ملجت و توهقت .. ساعدوني

السلام عليكم...


إختي بما إنكم والحمدلله ملجتوا

فهل تقرب منج باللمس

آسفه طبعا عالسؤال... بس إذا حتى تقربه لج باللمس ما أثر فيج فمعناته هالشي خاص بأطباعج


قريت مره موضوع عن أنواع النسـاء... كل حرمه لها طريقة خاصة تجذبها لشريك حياتها


لا تفكرين أبدا إنج تنهين علاقتج فيه لأنه مو الحل طبعـا وخصوصا إن علاقتكم مبنية على الاقتناع والتفاهم حسب ما وضحتي

حاولي إنج تختبرين نفسج... يعني ليلة العرس مشاعرج فيها

تصرفاتج طريقتج... فكري بطريقة جدية وواقعية بعلاقتج فيه وبتقربج منه


وإن شاء الله تشتعل هالمشاعر ويوفق بينكم الرحمن

طيب بالعكس الخجل ميزة حلوة


وبعد الزواج يجي الحب والمشاعر


او انتظري اشوي يمكن تحبينة مع الوقت

حبيبتى الله يكون بعونج
اولا انا ابغى منج شىء واااحد انج تتوفقى عن قول مشاعرى ميته وبارده تجاهه لان هادا كلام سلبى وصدقينى حتى لو فيج ذرة مشاعر تجاه خطيبج هالكلام راح يخلى مخج يستقبل بس السلبيات,,
مافى شىء بييى ع طول لازم من الاستمرار ودام الريال شاريج لازم انتى تبذلى جهد عشان تحبينه وتشوفين الاشياء الحلوة واللى تجذبج فيه,,ولاتخلى الخجل وعدم المشاعر مبرر لانج ماتعطينه حقوقه اهو زوجج الحينه وعليج بالواقع انتى بادرى مرة او مرتين عسب تكسرين الحواجز,,بس لاتكثرى لان اهو الريال والمفضل يكون اهو المبادر واللى يحاول عشان يكسبج,,لكن انتى توج ببدايه الطريق ودوبج يالسه تتعودين عليه وصدقينى كلامج هاد دليل ع انج تعزينه وتحترمينه بس خايفه تكونين تظلمينه,,
نصيحه لاتخلى هالشعور يسيطر عليج وعيشى حياتج مشوار الالف ميل يبدا بخطوة ومافيها شىء لو جيتى عن نفسج وبادلتيه شعورة دام بداء يتقرب لج هذا من حقه يقولون السعاده حاله احنا بنخلقها لانفسنا يعنى تخيلى دووم انج سعيده وياة وانج تحبينه بس مجرد تخيل وبعدها راح تحسين ان هاى صارت مشاعرج الحقيقيه ومصيرج تحبينه كل البنات عاطفيات ويحبون الاهتمام وانتى الفرصه عنج ولاتضيعينها الله يوفقج ويهدى بالج,,بس المساله مسأله وقت وانشاءالله بنفرح فيج احلى عروس ونسمع عن حياتج الزوجيه السعيده والطويله
تقبلى مرورى
اختك
ميسى كوول^^

بتحسي انك بتحبيه قبل الزواج ب اسابيع ....... ويصير قلبك و قلبه يدق بسرعه قبل العرس :) الحب يا عيني ع الحب هههههههههه

حبيته ياكناري قبل العرس بسنتين و كان اللي كان :o

كيف الحال عساكم بخير .. .؟

أول شي أشكر كل من قدم النصائح والدعاء لي

ثاني شي و بصراحة أنا تسرعت بكتابة الموضوع و بالحكم عليه (a)

ثالث شي أبشركم أنا وياه بخيييييييير و اسعد انسانه

والحمدلله حبيته من كل قلبي كـ زوج و أخ و صديق و كل شي

كنا محتاجين شوية وقت بس بني آدم طبعه عجول

و وحده من الأخوات رسلت لي عالخاص بأنها تعاني نفس المشكلة

بس للأسف مشاركاتي ماوصلت للخمسين ولا يمدي أرسل لها رساله

قلت اجيكم أهني منها اطمنها و منها ابشركم ..

وكلامي موجه إلى صاحبة الرسالة الخاصه ..

انا أقول لج بصراحة ..

الزواج صحيح بدون الحب والمشاعر ماله طعم .. بس حطي في بالك أن هالمشاعر ماتجي من فراغ لازم يكون في مواقف ولو بسيطة ..

الحب من غير مواقف و اسباب بصراحه أعتبره كلام فاضي مو حب

وصدقيني بعد الملجة بفترة يمكن تطول أو تقصر ما أدري اكيد راح تصير بينكم مواقف و تتولد مشاعر الحب بينكم

لا تخافي إذا خوش واحد توكلي على الله ترى مافي أحسن من التوكل على رب العالمين و إن شاء الله خير و عليك بالدعاء ..

كنت ادعي ربي بكل صلاة والحمدلله حمدا كثيرا دائما لا ينقطع ابدا

ياحبيبتيييييييييييييي ....... شوفيني لي سنه ونص ومازلت اعاني من نفس المشكله وشوفيني نزلت موضوع خاص في المنتدى اطلب مساعده عشان هالنقطه ..
الله يعيننا وبس

تاكدي اللي يجي بسرعه يروح بسرعه والعكس صحيح
وبعدين الحب ما يجي الا بالعشره يا حلوة ...
الله يوفقج وتصيرين مجنونته :)