تجمع حوامل الثلاث الشهور الأولى1-2-3

حاملة القرنفل جم صار ليش من حملتين؟

chahira

مافي آلة تحت.. الدكتورة بس تحط الجهاز على بطني وخلاص
ليش بعد من تحت؟!!
اهلا اختي انا لسا في الشهر الثالث ضروري عشان اشوف البيبي يكون من تحت مايبين من البطن
انا لسا بطني ما ظهر
انا كمان قالتل الدكتورة في الشهر الرابع نشوف البيبي من بطني
انت اختي في الشهور الثلاث شهور الاولى من وين كنت تشوفي البيبي

chahira

من أول زيارة للدكتورة وطوال الشهور الثلاثة الأولى الدكتورة تحط الجهاز على بطني وتشوف البيبي

هذا الالتراساوند .. ماعندي فكرة عن اللي قصدتيه

نشوف بقية البنات إذا يسوون لهم كذا ولا كيف

هلا بالحلوات الحوامل.. شخباركم اليوم..؟؟..
شهيرة ... الله يسلمك من الشر .. ونحن بانتظارك على طول ...بالنسبة للجهاز هذا انا جربته عادي.. والأفضل تغتسلين.. ""إقطع الشك باليقين""
طعم الشهد...هلا فيج الغالية .. حيابج معانا.. ومبرووووك عليكي الحمل.. والله يتمم علينا على خير..
تستانسين معانا إن شاء الله..
الطاف .. الغالية شخبارج اليوم؟؟ عساك مع الحمل تمام؟؟ بالنسبة للجهاز إلي تسأل عنه شهيرة هو عبارة عن جهاز يحطونه تحت لما ما يبين نبض البيبي عدل في الجهاز على البطن..
حرف عنيد .. شخبارك اليوم؟؟ شو الحمل وياج؟؟
أم الأرج... الله يحييج معانا .. مبروووووك عليكي الحمل .. الله يتمم عليكي على خير..
مر الأيام ....مبروك عليكي الحمل .. الله يتمم على خير علينا ويفرحنا.. يارب العالمين..
واحمدي ربك ياشيخة ما فيكي وحمممم .. والله تعب .. عادي ههههههههه
حاملة القرنفل.... اللوعة والله بعدها فيني ...اووووووووف تروووووووح أيام وترجع..الله يعينا...
باقي البنات ويييييينكم شخباركم ؟؟؟
همباية ورموش الإمارات مالهم حس؟؟؟؟؟؟؟؟؟؟!!!!!!!!!

اختي الطائف مشكورة بس حيرتيني الكل في الشهور الاولى بيشوفو البيبي من تحت مايبين من البطن.بس مشكورة اختي .
اختي حروف القلب مشكورة على ردك.عندك حق نغتسل ونقطع شكنا.جزاكي الله خير

شهيره هو فعلا إذا البيبي صغير أو الدكتوره تبا تكون الصوره و المعطيات أوضح يسوون الطريقه اللي تكلمتي عنهــا..و مب شرط إن كل من في الشهور الأولى يعتمد على هالطريقه

ألطاف حروف القلب و سمبتيكــا حرف عنيد و باقي البنـات إن شاء الله أموركم طيبه

رونــا وينج عساج بخيـر من زمـان ما شفت ردودج

بنـات ما تيكم أحلام غريبه هالفتره أنـا كل يوم أحلم فلم و الله و أقوم الصبح استغرب من أحلامي تقولون شي واقع .. بس حد يعرف شو تفسير العبــاه آخر مره حالمــه إني لابســه عبــاه حلوه و مستــانسه عليهــا ^__^

مرحبا حبايبي شخباركم والله ولهت عليكم احس هالتجمع احسن..مب متعوده ع التجمع654

ام عبادي أنا احلامي اخس كلها حيوانات وضفادع وتماسيح و......وأكثر شي كله اشوف بنوته صغيره

الا اعرف انه نحن في فترة الحمل ناكل وعلى طول نرقد خخخ فجيه ارقادنا يكون ثجييل...

