ابرة الظهر - بالصور - تفضلوا وادخلوا

لوووو ان بدل الابرة تكووون
حبووووب او دوا
ممكن بس هذي الابرة وهي بهذا الشكل
مستحييييييييل
تسلمي عنوووووني

بسم الله الرحمن الرحيم

الصراحه تخرررررررع واااااااااايد

الله لا يحدني عليها

مشكوووووووووووره حبيبتي على الموضوع ..

alzanbaq;4940400:
غاليتي قطر برايد :

اول شي الف الف مليون شكر لج ع هالمجهود لطرح الموضوع والصور .. وابدي اعجابي بطريقتج

الرائعة في النقاش والاقناع بنفس الوقت .. الله يكتب اجرج .. ومشكوره ماقصرتي ..

والله يلهمنا الصبر وقت الولاااده .. ويعطينا القوه نتحمل الألم مهما كان ..

ألف مليون شكر على هالاطراء - بس والله يالزنبق انا احترم كل الآراء وانا اصلا ودي خواتي اللي لهم خبرة ودراية بهالموضوع انهم يشاركون - عندي خوات وصديقات برا النت كلهم جربوا الابرة وعطوني فكرة جدا ايجابية عنها - ووصف ما تتخيلينه - عن شعورهم واحساسهم - وانا احترم ارائهم .

وللحامل لها الحق انها تختار الطريقة اللي تريحها في الولادة - ومن منا ما يدور الراحة ؟؟ كلنا نبي الشي اللي يسعدنا ويريحنا .

وتسلمين يالزنبق

Qatar Bride

مشكورة عالموضوع الحلو...
وماشالله عليج صبرتي وماخذتي الابرة...


بس انا عندي راي في هالموضوع ... وخاصة بالنسبة للي يقولون ان اجر الولادة اكبر للي ماتاخذها..
اولا.. الاجر والثواب هذا عند رب العالمين ومحد يدري عنه.. وما نجي احنا نفتي في هالشي..
وثانيا .. هذا تقدم في الطب مثله مثل البنج .. عيل كلنا بنسوي عمليات جراحية بدون بنج مثل ما كانوا جداتنا يسوون عشان الاجر ..

وبالنسبة لكلامج Qatar Bride
عن الاجانب وانهم مايحنون على عيالهم بس لانهم ياخذون الابرة.. هالشي مب صحيح.. ولا تتوقعين ان الكل ياخذها.. في ناس واااااااايد يختارون الولادة الطبيعية بدون اي نوع من التخدير .. حتى بدون اوكسجين .. لا وبعضهم يولدون في البيت بعد .. ومايغير حقيقة واقعهم الاجتماعي..
بالعكس تشوفين الوحدة منهم مستخفة على ولدها وتصور كل دقيقة في حياته .. اول ماانولد وبعدها بساعة .. واول ضرس يطيح تخشه .. عندنا امهات وااااايد ولدوا طبيعي وعيالها محذفين ماتدري عنهم..

واسمحي لي عالاطالة بس هذا رايي الخاص .. وطبعا الكل حر ياخذها او ما ياخذها .. بس في النهاية مافي ام احسن من ام بس لانها تألمت اكثر

little kitten
أشكرك على الرد والتعليق - وطبعا الموضوع ما يتوقف عند الاجر والثواب او تربية الابناء أو الاهمال لهم - اعتقد اني قلت وكذا مرة كررت وأعيد وأقول هذي حرية وكل ام لها الحق انها تختار اللي يريحها - بس طبعا انا ذكرت لكم الناحية العلمية والطبية ولازم الوحدة توزن الامور قبل لا تاخذ اي قرار - في عوامل تعتمد عليها مدى تعسر الولادة او خطورتها
يسمونها بالانجليزي الخمس بي او الاشياء الخمسة اللي تبتدي بحرف ال P بالانجليزي
power - passage - passenger - placenta - psychological responce
أول وحدة هي القوة - Power ونقصد اهني قوة انقباضات الرحم
passage الحوض والممر اللي بيمر منه الطفل هل هو مناسب وكافي
passenger الطفل - هل وضعه وحجمة وقدرته وحالته تسمح يولد طبيعي
placenta وضعية المشيمة هل تسمح بولادة طبيعية وغير متعسرة
psychological لحالة النفسية والعاطفية للأم
انا ما ذكرت هالأشياء الا لسبب ان الحالة النفسية هي من ضمن العوامل اللي ممكن تأثر على حالة الولادة بشكل كبير
وكلامك صحيح مش كل الاجانب هاملين اعيالهم ولا كل امهاتنا وخواتنا مهتمين بعيالهم - بس انا قلت مش على اي سبب تروح وتاخذ الابرة -
واسفة على الاطالة - وكلامك على عيني وراسي - واسمحولي اذا قلت شي يستفز او يضايق حد

بالعكس ماقصرتي بالرد وماشالله اسلوبج الحلو يخلي الكل يحترم رايج ...

