انا وبنتي والرضاعة الطبيعية

وهج الحب
الله يعينج وكل شيء باجره
وفرصه دام انه يرضع طبيعي اقل شيء كملي للسنة.
وهو للحين نومه ما تعدل
فدوكة عفست نومها
وما تنام الا بعد 7 الصبح

نجمة الرضا
الله يحفظ لج بنوتج
وزين يوم رضعتي ولدج طبيعي
انشا الله اعوض في الجايين

وهوووووووووج
انتي رضعتي من امج 6 شهور
انا رضعت من امي ثلاثة شهور

imy_emg
الله يحفظ البنوتة لج يارب

رحيل الحياة
مو مشكلتج بحالج
بس عن تجربة ترى الشفاط ينشف الحليب
انا حليبي نشف من الشفاط

[GRADE="00008B FF6347 008000 4B0082"]حبيبتي الذنب مو ذنبك هذي كتبت الله
والله ما يسوي شي اللي فيه الصلاح لج ولبنتج وحمدي ربج اهمشي صحة بنتج زيينه ومافيها الا العافيه
والله ناس ارضعون عيالهم طبيعي وكله مرضه وناس كله صناعي ومافيها الا العافيه
وانشاء الله عيالج الباقي ترضعينهم طبيعي[/GRADE]

ااااااااااااااااااااااااااااااااااااااااااااه... ليش ياام فدوكة تقلبي علي المواجع ...:confused::confused::confused:

انا ما رضعت بنتي طبيعي الا ثلاثة شهور بس ... اصلاً ايام الحمل ما اهتميت اني ارطب الحلمة ... وصدري اليمين حلمته غايرة وبرضه مااهتميت اعملها تمارين وكانت النتيجة انها كانت ترضع من صدر واحد ... الم فظييييييييييييييييييييييع ... وعلى طول بنتي تشرب دم مع اللبن ... عالجتها بكل الوسائل المتاحة ... واستعملت ادوية ... وخلطات شعبية ... ما فاد ... استعملت الحلمة البلاستيك ... وما فاد ... لما كانت ترضع كنت اصيح من الالم

وبالرغم من كل دا اصريت على الرضاعة الطبيعية بس كنت اعطيها صناعي ... وطبعاً النفسيات الزفت اثرت على كمية الحليب ... وكانت تمص بالساعة وتكون جوعانة برضه ... واخيراً من عندها رفضتني ... المرضعة اسهل بالنسبة لها ... من احط صدري في فمها تصيح وتفزع الدنيا ... حاولت وغصبتها بس ما طاعت ... الين استسلمت ونشف الحليب من صدري

احساس الذنب لسه ملازمني بالرغم من انها صحتها زينة الحمدلله ... بس يغلب علي الاحساس باني عاملة شي غلط لدرجة انه ماحد يعرف انه بنتي ماترضع طبيعي ابداً ... مخبية الموضوع عن كل الناس .. مفتكرين انها تاخد صناعي عشان الدوام ومن ارجع اعطيها طبيعي .... مكتمة على الموضوع كاني عاملة جريمة ... مع اني حاولت والله

عاشقة الاسمراني
مشكورة ع الرد حبيبتي نورتي

كريم كراميل
حاتي مثل حالتج
لاني حاولت وهي ما تقبلته وما كانت تشرب الا بالموووت
بس انا ما اقدرت اتحمل الالم فصرت اشفط لها
ونورتينا بتجربتج

معلومه يمكن تكون يديده على البعض ان الحب والحنان ووضم الام لطفلها تعزز وتزيد المناعه ...

فيا اختي لا تحرمينها من هالشي لمجرد انج حرمتيها من الرضاعه الطبيعيه

انا عن نفسي ولدي (البكر) رضعته 8 شهوروهو فطم نفسه بنفسه وقام يعضني وسوالي التهابات وطلع دم ووقفت عنه الرضاعه .. صح حطيت في خاطري وكلمت الدكتور بهالموضوع قالي نفس المعلومه الي كتبتها فالبداية... وعقبها بشهر حملت مرة ثانيه ..

عاهت نفسي اني ارضع البيبي الي جاي سنتين والحمدلله بنتي الين الحين ترضع مني ... وترفض الرضاعه الصناعيه ... احيانا اقول خلاص بفطمها ... لكن ارجع بكلامي واتذكر العهد ...

على فكرة في وايد ناس يخربون على الام .. وخاصتا الامهات يوم يقولون حليب الام ما يكفي الياهل ...

انا اشكثر حنوا عليه قلتلهم ما عليه والحمدلله كانت تاخذ كفايتها وربج ريحم

bj3a
اختي صحيح ما ارضعها طبيعي بس كله ضامتها لصدري
وخاشتها بقلبي
وعيني لها
يعني اللي ترضع طبيعي واللي ترضع صناعي
هي ام وتحب ولدها نفس الحب
و على فكرة انا امي حاولت تقنعني ارضع بنتي اكثر واصرت
بس هي ما اتقبلتها
والحمد لله على كل حال

ام فدوكة
انا بناتي ثلاثهم ما قدرت ارضعهم طبيعي بشكل مباشر

لاني كنت ادرس فكنت اشفط ليهم واحطه بالغرشة وكنت اعطيهم ايضا صناعي وهو سيملاك
وكنت احس بالذنب
بس الله عوضني ورضعت خلودي طبيعي
وبما نا انتي ماعندج الا فدوكة
فعوظي بالثاني والثالث
وساعتها بيروح الشعور بالندم

ام لجين ورغد
مشكورة ع الرد
انشاالله اعوض بالثاني يارب
وان شا الله الجميع ويارب ترزق كل محروم من العيال