اسئلة جريئة شوي!!!

معقووووووووووووول


ما احد يعرف اي شي:confused:

ليه بنات؟

والله ماهو العشم

السلام عليكم..بالنسبة للسؤال الاول طبعا لو كنت مادخلت التاسع انتبهي ام ماتسوين فحص الا لما تحسين بالم الولادة الشديد..لان قبل التاسع ممكن ينزل الجنين ويموت..وحصلت كثير لناس اعرفهم بس بعد التاسع مافي خوف بس لاتخلين حد يفحص لو ماجاك الطلق والالم..
بالنسبة للموس عادي كملي استخدمي الموس لين وقت الولادة مع اني انصحك بالحلاوة انظف واحسن..
بالنسبة للحلمة ممكن تحطين عليها زيت زيتون وتليينيها..
بالنسبة للاغراض خذي لكل يوم قميصين نوم واحد للاستقبال وواحد للنوم والراحة..وخذي ملابس داخلية للرضاعة..وعطر ومشط وكريمات والويز وفوطة للاستحمام واستشوار..وممكن تاخذين قطن للصدر..
بالنسبة للمولود بامبرز-ملابس قطنية داخلية وخارجية-حليب-زجاجات رضاعة-لفافات قطن

ريم الشمال اما بالنسبه السؤال الاول ماعندي اي خلفيه ولا اعرف اصلاً انه يكون الكشف الا بالاسبوع الاخير في التاسع لما تروحين المستشفه ويكون عندك آلام طلق وبعده تكون ولاده يعني مرة وحده ..حسب معلوماتي وتجربتي ....
اما السؤال الثاني طبعاً لازم تكون المنطقه نظيفه اثناء الاولادة وفي فترة النفساء بعد مدة اسبوعين وطبعاً يكون بعض الخيوط موجودة ولكن الحذر قليلاً والبعد عنها او تركها الى مده اطول كعشرين يوم مثلاً ...
وكيف النفاس النفاس والخياط مع ماذا ؟؟؟؟
اما تشققات الحلمة يوجد كريم زبدة الكاكاو في الصيدليه ادهني صدرك واعملي تمارين للحلمه يعني جريها الى برى الثدي وعدي عشرة مرات واتركيها ثم كرري العمليه الى خمس دقائق ثم كرري التمرين كل يوم الى ان تلين وتبرز الحلمه استعدادً للرضاعه ....
الاغراض :
شنطه متوسطة الحجم ..
ملابس داخليه لكِ وللجنين ,,,
فوط صحيه لكِ وللجنين ,,,,
غطاء رأس للجنين مع كوافل وشال ابيض لانك لاتعرفين نوع المولود لذلك خذي أللون الابيض افضل ,,,,
شراريب لكِ حتى لاتبردي وغطاء رأس شيله كبيرة وعريضه تغطي رأسك وصدرك عندما ترضعين طفلك وقت الزيارة ....
وجوالك حتى تهاتفين زوجكِ وأهلك بعد الولاده اذا لم يكن معكِ احد اثناء الولاده ....
ولاتنسي تحصيناتك ووردك اليومي من الاذكار ..... وأدعيه تسهل الولاده ..

هلا اختي ريم الشمال..

اولا: الله يحفظك اختي ويقومك بالسلامه ان شالله..

ثانيا:حبيت اضيف الي عندي بخصوص السؤال الاول..

انا بعد سمعت نفس الكلام انه ممكن يسمح بدخول الجراثيم كثرت هالفحص يعني لاتسمحين به الا اذا فيه ضروره :)

والسؤال الثاني..الموس ممكن تستخدميه عادي مع ان الحلاوه احسن وانظف..اما الخياط..بتكون عاديه وماتحسي فيها (هذا الي حصل معي)يعني لاتخافين اختي..وبعدين(بعد الولاده)تجلسي بماء دافئ بالبانيو يوميا حتى تطلع الخيوط وقد تطلع بدون البانيو والماء بعد بس اعتقد انها بهالطريقه تطلع اسرع..


وان شالله اكون افدتك:)


اختكم:
العصفور المهاجر

عزيزتي ريم الشمال

انشاءالله تقومين بالسلامة انا بصراحة لسه مخطوبة بس انا عندي خلفية بسيطة بدون تجربة !

