تجمع حوامل الثلاث الشهور الأولى1-2-3

بنات الحال من بعضه ملل وتعب وانا مليت من الدوام



يالله الله يصبرنا ويسهل علينا



بس بنات تصدقون احلى شي الشهور الوسطى احس اكثر شهور راحه ؟؟؟

[GRADE="32CD32 FF1493 32CD32 FF1493"]يغار الحلى

سلامتك وماتشوفين شر

أما بالنسبة للوزن انتي على الأقل الحين في البداية وان شاء الله راح يزيد وزنك

اما انا كان مثلك نفس الشيء 53 ولما حملت ووزنت اول مرة كان 49 والحين أنا بعد كم يوم بدخل الشهر الرابع ولا يزال وزني 49 !!! تخيلي[/GRADE]

سلاااااام عليكم

أخواتي أنا معاكم في الشهور الأولى،،،وكان لي تجربة إجهاض قبل

أسأل الله أن يثبت حملي ويتمم لي على خير ،، بسألكم أخواتي هل ممكن الحامل تحس بنبض الجنين من البداية يعني مثلاً لين تمت 6 اسابيع ممكن تشعر بنبض الجنين؟؟

يــ غ ــار الـحـلــى QTR;5481353:

شخبــاركم بنــااااااااات


أول أمس رحت للدكتـوره


وهـذا اللي صـار معــي :confused:


أول شي سوت لي تحقيق كم عمرج كم عمره من متى متزوجين اخر دوره ومن هالكلام


عقب قالت نبي ناخذ ضغط دمج ووزنج وبنسويلج تلفزيون يمكن مايبين لان انتي توج بس بنتاكد


اكثر بعد اسبوعين وعطتني موعد


المهم جات الصدمه قالت لي كم وزنج قلت اخر مره قست كان 54 او 53


يوم وزنتني طلـع 49 وظغطي نازل وايـد عصبت علي وعصبت على ريـلي تقـوله هذي شلون


بتحمـل تشيل بيبي في بطنها وهي موقادره تشيل نفسها لازم تاكلونها مافي ماحب ماشتهي


عطتني حمض الفوليلك حبوووب اكلها مره في اليوم لمده 3 شهور


وقالت لي لازم على الاقل اشرب لتر ونص ماي كل يوم واممممم وابتعد شوي عن الدهون


والسكريات بعدين قالت الاكل ثم الاكل ثم الاكل


وطلعنا منها وانا ضايقه قلت لازم اشد على نفسي شوي وازيـد اكلي مب حـاله شنـو وزني 49


وانـا للحـين مب حاسه بالوحــام بس يابنــات ذابحنــي الصـداع مايفـك راســي


أمي كل شوي مدخنتني بسويـده وللحين احس بألم عـادي اكـل بندول حبه وحده ؟؟

أنا أسمع واجد حوامل يقل وزنهم بداية الحمل،، بس إنتي عليج بالأكل الصحي هالله هالله بالتغذية

أنا بعد أحس وزني ناقص ومشكلتي ما أشتهي آكل بس أغصب روحي تغصب على الأكل :ss: الله يعين

والبندول ما أنصحج فيه حاولي تريحين، بسالج لما سوو لج تلفزيون بين كيس الحمل لو لا لأن توج بالبداية؟؟

