تعبانة والله

أم فاطمـــــــة;4970852:
مشكلتش نفس مشكلتي

اصدقين كل يوم في الليل تقعد بنتي 5 مرات

اعطيها الماي ما تشربة بس اتريد الالمرضعة اتكون في حلقها و اظل نصف ساعة ظهري يتكسر علية

و بس احسها نامت اخليها اترد اتصيح و ارد اشيلها هذي سالفتي و ياها و ساعات اوصل هذي اقوم اضرب على

وجهي من حرتي

تقدرين اتخلين عبادي في بيت اهلش و تطلعين ويا زوجش تسوقون و بعدين اتروحون المطعم

نفسيتش بتنفتح

بس اكيد كل شوي بتحاتين و تتصلين فيهم

و ساعات اذا اوصل حدي اخلي بنتي و يا زوجي و اروح الغرفة و اقفل الباب و اخلي اللحاف فوق راسي

علشان لا اسمع شي و انام نص ساعة

جربي القتراحات

هلا خيووو
عجبني بصراحة اقتراحش
هالمرة بسوية
اني مااسوي جذي الا اذا كنت مريضة
اخلية وياه واروح اغفوا لي اشوي
لكن هالمرة بسويها
واني بعد اذا اعصب في الليل اضرب على ارجولي
واتصير ارجولي حمرة:(
وتعورني
لكن بعد اضرب روحي ولا اضربة

عادي ترى ام عبادي والله اني لو ما اشغل انجان وازنت بينهم بس وايد تصير مواقف لي في اليوم الواحد يعني اكثر عن مرة انهم ثنتينهم يصيحون في نفس الوقت وانا لوحدي تخيلي ابي اسوي مرضاعات وابي اشيلهم يعني ماااخلص لين طفرت روحي يعني بس اتعصبين اذكريني واذكري غفصتي خخخخ

هنوفه الحلوه;4971973:
هلا اختي الامهات ترى كلهم جذي جوفيني انا مع ان اعيالي اكبر من ولدج عبودي لكني والله المعاناه نفسه سواءا كانو صغار والاكبار عندج انا عندي بنت وولد بنتي عمرها سنتين وولدي اربع سنوات لكني جني مكينه ولا ارتاح حتي في ارقادي ماتهنه فيه مثل امس بنتي امس مارقدت الا2نص ورقدت وياها واليوم الصبح قعدت الساعه خمس الصبح صليت وسويت الريوق وبرزت ثياب ولدي وزوجي علشان من يقومون كلشي بارز وعقب ماتبرزو وراحو ....قلت بغسل لثياب وبعدل الشقه وبغسل لماعين مدام بنتي راقده وخلصت شغلي عاى الساعه 10 الا ربع وعقب ماخلصت من الشغل قلت باخذ لي غفوه قبل لاتقعد بنتي ..توني حاطه راسي ماخذ لي نص ساعه الا بنتي الصيح وسويت روحي راقده علشان لي شافتني راقده بترقد يمي لا مصممه الا تقعدني والله احتريت عليه وزوجي كل ايقولي انتي وايد اتعصبين على اليهال والله لين ايي ابوهم من الشغل شوفي اشلون اراكضون جنه ياي من السفر وانا لو اغيب اليوم كله وارد محد يعطيني وي ودايما زوجي ايقولي انتي وايد اتعصبين عليهم من جذي مايونج ...........انا احس ان حياتي كله لويه وازعاج وحالي حالج حبيبتي لاتقولين اللي عنده واحد بترتاح لو يكبرون بعد مانرتاح هاي سنه الحياه وانا اشوف ان لو اتخلينه عند امج وتطلعين اتسوقين او تطلعين ويا زوجك اتغيرين جو ترى وايد بترتاحين .....لانه احنا الامهات نحتاج حق فتره بسيطه للسترخاء وانتي بعد ذكرتي يمكن من الابره وهاي بتكون تغير في الهرمونات من جذي اتخليج على طول متنرفزه .......وقد ماتقدرين من اشوفين ولدج راقد رقدي وياه علشان لو مارقد في الليل لتكون امهيا نفسج وياه ...وغيري وقت ارقاده حاولي انج اترقدينه وياج وتقعدينه وياج علشان ما تتعبين والله يخللي عبودي لج وتحملي فيه ...........