طبيا مافي الي ضرر من الفحص اللي يسوونه عشان يقيسون درجة انفتاح الرحم بس سمعت من صديقاتي وامي انه مزعج

مثل ما قالت لك ام ياسمينا زيت زيتون او زيت لوز حلو او حتى زبدة الكاكاو اللي تقدرين تدهنينها على الصدر كله راح تساعدك على التخلص من جفاف الحلمة واهم شي عزيزتي انك لمن تخلصين من الاستحمام تنشفين صدرك زين وخاصة منطقة الحلمة وبطريقة التربيت مو انك تحركين الفوطةعليها عشان ما يزيد الجفاف بعدين تحطين الزيت اللي انتي تبين

بالنسبة للموس انا انصحك انك تشيلين بالموس طول فترة حملك لان الحلاوة يبي لها وقت وجهد وانتي تحتاجين للراحة وقبل موعد الولادة شيلي بحلاوة وجربي لك وحدة من الوصفات اللي في المنتدى اللي يقولون انها تخفف الالم وتشيل الشعر بسرعة

بالنسبة للاغراض اللي تاخذينها معاك بحاول اتذكر اللي تاخذه امي كله معها المستشفى

طبعا جهزي الاغراض من قبلها بثلاثة اسابيع احتياط عشان ما تنسين شي واذا نسيتي يكون عندك وقت كافي انك تحطينه

خذي معاك ملابس داخلية مع Bra خاصة للرضاعة

فوط صحية من النوع الكبير عشان انتي توك والدة

فرشاة شعر ، فرشاة اسنان ، ربطات شعر ( لانك وقت الولادة يمكن تشيلينها وما تدرين وين تروح يا حليلك بتكونين مشغولة :D ) معجون اسنان ، شامبو شعر ، شاور جل ، ديتول او اني مطهر ثاني ( عشان اذا احتجتي انك تجلسين فيه مع موية دافية

معظم هالاشياء يوفرها لك المستشفى بس في ناس يحبون يستخدمون اغراضهم الشخصية

لا تنسين الكاميرا عشان تصورين طفلك اول ما يطلع للدنيا عطي الكاميرا لزوجك او وحدة من الممرضات وقولي لها تصور بعض اللقطات لك اذا حبيتي

خذي لك اي كريم معطر بس بريحة خفيفة راح يكون احسن لك من العطر

بيجامة بس تكون مناسبة لاستقبال الاهل وتكون مفتوحة من قدام بازرار عشان تسهل عليك عملية الرضاعة

قطع قطن عبارة عن غطاء للصدر يقولون ان الصدر يكون حساس وينزل حليب كثير وعشان ما يطلع على ملابسك خذي لك من القطع هذي الموجودة في كل الصيدليات



اذا حبيتي مخدة صغيرة

هذا اللي اشوف امي تاخذه معاها والبنات ما قصروا

انشاءالله الله يقومك بالسلامة

alsalaaaaam
a`7ti reem
fee shee mhem gadaaan...(almarah) laaaaazm ta`7theen ma3ak llmastashfa...7a6eeha..fee mooya,,,,wa ba3ad ma twldeen balsalama anshallah....ashrabi shwi manha wa 7a6i ..fee`7ashmak
3alshan...al`7ya6a matoog3k
atha shameeti 3a6ar mn a7ad..wa ntabhi la ta3a6reen abd 3alshan al`7ya6a...wallllah..ana magarba ...almarah`6arooryah gadaaaan gadan
wanshallah tagoomeen balsalama...:)

alsalam...ya banat...mmkn ..wa7da mnkm ..taktab kalami..bal3arbi..3alshan alkl yastafeed..wa yakoon wa`6a7
lani..fee(u.s.a)wa...ma3andi..3arabi

عزيزتي ام ياسمينا

مرةشكرا وجزاك الله الف خير ان شاء الله
بالنسبة للحلاوة صعبة علي مرررررة لأني موس واعاني من الألم في رجولي وبطني من الحركة فالحلاوة اكيد مستحيلة بس ودي اعرف اذا طلع بعدها كيف انظف ثاني والخياط؟:confused:


ودي اسألك هل للرضاعة ملابس داخلية معينة؟؟
ووشلون اعرفها؟!!!!!!!

الأم الحنون
اول شي اسمك يجيب لي راحة نفسية رهيبة

ثانيا شكرا شكرا على ردك

ثالثا كيف احذر واترك الخيوط 20 يوم ماني فاهمة معليش وضحي اكثر واذا الكلام محرج ارسلي لي على الخاص الله لا يهينك

رابعا اقصد النفاس والخياط مع الشعر ان طلع ( آسفة جدا ) :o :o :o

مرة ثانية شكرا

اختي العصفور المهاجر

شكرا على ردك
واذا طلعت اخيوط بدري احسن

مامنها ضرر؟
-----------------------

Ro0o0my

شكرا جزاك الله الف خير والله يوفقك ويسعدك ويرزقك بالذرية الصالحة

كفيتي ووفيتي

مرة ثانية شكرا

مهاوي حبيبتي الله يعينك على غربتك ويردك بالسلامة ان شاء الله

تقولين المرة زينة للوالدة وانها تجنبها الشمم من العطور بعد الولادة وتحذرين من العطر لأنه يجعل العملية تلتهب

