نصحوني ما اشيلها واخليها تصيح، انتوا شتقولون؟؟

بنتي الكبيره ييوم كانت بيبي علمتها اني ماأشيلها وبالذات وقت النوم ..وكنت اتجاهلها لين تصييح ..قلبي كان يعورني عليها ..بس اقول لاااا لازم تتعلم ..ماكنت ابي اعلمها عالحضن..الحين هي عمرها 4 سنوات ونص ..
اما الصغيره مااااقدر اشوفها تصيح واتجاهلها مااقدر..تعووور قلبي (يمكن لأني رضعتها طبيعي 14 شهر )..وكانت تنام في السرير بيننا لين ماصار عمرها 16 شهر ..ماتقدر تنام في سريرها تصيييييح ..بس من شهرين كنت كل يوم فليل انومها بيننا ولين غفت أحطها في سريرها ..ولحد الحين لازم انا انومها في حضني ..ماقدر اشوفها تبيني واتجاهلها ..


على فكره انا لاحظت ان الكبيره لما كانت قد الصغير يعني سنه ونص ماكان فيها حنان وقلبها قاسي وتمت لين ماصار عمرها 3 سنين ونص ..بس الصغيره غييييير حنووووووونه ..انا ربطت هالشي بالرضاعه الطبيعيه وانها كانت اذا تصيح اضمها في صدري وانومها..
انا ضد اللي تتجاهل البيبي اذا صاح ..راح تعلمه على قسوة القلب ..هذي وجهة نظري من خلال تجربتي

مش عارفة أختي أم نجد...بس إنتي من أسئلتك يبان إنك تريدي تعملي كل التجارب على بنتك !

هي بنتك مش بنت أحد ثاني...يعني إنتي تعرفي اللي مناسب لها...

طالما لما تركتيها ظلت تبكي يبقى في شيء يضايقها...يعني ممكن تكون بردانة ...حرانة...جعانة...عطشانة...مصدعة حتى...

لما الناس تقول لك ما تشيليها...معناها ما تعوديها على الشيل طول الوقت...مش معناها ما تشيليها بالمرّة...

نصيحتي لك...ما تخلي الناس تأثر عليكي و على تصرفاتك مع بنتي...علشان ما تندمي على شيء بعدين

و ما تتعاملي مع بنتك على إنها كائن يحتاج ترويضه...هذه نعمة من رب العالمين...صح ؟

و كل شويه تقولي ( ما أريد أدلعها )...ليش ؟

يعني مين يدلعها ؟

مش إنتي والدتها اللي مفروض تدلعها..واللا أحد ثاني مفروض يدلعها ؟

هلا انا جديده وحبيت اشارك بالموضوع
وبنسبه لك ماتشيلي هم بنت اختي كانت اصعب من بنتك حتى بنوم تبي الشيل لدرجة تخلي الواحد غصب عنه وده يتخلص منها ومع هذا اقدرت اختي والحمدلله ترتاح بعد ماعودتها على الهزازه

حبيبتي واضح انكم عودتوها علي الشيل من صغرها
انا اقول دام شبعانه ومغيرتلها ونظيفه وكل شي خليه تصيح ليما تنام انا كنت اسوي مع بنتي جذي

يعطيكم العافية يا خوات

شكرا لكم

خلاص اقنعتوني اني ما اتجاهلها

ريم81;4987447:
ام شجاع خيتو ، انتي تذكريني بنفسي شبحان الله نفس أسألتك

بنتك بعدها صغيره مو معقول تتعود على شي ، هذا كلام الدكاتره حرام عليك بنتك بعدها ما كملت الأربعين أختي افتحي على المواقع لاأجنبيه و اقري فيها الطفل قبل ثلاث شهور لا تنظمي لا اكله و لا نومه و لا تقولي يتعود على شي

طفلتك بعدها ما تعرف شي من الدنيا غير انتي و ما تشم إلا ريحة حليبك و ما تريد إلا حنانك لا تحرميها منه

الكلام انك ما تعودي الطفل هذا للي عمره 6-7-8 شهور انتي بتعرفي من بكاؤه انه يتدلع

و انتي الحين صدرك يجيه الحليب علشان بنتك و هي ممكن تحتاج ترضع كل نص ساعه رضعيها حرام لأنه معدتها صغيره جدا بسرعه تفرغ كل ما رضعتيها منك بهالفتره بيزيد حليبك بإذن الله

و بعدين ممكن يكون عندها مغص

كل اللي تقدري عليه انك تحطيها في ماي او مغطس دافي و تسوي مساج بزيت الزيتون لبطنها او انك تشيليها و تمشي فيها علشان تنسى الألم و تنام بهدوء

صدقيني بنتك ما ببتعود

لا تحرمي نفسك و لا بنتك من الحنان
هالفتره انتوا الثنتين محتاجين لبعض

و هاي و الله مو نصايحي نصايح متخصصين انا ما خليت حد ما لجألتله في الإمارات و بره الإمارات عرب و أجانب

