نزيف الحمل !!!

اختي عليج بالراحه ولا تتعبين نفسج في اي شئ واتبعي تعليمات الدكتور والله يتمم لج على خير

اختي لا تخافين ... انا صار لي مثلج بالضبط...

استمري على حبوب التثبيت.. وماعليج شر انشالله..

بالنسبة للدم اللي ينزل عليج الحين ، لا تخافين منه دام ان لونه غامق (على بني)... بس اللي لونه احمر هو اللي ينخاف منه... واذا رد عليج لااازم تروحين المستشفى تتأكدين من سلامة البيبي..

اي... وانا ظل ينزل علي على فترات متقطعة لحد الشهر الخامس (بالذات بعد الجماع) .. بس صار عندي خبرة بالموضوع وماصرت اخاف وااايد

endless hope

مشكورة اختي لان انا اداوم
واحاول اريح نفسي على قد ماقدر ..


little kitten
ريحتيني اختي بكلامج جزاج الله خير
وبستمر على حبوب التثبيت ونشالله يوقف الدم
مشكورين

الله يعافيج اختي جواهر
والحمدلله انه الدم الاحمر قطع عنج الانه يعتبر فرش وفعلاً هذا لي ينخاف منه
بخصوص الافرازات البنيه يعتبر دم قديم وانشالله مع المثبتات والراحه يقطع عنج
اختي حاولي ماتوقفين لفترات طويله وايظاً المشي
ابتعدي عن التوتر ورفع الصوت والحركه المفاجئه
والله يتمم لج على خير

هلا حبيبتي
انا صار لي نفس الشي من الاسبوع السادس لين الاسبوع 13
كان ينزل معاي دم بني ،، وينزل الاحمر بعد الجماع او الاجهاد

الحمدلله استمريت على حبوب المثبت (دوفاستون) والحمدلله كاني بعد يومين ادش السابع،،

حبيبتي حاولي تريحي قدر الامكان وماتمشي كثير ولا تشيلي اشياء ثقيله والجماع يكون بهداوه..

الله يثبت حملج يارب..

اختي ارتاحي قد ما تقدرين
والله يقومك بالسلامه

اختي ريحي نفسج على قد ما تقدرين

مابي اخوفج بس انا من فتره اسبوعين كنت حامل بالشهر الثاني وكان ينزل علي افرازات بنيه مثل اللي تنزل بعد الدوره والدكتور عطاني مثبتات حبوب وتحاميل وقالي راح يوقف وحذرني قالي ارتاحي ولا تتحركين وايد لان هذه الافرازات انذار مبكر للاجهاض .. والله ماكتب ونزل علي دم وبعدها اجهضت لاني ما سمعت كلام الدكتور وما ريحت نفسي

حبيبتي مابي اخوفج بس انصحج تروحين لدكتورتج او دكتورج وطلبي منه ابر مثبته لانها اقوى من الحبوب وارتاحي ونامي على ظهرج ولا تجهدين نفسج ..... والله يثبت حملج يارب

اختي لا تخافين انا صار لي مثلك بالاسبوع السادس

اختي

تحملي على عمرج .. ولازم تراجعين الطبيبة

احتمال انفصال في المشيمة


مثل ماصابني؟؟؟

الله يثبت حملج ياااارب.....

تسلمون خواتي لنصايح

جزاكم الله خير