اللي طفلها لسّه ينام معها على سريرها...تدخل...

انا ضد كلامج 100% تعرفين ليش لانه غرفة الام والاب مكان خااااص المفروض محد يدخلة غيرهم يعني الام والاب بس خاصة اوقات النوم لانه جيه انتي تعلمين عيالج احترام خصوصيه الام والاب
اذا تركتي غرفتج 24 ساعه مفتوحة لعيالج بتتعبين لو تدخلين الغرفة 10 دقايق وتقفلين الباب بتمون كل اشوي يدقوون الباب مابتقدرين تسوين شي ....وبعدين تخيلي يكون عندك 3 صغار ورا بعض وين بتحطينهم ؟؟؟ صعبه !! المفروض مب بس نعلمهم ينامون في غرفهم انعلمهم بعد انه ممنووووع يدقون الباب( وماما وبابا سواء كنتو مع بعض او الام بس او الاب ) فالغرفة الا اذا في شي ضروري هذا اللي عمرهم فوق الست سنوات (كيف نفهمهم ؟؟)

قبل لا تدخلين الغرفة تقوليلهم انا تعبانه وبرتاح ما ابغي حد يدق الباب واذا جلستو عاقلين اول ما اخرج من الغرفه بعطيكم هدية .... ومع الوقت لاتقولين في هدية مرة في ومرة مافي
مع الوقت مابيدقون الباب في شرط مهم اذا اندق الباب من احد الاولاد خلاااااص مافي هدية

وبالنسبة لوقت النوم اذا طفلك فوق ال3 سنوات خذيله اثاث اذا ماعنده وخليه في اقرب غرفة من غرفة نومك واذا تقدرين تفتحين باب بين الغرفتين (غرفتك وغرفة ابنك ) بيكون ممتاز ..اذا طفلك متعود تنامين عداله نامي اول يومين ويوم بينام اطلعي من الغرفة ولاتسكرين الباب ولاتقفلين باب غرفتك اذا قام يبكي ورجع غرفتك خذيه وروحي نامي جنبه لغايه ماينام وارجعي غرفتك بعدها بكم يوم نامي جنبه بس على اللحاف لاتدخلي معاه فاللحاف بعد كم يوم غيري وضعيتج يعني لا تنسدحين اجلسي وكل يومين ابعدي خطوة عن طفلك بعدها حطي كرسي قريب من سرير الطفل واجلسي واذا متعوده تقولي قصة قولي وكل يومين اسحبي الكرسي بعيد عن السرير باتجاه باب الغرفه اللي ينام فيها الطفل الى انه يصل الكرسي عند الباب بالتدريج ...حطي الكرسي على الباب واجلسي قولي قصة وبعد كم يوم اخرجي الكرسي من الغرفة واقعدي برا الغرفة واتركي الباب مفتوح بعدين ابدي سكري الباب كل يومين اشوي ... مع الوقت بصير الموضوع عادي واستعينو اضاءات النوم في امهات يشترون اشرطه قصص الانبياء للأطفال حلوة ((ممكن بدل القصة تحطي الشريط بس بشرط ممنوع يكلمك وتردي عليه قوليله نسمع القصة مع بعض وممنوع نتكلم اذا تكلمت مافي حلاوة بكرة بعد الغداء ونفذي اللي تقولينه اذا تكلم اكيد بيسأل عن الحلاوة قوليله انا اسفه انته تكلمت امس وانا قلت مافي حلاوة خلاص)) . يزعل يصيح جوابج واحد اسفه حبيبي انته تكلمت وانا قلت مافي ..

بالنسبة اللي عمارهم اقل .... من البدايه الطفل ماتشيلينه من سريره الا اذا جوعان ويبى يرضع او بتغيريله غير جيه ما ينشال ...

اذا صار وشلتيه والحين تعبانه معاه ... اذا راضع ومغير ومافيه شي خليييييييييييييييييييييييييييه يصيييييييييييييييييييييييييييييييييييييح اصلا الياهل مايطول فالصياح يتعب دوسي على قلبك اشوي

اللي عمارهم 5_7شهور وفوق ومتعود على سرير الام ....رضعيه وغيريله ويوم ينام حطي فالسرير

اذا قام وهو شبعان خليه فالسرير وطبطبي عليه وانتي تنشدين او تغنينله حتى لو صاح اذا واااايد صاح ارفعيه في حضنج وهديه وارجعي حطيه فالسرير وكملي انشدي بينام ...

اللي عمارهم فوق التسع شهور يعني ممكن يجلس حطي كرسي واجلسي جنب السرير بس اذا قام ردي اسدحيه وطبطبي اشوي وخليه .... بعدها بفترة لا تردين عليه بشوفيه يجلس ويناديج نزلي راسج ولاتردين لو شو يصيرررررر مع الوقت بينام اذا الموضوع يزعج الزوج عفوا عزيزتي الام لازم تكونين في غرفه ثانيه الين يتعود الطفل ....

صدقوني جيه ترتاحون وتريحون ازواجكم و عيالكم ويكون في انضباط واحترام فالبيت....