تجمع حوامل الشهر التاسع - فقط
فوانيس
21-01-2008
571 رد
34,334 مشاهدة
inte_o_ana;5518655:
شحالكــــــــــــــم !!!
عني لا جديد غير اني امس تعبت وايد شكلي من اكل العشا .. تميت ويع بطن و زواع و اسهال انتوا بكرامه .. وامي فديتها عطتني دوا و خف عني الحمد لله ..
من كثر التعب حسيت البيبي ارتفع فـــــــــــــــــوق مره دخل في القفص الصدري ..
ان شاء الله اذا خفيت بسير اكمل باجي الاشياء الضروريه للي ناسيه اشتريها .. وبمشيلي شويتييين عن الخاطر ..
عاطيني موعد الولاده 26 بجوف اذا بطوفه او لا ههههههههه لان الموعد الاول كان 21 و طـــــــــــــــــــاف مع السلامه ...
شو توقعاتكم !!!
حاولي اتخففين من الاكل هالفتره اذا هو مايوالمج
امم انا بعد عاطيني 22 وطاف والحين املي الوحيد 26 :ss:
حبيت انظم معاكن انا موعد الولادة 29/3 الله يسهل علينا
بس اريد اسألكن انا هاي حملي الاول
شو تنصحوني اكل شي ليسهل الولادة لاني وااااااااايد خايفه
اهين ام هيا:)
موعدج مثل موعدي الي كنت المفروض اولد فيه:)
شوفي اكلي تمر وامشي وايد عشان الله يسهلها عليج
وان حسيتي بالم الطلق اشربي لج قرفه او زعفران او الخروع وان شاءالله راح تتسهل عليج
كااااااااااااااااااااااااااااااااااااااااااااااااني
ماولدت الى الحيييييييييييييييييييين
بالنسبه لي بصبر الين الأحد لأن الدكتوره ماتكون متواجده الا الأحد والأثنين
وبشرب كل شئ يجي في بالي من اليوم
وبجازف وكل شئ على الله سبحانه وتعالى والله يكتب لي ولكم الولاده السهله
والله يابنات من يوم بطلت العسل وكل شئ بارد سبحان الله
السلام عليكم ورحمة الله وبركاته الصراحه من زمان وانا انتظر ادخل هالموضوع
الحمد لله البارحة دخلنا الشهر التاسع بخير وفي انتظار دقات الجرس في اي وقت
المستشفى عاطيني موعد 25\4 اكون كملت فيها 40 اسبوع كامله بس مادري ليش احس اني بربي في بدايةشهر 5 مع اني خلاص طفرت وولهت على شوفت ولي العهد
والحمد لله تقريبا خلصت كل شي ماعدى كفر المستشفى حقي وشوية خرابيط للمستشفى
بس انامن نص الثامن سكرت شنطة البيبي حبيبي وشنطتي انا
وان شاء الله الكل هني يقوم بالسلامه وتقر عيونكم بشوفت عيالكم
هلا كروووووووشات اخباركم ؟؟
ريمه الله يسهل عليك انشالله ويالله شربي الي تقدرين عليه على شان تولدين انشالله بالسلامه
رواظي بوظبي الله يسهل عليك انشالله
عني انا تعبت خلاص ابي اولد ماني عارفه انااااااام مثل العالم والناس كل حركه بالم ابي اولد وارتاااااااااح بس ادري تو النااااس علي وانا بكر الله يعين انشالله بس اكمل اسبوعين ولا ولدت راح اشرب الي اقدر عليه يمكن اولد هههههه
ومن الحين وانا هااااااالكه نفسي من المشي لعلي وعسى اولد خخخخخخخ
ted;5530981:
هلا كروووووووشات اخباركم ؟؟
ريمه الله يسهل عليك انشالله ويالله شربي الي تقدرين عليه على شان تولدين انشالله بالسلامه
رواظي بوظبي الله يسهل عليك انشالله
عني انا تعبت خلاص ابي اولد ماني عارفه انااااااام مثل العالم والناس كل حركه بالم ابي اولد وارتاااااااااح بس ادري تو النااااس علي وانا بكر الله يعين انشالله بس اكمل اسبوعين ولا ولدت راح اشرب الي اقدر عليه يمكن اولد هههههه
