مشكلتي مع بنتي والسبب انا دبروني؟؟؟؟

شوفي اختي انا تعرضت لنفس الشي من امي لما كنت صغيره كانت تضربني لانو امي من النوع العصبي طبعا تعاقبني عالشي الخطا لانو بعيني صح لاني مراهقه وكل شي عندي صح وغيري خطا تخيلي كنت ادعي على امي :confused:وامي كانت واتذكرها زين انك اقرب وحده من بناتي لقلبي



لكن الحين كبرت وفهمت ايش معنى ام وعرفت مسؤلياتها وماالومها باي شي والحين لو تطلب عيوني ماراح ابخل فيها عليه لاني عرفت قيمتها صح الام وحده ماتنتبدل واشكر ربي عليها الحمد لله

صح امي شهادتها مو الزود لكن بنظري أحسن انسانه أني أناظرللي حولي اللي أمهامحجره عليها حتى وهي متزوجه واللي اقوله الله لايحرمني منها لو يمر يوم من دون مااجلس معها صدقيني
هذاك اليوم ماله طعم عندي


اللي ابي اوصله انو انا جربت



بنتك يمكن تفتقدك او تشعر بغيره ولا بدايات سن المراهقه وصدقيني المراهق يتعب عشان يثبت وجوده بالبيت
اذاعصبت اتركيها وارجعي لها واتكلمي معها على انها بنت كبيره وقولي لها تخيلي عندك بنت قريبه من قلبك وتجرحك ايش راح يكون موقفك
عوديها ع حب اخوانهعطيها جزء من المسؤليات ب البيت خليها تحس بوجودها لكن بنوع اخر
اذا زعلتك بيني لها خطأها لكن مو الضرب لانو أخر شي يلجأ له يعني قولي لها انتي جرحتيني بكلامك او بتصرفاتك لانك اغلى مافي الوجود عندي انا تعبت فيكم اهي واخوانها مابي منكم احسان ابي كلمه حلوه تصرفات حلوه
انتبهي تقارنينها باحد اهي بعد بتجلس تقارن مع امهات ثانيات
ع العموم اختي الصغار نقدر نعلمهم لانو في مجال لذلك لكن لمن يكبر مانقدر نغير فيه

اتمنى اكون افدتك من تجربه شخصيه ولا تنسين قوله تعالى{والكاظمين الغيظ والعافين عن الناس والله يحب المحسنين }0

خواتي ماقصروا بالحلوول وكفوا ووفوا..وبصراحه انا مو ام علشان اقدر افيدج بس انا بنت واظن امي لو تعاملني بهالطريقه راح اتمرد زياده والله اقلب البيت عاليها واطيها ..كيف تبينها تصدق انج تحبينها اكثر وحده انا امي مره لانها عصبت علي وقالت مااحبج اكرهج تميت متعقده مرت سنه ولين الحين ابجي على هالسالفه اقول انا البكر وجذي تقولي ..كيف لو كانت تضربني ..خافي على بنتج ضناج ..ترا ممكن تسوي شي فنفسها وخليني اكون صريحه اكثر لما كنت بعمرها كنت واايد مشاكسه يعني حتى بنات خالاتي اطقهم يعني مو بس اخواني وجد مره استوتلي مشكله مع امي وابوي بسبة عنادي وكانوا واايد قاسين علي ولان عقلي صغير وايماني ضعيف رحت شربت صابون سائل قوطي بكبره((هذا وهم ماطقوني)) بس ربج ستر ان مااستوالي شي الحمدلله مليوووون مره ..مادري شلون فكرت بالانتحار بس والله كنت صغيره ..اخاف بنتج تسوي بنفسها شي لانها اتشوف ان مافيي احتواء من الام وابوها بعيد عنها ..ومافي فايده انج تنصحين واذا مانفع اطقين؟؟!! ..قاطعيها ولاتكلمينها احرميها يعني انا لما كنت اعاند كنت اموووووت لما امي ماتكلمني اقعد ابجي ابي رضاها شوفي التطنيش شو يسوي ..وهمن الحنيه دوووم حسسيها بهالشي وخفي بموضوع الضرب ..الله يسامحج انا ادري انج ام وخايفه ع بنتج بس الي يصير ممكن تندمين عليه بالمستقبل ...وربي يخليج لها انتي امها وادرى بمصلحتها...ويخليلي امي بعد ماقدر استغنى عنها ...

اسمحيلي طولت عليج بس حبيت اشارك بالموضوع من ناحية بنت مب ام ..

