مرحبا يالغاليات
سرت موعدي في المستشفى
وعطوني مضاد حيوي وأدوية .. لأنها الدكتورة قالت لي عندي التهاب
وما زلت أعاني من نقص الحديد
وخوفوني من إمكانية حاجتي للدم وقت الولادة .. لا سمح الله
أسألكن الدعوة الطيبة يا خواتي في ظهر الغيب
+++++++++++++++++++++++++++
++ ختيه الغالية *ضي القمر* ++
بالنسبة لعوار الظهر
فأنا شراتج يالغالية
أعاني من الألم والعوار ولا أروم أتحرك وااايد
الله ايعيننا وايساعدنا وايسهل علينا ياااا رب
+++++++++++++++++++++++++++
++ ختيه الغالية زهور بنفسجيه ++
ابصراحة غديت أحس بالثقل .. وألم الظهر زاااااد بشكل فظييييع
أما البيبي .. فالحمدلله بخير
بالنسبة لطقم الولادة
فالصراحة شغل المحل راقي جداً
وإن شاء الله طقمي ايكون بالمستوى اللي أتمناه وأكثر
وبإذن الله تعالى بحاول أعرض صور الطقم من يجهز
أو حتى لو عقب الولادة إن شاء الله
طمنينيه عنج وعن حسوني يالغالية
+++++++++++++++++++++++++++
++ ختيه الغالية ted ++
الله ايعيننا وايساعدنا على عوار البطن والظهر
كل شي في سبيل البيبيات الحلوين ايهون
عسى ربي ايتمم لنا الحمل بكل خير وايسهل علينا الولادة
آاااامين يا رب
+++++++++++++++++++++++++++
++ ختيه الغالية اريج_خاشقجي ++
أخبارج وأخبار الكتكوتة حلا فديتها؟؟؟
+++++++++++++++++++++++++++
++ ختيه الغالية *Hala* ++
الله يحفظ لج لين وليان واتقر عينج بشوفتهن
الحمدلله أنهن بخير
الله ايطمن قلبج عليهن دووووم يا رب
+++++++++++++++++++++++++++
++ ختيه الغالية نبعه الريحان ++
أنا بخير حبوبة
انتي اشحالج واشحال البيبي يالغالية؟؟؟
+++++++++++++++++++++++++++
++ ختيه الغالية sosomedo ++
نورتي التجمع يا عسل
+++++++++++++++++++++++++++
++ ختيه الغالية &حلم& ++
حياج الله بيننا
عسى الله ايتمم لج حملج على خير ويرزقج الذرية الصحيحة السليمة والمعافاة
+++++++++++++++++++++++++++
++ ختيه الغالية feedback ++
أول شي مبرووووووووووووووووووووك دخولج التاسع
وعقبالنا
وثاني شي مبرووووووك أول ذكرى سنوية للزواج
الله ايديم المحبة بينج وبين بو فيصل
وعسى ربي ايهنيكم وتفرحون بشوفة فصولي
آااامين يا رب
+++++++++++++++++++++++++++