شكرا حبيبتي وراح اسمع نصيحتك الغالية وادعي لك لأنك فتحتي عيني على شي مهم جدا رايح عن بالي

ماشاءالله البنات ماقصرو;)

ريم الشمال

حبيبتي عادي اسألي اي شي تبينه والكل انشاءالله بيساعدك
اكيد فيه ملابس داخلية خاصة للرضاعة انا اشوف امي تشتريها من محلات الام والطفل يعني مثل محلات mother care و BHS وفيه طبعا محلات كثيرة
الصدريات ( الستيانات ) تجي مفتوحة من قدام عشان تسهل عملية الرضاعة ولازم تاخذي مقاس مناسب لحجم صدرك بعد الولادة يعني غير المقاس اللي انتي متعودة عليه
حاولت اشوف لك صور بس كلها جاية على اجسام عارضات عشان كذا ما اقدر احطها بس تقدرين تشوفين هالرابط

http://go.3roos.com/FzEis8JAtQn

وانشاءالله اكون افدتك

انامثلك ياريم الشمال ماباقي الاايام معدودة
الله يعين ويسهل:) :)
والبنات ماقصروالكن بوصيكي بالمرة ضروري تكون معك تحطينهافي علبة مع شوي موية شربي شوي وشمي منها:)

اللة يقومك بالسلامة
ياريت التنظيف يكون قبل الولادة بايام ومو ضروري تنظفي في فترت النفاس بسبب الخياطة
انتبهي من استعمال اي عطور لانها راح تضر البيبي
لاتنسي غسل مكان الخياطة بالماء والملح لان الملح يطهر الجرح ويعقمة

حبيبتي بنت الكويت شكرا لمرورك

اما انتي يا RoOoOmy_M
يا عسل الله يسعدك ويوفقك على هالمعلومات الزينة
بادعي لك باذن الله بالولادة

انا من قلبي حبيتك
جزاك الله الف خير حبيبتي فعلا استفدت منك ومن كل اللي ردو علي

وابشركم بديت اقضي رحت شريت بعض اللي قلتولي عليه جزاكم الله خير

بس ودي اسأل سؤال :o :o :o :o :o
:o
:o
:o











الدكتورة قالت لي ان عنق الرحم مرة خفيف ومستعد للولادة وانه انفتح نص سم

هل هذا معناه انب باولد هاليومين او ممكن اخذ اسبوع اسبوعين تكفووووون طمنوني:rolleyes:
مرةخفت يوم قالت لي وما جاني نوم ولا عاد اكل من الخوف:eek: :eek:


ام الجوهرة الله يقومك بالسلامة

ام عزيز الف شكر ياعيوني


باسمع نصيحتكم واخذ المرة ان شاء الله

اختي ريم الشمال

الله يوفقك ويقومك بالسلامة انشاءالله

بالنسبة للسؤال الجديد بصراحة ما عندي فكرة بس انا درست ( دراستي كانت نوعا ما طبية ) ان جسم المرأة تصير له تغيرات تكون علامات تؤكد قرب الولادة منها انتفاخ او زيادة في حجم الاعضاء التناسلية بس بصراحة نسيت الدرس ( لاني متخرجة من سنتين وذاكرتي رايح فيها ) بس بما ان الدكتورة ما قالت لك شي يستدعي الخوف هدي بالك واتكلي على الله ولا تنسي الادعية اللي تسهل الولادة وانشاءالله تقومين بالسلامة وتحكي لنا عن تجربة ولادتك يا رب

الله يسهل عليش ان شاء الله

السلام عليكم
حبيت اضيف معلومه تريحك يا اختي
الفحص الاخلي يتم عشان تعرف الدكتوره انتي في اي شهر وبعد كده انتي احسبي زين الشهور وماراح تحتاجين لفحص داخلي في كل مره الا اذا واجهتي مشاكل اثناء الحمل لاقدر الله واضيف انو الكشف الداخلي لايؤذي الجنين ابدا وان الجنين ان كانت بنيتكي الجسميه صحيه وقويه وتغذيتك منتظمه من جميع العناصر الغذائيه سوف يتمسك باالرحم بقوه ولن يحصل اجهاض ابدا انشاء الله.....اما اذا كانت بنيتك ضعيفه فسيواجه الجنين بعض من الضعف ونقص من المواد الغذائيه التي لا تكون موجوده في جسمك بكميه كافيه
ونصيحه اخيره الاكثار من تناول الطعام الصحي يولد لكي ام وطفل صحي