*Hala*;5129308:
هلا اروووجه
الحمدلله انا بخير،،
انا نفس الشي احس بالالم وكان تذكرين قبل فتره قلت في واحد من ردودي اني احس بالم (مثل الكهرب.. او ان احد قاعد يضغط علي)
:(
في البدايه خفت ونفس الشي قلت لايكون ولاده مبكره ،، بعدين طنشت الموضوع لانها تجيني بين فتره وفتره!
انا اللي الحين خايفه من الولاده المبكره،، قاعده افكر،، باقي لي اربع اسابيع على ما اطلع اجازه،، وتقريبا اسبوعين ونص على ما ادخل الثامن
وضغط العمل زايد عندي هاليومين وحتى حركتي في العمل زايده
واخاف الحركه الزايده تآثر علي،،
الله يعدي هالاربع اسابيع على خير يارب..
ولا تشيلي هم ان شاء الله مافيه الا كل الخير يارب
هاله طمنتيني حبيبتي كنت خايفه بس اعتقد انه شئ طبيعي باواخر الحمل وربي يسهلنا على خير يارب ويعدي الاسابيع الجايه على خيييييييييييير يارب بدون ولادات مبكره
تصدقين البارحه زوجة ولد خالتي ولدت ولاده مبكره وجابت ولد صغيييييير وحطوه بالحاضن مع انها سبعه اشهر و عشرة ايام بالثامن وخلااص الليل ما نمت افكر واقول لزوجي اخاف اولد مبكريالله ربك كريم
*Hala*;5126605:
هلا رسيس.. ماتشوفين شر ياقلبي :)
اااااااااه لا تحكي لي عن التعب.. اسكتي انا هلكانه صداع غير طبيعي ودوخه..!!
مادري وش السبب!!
وغير هذا الم ظهري ورجولي!!
اوف خلاص تعبت :(
انا بخير الحمدلله والبيبيات اليوم حسيت بحركتهم مره وحده بس :confused:
هلا حبيبتى لايكون معاك ضغط بس انتبهى ترى نفس الاعراض الى تجينى وفينى ضغط لاتهملين نفسك قولى لدكتورتك وليش البيبيات ماتحركو الا مره وحده الله يستر يابنت الحلال لاتتوثمين فيهم وماتشوفين شر ياقلبي
زهور بنفسجيه كيفك حبيبتى وكيف النونو ؟؟ان شاء الله تمام :wink:
فيد باك سلامتك ياحياتى ماتشوفين شر بعدين انتى تركدي على عمرك ترى الولاده المبكره صارت موضه هالايام:Dالله لايبلانا الكل صار يولد على كيفه
نبعه الريحان هلا ياحبيبتى وش اخبارك واخبار البيبي ان شاء الله مرتاحين
النفس البريئه كيفك ياحلووووه وكيف البيبي واخر اخبارك
وباقي الحلوات عساكم دووووووووووووووم بخير وماتشوفون شر حبايبي:)
بنات بالنسبه للافرازات سبحان الله انا نفسكم عندى افرازات غير طبيعيه بيضاء الله يكرمكم ونفس المعاناه في الليل احتر واصب عرق حتى انى احيانا اغير بلوزتى البس سيور وشوي اموت برد:(
دائما يقولون الحامل ماتحس بالبرد زي باقي الناس لان جسمها حار:(
feedback
مشكوره فديتج على الاهتمام .. الله يسهل علينا وعلى لجميــــــــع
*hala*
انا في الاسبوع ال 32 حاليا .. وان شاء الله بمشي من باجر .. مشكوره فديتج على الاهتمام و التواصل .. الله يسهل علينا و عليكم ...
feedback;5127374:
بنااااااااااااااات طحت على ظهري في الحمام زلقت..........ما عرف شو السالفه لا اله الا الله لاتكون عين ؟؟؟؟؟؟؟؟؟؟؟؟؟؟؟؟؟؟؟
ما تجوفين شر فديتج .. شو انتي الحين ان شاء الله احسن و البيبي اخباره !!!
سرتي العياده !!؟
طمنينا عليج !!
همس الإمارات;5127464:
هــــــــلا كروشــــات شو اخباركــــــــــــــــــــــــــــــــم؟
feedback ما تشوفين شر حبوبه وانتبهي لنفسك..............
وباقي الكروشات شو اخباركم واخبار الحمل عندكــــــــــــــــــــــم؟
هلا وغلا .. الحمد لله ابخير و سهاله ..
بس شويه تعب على ثجل + لوعه مستمره وويع ظهر .. مرات شد عضلي و اكثر الاوقات خمول ..
الحمد لله والشكر ما خليت شي :tongue:
الله يسهل علينا و عليكم .. انتي شخبارج !!
النفس البريئة;5127861:
مرحبا كروشات وش اخباركم
ماتشوفين شر فيد باك ان شاء الله خير ....