هلا هوفة
شخبارش
وشخبار طروق وهنوف
وصدق هو المفروض جدي يعني لو نام العصر انام معاه اشوي
علشان اكون ماخذذة طاقة
بس اختك <<<<<<<<الاهو انا يعني
من اشوفة نايمة آخذ راحتي اشوي اقعد على النت او اقعد اطالع التلفزيون ومايقعد الا اني دايخة ولا استغليت الفرصة
بس الحين قاعدة احاول من ينام العصر انام معاه

ماما حسون;4971999:
كلنا مريييييييييينا بهالفترة ام عبادي صدقيني وانا بعد مثلج عصبيه وزوجي يشتغل دوام طويل يعني يطلع من الصبح ولا يرجع الا المغرب والليل ما يقدر يساعدني لانه تعباااانه ويبي ينام علشان يقوم من الصبح .. وانا كنت موقفه دراسه سنة كامله وطفلين اثنين ولا عندي احد يساعدني عليهم ولا عندي سيارة اطلع بهم مكان ومرت فترة كنت ابكي فيها يوميييييييييا واعصب عليهم وتخيلي وصلت لمرحلة ان اضربهم وحسيت باكتئاب حاااااااااااااااااااااااااااااااد وادعي عليهم وعلى عمري ووووو ............... واشياء ما تتخيليها تعب نفسي وجسدي وخصوصا اني ما احب اخلي عيالي عند احد سواء من اهلي او اهل زوجي واطلع او شي فكانوا معاي على مدار 24 ساعه ما افارقهم ..

والحمدلله على كل حال ،، مثل ما قالوا البنات فترة وتعدي فعلا .. الحين عيالي كبروا شوي وانتظم نوم الصغير وانا ادرس يعني اطلع واتركهم شوي ،، اضافة الى ان يوم الجمعه ساعات اخليهم عند ابوهم وانا اروح ازور الاهل خفيفة بدون يهال ..



حاليا اذا ممكن تتركينه عند الاهل وتغيرين جو سويها ،، انا ما كنت اقدر اخليهم واطلع عنهم لكن احيانا اروح عند اهلي اغير جو لانهم هناك بياخدون عيالي واقدر ارتاح اضافه الى التغيير والسوالف ههههههههههههههههههههه
حاولي بعد تخلين ولدج يتسلى بشي يلهيه عنج شوي ،، مثلا التلفزيون او القصص او الالعاب حتى لو فترة بسيطة على اساس تتنفسين شوي..

ولا تنسين تكثرين من العباده لانها تهدي النفس وتخفف الاكتئاب والعصبية ..

وعن ابر منع الحمل انا طلبتها بعد ولادتي الثانية من الدكتورة فقالت لي ما انصحج بها ،، اختاري بين الحبوب وبين اللولب ..فأكيد سلبيات هالابر كثيرة .. واذا تحسينها مو مناسبتج فغيريها فورا وان شاء الله الدورة تنزل وترتاحين ..


والله يهدي الكتاكيت ويهدينا معاهم ..

هلا خيوو ماما حسون
اني دائما اقول الله يساعد الي عندهم اكثر من واحد
يعني اتوقع لو اني مكانش كل يوم اخلي زوجي يوديني بيت ابوي لكن مابستحمل القعدة بروحي وياهم
ومثل ماقلتلين اني ساعات استانس اذا اروح بيت ابوي لان كل في اياديهم
ولا وساعات اذا اشوفة في اياديهم اقول لهم جيوبة اشوي
اسوي لي حجة بشوف حفاضتة او باكلة:cool:
واني من داخلي بموت واحملة لانة وحشني:D