حرووف القلب شكراًعن سؤالج عني...انا الحمد لله بخير و الحين يومين بقالي و ادخل الثالث و هذا حملي الثاني...
أما بالنسبه للآله الي من تحت يوم رحت لدكتوره قالت تريدين تسمعين نبضات القلب قلت لها هيه قالت من تحت أحط الجهاز بعدين رفضت

اختي نوور العيون انا في حملي السابق كانت الدكتورة تسمعني نبض الجنين بس بجهاز مثل المايكروفون تحطه على بطني من فوق واللي اعرفه ان الجهاز اللي ينحط من تحت يكون ادق اذا كان الجنين صغير او موباين الكيس فيه جنين او لا يعني التراسوند.

مر الأيام;5527798:
انا لحد الحين دخلت الشهر الثاني..يعني توني داشة بس ما بدت ويايي اعراض الحمل الثقيلة مثل الترجيع

هالشي عادي ؟

((((مر الايام)))) نصيحتي لك اول مايبدى وحامك على نص الثاني او بدايت الثالث


على طول تاخذين حبوب الغثيان اللي تخص الحامل وحده بوحده


وعلى قولتهم اسال مجرب ولا تسال حكيم :tongue::wink:


وتمنى لك السعاده وراحة البال


ومشكوره(( لطوفه)) على ترحيبك فيني ياعسل:D:D

المولعـانيه يقولون اللي تحلم البينه معنـاها ولد و الله أعلــم ^__^

حبيباتي انا ابغاء اسالكم ........................؟؟؟


انا في حملي هاذا اموت بالحوامض والمخلاات وهاذ طبيعي صح...لاكن.....؟؟؟


صايره اموت بالحوار والشطه مع اني ماكنت احب الحوار..........


والحوار تصلح للحامل..........؟؟جاوبوني

ويسلمووووووووووو

صباح العسل لكل الحوامل

الله يعطيكم الصحة والعافية ويسهل عليكم الوحام

انا حابة اكون معاكم واشارككم الحلوة والمرة

وانا حامل بشهر الثالث

مشكله هالوحم اللي مو راضى يفكنى >>> الله يعين بس

أخواتي الغاليات في تجمعنا الغالي

أسعد الله أوقاتكم جميعا بكل خير

المولعانية وأم عبادي

الأحلام ماشاء الله كثرانه .. وحتى أنا أحلم اني جايبه بنت ومنيمتها بحضني >>> يمكن لأن نفسي أجيب بنت

طعم الشهد

حتى أنا مثلك أحب الحوامض والشطة مع اني قبل الحمل كان عادي
بإذن الله مافيها ضرر .. بس حاولي ماتكثري منها بزيادة

طـيــ الشرقيه ــف

هلا ومرحبا .. الله يثبت لك حملك ويتمم لك على خير
الله يخفف عنك الوحام وتفتكين منه قريب بإذن الله

طعم الشهد;5533856:
((((مر الايام)))) نصيحتي لك اول مايبدى وحامك على نص الثاني او بدايت الثالث


على طول تاخذين حبوب الغثيان اللي تخص الحامل وحده بوحده


وعلى قولتهم اسال مجرب ولا تسال حكيم :tongue::wink:


وتمنى لك السعاده وراحة البال


ومشكوره(( لطوفه)) على ترحيبك فيني ياعسل:D:D

مشكورة عالنصيحة
بس من طبيعتي ماحب ابلع حبوب :ss:

أنا أمس كتبت إن عندي لوعة من غير ترجيع وبدى عندي الترجيع أمس تغذيت وقمت أرجع :ss:

و ما أشتهي آكل شي.. وقت الوجبة بالنسبة لي عذاب :ss: الله يعينه على هالفترة ياااااا رب وتعدي على خير.