انزين سويتيلها عيد ميلاد والا لا ؟ واتحسين شي بخاطرها من صوبج

شكرا يابنات على ردودكم

اختي ملاك الروح كلامج وايد
أثر فيني

على فكرة انا مجربة كل اللي قلتوا عنه وزووووووووووووووووووووووووووووووووووووود

حتى اذكر مرة انها غلطت علي قالت لي اكرهج اكرهج تدرون ليش السبب؟؟؟
لان كنا معزومين بيت ناس على الفطور
واهيا نامت الظهر من غير صلاة وانا مااتهاون في الصلاة
المهم قعدتها من النوم مرة ومرتين وثلاث مرات ماكانت تقوم
المهم قعدتها قبل الفطور قلت لها يلا بنروح انا على اساس انها مصلية ورحت البس ملابسي والا اشوفها راجعة نايمة بالصالة مرة ثانية بعد مابدلت ولبست عباتي ومفتاحي في ايدي بطلع والا اهيا لي الحينها مولابسة ولامصلية الظهر والعصر انا اهني صج عصبت واحترييييييييييييييت بس قلت لها ماما اذا مو لابسة كنت راح انطرج بس لانج مو مصلية عذريني راح اخليج في البيت واتفطري انتي اهني وانا بطلع
اهني قامت تصرخ اكرهههههههههههههج

انا سكت عنها بس صج حززززززززززززت بخاطري وايد وايد وايد

وماقمت اكلمها ولاجنها موجودة في البيت تصدقون لمدة 8 ايام بطولهم وبعرضهم ولافكرت انها تراضيني
طبعها واااااااااااايد بايخ ونااااااااااااااشفة لمن امي جت وخلتها تتأسف لي

وعلى فكرة خليتها تسوي عيدميلادها في مدرستها هم قلبي ماطاوعني

السلام عليكم



الدعاء سلاح المؤمن ادعي لها بالهدايه اتذكر امي دايما تدعي لنا وخصوصا لي لأني كنت اعندهم
تصلي باليل وتدعي





الله يهديها يارب ويصلحها

تقبلي مروري

حبيبتى بعتقد ان بنتك عندها حالة نفسية
ممكن بسبب انفصالك عن والدها و زواج ابوها و زواجك
و كده اكيد حاسة انها غريبه بينكم
وديها دكتور نفسانى و ان شاء الله ربنا يهديها

حبيتي لان انتي تتعاملين معاها باسلوب الضرب المبرح هي بعد صارت نسخه مع اخوانها بتصرفاتج معاها


بعدين المشكلة اللي انتي موحاسبتها


اكيد هي تحس بنقص انو هي مش مثل بقية البنات والتشتت اللي فيها بين امها وابوها

حاولي انج تعوضيها بهل شي واصبري عليها انتي امها

وهي الحين فترة مراااهقه

ولاتنسين هي بوضع مش مذنبة في

الله المستعان اخيتي الحبيبة : تريدين بنتك تصلح .... أصلحي ما بينك وبين الله وبلاش من تقليد الكفار بأعيادهم لعل هذا احد اكبر اسباب المشكلة

لا تضربينها حرام عليج بتتعقد نفسيتها وعقب بتكرهج
الله يهديج

الله يهديها

لاتضربينها هي تحتاج الحنان مب الضرب

ربنا يهدى بنتك ويصلحلها احوالها
بس بردوة اختى دى طفلة وكل ما تضربيها هتعند معاكى حاولى عقبيها باى حاجة غير الضرب
وربنا يهديهالك حبيبتى ويهديكى عليها

كل البنات كفو و وفو


بس بقولك على شغله


ياريت ماتسمين ((عيد ميلاد)) لان المسلمين ماعندهم الا عيدين عيد الفطر وعيد الاضحى وغيرها يكون بدعه

