بنتي تعبتني مع الحليب تعالو شورو علي فديتكم

أختي يمكن تكون الفترة بين الرضعات متقاربة ولما تعطيها الرضعة اللي بعدها تكون بعدها شبعانة وماتقبل عليها...
والله أنا ماستخدمت لولدي غير حليب نان وماعندي فكرة عن باقي أنواع الحليب وإن شاء الله الأخوات يفيدونك...

ابصراحه حليب نان روعه اذا ما سببلها امساك وها السوالف ...


ف اذا مناسب بطنها عادي لا اتغيرينه ... ما شالله بنتج ثلاث اشهور وااوكي اذا تشرب لين 90

انا بنتي بتدخل الشهر العاشر وما تشرب الا 100 او 120 ..

والحمدالله على كل حال ....

أختي انا ما عندي فكره كبيره عن الحليب الصناعي بس اللي اعرفه انه طفل عمره ثلاث شهور ترضع حوالي 60-90 مل في الوجبه فأعتقد انه طبيعي

خصوصا إذا كان وزن بنتك طبيعي

رانيا فديتج بنتي اتم جريب الاربع ساعات او الخمس وما تيوع عشان جذي اقول يمكن ما تحب الحليب او نوعيهة الحليب
ومشكوره على ردج حبيبتي

ريم الدماني فديتج ياليت تشرب ال 120 كامله واذا صار وشربت هذا نادر واتم بالاربع او خمس ساعات ما تشرب

وحتى ال 60 مل تعذبني لين تشربه

الله يعنا ان شاء الله وشكوره حبيبتي ما قصرتي

ريم 81

والله مادري اذا طبيعي او بس المشكله والله ما تخلص الرضعه اتم بزور لين ما تخلص وهذا اذا خلصتها وانا بعد مو حابه اغير لها الحليب لأنه خفيف وزين .

نظمي مواعيد الرضعه وخليها بالضبط كل 4 ساعات ماتزيد وبعدين شي طبيعي تشرب لل 90 سم واذا كان وزنها طبيعي ليش تبينها تزيد

انا استغرب من الامهات اللي تدور على حليب يمتن اطفالهم المتن للطفل غير صحي اهم شي صحته زينه وبصحه ووزنه طبيعي مو منفخ عالفاضي ترا المتن للطفل تأخره في المشي والكلام والاستيعاب وكل شي الله يخليلج بنتج ويعطيها العافيه

جربي تعطينها بين الرضعات رضعه وحده منقوع التمر بيزيد وزنها ويفتح الشهيه ومفيييييييد يقوي المناعه

بينكي لايف

انتو ما فهمتو

انا اقول بنتي ما تخلص رضعتهااااااااااااااااااا حدها 60 مل وهذا اذا خلصته ونادر ما تكون تخلص 90 مل

انا ما ابيها تمتن ابيها بس تشرب الحليب بشكل طبيعي مو اكثر

ومشكوره يا بنكي لايف

سوري حبوبه مافهمت قصدج عدل ف البدايه

اعتقد يمكن الحليب ثقيل عليها وتشبع بسرعه

الطفل يرضع اللي يحتاجه من الحليب حتى لو بكميات قليلة

لا تحاتين اختي الا في حالة شفتي وزنها نقص بزيادة عن المعدل الطبيعي

هني لازم انج تراجعين طبيب اطفال

الله يعينك ... بنتي تعمل زي بنتك ماتطيع تشرب الحليب الا بالغصب ...مع انها اول شهور كانت عادي تشربه بس من عدت الاربعة شهور صارت نلعوزني مع المرضعة ... بدلت الحليب وبرضه مافى فايدة ... الحين اتبعت معها سياسة اشوفها حسنت الوضع شوية ... اخليها تغرق شوية في النوم وبعدين احطلها المرضعة والغريبة تشربها كلها لانها تكون ميتة جوع بس لو صاحية مستحييييييييييييييييييييييييييييييل

مرحبا الغالية انا بنتي كانت نفس بنتج يوم كانت في عمرها .... عادي الغالية لا تحاتين دامها ماتصيح وترقد عادي معناته هي تاخذ حاجتها ماله داعي تحاتين .... ماعليها شر

زيدي المده بين الرضعات

انا استخدمت لبنتي حليب نان 1 وما تقبلته بس الغريبة ان انا حسيت انه بلا سكر بالمرة واذا بنتك ما تتقبله غيريه لها انا استخدمت بيبلاك لبنتي تشربه بس للاسف ما ترضى تشربه في مرضعة يعني ما استفيد منه

هلا اختي..

عندي لج نصيحه...غيري مصاصة المرضعه لانه فتحتها اكيد صغيره بالنسبه لسنها وهي ترضع وتتعب من المص واخر شي مابتكمل رضعتها هذا الشي طبيعي.. يعني اذا تستخدمين سمول خذي ميديم..علشان تقدر تخلص رضعتها وماتتعب..

واذا ماكان من المصاصه بيكون من الاسنان..لانه في اطفال تطلع اسنانهم من يكملون ثلاث شهور ..

فديتكم ماقصرتوا كل نصايحكم نفعتني

وان شاء الله خير

وانا بعد بنتي عمرها شهرين احط لها 60 وتقعد ساعه تشرب وفي الاخير ما تشرب الا 30 او اقل وما ترضى تكملها

انا يا قلبوو

كنت استعمل له بيبيلاك ريحته وطعمه مو حلوه ولا كان يتقبله

غيرت له الحليب والحين استعمل له حليب (بريميم كير)

خفيف الحمد لله ريح ولدي وتقبل طعمه