أخوات بسألكم عن الافرازات عادي بداية الحمل يكون في افرازات بيضا غلييظة؟؟ عندكم هالشي؟؟

um_3bade;5532567:
شهيره هو فعلا إذا البيبي صغير أو الدكتوره تبا تكون الصوره و المعطيات أوضح يسوون الطريقه اللي تكلمتي عنهــا..و مب شرط إن كل من في الشهور الأولى يعتمد على هالطريقه

ألطاف حروف القلب و سمبتيكــا حرف عنيد و باقي البنـات إن شاء الله أموركم طيبه

رونــا وينج عساج بخيـر من زمـان ما شفت ردودج

بنـات ما تيكم أحلام غريبه هالفتره أنـا كل يوم أحلم فلم و الله و أقوم الصبح استغرب من أحلامي تقولون شي واقع .. بس حد يعرف شو تفسير العبــاه آخر مره حالمــه إني لابســه عبــاه حلوه و مستــانسه عليهــا ^__^

أوووه الأحلام أنواع وأشكال :D أذكر مرة حلمت إني لابسة عباية ،، وكذا مرة أحلم إني حاملة بنت صغيرة في حضني بس مرة حلمت بولد ما شاء الله تبارك الله فلقة قمر :)
هذا أول مولود واللي يجي من الله حياه الله .

السلام عليكم ورحمة الله و بركـــاته أخبــــاركم بنوتـــات عســـاكم بخيـــر

طعــم الشهــد أنا في حملي الأول مثلج ما في شي حـامض و لا مـالح ما كلتـــه بس بعدهــا تعبت كليتيــه لأنه تدرين زياده الملح تسبب التهـاب بالكليه حاولي تــاكلينه باعتــدال و عليــج بالمــاي أنــا أعاني حاليا لازم أشرب أكثر من 2 لتر بس شو نسوي عشان انطيب

طيف الشرقيــه كلهــا مرحلـه و تعدي إن شاء الله من تدخلين الرابع او حتى في آخر الثــالث يخف الوحـــام و كل شي عشان البيبي يهــــون

ألطاف حبيبتـــي و الله كلنـا أحلامنــا غريبه انا حتى عبدالله أحلمه هالفتره تدرين يوم شفت إني دخلت الرابع اليوم استـانست عاد أنا مب طالعه من هنيه إلا ايدي بإيدج متى ما تقررين تروحين التجمـع الثـاني عطيني خبر ترى استحي أدخل بروحي ^__^ على طاري الشهر الرابع ينفع الحين ابدأ آخذ الفيتامينـات اللي عطتني اياهم الدكتوره و لا اتريا لين ما ادخل الاسبوع 14 و ينفع أكمل معاهم الفولك اسد و لا اوقفه أتمنى إنكم تفيدونــي

حــامله القرنفــل الافرازات تكثر خلال فترة الحمـل بس أهم شي إنه ما يتغير لونها و ما يكون الهــا ريحـــه .. أمــا عن الترجيــع هذا شي لابد منــه بس أنا الحمدلله في حملي هذا ما رجعت كثر حملي الأولي و الحمدلله على كل شي هي فترة و تعدي إن شاء الله أما عن الأحلام الظــاهر كلنــا نعــاني من هالظــاهره يبالنــا نيب مفسر أحلام في تجمعنــا و كل يوم وحده منــا تي و تقوله حلمهــا و يفسر النـــــا

حاملة القرنفل;5537590:
أنا أمس كتبت إن عندي لوعة من غير ترجيع وبدى عندي الترجيع أمس تغذيت وقمت أرجع :ss:

و ما أشتهي آكل شي.. وقت الوجبة بالنسبة لي عذاب :ss: الله يعينه على هالفترة ياااااا رب وتعدي على خير.

أخوات بسألكم عن الافرازات عادي بداية الحمل يكون في افرازات بيضا غلييظة؟؟ عندكم هالشي؟؟

انتين اي شهر؟

انا بعد تنزل مني افرازات احيانا تكون غليظة
حتى افكر اروح للدكتورة اقوليها عنها

أنا يا مر الأيام في نص الثاني