اغرب الوحام عند الحوامل

فعلا كثيييير سمعت منهم انهم يتوحمون على التراب ...

انا توحمت على ملابس جديده وجمعتهم بدولاب خاص فيهم ..

اذا احد فتح الدولاب هذا تفوح منهم ريحة وحااااااام ومحد يشمها الا انا وووووووع

ذكرتيني بالوحام وايامه اعوذ بالله ..


شكرآ على الموضوع الحلو ,,

هلا مشكوره اختي على الموضوع

اما انا فتوحمت في حملي هذا على ريجة البخور والعطور وريحة زووووووووووجي مسكين اهو من غير شي سمكه لدخل يسبح ويوم حملت صرت ماشوفه كله بالحمام هههههههه
وللحين في شوي تجيني ايام ترجع علي حالت الوحم خخخخ الله يسهل علينا حملنا وولادتنا

السلام عليكم قريت في منتدى قسم الاخبار انه وحده توحمت على الطلاق وبعد ماولدت قالت تريد ترد حق زوجها الصراحه اغرب وحام في العالم .

ana bi achahr atani oma7assali ba3d wi7ammm 3ala fikra hadaz awal 7aml li

انا توحمت على ريحه اللحم مسكين ريلي قعد الشهور الاولى مايدخل الذبيحه للبيت مر في مرحله جوع مو طبيعيه
ههههههههههههههههههههههههههههههههههههه
وكمان ريحه البيت كنت اشم فيها ريحه خياس والعطور الي عندي مااواطنها رميتها كلها الله يسهلي ويسهل

لجميع الحوامل

فيه وحام طريف مر علي لوحده نعرفها الحاصل هذي المراءه تزوجة شخص وبايام الخطبه جاب عمته علشان تشوفها وتخبره اذا تصلح له والا لا

المهم صارالنصيب وخذاها وبعد فتره توحمت المسكينه ومن توحمت فيه




توحمت في عنة زوجها ومن تسمع بطاريها جابت مافي كبدها الله يعزكم

اما انا الله لايوريكم وحامي زفت

اكره كل شي ينطبخ على النار من الى

واكره ريحت بيتي وريحة عيالي وما اواطن واحد منهم يكلمني الا من بعيد

والعطورات كلها نسائي ورجالي

واشتهي الطين اللي ياكلونه العجايز الاول ( طين القطيف) اموت فيه

وما يخف وحامي الابعد مايتحرك البيبي شوي شوي لحد مايزول

الله يكون في عونا يالنسوان على مشاكل الحمل وفقر الدم والهبوط والولاده وهمها

وان شاء الله انا على اجر

نسيت لا اقول لكم قبل شوي قريت موضوع عن فوائد الموز يقول فيه

موزه على الصبح تخفف الكثير من متاعب الوحام

واللي تجرب تقول لنا

وينكم يالمتوحمات نبغي اثبات صحة هالخبر

أنا صاحبتي اتوحمت على الفحم
تآكله كل يوم وتحسه أطعم شي في الدنيا

صباح الخير ....

الموضوع وايد حلو يعطيج العافية عيني ....

انا ولله الحمد هذا اول حمل حقي .... وعشت ايام الوحام غريبة جدا .... اول شي كرهت بيتي كله الا غرفة وحدة كنت ادش مسكرة على خشمي الا غرفة النوم .... وكنت اتوحم على زوجي حبيبي يعني اموت فيه وهالشي مستمر الين الحين ... وايد تعلقت فيه ويوم انام حتى لو ايده تلمسني المهم انه مو بعيد عني .... حتى امي تقولي وحامج غريب اول مرة اسمع وحدة تتوحم على زوجها .... انا قبل الوحام لاصقة فيه مع الوحام زاد اكثر واكثر الحمدلله ....

وتوحمت على المشاكيك فترة وعلى (المانجو الاخضر) ويا الملح والفلفل .... وعلى كل شي حامض ويحرق واووووووووووو .....

كل الوحام خف عني ما عدا وحام زوجي .... بعدني ما اقدر بعيد عنه .... الا الصق فيه واحب ريحته بشكل جنوني ..... الله يطول في عمره ويخليه لي يارب ...

انا توحمت مره اني اكره ادخل المطبخ ومن يوم اشم ريحة الاكل انقرف
وتوحمت بعد على شرب البرتقال على اني ماحب اشرب البرتقال بس اموت فيه الحين والتفاح الاخضر والشطه الحاره:):21_91:

السلام عليكم خواتي ..

اني حامل في الشهر الثالث .. وماااتوحمت على أي شي ...

احس بشي طبيعي عادي وماتغير عليي شي ...

