين ريل على ريل موب زين خليها دايما شوي مفتوحة يقولون علشان

يتنفس البيبي .. ربي يحفظهم لنا ويحميهم من كل شر..

ألطاااااااااف بسنا ياأختي من الكيك كل ما تناسيته يبتولي سيرته ...ههههههههههههه أبا كيك(^)

بالنسبة لتجهيزات البيبي بجهزها في نهاية الشهر السادس إن شاء الله والسابع .(a).

وبآخر هالشهر بروووووح أشتري ملابس للكرش من الوحدة مووول:tongue: ياسلالالالام "محل باباز وماماو""

بنااااااااااااااات الباقيات وينكم طمنونا عليكم:D

يسلم قلبه يعني انا اذا حطيت ريل على ريل يفطس؟؟!!

خلاص هونا مابعيد هالحركه

انا امس كنت ناويه اشتري ثياب للكرش بعد مازفتني عمتي لما شافت علي بنطلون مع انه كان مفتوح
رحت شريت لي اوفراول وبنطول حوامل و مارحت محل ثاني لاني تعبت

على قولت ريلي انتي اختربتي مافيج حيل حق الطلعه وللدواره

احس انه تو الناس على الثقل الي انا فيه بس صج ماصرت اقدر اتحرك وايد

مع انه بطني توه للحين صغير يعني كرشت بس مو ذاك الزود

السلام عليكم ورحمة الله

جمعــة مبــاركه عالجميـــــع إن شاء الله

البــارحه تطمنت على النونو و الحمدلله كل شي زين بس الدكتوره نصحتني إني اريح لأنه المشيمه نازله شوي طبعا ما عرفت بنوته ولا ولد لأنه البيبي مسكر ريوله قعدنا ربع ساعه نحاول عقب طفرت .. كــلهم عطــايا رب العالمين أهم شي يكونون بخير

ألطــاف مــســاء الفورست كيك و التشيز كيك و الستروبري كيك و كل أنــواع الكيك .. ^__^ .. عادي البارحه كنت في مارك سبنسر و لقيت كيكة شيز كيك عندهم و كلت عن خاطريه شويه يعني عادي لو تمسووون عليه من اليوم لين باجر ما بيأثر فيني بس قلبي يعورني على حروف القلب مسكينه خاطرها بكيكه .. حرووووفه قولي لي وين بيتكـــم و أنا بييب لج أحلى كيكه شيز كيك في بوظبي ^__^ كله و لا يتم شي في خــاطرج

رونــا ما تشوفين شر إن شاء الله وحــامج طول .. إن شاء الله يخلص قريب و ترتـــاحين

احساس جوري أنا هم بعد الدكتوره قالت مب زي الوحده ترقد على ظهرهــا لأنه يقل الأكسجين ووصول الدم على البيبي و أفضل جهه أنام عليهـا هي جهة اليســــار لأن القلب وقتها يضخ الدم أسرع فيوصل الدم و الأكسجين للبيبي بشكل ممتــاز

الحب الكبير أنــا موجــوده أنتي المختفيه .. انا ما يطوف عليه يوم إلا اطمن فيه على البنــات و أطمنهم ع كروشتي انتي اللي قاطعه و نحن عاذرينج بسبت الاب توب اللي غرق بالمــاي

انتظــار ادخلي لو شوي و طمنيــنا ندري عندكم إجــازة اسبــوع بس نحن مــا عطينــاج إجــازه منــا لأن ما نصبر عن سوالفـج .. طمنيــنـا عليج

أم سويره و حرف عنيد و همبـــــــــايه و ليتنــي معـــك و فــاطمه و عيون محمد و شمعــة محبـــه و المولعــانيه وتوتو و ركــايز وعروس الغبيراء و باقي البنــــات ســامحوني هالأســامي اللي طرت على بــالي و اللي ما كتبت اسمه يســامحني المهـــم إنكم بخير و عــافيه و تستـــانسون في هالويك إنـــد

هلا ام عبودي

الحمدالله انج اطمنتي عليه

وشكله خجول مايبيكم تشوفون حلاله

اشحالكم يالحوامل .. عساكم بخير و بيبيااتكم بعد بالف خير...