انا ما كان ودي اضيف شي لانه الاخوات ماشالله كفو ووفو ....
لكن حبيت اشدد لك اختي الكريمه على موضوع عدم الضرب يعني لو يصير اللي يصير لا تمدين ايدج على بنتج مهما صار و مهما استوى ,,,,لان نتائج الضرب راح تنعكس على شخصيتها و راح تتكون عندها عقده نفسيه ,,,و اكبر معالج نفسي ما راح يقدر يعالجها منها ....عشان جي الحقي نفسج و بنتج من الحين ....بليز لا تضربينها بعد اليوم ....بعد اكو ام بالدنيا تضرب بنتها بجنون لحد ما يطلع الدم ..؟لا يا اختي انتي بصراحه احزنتيني بهاي الجمله ...و عورتي قلبي على بنتج المسكينه و بنفس الوقت انقهرت عليها....
عزيزتي انا راح اعطيج مثال واااضح من حياتي العمليه عشان أأكد لج و لكل انسان يضرب ولده ...انه الضرب تبقى آثاره النفسيه على الشحص حتى لو كبر و صار بعمر الثلاثين ...
و اعطيج مثال ....اخوي...اخوي الكبير في البيت ...الحين عمره 28 سنه ....
تدرين شنو مشكلته؟؟؟اخوي كان مثل اي طفل في عمره ....يرتكب اخطاء عاديه مثل كل الاطفال ,,,..كان شاطر بالمدرسه و خلوق و حبوب و طفل كل من شافه حبه ...لكن شنو المشكله....ابوي ...ابوي الله يسامحه ....كان يضرب اخوي ضرب وحشي ....و مستمر....يعني انا ما اتذكر اخوي الا مرمي بالارض و ابوي طايح فيه ضرب و تكسير....و كله على اسباااب تااااااااافهه ...او على خطأ صغير....مثل انه ما سوا الواجب او انه غاب اليوم عن المدرسه او اي سبب تاافه ...كان اخوي ينضرب ضرب مو طبيعي و يوميا و احيانا يوم بعد يوم ....كان ابوي يضربه بالعقال يسلخ كل جسمه ...و مره ضربه و نزل الدم من راسه ,,,,و كان ابوي يقول له لو كررت هالغلط ترا بذبحك بذبحك,,,,,
المهم كبر اخوي و كبرنا و راحت الايام ,,,,و الحين شنو تتصورين اثار هالضرب على اخوي...بعد ما كان و لا زال انسان ذكي و مثقف ...و شاطر و خريج امريكا و معاه ماجستير من امريكا بالعلوم الماليه و المصرفيه ..
لكن شخصيته وينها ...؟شخصيته ممسموحه و معقد نفسيا ,,,,و كان في امريكا يروح من دكتور نفسي الى دكتور نفسي ,,,,,و مر بازمات نفسيه ....كان فيها يفقد اعصابه و يدور مثل المجنون ....و يضرب الناس في الشوارع ....و في المحلات ...اي واحد يغلط عليه بكلمه يهجم عليه و يضربه....و ياما دش السجن من فعايله ...
و بعدين بدا يتعالج نفسيا ....و قال هاي كله من ضرب ابوي لي و انا صغير....و لليوم يتذكر شلون ابوي كان يضربه و احيان اجي عليه اشوفه يبجي ,,,,يبجي على شي صار من 15 سنه.....لانه كان يتذكر شلون كان ينضرب و هو طفل برئ,,,و للحين و لهاي اللحظه ياخذ حبوب ....للاكتئاب ...و للعقد النفسيه اللي متركبه فيه ...و لليوم عنده الرهاب الاجتماعي و يحب العزله و يبتعد عن الناس....و دايما يقول لي انا امنيتي اتزوج و اجيب عيال و اكون حنون عليهم و اخليهم يستانسون بحياتهم و ما ينضربون و ما يطلعون مرضى نفسيا مثلي.,,,,
و لليوم يخاف من ابوي...مع انه ابوي الحين شايب...و اخوي ريال...لليوم اخوي يخاف منه كـأنه طفل....وشخصيته ناقصه التكوين...يعني تحسين هالشخص مو طبيعي مو متزن...و دايما خايف...خايف من الناس من الشغل من كل شي....والحين كلنا في البيت نداريه كأنه طفل...مع انه عمره 28 سنه و امي مو قادره تخطب له لانها تخاف الناس يكتشفون انه مريض نفسيا و عايش على الادويه ....هاي كله بسبب شنو؟؟؟
بسبب الضرب في الطفوله و المراهقه ...
خواتي اللي يقرون ردي بليز تدعون لاخوي بالخير....و اختي صاحبه الموضوع انا كتبت قصه اخوي عشان تاخذين منها العبره و العظه و عشان بنتج ما توصل ابدا لهاي المرحله ...و عشان تاخذين عهد على نفسك و من اليوم انك ما تضربينها ابد ابدا ...
والله يحفظكم

إسمحيلي أقولج..إنج تهدمين حياة بنتج بهالضرب! وهي في سن مراهقة لازم ماتتصرفين بهالطريقة وفعلا كسرت بخاطرها اكيد لما شقيتي اغراض ميلادها..عزيزتي تصرفج غلط غلط غلط.