وعن الابرة خيووو زين مااخذتيها
لانها كل مو زينة ويمكن بعد كل وحدة وحسب طبيعة جسمها اتناسبها لو لا
لكن ولا وحدة سمعت انها ناسبتها
وهالدكتورة ماادري شقول والله مااحب ادعي على احد
بس مااتوقع انها ماكنت تدري عن سلبياتها
يالله الله يسامحها

السيدة البحرينية;4972307:
سمعيني ام عبدالله دكرتيني بروحي اني عندي بت و ولد اول ما جبت البت عقب ماكملت سنة حملت عليها واني من النوع الي نساتي صعبة كلش يعني ما اقدر حتى اقوم من التعب وبتي كانت لصقة جونسون ماتبي احد كلش يعني حتى لو بروح مشوار بدونها لمدة 3 ساعات تقعد اتصيح في بيت اهلي طول مدة ما اني غايبة عنها وكانت نفسيتي تعبانة كلش منها تنسيت عليها صرت ما طيقها وتمنيت الي في بطني يطيح وطول اليوم اصياح وبعض الاوقات اخليها عند ابوها واطلع بروحي ومن كثر ما اني تعبانة لازم اطيح دورة ويغمى علي ادا اطلع بروحي وكنت اياها مأساة كلش حتى في وقت الولادة اني اطلق في المستشفى وهم يقولون لي بتش فازعة الدنيا من الصريخ تبيش وعقب الولادة كانت تغار من اخوها واجد حزت النومة هي تبي تنام على ارجولي واخوها يصيح يبي يرضع فاني اخليها على ارجولي واخوها حاملتنه على ايدي ارضعة فكنت كل يوم اصيح على حالي وزوجي من الصبح الى اليل في الشغل ويجي يقول تعبان يبي ينام والحين كبروا اطفالي يعني الحين عمرها 3سنوات لكن بعد فيها عناااد كبير بس احسن من قبل ،فالحين اني كل سبوع يوم السبت اخليهم في بيت ابوي واطلع وية زوجي فترة نقاهة فشوية الحين اريح من فبل ، فهدي الفترة الي تعانين منها كل وحدة لازم تعاني منها والله يساعدش على هالايام دكرييني بديك الايام المرة الي عشتها

هلا خيوو
اي احس انه اذا تحمل الوحدة على ولدها او بتها اقل من سنة او حتى سنة ونص وايد صعب
لكن شنسوي نعمة كريم
في ناس مو محصلينها
وان شاء الله اتعدي هالفترة ويا عبادي على خير

امونةة;4974516:
ام عبادي

كلنا بالهوى سوا عمري
الحين لان يمكن صغار كلش مو عارفين ليهم احنا عدل ولانفهم شيبون
لان علاي الله يحفظه ابدل حفاظته واكله وارضعه والعبه لين ما ادوخ ابي انام هو مايبي ينام
يعني تقولين حياته كل لعب يبي لين اتمللل هو مايتمملل وهو صغير ماله ذنب عمره عمر لعب
يعني لو بنقعد نقول له اسكت وبس وخلاص ماراح يفهم شتقولين لان بيكون كلام على الفاضي يكرون الخاطر مايفهمون لينا ولا احنا نقدر نترجم كل شي بقلبهم
وشوي شوي اقنع روحي انه بيكبر وبيهون كل شي

ودي اروح الصالون واخذ راحتي بديكير ومنيكير وما اطلع منه الا عروس بس شنسوي

حتى لو اتركه عند احد اقعد طول الوقت هناك احاتيه مع ان مااعطيه الا بيد امينه الا هي امي الا ربتني وتعبت علي وعمتي مسكينة ماتقصر وياه

وماجذب عليج لحين مو عارفة اوازن شغل البيت وعلاي صاير ينام وياي ويقعد وياي مايرضى ينام بسريره كلش
بس على كثر تعبه لي تصدقين لين اشوفه نايم احسه ملاك فديته واحن لفوضته شفتي شلون ههههه بسرعة يوحشني