يابنات انا ارقد على ظهري وايد!! ليش الرقده على الظهر مضره ؟

الرقاد على الظهر يكون خطر في الشهور الاخيرة هذا اللي اعرفة ......

السلام عليكم : اخباركم خواتي :ريماس حروف القلب الطاف ام سويرة رونا الحب الكبير شمعة المحبة احساس جوري سامحوني الباقي هذا اللس اقدرت احفضهم وشلونكم وشخبار البيبيات وانا صراحة قمت اجهز للبيبيات صج باقي ثلاثة اشهر لاكن الواحد يجهز ماتدري الوحدة متى بتولد واللي مثلي حامل بتوام يمكن في اي وقت اولد والله يقومكم بالسلامة

[GRADE="00008B FF1493 00008B FF1493"]والله هذي سالفة الرقاد على الظهر معذبتنا ومخلتنا نحاتي هههه
لدرجة اني اذا صحيت من النوم وحصلت نفسي نايمة على ظهري اتهاوش من زوجي واقوله ليش ما حركتني على جنبي وليش ما صحيتني وليش وليش ههههه والرجال مستغرب شفيها هذي !!!

ام عبادي .. انا من امس لحد اليوم التهمت تشيز كيكه بحالها .. وكله من سوالفكم الحلوة اروح وارجع على الثلاجة هههه .. ياخوفي الوزن يضرب فوووووق مع اني للحين فرحانه بنفسي مازاد وزني إلا كيلو واحد بس

حروف القلب .. خلاص لا تفكرين بالكيك .. ام عبادي كريمه وماتقصر والكيكة بتوصلك ولاتنسوني اعزموني هههه

قمر بلادها .. هلا عزيزتي .. الله يحفظ توائمك الحلوين وتشوفيهم بالسلامة يارب[/GRADE]

(^)ياهي سالفة الكيك إلي ما تخلص والله إنها بقلبي بس أتريا الغالي يي من السفر وأرووووووووح أشتري كيك (^)

مممممممممممممممممممممممممممممممممممممممممممممم:eek::eek:

مشكوووووووووووووورة الغالية أم عبادي على توصيلج الكيك لي من كرمج وصل حبيبتي..:wink:

ألطاااااااااف لما تنزلين البلاد خبريني بيكون الطريج اسهل للتوصيل ... لالالالا ليش التوصيل مري عازمتنج على الكيك خخخخخخخخخخخخخ:tongue:

أم سويرة أنا بشتري ثياب لأن الكرشة ما شاء الله عليها طالعة:o لأني موش اول حمل 3ولادات و3 رميات ..
هههههههه:D

قمررر بلادها لازم الغالية تزهبين من وقت علشان ما تحاتين .. انا بزهب الأغراض بالشهر السادس ما أطمن نفسي لأن في بنتي ربيت في الثامن .:).

سلااااااااااااااامي للغااااااااااااااليات الكروشات
روز العفو يالغاليه فعلا الموقع مفيد الله يتمم لك ياعمري
وانتظار مدري وين غطستي عسى المانع خير يااااااارب
وليتني معك الغاليه مدري وايش فيها عسى خير ان شاءالله
وحروف القلب الحمدلله يالغاليه الله يتمم لك على خير
وحرف عنيد
والطاف
وريماس
والحب الكبير
ورونا
وجمال الروح
وشوشو شمعة محبه الغاليه الحمدلله بخير عساك دوم بخير وفي سعاده
وعاشقة الذوق
وام عبادي صح ولا لا والله موعارفه اقرا اسمك زين الله يتمم لك يالغاليه
وام سويرة
وكل الكروشات اللي سقط اسمهم سهوا كلكم غاليات الله يتمم لنا ويتمم لكم ياااااااارب ويرزقنا بالاجنه الصالحه
وان شاءالله تكون احوالكم على خير مايراااام يااااااااارب