بس باسئلج سؤال لاني لين الحين ماقررت اخذها او لا.. لاني مابي اتألم وفي نفس الوقت ابي اعرف خاطري احس بكل لحظة في الولادة...

انتي ليش ماخذتيها... هل هو الخوف .؟؟؟ ولا اقتناعج ان هذا هو الشي الطبيعي اللي لازم يصير..

يعني الوحدة حزت الولادة تبي اي شي يفكها من الالم .. انتي شاللي صبرج وقتها؟؟؟

مشكورة الغالية

بس شكلها يخوف وأنا بروحي أخاف من الأبر

little kitten مشكورة حبيبتي على طرحك للسؤال
والله يوم جاني ألم الطلق طبعا في وقته كنت بكرية وأول مرة أحس بآلام الطلق وما قط تخيلته انه بيكون بهالشدة ولهالدرجة - لدرجة اني كنت أقوم من السرير وأبي أركض او أشرد من الألم بس مب عارفة اشلون - كنت أقوم من السرير وأبي أنزل والممرضة تمسكني وتقوللي نامي تبين ابرة الظهر وأنا أقول لها لا - مش خوف من الابرة نهائيا بس انا رفضت الابرة لأني خلاص عرفت الألم وقاعدة أجربه وأعيش الألم وبيمر الوقت وبولد واللي صبرني اني كنت أقول في نفسي دام ان الألم حامي والطلق حار يعني الوقت قريب وبشوف بنتي وبسمع صوتها - وانا وقتها طبعا أقرا سورة الزلزلة ولقيتها فرصة أدعي بكل اللي بخاطري - بس الابرة رفضتها - تقدرين تسمينها تحدي وعناد- ومشكورة على السؤال

أنا أضم صوتي لصوت اختي قطر برايد
كنت بكريه واتوجع من الآلم ولكن الحمد لله صبــرت ونلت
وكل شي بها الدنيا يستاهل الصبر ومافيه شي بها الدنيا يجي بدون تعب ولا ألم

اعرف لي جاره جربت أبرة الظهر من كثر الآلم ماقدرت قالت خلاص عطوني أبــرة الظهر
ويوم حملت مره ثانيه خبرتها قلت لها جربي ولاده من دون أبره بتحسين بشعور لايوصف

وسبحان الله قالت لي كلمه انا عن نفسي أستغربت

قالت لي تدرين
أحس بشي بداخلي غير طبيعي قلت لها شنو

قالت لي ...!!!
أحس اني احن على الولد الي جبته بتعب أكثر من البكر
قلت لها
السبب ...!!!

تقول بسبب أبرة الظهــــــــــر
سبحااان الله تقول شعــور لايوصف بعد الولاده بدون أبــره
تحسين براحه غير طبيعيه
وهالحين مشاء الله عليها حااامل بالرابع
وتقول بلاهــــــــا أبره

والله يسهل على الجميع
طولتها عليكم بس دخلت جو مع الموضوع هههههههههههه


مشكوره اختي قطر برايد على هالموضوع
والله يعطيك العافيه

جزيتي خيرا اختي

انا رأيي ان الوحده تخاف على عمرها وتخاف على نفسها بعد الولادة وش راح يجيها ؟ وش هي العواقب اللي ممكن تصيبها من هالابرة ؟

يعني الالم بتتحملينه يوم ولا يومين ولا ثلاثة وبتنتهي القصه لكن وش اللي يظمن لك ان الطبيب المخدر اخصائي ومضمون ومتخصص وعلى ثقة ؟؟؟ وبعد وش اللي بيظمن لك انها معقمة ولا بيجيك جرثومة ولا اي شئ منها ؟

انا بصراحه كنت افكر فيها من كثر ما اسمع عنها بس لما شفت شكلها و معلومات عنها هوووووووووونت .. ما ابيها والله لا يحدني عليها ..
ان شاء الله اولد طبيعي ولا احتاجها ؟ لان الغرب الطب عندهم متطور اكثر عنا اهني ؟ واطبائهم كفؤ اكثر من اطبائنا ما انكر البعض منهم على مستوى من الكفاءة والمهارة لكن الاغلبية ينخاف منها ..

وانا ما اايدها الا للضرورة القصووووووووووووووووووووووووووووووووووى ..

وعلى فكرة ترى بنت عمي عطوها مخدر في الولادة ومن يومها وهي ما تقدر تشيل رجولها تيبست عليها ولا تقدر تمشي مثل اول ؟؟

فليش تخربين ظهرك بهاذي الابر وانتي بصحتك وبعافيتك وبقوتك ..

احذرو يا بنات في قراراتكم لانها مصيرية ..