ما اجذب عليج علاوي يجنني ويعصبني بعد ويبيني ملكه بس مايبيني انشغل عن شي ثاني الا هو بس
يعني نومته قليله كلش ماتتعدى الثواني تخيلي ؟؟ ماينام ولدي الا اذا شافني نمت
ولين مثلت النوم عليه ادوخ واتعب صدق واكمل هالنومة هههه
بس عارفة ان لو عصبت عليه مابستفيد ماراح يفهم راح يصيح ويطول صوته اكثر واخاف ممكن اصصادف فيه
فاثبت اعصابي

هلا ام علاوي
شخبارك
وشخبار علاوي
اني بعد اقول ساعات جدي
الحين لو صرخت او تعصبت يعني بيفهم لي مابيفهم
لكن مااقدر اتحمل لازم اصارخ
يمكن اهدئ اشوي:ss:
وخصوصا في الليل قد مااقدر اجود اعصابي هي صدق ماتتجود لكن
المشكلة اخاف انه يصادف في الليل وظلام
الله يستر علية ويحفظة ان شاء الله

مناليزا;4974570:
الله يعينك اختي و يعين كل الامهات
انا والله كتيير بحس هالاحساس و بقول لو امي جنبي كان ودّيت جنى لها عشان ارتاح منها شوي
وديها لاهلك و هم بيخففو عنك شوي

هلا اختي يسلمووو على المرور
والله دايم اقول الله يساعد الي اهلة بعيدين عنة
الله يقربكم من بعض ان شاء الله

! أنــثــى !;4974620:
ماشاء الله ،، لما فتحت الموضوع الصبح كنت بكتب قصة حياتي كلها .. بس ماصار لي مجال .. !

و البنات ماقصرو و كل الكلام اللي بقوله قالوه و عرضو تجاربهم ..

و الله يجزي امهاتنا خير و يطول بأعمارهم ..

يسلموو على المرور
وكان ودي اقراء تجربتش بعد

ام جعفرين;4976468:
عادي ترى ام عبادي والله اني لو ما اشغل انجان وازنت بينهم بس وايد تصير مواقف لي في اليوم الواحد يعني اكثر عن مرة انهم ثنتينهم يصيحون في نفس الوقت وانا لوحدي تخيلي ابي اسوي مرضاعات وابي اشيلهم يعني ماااخلص لين طفرت روحي يعني بس اتعصبين اذكريني واذكري غفصتي خخخخ

خلاص هلامرة بذكرش على طول علشان يمكن اهدئ اشوية خخخخخخخخخخ
وعلى طاري الشغل ان شاء الله قريب بشتغل والله يساعدني ذاك الوقت:eek:

الله يساعد الجميع خيووتي
انا قبل الكل يقول لي يا برودة اعصابج مع ولدج واللحين من شرفت نور الله يخليها لي حسون مطفشني وياها يعني من اتنام بعد صيااااااااااح طويل يجي يقعدبها بوسة كبيرة في بوزها وانا اخاف اكون غافلة عنه مرة من المرات ويسويها لها لان خطر يعني طول وقتي اصارخ اللحين عليه ولم بطلع لي طلعة ويه ابو الشباب ابي البسه م يبي اي لبس يبي يختار على ذوقه حلو اني اشجعه بس هل كيف اذا بطلع مجمع يكون لابس لي بجاما سبايدر مان والله أم خماس؟!؟ >>>>>> تجيني حالة مو طبيعية من الصراخ عليه اططر في السيارة ابدله قبل ل انزل المجمع ومن اصارخ عليه ابو لشباب عطاني خزرة وقال لي حرام عليش ونفس كلام البنات اظل بس اقول له انت مو قاعد وياهم كثري وهو بعد جبدي دوامه من الصبح لى المغرب يعني بس يرجع يبي ينام وانا احيانا انقهر اقول في خاطري ساعدني طلعني وياهم ع الاقل >> انا من النوع اللي اعيالي ع طووول وياي يعني ما احب خليهم في مكان وانا في مكان >>> منش لروحش ليش تشتكين على قولة امي