انا انا بعد
ليش ناسيني

والله يا بنات امي ذبحها الضغط
مسكييييييييينه
تقعد الصبح
يا مرتفع يا نازل الضغط

وماتقدر تاخذ بندوول بكثره

الحين هي بنص السادس تقريبا

حركه البيبي طبيعيه الحمداللله كل شي تمام

الله يسهل
سبحان الله بسرعه مرت الايام

مرحبا بنات كان زمااااااااااان

بنات << الحين صرنا كروووشات

المهم وش اخباركم وكيف البيبيات انا لي اسبوع مادخلت مادري وش اخر الاخبار

وبعدين وش قصة النوم على الظهر خطر انا انبسط اذا صرت نايمة على ظهري احس على جنب

اخطر ولا ماااااعندي سالفة

الله ايامكم بالمسرات
انا بودعكم بأذن الله انا دخلت الشهر السابع لي تقريبا اسبوع او عشر ايام
احنا اسابقون وانتم الاحقون ان شاء الله
والله يتمم حملي وحملكم على خير يااااااااارب
مع الف السالسلام عليكم ورحمة الله وبركاته
اسعد لامه

سلاااااااااااااااااااااااام بنوتات اوووووه شكلي دلعتكم اقصد حوااااااااااااااااامل

عساكم بخير جميعا بدون ذكر اسماء اخاف والله انسى احد بعدين تحطون فخاطركم وتنسوني انا بعد

انتظاااااااااار الهذاره محد والله مكانها خالي وين راحت درينا عندكم اجازة وكلكم طايحين عندنا في البحرين سويتوو لنا ازمه ع الجسر وزحمه شوارع ونحن كذلك ايام الاجازات خخخخخخخخخخخ بس ما اظن عطوكم اجازة عن النت!!

وعاشقه الذووق رايحه اتجهز عاد ولا تدخل وتسأل وتطمنا عليها والله انا زعلانه عليها مادري لقت ربع غيرنا وكبر راسهااا !!

نجمه فجر حياج الله عاد مري علينا لا تنسين انشاء الله بعد شهر ونص لاحقينج..

ام عبود اي والله الابتوب غرق ومات مايتصلح ماعندي الا لابتوب اخت زوجي وذبحني مافيه الا انجليزي وما استانس الا اذا جيت بيت ابوي عشان اعبر عن مشاعري بالعربي خخخخخخخخخ

رونا موحا يلا شدي حيلج وتقوي عشان تعرفين جنس البيبي ولا تنسين تبشرينااا

السلام عليكم خواتي الغاليات...

شخباركم نع الكروووووووش الصغيرة...؟؟؟..؟؟

توتو .. هلا الغالية والله لكم وحشة لما تغيبون شوي.. المهم شو أمورج مع الحمل ..؟؟؟

توقي .. اسمحيلنا حبيبتي بالنسبة لي أنا جديدة بالتجمع .. المهم ما تشوف شر أمج الله يتمم عليها على خير..سؤال الغالية هذا شريط حمل أمج؟؟؟

هايين .. هلا والله حبيبتي لا تنامين واااايد على البطن على الجنب أفضل الدكتورة قالت لي ...

الجب الكبير .. شخبارج ؟؟؟ شو أمورك مع الحمل ؟؟ ها جهزتي للبيبي واشترتي ملابس للكرش؟؟

نجمة فجر;5760168:
الله ايامكم بالمسرات
انا بودعكم بأذن الله انا دخلت الشهر السابع لي تقريبا اسبوع او عشر ايام
احنا اسابقون وانتم الاحقون ان شاء الله
والله يتمم حملي وحملكم على خير يااااااااارب
مع الف السالسلام عليكم ورحمة الله وبركاته
اسعد لامه

الله يتمم عليج على خيررررر الغالية:)
عااااااد عدي علينا واسألي ..علشان نحس إنج ما نسيتينا .:(.
بالسلامة يارب