اكره ام زوجي,,,نعم اكرها

السلام عليكم ورحمةالله وبركاته

بدخل في الموضوع على طول.

خالتي ام زوجي كنت احبها موووت ولمجرد ماأدخل غرفتها يالله كيف نفسيتي ترتح اعتبرتها زي امي وهي بعد كانت حنينه علي وفجأه صارت اي مشكله بين اولادها لازم تدخلني ف السالفه وتقول في كلامها كفايه اني مستحمله (فلانه) اللي هي انا وكنت اسمع اسكت وادخل غرفتي

ومره من المرات دق جرس البيت تجي الشغاله تقولي في حرمه جت وتريدامي زوجي ,وكانت ام زوجي موموجوده في البيت استقبلتها ورحبت فيها ودخلتها الأستقبال وقلت لشغاله تسوي لها عصير وجلسنا نسولف وبعدهاأستأذنت من الضيفه عشان اجيب ابني وعمره اربعه شهور ولمارحت الصاله حصلت زوجةاخوزوجي بتسالني الحرمه جت رديت عليها وقلت ايوه قالت قدمتي لها شي قلتله اكيد ضحكة قالت ان خالتي اتصلت فيها وقال في حرمه بتجي وقالت انها تستقبلها ,وبعدها جت خالتي واستقبلت الحرمه وبعدماالحرمه مشت قالت ل زوجت اخوزوجي مره ثانيه اي حديجي استقبليهم انتي لأنك تعرفي الواجب احسن من( فلانه)

ومره الظهريه بعداصحاب البيت ماتغدو وكل واحد راح ينام الا يدخل ابني عمره 5سنوات بيبكي وبكاءه صحى زوجي من النوم وقام عصبي وخبره ان زوجة اخوه ضربته وطلع الصاله وسألها ايش اللي صار قالت روحو ربي ابنك الأول وبعدين اسألني الا وتهاوشو وطلعت انا من غرفتي عشان اهدي الوضع وتجي ام زوجي تشتم زوجي في كلام ما اقدراقوله ودخلتنني انا في السالفه وقالت لي برع طلعي قدام اهل البيت كلهم والله العظيم مارديت عليهاشليت ابني من فوق هالصياح ودخلت غرفتي وجلست وبكيت ودخل زوجي ونام وماكأنه شي صار..والله العظيم بعدنص ساعه نسيت كل الي صار ويادارمادخلك شروطلعت الصاله من بعد العصروحسيت خالتي بعدهازعلانه مني وبعده رحت لأهلي ازورهم وبعدماسلمت عليهم حسيت انه في شي صار وخبرتني اختي ان ام زوجي جت عندهم وبتصرخ وقالت لأبوي اذا عندك كرامه روح شل بنتك انا ماأبغاهافي بيتي وصراخها كان عالي لدرجه واحدمن الجيران بيسأل ايش اللي صار وابوي للأسف بيترجها تسكت وكل شي يجي بالتفاهم وابوي رجال كبيرفي السن لدرجه نزل الغتره تحتها..يالله كل هذا ومن وراي زين ايش سويت مشكلتي كتومه ومااقدر ادافع عن نفسي سألتني امي يابنتي ايش سويتي حلفت له بالله علمي من علمها ماسويت شي وبكيت حضتني وقالت انا اعرفك هاديه ومسالمه بس اعتذري لها مهماكان هذه جدة اولادك وفعلا اعتذرت منها وحبيتها ع راسها

وامس صهرتي اخت زوجي متزوجه وعايشه معنا صفعة ابني الصغير عمره سنتين لأنه كب كأس مويه ع السجاد سكت وماقلت لها شي وبكى ابني ورجعت صفعه يمين وشمال وهوبيبكي ماتحملت قلت لها يافلانه هذا طفل ولاتصفعيه كذا قامت وصفعته مره ثانيه واول مره رديت وماادري كيف حتى رديت لها قلتلها لو صفعتيه مره ثانيه باكسرايدك

وياساتر ألطف بعبادك تصرخ ام زوجي ودافعت عن بنتها وسبتني وكالعاده طردتني دخلت غرفتي وهي تصرخ وانقلب البيت نيران واجتمعوا اهل البيت من صراخها وبيهدوها تصدقون تريد تتصل بالشرطه عشان شيلوني لولااولادها وزوجي ماكان موجود ساعها وجاء اخو زوجي الكبير وبيسألها ايش الي صار قالت شتمت وسبت بنتي وكانت تريد تضربها وانا في غرفتي باسمع الصراخ وجسمي بيرتجف ودموعي جرحت خدي ورحت من دون شعور ونسيت لاحط الشيله صح على راسي وفتح باب غرفتي الااحصل اهل البيت من صغيرهم لكبيرهم ف لصاله وقلت لهم بأمانه لأحديشهدزور علي انا شتمت فلانه (اخت زوجي)ماحدردخوفامن خالتي ,حلفت بالله العظيم ماسبيتها بس قلت لاتضربي ولدي والابأكسرايدك وانا خلاص مابأسمح لأ ي مخلوق يضرب اولادي....

وكل هذا وانا قلبي انجرح ومات من ناحيت ام زوجي لدرجه اني دايم اشوفهافي الكوابيس احاول اقتلها للعلم هذا الحلم دايما يتكرر..خلاص كرتها

وارجوكم واسوني ولاتزيدو علي اكثرمن كذا....