بالنسبة لي لاجديد طفش وملل وتعب وهم الله يكون في العون وبالنسبة للحر والتعرق والافرازات اذا كانت من
غير رائحة فهي طبيعي لانه مع نهاية اشهر الحمل يبدا الرحم والمهبل يتهيأون للولادة ويصير فيه افراز للهرمونات
فلا تشيلون هم وتوسوسون كله طبيعي والله يتمم على خير...
مرحبا ملايــــــن شخبارج انتي والبيبي ان شاء الله كل شي تمام !!؟
مشكوره اختي على النصيحه والله يسهل على الجميع ومأجــــــــورين ان شاء الله ..
و
ورده السعوديه
عروس متألقة
06-02-2008 | 03:20 AM
اهلين اختي زهور كيفك اليوم انا من الرياض وانتي من وين؟
اريج_خاشقجي;5128017:
سلام بنات شخباركم
فيد باك بسم الله عليكي حبيبتي اتحصني واقرئ سورة البقرة كامله كلها ساعه حسبي الله عاللي اللي شافك وما صلى عالنبي
هاله وتيد شخباركم؟؟ بغيت اسالكم انا من بداية السابع احس بضغط تحت كان راس الجنين تحت وبعض الاحيان احس بالم خفت لا تكون ولاده مبكره ولا شئ بنات طمنوني واحس بالمنطقه مضغووطه ولو نمت على ظهري احس الم بالمستقيم مدري ليش
باقي البنات نبعة الريحان والنفس البريئه و وديما و وردة السعوديه شخباركم؟؟؟
هلا بيك اروج انا بعد من دخلت السابع وانا احس بالام بس هالايام زاااااايد عندي وامس صحيت من النوم من شدة الالم ولا ادري وش اسوي مانمت له ساعتين وانا نايمه ابي انسي الام بس مافي فايده احس بالام ولا كاني نايمه :( ولا اقدر اسوي شي حتي الطبخ ماقدر اوقف اطبخ ولا اسبح
الي يعرف متي يخف هذا الام ولا راح يضل معاي للولاده احس بموت :(
في وحده قالتلي اني اتنقع بماي دافي بالبانيوا مادري زين اني اتنقع ولا لا ؟؟؟
بنااااااااااااااات طحت على ظهري في الحمام زلقت..........ما عرف شو السالفه لا اله الا الله لاتكون عين ؟؟؟؟؟؟؟؟؟؟؟؟؟؟؟؟؟؟؟
بسم الله عليش انتبهي على حالك وعلى فصولي وشدي حيلك ماباقي اله القليل تركدي واذا تحسين انك ماتقدرين خل زوجك يكون جنبك اذا تحسين انك بتدوخين ولا مابتقدرين توقفين على الاقل لمن تولدين بالسلامه
ز
زهور بنفسجيه
عروس برونزية
06-02-2008 | 04:58 AM
اووووووووووووف كله بسبب الحر صحيت من النوم وحاولت مني مناك انام ماقدرت طار نومي على اني مونائمه عدل بس اسم اني نائمه
بنااااااااات الشهر السابع والثامن خذوا كفايتكم من النوم الحين في الشهر التاسع النوم متعب ولا عندك المقدرة تتقلبين و لاتقدرين تنامين على ظهرك والله معاناه حييل :confused:
هذا غير الشد في الرجل ذابحني حييل
feedback اللهم صلي على محمد و آل محمد وش صاير فيك انتبهي ياعمري على روحك وماتشوفين شر اذا تحسين بالآلم روحي المستشفى بس اهم شي حسيتي بحركة فصولي
همس الإمارات هلا والله من زمان ماسمعنا عنك خبر وش اخر تطوراتك ؟؟
نبعه الريحان شكل اغلبنا يعاني من التعرق والحر وقت النوم ، ويمكن الافرازات بتبدأ عندك من نهاية الثامن لانه هالشي صاير معاي ومع فيدباك ومثل ماقالت النفس البريئة تهيئ للولاده
النفس البريئة زين طمنتيني والحمدلله مافي اي ريحه ولا حكه ، الله يكون في عونك
اريج_خاشقجي شدعوه ماتسئلين عني !!
ولاتفكرين بالولادة المبكره انشاء الله تعدي الشهور كامله بي اتوقع اعراضك طبيعيه لانها تصير لكل الحوامل
rasseess هلا والله انا الحمدلله و وليدي بعد بخير فديته ، اجل مسئلة الحر صايره لكل الحوامل والله شي مقرف ويملل بس يالله هانت ، كم لك الحين في الحمل ؟؟
inte_o_ana ههههههههه تدرني اعراضك ولله الحمد نفس اعراضي والله جلست اضحك على حالنا
ورده السعوديه هلا والله باهل الرياض محسوبتك من الدمام الشقيقه
تيد شخبارك واخبار الاميره ؟؟
بناااااااااات بعد العشاء كنت اجهز شنطة المستشفى وكنت لحالي في الغرفه بعدها دخلي علي زوجي وجلس يختار معاي الملابس والاغراض الي بحطهم في الشنطة ياحليله زوجي
بس اكتشفت ان في اشياء ناقصة وانشاء الله اليوم بروح معاه عشان اشتريهم
وجلس يقولي متى نشتري الحفاضاات ههههههههههه
صباااااااااااااااااح الخير بنات
الحمدلله ماا حس بألم وايد يعني نص نص ........والحمدلله ان فصولي يتحرك وهذا اللي مطمني ..........الله يحفظنا من العين يااااااااااااارب ..ونولد بالسلامه ............اميييييييييييييييييييييييييييييييييين
هلا زهوور.. شخبارج وحسووني؟
الله يعينج ع التعب وعلى قلة النوم .. معليش حاولي ترتاحي في اوقات متفرقه من اليوم..