مو مخلي لي شي حرف (أ) من الكيبورد خربه يا خسارة على لاب توبي >>:(

نصيحتي لج اقطعي الابرة ودوري طريقة ثانية

لانج يوم من الايام بتفقدين اعصابج وبتوصلينها للضرب وهذا الشي مب في ايدج بسبة اعصابج وهدي نفسج واكثر من الاستغفار عشان تهدين

ام عبد الله الله يكون في عونج وعونا بس كلنا نمر في هالحالة

انا عندي ولد واحد مطلع لي قرون وشغل زوجي من الصبح لليل

وبعيدة عن بيت ابوي ومافي احد يساعدني وطووووول اليوم بروحي وياه

وتجيني هالحالة ساعات اقول ياريت امرض ويصير فيني شي بس عشان

يضطر زوجي ياخذ اجازة ويقعد وية ولده ويشوف اشلون يتعب

لانة في الليل يرجع تعبان وما يحب اصارخ على صدوقي ولا يبى اكلمه بعصبية

لانة ما جرب يصير وياه في البيت طول اليوم بروحه

بس انتي ولدج توه صغير واشلون اذا كبر وابتدت الطلبات الي ما تخلص

واذا زادو العيال انا الحين ولدي عمره 3 سنوات ونص وما اتخيل احمل او اجيب الثاني من الي شفته من هالولد

تعب ما ينوصف الله يعين الي عندهم اثنين وثلاثة

انا ولدي 24 ساعة كل معاي وحتى طلعاتنا كل ويانا ولا مرة رحت مكان بدونه

وانا حتى الصالون اذا اروح يكون معاي و احيانا وية ابوه وانا في الصالون يعني ما نوديه عن اهلي ولا شي

بس الحين يندمج وية التلفزيون او العاب الاتاري او الكمبيوتر والحمد لله يندمج ويصخ اشوي وانا اسوي شغل البيت او حتى انام

يعني اتحملي الحين واذا كبر بتتغير حياتج معاه والله يحفظه لج من كل شررر

الله يعينش خيو

ما ادري اواسيش او اشكرش لانش قلتين عن مشكلتش إلي اهيه مشكلتي وإلي كنت اعتقد انه غير طبيعي إلي اني سويته ،،

اني بعد مريت بنفس الظروف بس بنتي مسكينه توها عمرها 3 اسابيع :rolleyes: وتوني راجعه شقتي وصرخت فيها وعقب اشوفها تصيح واصيح وياها ولانه ادري انه غلط لانها توها ما طلعت من الأربعين

واحاول اهدا نفسي على طول بس وايد تعبت وياها بس بحاول اني اكون بارده الأعصاب وياها ،، بس لاني ما اعرف لليهال وإلى ويش يبون وصعب عليه وايد

الله يعينش ويعيني وياش :confused:

[GRADE="FFA500 FF6347 008000 4B0082"]الله يعيينح ووما لج الا الصبببببببر لانه مثل ما قالو البنات كلنه مرينه بهالوضع تعب واكتئااب ووووو
بس مالج غير الصبر والياهل كل ما يكبر اخف التعب يعني انا يوم بنتي صغيره في الشهور الاولى كنت اتععععععب تعب مو طبيعي سهر ورضاعه وصياح وهي كله اتصيح من بطنها وحساسيه وغير وغير وماعندي احد يساعدني زوجي مشغول صح هو يساعدني واايد بس انا بعد ما ارضه يساعدني كفاايه التعب والشغل الللي هو فيه وهذي شغلتي لازم اتحمل بس بعد هو ما يقصر والحمدلله انشاء الله كل ما يكبر ولدج بترتاحيين اكثر [/GRADE]

الله المستعان .................. يكبر إن شاء الله وتشوفين نفعه ..........