ومن الحين وانا هااااااالكه نفسي من المشي لعلي وعسى اولد خخخخخخخ
والله احس بشعور اختي تيد نفس الحاله وانا بديت امشي لعل وعسى اربي بسرعه مع اني توني دخلت التاسع
الخوالي الله يسهل عليك وعلي ونربي ونرتاااااح شوي من التعب
آمـــــــــــــــــــــــــــــــــــــــــــــــــين يارب الله يسمع منج
اهليييييييين شحالكم كروشات
اليوم كان عندي موعد بس طنشته لاني مليت من المواعيد الي مامنها فايده
وسرت الصالون وسويت كل شي من الملل
وبس هذي اخباري
ادعولي اييني الطلق باجر موعد الولاده
هلا بيك رواظي انشالله تولدين وبكرى نسمع خبر ولادتك يارب بالسلامه
بنااااات احس اليوم شكل بطني تغير كانه نزل لتحت :) تتوقعون يعني بولد قريب ولا هذا شي عادي يصير دايم :(
تيد انا نازل من السابع والى الحين ماولدت الله يعينا بسسس
وبعدين دوبك انتي لسا بالـــ 36 اسبوع بدري
انا سألت الدكتوره هل الولاده بالــ الأسبوع 37 زين قالت لااااااا
الأحسن من الــ 38 ووراء
والولاده متى ماتجي ياستي تجي ليش مستعجله قلت ونعم بالله
وباقي البناااااااااااااااااااااااااااااااات
أخبااااااااااااااااااركم
ريمه صحيح بس انا زهقت وتعبت ابي انااااااام مثل العالم والناس ماني قادره اسوي شي
بس يالله ماعلي اله الصبر والله كريم
و
ورده السعوديه
عروس متألقة
25-03-2008 | 10:54 PM
اهلين ريمه وتيد كيفكم انا معك ياريمه بس يقولون لو تاخذ الوحده يوم واحد من التاسع طبيعي انا بولادتي الاولى اخذت اسبوعين من التاسع....................
ياكروشات نصيحه لاتشربون شيئ
خل الولاده تجي بوقتها احسن
لأنه يوم وكاتبه رب العالمين
لأني أحس أن الأعشاب قبل مايفتح الرحم
بس تحرك لك الوجع وتعيشين بقلق
فريحوا انفسكم وانتظروا الفرج من رب العالمين
والله ماخليت شئ ماشربته
كل مايجي طلق اشرب وبس يجي الليل وانام يبرد
كل شئ ومن بكره نفس الشئ
أنا احترررررررررررررررررررررررت
وموعدي باقي عليه يومين ع كلام الدكتوره يومين واكمل التاسع وادخل العاشر
بنات ادعوا لي بظهر الغيب يجيني طلق من ربي ويفتح الرحم 5 سانتي وانا في البيت
واروح المستشفى واكون واصله ادعوووووووووووووووووووووا لي
الله يخليكم مااحب الطلق الصناعي
يمكن تصيب دعوه وحده منكن
والله يسهل لي ولكن ياااااااااااااااااارب قادر ياكريم
ted;5533551:
ريمه صحيح بس انا زهقت وتعبت ابي انااااااام مثل العالم والناس ماني قادره اسوي شي
بس يالله ماعلي اله الصبر والله كريم
والله بعدين ماتقدرين تنامين من البيبي لانه اذا جيتي تنامين قام
ويالله الله يعيينا ويسعل علينا وتمم علينا بخير ويصبرنا
اخت ريمه الله يسهل عليك ويتمم عليك بخير
ويفرج لك ياكريم وان شاء الله الله يسهل
بنات كيفكم انا لي في التاسع اسبوع وتوني حولت على مستشفى ثاني خوفتني الدكتورة تقول ان الجنين حجمه صغير هل هذا طبيعي ام لا لأني من اللخبطة عندها ماقدرت اسألها
كيفكم حوامل التاسع أخباري الدكتور قاللي البيبي الحبل السري متلف حول رقبة الجنين أحد عنده خلفية عن الموضوع والبيبي صغير