ممكن سؤال للمتزوجات فقط

فعلا اختي صدقتي

وانا شفت من هالأشكال كثير

تتباهى باللي تسويه مع زوجها

او اللي يسويه لها

بصراحة مااحب هالنوع من النساء ابدا

عذب القوافي;5007294:
هلابك

واشكرك على هذا الطرح

انا ضد ان تتكلم الزوجة او الزوج عن العلاقة الخاصة حتى مع اقرب الناس لهم

وهذا الكلام مفروغ منه خطأأأأأأ

لكن لما الزوجة تتكلم عن زوجها كسوالف عادية انهم سافروا او تعشوا او اشتروا....او ....او

انا اشوفها احسن بواجد من ان الوحدة تتكلم بسيرة الناس

فليش المطلقة او المتأخرة بالزواج او الأرملة تاخذ الموضوع بحساسية .....

يعني من موزع الأرزاق مب رب العالمين

اذا انا عانس لازم احرم وامنع الناس من سوالفهم العادية اليومية الزوجية عشان شعوري

ليش

ليش انا وغيري وغيري ما اكون واقعية ومنطقية وارضى بالي قسمة لي ربي

بالعكس تمنوا الخير حق خواتكم عشان الله يرزقكم خير مثل مارزقهم

اعتقد السبب كثرة الخيانه عند الازواج وكثرة الكلام عن الزوجه الثانيه
الحرمه قدام اهلها وهل زوجها وبذات الحموات واسلايف اتكابر وداري
مصيب الزوج وبلاويه انها اتبالغ ابعلقتها معه ونها عيشه احسن عيشه
وهذا من تجربتي من الزواج

اشكرك على هذا الطرح للموضوع,و صدقتي يا اختي هذه الكلام الذي يدور في بيت الزوجية بين المرأة وزوجها وخاصة كلام غرفة النوم لا يجوز بأن تتكلم عنه الزوجة حتى لأقرب الناس حتى لأهلها وأهل زوجها فما بالكم للناس لأنه هناك مايعرف بأسرار الحياة الزوجية التي حثنا الله ورسوله عليه افضل الصلاة والسلام بحفظها وعدم البوح بها,, وكل زوجة تفشي بأسرار بيتها ستأثم,, وأسأل الله ان يهدي جميع الزوجات وان يحفظن اسرارهن الزوجية والله يهدي الجميييييييييييييييع,,:rolleyes:

فعلا ياختي ليش صارو الحريم ما يتكلمون الا عن ازواجهم وايش يسوون مع ازواجهم مع انهم لو تكلمو في اساليب الدعوة الى الله وكيف يمكننا ان نقوم بدور الداعيات فنامر بالمعروف او ننهى عن المنكر في مجتمعات صارت فيها الماده تطغى على كل شئ وصار كثير من الناس في غفله اجارنا الله منها وجزاك الله خير على الموضوع

فيه سوالف عادية مسموح بها وفيه سوالف خاصة ما تنقال لاحد وحتى العادية مو مع اي شخص يتكلموا عنها

اشكر طرحك لهذة المشكلة
فعلا ما بيتكلمو غير عن الخصوصيات
تااه يهديهم و يهدينا معهم

مشكوره يالغاليه
وفعلا اول شي حرام ان الانسان يتكلم عن خصوصيات العلاقة بين الرجل والمرأة
وحتى لو تكلمت عن الاحداث اللي تدور بينها وبين زوجها الا شرا والا حط والا قال والا رحنا ماله داعي
الناس ماتعطي خير وتصير المقارنه ليش زوج فلانه يسوي جذي وانا زوجي مايسوي جذي او مايقول هالكلام



دمتم سالمين
اختكم شريفة

ماشاء ما توقعت إني ألاقي الكم الكبير من الرد انا قت الموضوع فاشل

المهم بحكم وظيفتي في مجتمع حريمي ما يجتمعون إلا وريلي سوا وريلي راح وريلي يا أنا ما اقول ها الشيء من الحسد لا والله بس هاي مواضيع تافهه ما نستفيد منها

الدنيا مليانة مواضيع ما إلا فلانة عرست فلانة سوت مع ريلها فلانة ريلها سوالها شووو اتمنى اتمنى أيلس في تجمع حريمي ويكون ما فيه ها المواضيع حتى لدرجة الدروس الدينية اللي تلقيها بعض الحريم لااازم تدخل مثال حي لها الشي

طيب ليش لا تعتبرون كلامي فيه شيء من الحسد لا والله بس يا أخوات ترا والله صرت أأشوف بلاوي من ورا ها السوالف وفي فريجنا من زود الحرمة تتكلم عن الخصوصيات يا هي تدخل في مشاكل يا اللي تسمع تقارن وتدخل في مشاكل مع ريلها وتطلق

خواتي المتزوجات نصيحة من أخت في الله خلوا ها السوالف محطوطة في صندوق ما أحد يدري عنه أحسن لج وأحسن للناس ترا صدفيني ما في أحد مستفيد من سوالفج عن ريلج

ليش شو فيه الرد