مع انه هذا الحمل الاول ليي ...

الله يسهل على الجمييع ان شاء الله ..

(g)مشكورة على مشاركاتكم الاكثر من روعة (y)ويعطيكم الف عافية ويارب يسهل ويهون على كل حامل ويرجعها سالمة وبصحة وعافية لاحبائها اللهم آمين,:15:

هذا اول حمل .. اتوحمت على صالونه السمج لي اتسويها ام ريلي الله يحفظها .. و كنت مسافره و يابولي الصالونه لين عندي .. لين احين احب السمج وااااااااااايد مع اني ما كنت اكل سمج قبل ..

و اتوحمت ع ريلي مسكين كل شويه اقوله سير اسبح .. اتعقد الريال :(

اتخبل على ريحــــــــــــه العود .. كل شوي ماخذه المدخن و اشم في العود ..

المشكله انن وحامي بيتم لين مااربي بالسلامه ..وحام 9 شهور :(
الله يسهــــــــــــــل علينا و ع الجميع ..

[GLOW="FFFF33"]حبيت اجدد هذا الموضوع لكم

كل واحدة تقرا هذا الموضوع اذا مرت او سمعت عن الوحام باي اشكالها تكتبها لنا

والف شكر لكل المساهمات[/GLOW]:clap::clap::clap::clap::clap::clap::9_28::9_28::flower::flower::flower::flower::flower::flower:

NanaWewe;4909838:
أنا صاحبتي اتوحمت على الفحم
تآكله كل يوم وتحسه أطعم شي في الدنيا

حتى أنا توحمت على الفحم الله يعين حتى انى خفت على نفسي من كثر ما أقرشه

مرحبا..

انا مش كتزوجه بس بخبركم عن وحاام ربيعتي
كل يوم تقوول حق ريلها قم ودني ابا اشم الورود
تحب الورد الجووري واايد تشممه وتحظنه واااايد وساعات بالدسه تاكل شوي والله
انه وحااام غريب بس ووواايد حلو ورقيق ورومانسي
اتوقع ولدها يطلع دلوووع ماما ههههه او يمكن بااباا

انا في حملي الاول توحمت على بيض بس مب اي بيض...لازم بيض دياي مال بيت خخخخ..والحمدلله ام ريلي عندها دياي وكانت تييبلي..ههههه ..والمانجا وااايد

هالحمل غير عن الاولي اني اتوحم عالسكريات واااايد عكس حملي السابق..يعني بسبوسه ..دونات مع اني مااحب الدونات ...والله يستر

سوالفكم حلوة ههههههههه


عني انا في حملي الاولي كرهت ريحة زوجي ( عطره + حلجه (a)) وكرهت غرفتنا هههههههههههههه وكرهت ريحة عطر عندي وكرهت الصابون اللي استخدمه للثياب ( تايد بالياسمين ) وفي اكلات كنت وايد آكلها قبل الحمل وبعدين كرهتها شوي فترة الى عقب الولادة بشوي بعدين صرت عادي اكلها ..

وعن الاشياء اللي حبيتها كل شي حامض ادمنته وقتها ..



وبالنسبة لحملي الثاني ما فرق وايد عن حملي الاولي وحسيت روحي كرهت ( الجماع ) كلللللللش وتلوع جبدي لما زوجي يطلب ووايد رفضت لكن احيانا استحي ويكسر خاطري واوافق وما في شي جديد كرهته بعد واللي الاشياء اللي حبيتها زيادة هي الفواكه وااايد اشتهيت فواكه مع اني في الاساس ما احب الفواكه بس الكل استانس يوم حبيتها في الحمل وقالوا احسن شي سواه لج الحمل هههههههههههههههه

وحامي ما كان على الروايح
كان على الاكل اكره شي عندي اللحوم والدجاج
كرهتها من قلب حتى اسمها ما ابي اسمعه
ولا ياكلها وتعلق فيه الريحة اكره واحقد عليه
في شهوري الاولى كنت يا دوب عصائر وحليب فقط
واذا بكشخ روحي اكل بيتزا خضار
و كرهت الموسيقى والاناشيد وكل شي ينسمع
وحتى رنات اهلي خليتهم كلهم يغيرونها لانه من اسمعها
احس ابي اضرب نفسي واضايق وايد
والحمد الله عدت الثلاث شهور على خير
بس بعدي مو رجعت مثل قبل

صحيح واكثر شي حبيته
عصير البرتقال و الكنار البني الصغير

اما في حملي السابق الا ما تم
حبيت زوجي بشكل فضيع
من اشوفه كانه شايفه الجنة