كلاااااااااااااااااااااااامك عيييييييييييين الصواب


ام نجود لا تحرمين نجودة من شيلهاواخذيها وحضنيها في صدرج



انتي ما عندك اللي هي والله تشوفين حالي ينبكى عليه



اذا اني مشغولة ويا واحد من التوأم والثاني ايصيح اتحمل اسمع صياحه وقلبي


يتقطع ودي اشيل هذا واشيل هذا بس ما اقدر في نفس الوقت



فانتي وحدة ماشاءالله تتفرغين لها تمام التفرغ ..ها شرايج اقتنعتي؟؟

مرموم;4995161:
مش عارفة أختي أم نجد...بس إنتي من أسئلتك يبان إنك تريدي تعملي كل التجارب على بنتك !

هي بنتك مش بنت أحد ثاني...يعني إنتي تعرفي اللي مناسب لها...

طالما لما تركتيها ظلت تبكي يبقى في شيء يضايقها...يعني ممكن تكون بردانة ...حرانة...جعانة...عطشانة...مصدعة حتى...

لما الناس تقول لك ما تشيليها...معناها ما تعوديها على الشيل طول الوقت...مش معناها ما تشيليها بالمرّة...

نصيحتي لك...ما تخلي الناس تأثر عليكي و على تصرفاتك مع بنتي...علشان ما تندمي على شيء بعدين

و ما تتعاملي مع بنتك على إنها كائن يحتاج ترويضه...هذه نعمة من رب العالمين...صح ؟

و كل شويه تقولي ( ما أريد أدلعها )...ليش ؟

يعني مين يدلعها ؟

مش إنتي والدتها اللي مفروض تدلعها..واللا أحد ثاني مفروض يدلعها ؟

تعرفي اول مرة اشوف مشاركة لش من دخلت المنتدى وماشاءالله


عليكِ كلام رائع واسلوب اروع..

@قطرات الندى@;4999414:
تعرفي اول مرة اشوف مشاركة لش من دخلت المنتدى وماشاءالله


عليكِ كلام رائع واسلوب اروع..

أحرجتيني و الله أختي قطرات الندى...

أعذريني...أنا عارفة إني مقصرة معاكم جدا هالأيام...

بس إن شاء الله أكون بينكم علطول :)

الله يعينج يا قطرات

ومشكورة مرموم بالعكس انت كلش مو مقصرة

وعلى فكرة هذي بنتي نايمة في حضني

اختى والله حرام هذا طفل ما يبي غير الام وانتي اشلون بتخلينه يصيح وبعدين صح كلام الاخوات ممكن تعلمينه هالشي بعد السادس بس هذي مب معناه انج تكونيني شايلته طول الوقت يمكن يصيح من مغص او شي لان الطفل بهالعمر ما يصيح الا بسبب حرام اختي لاتحرمينه الحب والحنان

اختي ام شجاع انا كنت اعاني من نفس مشكلتج اخر شي اكتشفت عقب كمن اسبوع ان بنتي تعاني من الغازات انا كنت ارضعها طبيعي وصناعي وكنت اعطيها سميلاك واتبهدلت بهدله من سميلاك ما ابا اذكرها المهم كانت بنتي بالظبط مثل ما اتقولين ترقدساعه واتصيح 10 ساعات والله ما اقص عليج طووووووووووووووووووووول اليوم اتصيح وهي راقد وهي ترضع... الخ

والله عورتوا قلبي على بنتي

هلا أم شجاع شخبارش وشخبار نجد

وحشتينا

بصراحة عن نفسي قلبي ما يطاوعني ان ولدي يصيح وما أشيله

مع إن النصيحة اللي قايلينها ليش قالوها لي بس ما طبقتها

صدق إذا أحسه متملل اعطيه ألعابه أو أغير حفاظه ويسكت واخليه

بس بنتش بعدها صغيرة وما تصيح إلا وانها محتاجه لشي سواء رضاعة أو تبديل

وانتي بصراحه شوفي الانسب ليش وسويه ما عليش من احد

صدقتي يا انوار الوحدة ما تقدر تخلي ضناها يصيح وهي حجر ما تتحرك

عساش ع القوة ام شجاع..

أنا بنتي كانت تعاني من الغازات لمدة 3 شهور تعذبت فيها عذاب..
كل يوم انام بالمحاضرات..
لا زالت صيوحة لكن الحمدلله
اخف عن قبل..

شنسوي احنا الامهات ما لنا الا الصبر..
والتربية صعبة..

تضاربت الاراء..
لكن أنا أميل لرأي الأغلبية،
ان الطفل ما يفهم..
وما يصيح إلا وفيه شيء!

صدقتي يا بنت الاصايل

تصدقين مع الوقت صرت اعرف لها

احيانا تصيح تبي تنام

احيانا تبي ماي

لا وانا قبل ما كنت اعطيها ماي

انتظر من الرضعة للرضعة فكانت وايد تصيح وانا خبر خير

يالله الحمد لله الوحدة مع الوقت تتعلم