ويالله الله يعين على دوارة السوق مره ثانيه عشان تشترين النواقص..
تيد.. شخبارج واخبار البنووته القمر؟
هلا فيد باك.. ويسعد صباحج يارب..
الحمدلله ان فصوولي بخير .. عساه دوم يارب..
وانتي بالدوام ولا بأي مكان اذا حسيتي بأي خطر
lol او حتى بدون.. اول ماتوصلي الدوام
اقرأي (اعوذ بكلمات الله التامات من شر ماخلق .. ثلاث مرات)
صبــــــــــــــــــــاح الخير ..
صباح الخير لكن جميعاً ولكل الحوامل ...إشحالكم ان شالله طيبين .. وعيالنا الصغار من اولاد وبنات اشحالهم ان شالله بخير...
فيدباك تحذري على عمرج وعلى ولدج واقري الاذكار.. تراها ترد العين والشر عنكم
زهور بنفسجيه تصدقين مشكلتج نفس مشكلتي مع الحر لاني لو صحيت من النوم خلاص ما اقدر ارجع انام .. وعن التقلب اصحي زوجي يساعدني لانه ظهرني يتم يعورني ...
*Hala*.. اشحالج حبيبتي طمنيني عليج..انا اليوم ان شالله برتب الشنطه لاني الدكتور قالي تاريخ 9 ادخل التاسع والولاده عادي تكون بعد ما تدخلين التاسع باسبوع...
ted...انا في اخر الثامن من الضغط اللي يصير تحت قمت اخاف .. اقول الضغط يعور اجل كيف الولاده والله يعينا .. ويقر عيونا بشوفة عيالنا..
ورده السعوديه.. إشحالج حبيبتي وشو الحمل معاج طمنينا..
inte_o_ana... وحياتج كلنا نشكي نفس العجايز .. بس شو نسوي مب بإيدنا عندنا اوجاع مختلفه لازم نعبر عنها...
يا حلوين خبروني شو الاغراض اللي حطيتوها في شنطة المستشفى...لا تنسون شي اذكرو بالتفصيل ... لاني كنت طابعه موضوع عن التجهيزات وما اعرف وين حطيت الورقه ...فلا تقصرون فيني...
صح لحد الحين اعلم في الخدامة بس الحمدالله تعرف على الاقل عربي لانها مشتغله في السعوديه قبل ... بس اعلمها على نظامي في النظافه والترتيب وبعد يومين بسوي لها جدول حق الاكلات... شو رايكم اوكي جيه...
feedback;5125965:
هاي كروشات شو اخباركم ؟؟؟؟؟
عاد اليوم طنشت الدوام مالي خلقهم .......قمت الساعه 8 ونص وتريقت وعينت من الله خير ورحت للمرور وحجزت موعد للامتحان ((الباركن والريوس)) وعقب مريت الكارفور اشتريت اغراض للبيت ........وهذي انا رجعتلكم بالسلامه
ادعولي اخذ الليسن قبل مااولد لان ما بقيلي شي اذا نجحت في هالامتحان خلاص اسوي امتحان الشارع واخذ الليسن...........
ههههههههههههه ذكيه توني قريت ردج هنا.... بخبرج قصتي
اول حملي خذت إمتحان الاشارات.. والحمدالله نجحت
نص الحمل بالتحديد في الخامس ... الباركن ونجحت لانه الشرطي كان طيب... امتحن لما تبركنين ما بين سيارتين وهذا النوع انا ما احبه...
والحين يوم قر يت ردج تذكرت انه باقلي المدينة ... واتصلت سيده بالمدربة علشان احجز الامتحان واخذ حصة سواقه اخيره قبل الامتحان...
ن
نبعه الريحان
عروس برونزية
06-02-2008 | 07:58 AM
صباح الخير بنااااااااات....
كيفكم اريج,, ريسس ,, ورده سعوديه ,, inte-o-ana ,,زهور بنفسجيه ,,فيد باك ,,هاله ,, wadeema,, تيد ,,,,وباقي الكروشات؟؟؟
اليوم تطلع النتيجه اااااااالله يستر بعد شوي باروح اخدها.....
امس امس طرأ عليي نشاط زاااااااايد قمت ونطفت الشقه ومسحت الغبار وغسلت الحمامات ورتبت الثياب ....
وبعد ماخلصت تميت اصيح من ظهري الى الليل وانا مو قادره وسوى لي رجلي كمادات وتم يدلكني ولا فيه فايده والى اليوم الصباح وانا مو قادره اتحرك....