موعد الحمل

التحليل المنزلي لازم تسوينه يا اما قبل الدورة بيوم او يومين او بعد ما تتاخر عليج الدورة حتى لو يوم واحد

اما قبل الدورة بسبع ايام ما راح يبين لج الحمل .. بس أدق شي هو تحليل الدم

روحي حق اي مختبر او مركز تحليل وسوي تحليل الدم وبيبان اذا كنتي حامل او لا

ولا تحاتين وايد حبيبتي لان اعراض الحمل تختلف من وحده للثانية

والله يرزقج بالذرية الصالحة

لو كانت دورتج كل 28 يوم ...

زيدي 14 يوم على اول يوم في الدورة... معناه ان 6-1 صارت عندج الاباضة..

وعن اعراضها .. مثل ما قالت جول ممكن تختلف..

واذا تبين تحللين حللي دم وبتطلع النتيجة

مشكورات على الرد .. بس اخاف انصدم ... مابى انصدم ... انزين لو رحت وطلبت تحليل حمل ... قبل موعد الدورة ... شو اقول للدكتورة في اسم معين للتحليل ... يبين هرمون الحمل ... ولا بس اقول تحليل دم ...

انا نفسج باقي على موعد الدوره يومين وخاطري احمل انا سبق لي الحمل بس اجهضت وزوجي خاطره بياهل ماادري يبين لو حللت تحليل بول ولا لازم تحليل دم ومشكورين

يارب ماتييج الدورة ... ولا اتيني انا بعد .. يارب مانشوفها لين بعد 9 شهور قولي يارب

يارب يارب يارب ... بصراحة انا خايفة من شي .. انا يوم افكر وايد في موضوع مايصير سبحان الله

اذا مافكرت وخليت كل شي عادي يصير .. بس ايرب هالمرة العكس ويصير الحمل يارب لاتردني خايبة امين يارب

روحي العيادة وقولي لهم انج شاكة انج حامل.. بيسئلونج عن تاريخ اخر دورة.. وهم بروحهم بيعرفون..

بس نصيحة مني اختي .. لا تستعجلين .. حرام تودين زوجج لين العيادة وتعشمينه وهو قلبه متشفق عاليهال .. بينكسر خاطره اذا ما كان في حمل..

انتظري لين موعد الدورة وحللي في البيت بروحج احسن..

وحاولي تنسين طاري الحمل لين موعد الدورة.. اسئليني انا ..لما كنت انتظر اني احلل،، الايام مرت علي كنها شهور.. بس الحمدلله حللت في نفس يوم موعد الدورة بالبيت وطلع لي خط خفيييييف وتأكدت من تحليل الدم بعدها....

حطي في بالج اختي ان احيانا الحمل يصير متأخر ونتيجة تحليل البيت ماتبين الا بعد اسبوع او اكثر...

وانشالله ياااارب تطلعين حامل....

اصبري اشويه واذا يه موعد الدوره ومانزلت عليج سوي تحليل الحمل المنزلي

انا يوم حملت اتاخرت الدوره اسبوع وماشكيت اني حامل وقلت خلني اجرب التحليل لاني كنت توني معرسه من شهر وشويه ومابين شي فيه قلت عادي

عقب يوميين سويته مره ثانيه طلع اني حامل

انا نصيحتي اصبري شويه احسن لج

الله يصتر وتعدي الايام على خير ... ماعرف ليش انا دوم وسواسية وواخاف من الصدمات

احس بألم الدورة في البطن

اختي اذا تبين تقطعين الشك باليقين سوي تحليل دم
ابين على طول

عفوا اختي بس انتي وايد مستعيله على التحليل..

أنتي تقريبا والي فهمته منج انه مدة دورتج 30 يوم .. وآخر دوره 23/12/2007 يعني تقريبا فتره التبويض عندج من 6 /1 الى 9/1 تقريبا .. يعني لو صار حمل ان شاء الله بيكون مر عليه اسبوع تقريبا .. لو سويتي الحين تحليل دم ما راح ايبين .. جربي يوم 22/1 يعني قبل موعد الدوره بيوم .. اذا ما بين حمل واتأخرت عليج الدوره 3 أو 4 أيام سيري سوي تحليل الدم ..

ونصيحتي لج لا اتفكرين بالحمال أبدا ولا تتوهمين انج حامل لأنه النفسيه تلعب دور وممكن أتأخر عندج الدوره حتى 3 شهور وما اتكونين حامل..

الاعراض الي ذكرتينها هاي اعراض عاديه و كثرة التبول من موجة البرد الي انمر فيها حاليا ..

وفترة الحمل في أول شهر من الزواج تمثل نسبة 15 % .. يعني فيه احتمال كبير انج ما اتحملين لكن النسبة بتزيد لين فترة 6 شهور.

تمنياتي لج بالتوفيق وهالله هالله بعمرج ولا اتفكرين وااايد ترى والله النفسيه تلعب دوور كبير .

كلامك صح وجه الدهب اختي لا تستعجلين وانت كما قلت انك لسة في الشهر الاول من زواجك ان شاء الله ما تجيكي الدورة هاد الشهر ما شوفينها الى بعد 9 اشهر آمين لكن خلي ايمان بالله عز وجل قوي
ربي لا تدرني فردا وانت خير الوارثين

بنات صح كلامكم ... بس ان شاء الله ربي يوفقني يارب ... ويتم كل شي على خير