سائقي الخاص

اه طبعا لانه مش مضمون ممكن يعمل ايه بعد كدة المرة دى نظرة الله اعلم ايه تانى

لازم تخبرين زوجج!

اختاري وقت مناسب وعلمي زوجك افضل من السكووت ....

خبري زوجج عشان يتصرف بأسرع وقت...

وسفروه يروح ابلاده واللي عنده هالتصرفات ماله امان...

وحطي بالج على نفسج يا اختي والله يحفظج من كل شر..

اي والله صدق كلام خواتي
لااااااازم اتخبري زوجج وما اتخبي عليه هالسالفه
اذا سوى جذي ,, بعدين شو بيسوي

الله يستر عليكم وعلينا وعلى الجميع ,, يارب
بس لا تسكتين عنه ترى مالهم امان هالاسويين ,,

أم الحارث;4989884:
خبري زوجج عشان يتصرف بأسرع وقت...

وسفروه يروح ابلاده واللي عنده هالتصرفات ماله امان...

وحطي بالج على نفسج يا اختي والله يحفظج من كل شر..

لا اختي لا تسكتين خبري زوجك وطلعيه اليوم قبل بكرة

قولي لزوجك احسن الحين يطلطل باجر الله اعلم شنو يسوي
الله يستر علينا

قولي لجوزك طبعا علشان يوقفه عند حده

بما اننا في السعودية انا اعرف عقليات رجالنا الله يهديهم
خبري زوجك اذا كررها
واذا ما كررها طنشي ومشي حياتك لان حياتنا احنا السعوديات ما تمشي الا بسواق مع رجالنا الكسلانين الباردين ومع عدم امكانية عمل اي شي بدون رجال ما نقدر نسوق ولا ندخل ولا نخرج راح تتعطل حياتك اذا طرده زوجك وطبعا هذا اللي حيصير ولا راح يجيبلك غيره صدقيني لان هذه التجربة مرت علي كنت الاحظ انه محترم وعينه مايرفعها لكن بنتي الغالية 11 سنة لاحظت غير ومن خوفي عليها خبرت زوجي ومشى السواق وانتهت حياة الرفاهية اللي ما دامت الا سنة
وهذا احنا سنتين من يوم راح ما جبنا غيره ومحبوسين ومعروض قبل كل خرجة واسبوع حتى يجيك الطلب المستعجل ونشرب موية صنبور لو خلصت الماي يومين او ثلاث ....... الخ
وحتى بنتي قالت ياريت ما قلتي لبابا شي
الله يعينك اذا ما عندك بنات تخافي عليهم اصبري ان شاء الله يكون خاف وما يكررها
اما اذا كان عندك بنات الواحد ما يجاذف وبناتي اهم قوللي لزوجك فورا
اسفة على الاطالة حبيت افيدك بخبرة
وبالتوفيق عسى الله يبعد عنكم وعنا شرهم

اختي .. مدام انه عندج سايقج الخاص بقولج انا هم عندي سواقين بدل الواحد
وأول ما اتعامل معاهم تقدري تقولين بقسوة... ماهي قسوه قسوه بس يعني ما اعطيه ويه بالمره بس اوامر واكون حازمه شوي ( نزره) ... وعلميه انه لازم يحترمج ويخاف منج وهذا بجذي مارح يتجرأ عليج .. وبصراحه لو كنت مكانج جان قلت له صبر ورحت لبست عباتي ورجعت له زفيته ذاك الزف المحترم وتالي بعد له زفه محترمه من عند ريلج عشان لايفكر يعودها مره ثانيه .. والاهم انج ماتخافين منه ولاتحسسينه بخوفج...

بسم الله الرحمن الرحيم
لجميع أخواتي إلى شاركوني مشكلتي وفادوني بأراءهم ، فعلاً خبرت زوجي و أيدني إني صرخت عليه بس طمني أن السواق أكيد مو قاصدني لأنه مو متوقع أن أكون أنا إلى نازله أخذ الأغراض يكون عينه على الشغالة لأنه مافي مجال تقابلة لأني معاها طول الوقت . وكذا صرت أخذ بالى من حركاته وماعد شفت منه شئ على العموم لنا فترة مقدمين على سائق هندي وإن شاء الله يكون عينه مو طويله ويخاف الله وعلى كلام الأخت سوبر وايف إحنا السعوديات محتاجين لسواقين ضروري ولا تعطلت أمورنا كلها عند أزواجنا الملولين المشغولين . وجزاكم الله خيراً والله يعطيكم العافية .

فعلا قولي لزوجج اكيد عنده حل