الله يساعدش اختي

مو كلنا في الهوا سوا ... بس انة بنتي ما احب اخليها عند احد مع ان امي تقول لي خليها عندي حتى حمواتي يبونها بس ما ارضى على طول معاي


يلة فترة وتعدي

والله يرزق كل محروم يارب

نور الورد;4976686:
الله يساعد الجميع خيووتي
انا قبل الكل يقول لي يا برودة اعصابج مع ولدج واللحين من شرفت نور الله يخليها لي حسون مطفشني وياها يعني من اتنام بعد صيااااااااااح طويل يجي يقعدبها بوسة كبيرة في بوزها وانا اخاف اكون غافلة عنه مرة من المرات ويسويها لها لان خطر يعني طول وقتي اصارخ اللحين عليه ولم بطلع لي طلعة ويه ابو الشباب ابي البسه م يبي اي لبس يبي يختار على ذوقه حلو اني اشجعه بس هل كيف اذا بطلع مجمع يكون لابس لي بجاما سبايدر مان والله أم خماس؟!؟ >>>>>> تجيني حالة مو طبيعية من الصراخ عليه اططر في السيارة ابدله قبل ل انزل المجمع ومن اصارخ عليه ابو لشباب عطاني خزرة وقال لي حرام عليش ونفس كلام البنات اظل بس اقول له انت مو قاعد وياهم كثري وهو بعد جبدي دوامه من الصبح لى المغرب يعني بس يرجع يبي ينام وانا احيانا انقهر اقول في خاطري ساعدني طلعني وياهم ع الاقل >> انا من النوع اللي اعيالي ع طووول وياي يعني ما احب خليهم في مكان وانا في مكان >>> منش لروحش ليش تشتكين على قولة امي


مو مخلي لي شي حرف (أ) من الكيبورد خربه يا خسارة على لاب توبي >>:(

اصدقين اني بعد مااحب اخليهم في اي مكان واورح الا اذا كان كلش الى الضرورة واذا اني مرة ورضيت اخليهم عند امي مثلا وابي اطلع وياها مايرضى

الله يساعدش عليهم ويخليهم لج ان شاء الله:D

نور القمر;4976793:
نصيحتي لج اقطعي الابرة ودوري طريقة ثانية

لانج يوم من الايام بتفقدين اعصابج وبتوصلينها للضرب وهذا الشي مب في ايدج بسبة اعصابج وهدي نفسج واكثر من الاستغفار عشان تهدين

اي حبيبتي خلاص مستحيل استخدمها مرة ثانية
لانها صج متعبة وايد
بس المشكلة الي متعبني اكثر
عدم نزول الدورة
وهذا الي معصبني

حبيبة جيمي;4977955:
ام عبد الله الله يكون في عونج وعونا بس كلنا نمر في هالحالة

انا عندي ولد واحد مطلع لي قرون وشغل زوجي من الصبح لليل

وبعيدة عن بيت ابوي ومافي احد يساعدني وطووووول اليوم بروحي وياه

وتجيني هالحالة ساعات اقول ياريت امرض ويصير فيني شي بس عشان

يضطر زوجي ياخذ اجازة ويقعد وية ولده ويشوف اشلون يتعب

لانة في الليل يرجع تعبان وما يحب اصارخ على صدوقي ولا يبى اكلمه بعصبية

لانة ما جرب يصير وياه في البيت طول اليوم بروحه

بس انتي ولدج توه صغير واشلون اذا كبر وابتدت الطلبات الي ما تخلص

واذا زادو العيال انا الحين ولدي عمره 3 سنوات ونص وما اتخيل احمل او اجيب الثاني من الي شفته من هالولد

تعب ما ينوصف الله يعين الي عندهم اثنين وثلاثة

انا ولدي 24 ساعة كل معاي وحتى طلعاتنا كل ويانا ولا مرة رحت مكان بدونه

وانا حتى الصالون اذا اروح يكون معاي و احيانا وية ابوه وانا في الصالون يعني ما نوديه عن اهلي ولا شي

بس الحين يندمج وية التلفزيون او العاب الاتاري او الكمبيوتر والحمد لله يندمج ويصخ اشوي وانا اسوي شغل البيت او حتى انام

يعني اتحملي الحين واذا كبر بتتغير حياتج معاه والله يحفظه لج من كل شررر

الله يخلي لج صادق ان شاء الله
وان شاء الله يتغير عبادي اذا كبر
لانة احسة من الحين عصبي