لى متى الحال؟؟ من شاب لشاب!!

بدخل بالموضوع على طول واتمنى انكم تساعدوني بالحل
انا عمري 27 عزباء طبعا:(
كنت كنت اناسه عاقلة مأدبة وسوية بس للاسف الفراغ العاطفي او بالاحرى فراغي الكبير انا آخر العنقود من اخوتي ، تربيت في اسرة ملتزمه والحمدلله الكل عاقل منا ومتزوج بس انا للاسف نصيبي ضاع ، اتخطبت من عمري 20 بس الله يسامحها اختي الكبيره كانت توقف بالوجه دائما تقول توها صغيره وتحط عيب وعيب بالمعاريس :(
المهم :
يابنات بعد ماتزوجت اختي اللي كانت معاي في البيت حسيت بفراغ كبير اتجهت فيه للشات تعرفت على شاب عربي مقيم في دولتي المهم تعرفت عليه بالبداية على شات فقط لمدة حوالي شهرين بعدها تطورت العلاقة للهاتف بعدها تطورت اكثر للقاءات استمرينا مع بعض سنة ونص بعدها تزوج وتركني (الله يسعده ويهنيه) مشكلتي يابنات قلبي طيب كبير اسامح مهما كان هو الغلطان واحب اني اسعد اللي احبه واهواه يكون مبسوط في حياته
المهم بعدها في سنة اتجهت للنت مره ثانيه بس كان منتدى تعرفت فيه على شاب سعودي جلست فترة معاه على النت بعدها تطورت العلاقة على الهاتف لمدة سنتين بعدها تزوج وتركني
يابنات بعدها قمت من شاب لشاب اتعرف عليهم وربي تعبت قسما بالله مااحس بالوناسه بس ابي اشغل وقت فراغي واكلف على نفسي وربي معاشي يروح على بس مكالمات دوليه حتى اهلي استغربو يقولون معاشج على شنو تصرفينه ، طبعا محد حس من اهلي في اي شي لان طبعا ما ابين اي شي لهم دائما اكون بصورة فتاة مؤدبة لاترضى بالانحراف
يابنات والله تعبت تعبت للحين وانا حالي من شاب لشاب واصرف معاشي على المكالمات لدرجة يابنات علي ديون من الفيزا والسبب الحبيب الاولي طلعت فيزا عشان اجهز له زواجه:confused:
وللحين يابنات ما قدرت اسدد الفيزا وربي احس معاشي مايتبارك والسبب الفيزا
آه وآه تعبت يابنات ودي اجدد في حياتي وفي نفسي حتى نفسي ما اهتم فيها صلاة ما ااصلى وعمري 26 العمر يركض وانا اضيعه في شي مايسوى قسما بالله اكذب عليكم اذا قلت شفت سعادة من اللي سويته والله ماشوف لاسعادة ولاشي بس تضيع وقت
حتى امي وابوي مقصره في حقهم كثير نادر ما اجلس وياهم واسولف معاهم علىطول في غرفتي او اطلع مع زوجات اخواني للاسواق يابنات ابي اتوب ساعدوني ساعدوني
واسفه للاطالة واتمنى كل من تلقي نظرة على الموضوع انها ترد لو بكلمة وحده