بنات السلام عليكم ورحمة الله وبركاته..:Y_hi_3:.:salam:
شخباركم اليوم ؟؟ عساكم بخير ..؟؟..
بالنسبة لي رحت الطواريء .. علشان الحساسية بسم الله عليكم حكة في إيدي وريلي.:sm2441:. وعطوني إبرة مهدئة للحساسية:(.. وقالت لي روحي البيت على طول نامي .. لأنها ترقد.:ss:. وخذوا بعد تحليل دم منى.. إجراء عادي.(y). وعطتني حبوب للحساسية ..ولوشن .. وبالإضافة لي جل للصدر بعدحكة خفيفة +حبوب صغيرة على الحلمة.:o.
ورجعت البيت تغديت ونمت مع بنتي ..:21_162:.
طولت عليكم .(r).
رووووووووونا حبيبتي.. إزيك وإزي النونو.. موش راح أحسدك ماماتك معاكي.. ربنا يخليها ليكي.. تونسك .. :21_104:يسلالالام..كل سنة وإنتي طيبة ..
ألطاف الغالية .. شخبارج؟؟ وشو أمورك مع الحمل؟؟ إن شاء الله تمام..والله أشتاق للتجمع دايما ..:yahoo:
أختي همس.. انا بعد الدكتورة قالت لي عندج كيس على المبيض طالع ويا الحمل .. 5سم.. وبروووح لما يكبر الحمل.. وبشوف الزيارة الجاية :think:.. الشهر الجاي .. إن شاء الله ..
بس سؤال شو قالت لج الدكتورة الثانية عنه؟؟؟
هانية أختي .. ياريت تكونين حامل ونتونس مع بعض بالتجمع أكثر.:JUMP:.
يغار الحلى.. فيه بندول ثاني ممكن تاخذينه .. إسإلي الطبية عنه .."بناكير".. أعتقد جيه إسمه ..عطوني إياه بالحمل السابق:sm229:..

:2_106:همباية وينج؟؟؟

حاملة القرنفل;5485020:
سلاااااام عليكم

أخواتي أنا معاكم في الشهور الأولى،،،وكان لي تجربة إجهاض قبل

أسأل الله أن يثبت حملي ويتمم لي على خير ،، بسألكم أخواتي هل ممكن الحامل تحس بنبض الجنين من البداية يعني مثلاً لين تمت 6 اسابيع ممكن تشعر بنبض الجنين؟؟

الله يحييج بالتجمع أختي:wavey:.. والله يثبت حملج ويتمم علينا على خير..
لا حبيبتي ما تحس في هذي هههههه غازات البطن .:o. إلي نحس فيها .. بتحسين في بالشهر الخامس بدايته..إن شاء الله (a)..

^SamBateeka^;5482711:
بنات الحال من بعضه ملل وتعب وانا مليت من الدوام



يالله الله يصبرنا ويسهل علينا



بس بنات تصدقون احلى شي الشهور الوسطى احس اكثر شهور راحه ؟؟؟

الله يصبرنا يارب ويخفف عنا.:wink:. هي الشهور هاي صح شوي أحسن..

هلا حبيبتي حروف القلب سلامتك ما تشوفين شر.............
بالنسبه للدكتوره الثانيه قالت لي ان شاء الله راح يضغط الجنين ويصغر ويختفي لان كل ما كبر حجم الجنين يضغط على الكيس........
وعلى فكره حروف اسألي دكتورتكي اذا مثلا كبر تسوي عمليه فتح بطن؟؟؟ لان الصراحه الدكتوره الاولى مسويه لي صدمه ودي اطمئن اكثر....

[GRADE="FF1493 32CD32 FF6347 32CD32 FF1493"]صباحكم عسل

حاملة القرنفل

هلا ومرحبا بك معنا في التجمع .. ربي يثبت حملك ويتمم لك على خير

حروف القلب

سلامتك حبيبتي ماتشوفين شر .. الله يسلمك ويعافيك

^SamBateeka^ .. همبايه .. ~همس~ .. رونا موحا .. وكل الحبايب .. أتمنى انكم بأحسن حال[/GRADE]

صبـــااااااح الــــووورد يابنـــــاااااات


جمــعه مبــاااااركــه


ع الجميـــع


بنــااااات انا الاسبـوع عنـدي مـوعد مع الدكــتوره


انا في بدايــه الثــانـــي



مـتى أقـدر اسـوي تصـوير التلفزيــوووون ؟؟

الطاف حبيبتي

ممكن تسوين ليي شريط الحمل اذا ماعليش امر

اخر دورة لي تاريخ 13/2

واخر يوم فيها كان تاريخ 18/2

السلام عليكم

أول شي أحب أقوله وحشتوووووووووووووووووني مووووووت و الله تولهت عليكم ... اشكر كل من سأل عني في غيــابي و ما شاء الله الله أكبر في عضوات يداد التحقوا لتجمعنـــا فحبيت أبارك للجميـــع و ادعي لنا كلنـا إن الله يثبت حملنــا و يسعدنا بشوفت عيــالنا

[GRADE="32CD32 FF1493 32CD32 FF1493"]مر الأيام

من عيوني حبيبتي

هذا الشريط تبعك .. بس ترى انتي ماخبرتيني كم طول دورتك وعلى هذا أنا حسبت على أساس انها 28 يوم

إذا مو كذا خبريني وأسوي لك شريط جديد

احفظي الصورة بجهازك وبعدين نزليها بالتوقيع[/GRADE]

um_3bade

هلاااااا ومرحبااااااااا

طولتي الغيبة .. شو أخبارك وكيف البيبي وكيف الوحام راح ولا بعده؟

وانتي بعد وحشتينا

اهلين خواتي انا الحين في الثالث من حوالي اسبوع والله يتمم علينا جميع....واني اتحرى شوفة جنيني في حضني ..........يارب خلص هالاشهر على خير............

بنات انا في الشهر الثاني
الحمدلله
بس ماعندي اي وحام وخايفه مررره

~همس~;5488676:
هلا حبيبتي حروف القلب سلامتك ما تشوفين شر.............
بالنسبه للدكتوره الثانيه قالت لي ان شاء الله راح يضغط الجنين ويصغر ويختفي لان كل ما كبر حجم الجنين يضغط على الكيس........
وعلى فكره حروف اسألي دكتورتكي اذا مثلا كبر تسوي عمليه فتح بطن؟؟؟ لان الصراحه الدكتوره الاولى مسويه لي صدمه ودي اطمئن اكثر....

هلا الغالية .. شخبارك اليوم؟؟ عساك مع الحمل بخير؟؟:wink:
الله يسلمك من الشر :).. بصراحة أنتظر الموعد الجاي في16 إبريل وعلى نار والله أريد أطمئن على البيبي(a) وعلى الكيس.. وبسألها إن شاء الله:D ..

هلا بنات شخباركم .. جمعة مباركة عليكم ..
ألطاف شخبارك اليوم؟؟ وشو الوحام معاج ؟؟ خف ولا؟؟أقول الغالية شريط الحمل حاسب لي غلط .. على حسب حساب السونار لآخر زيارة لي في 12\3 أنا لازم يطلع بالشريط إني في الأسبوع ال11 و5 أيام .. يعني ممكن أحسب دورتي ل 28 يوم موش 26 يوم صح؟؟؟
رونااااااااااا .. فينك اليوم ؟؟ إزيك وإزي النونو والماما؟؟ إن شاء الله تكونوا بخير..
همباية.......... وينج ؟؟ شخبارج مع الحمل؟؟
رمووووش الإمارات ماتبينين وينج ؟؟ طمنينا عليج؟؟
شفاف .. ألف مبرووووووك على الوحام وادعي الله ما يكون وحامج متعب؟؟ الله يتمم عليج على خييييير
ريماس3 .. هلا فيج .. ربي يناولج إلي في بالج من خير ..
أم عباد.. هلا أختي ..والله يبارك في حياتك.. والله يتمم علينا إن شاء الله ويسهل ولادتنا يارب ..ويرزقنا الذرية الصالحة يارب العالمين...
:9_33: :9_33:

مرحبــا ألطــاف و بــاقي البنـــات .. حبيبتـي لطوفــه الحمدلله الوحــام أخف عن قبل و يكـاد لا يذكر و لله الحمــد بس و الله خـايفه من نقطه وحده كل ما أروح اصور يقولون البيبي صغير أنـا آخر دوره لي كانت 18-12 من ثلاث اسابيع قالوا لي البيبي 9 اسابيع و يومين يعني ناقص اسبوعين من حساباتي يعني الحين يكون بحساب المستشفى 11 اسبوع و خمس أيـــام .. ترى لا اطالعون التوقيع لانه مش مطـابق مع كلام الدكـاتره و الله خايفه لانه عبادي نفس الشي كانوا يقولون لي صغير صغير و في النهايه يا تعبــان و ما عاش الا 58 يوم الله يعلم بلي احسبه الحين .. بس مالي غير إني اشكر ربي و ادعي إنه البيبي يكون بخير تكفون بنات لا تحرموني من دعـاكم

أم عباد الله يرزقج بالمولود الصالح ويفرح قلبج وقلب كل إلي يحبج.. اللهم آمين