تجمع خاص بالحوامل البكر (( أول حمل لكِ تفضلي معنا )) ..

@نوووسه@;6605679:
هلا بنت الرافدين

كيف بدأت تمشي ولا لا ؟؟

ودخلت التاااسع صحيح ...

هلا الغالية ,, اي والله بديت امشي من زمان ,, من نص الثامن عشان البيبي يلف لتحت والحمد لله ,,, والحين دخلت التاسع ,, وكان عندي موعد قالتلي الدكتورة انو رحمي مسكر ,, يعني بعد وقت ,, بس لازم امشي ,, ولازم وزن البيبي مايزيد كثير عشان الولادة

الله يعينك وبعننا

انا دخلت التاسع لي 5ايام بس الدكتوره قالت لي بعد10 ايام امشي

وليش قالت لازم وزن البيبي مايزيد ..

عشان فحصتني داخلي اول مرة وفضحت الدنيا صراخ,, وماخليتها تقرب,, المهم عقدت المرة في عيشتها ,,, وقالتلي لعد كيف لاح تولدي,؟؟

وحكتلي وزن البيبي عندي ماشاء الله زين ولازم مايزيد اكثر عشان انا حتغلب بالولادة ,, خاصة اني بكر,, عشان جي المشي زين حقي وحق البيبي انو مايزيد وزنه ,, و وقفت عني الكالسيوم حتى عظامي تطرى ويصير عندي توسع يوم الولادة ,,,

وقالتلي لازم احاسب على اكلي ,, واكل اشياء خفيفة وبس,,,
مع انو والله وزني بالمرة مازاد وايد ,,, واخر شهر بالمرة مازاد وزني ,,, الحمد لله ,,, بس مااعرف شو مالها علي ماتباني ازيد ,,,

الفحص المهبلي يطفش مره

حتى انا الدكتوره وقفت عني الكالسيوم

والله يسهل علينا جميعا الولاده ويفرحنا بشوفه عيالنا

ياااااااارب

@نوووسه@;6605829:
الفحص المهبلي يطفش مره

حتى انا الدكتوره وقفت عني الكالسيوم

والله يسهل علينا جميعا الولاده ويفرحنا بشوفه عيالنا

ياااااااارب

اي والله هالفحص مزعج كثير,, ربي يعينا ,, بس لازم نستحمل,,, الله كريم وكله باجره:tongue:

اهليييييييييين

انا توني دخلت السادس الحلوين الي ووصلوا للتاسع

ربي يتتم حملكم على خييير

بايش تنصحووني الله يخليكم

محتاجه لك;6606996:
اهليييييييييين

انا توني دخلت السادس الحلوين الي ووصلوا للتاسع

ربي يتتم حملكم على خييير

بايش تنصحووني الله يخليكم

هلا اختي

ربي يتمم حملك على خير,,,

اهم شي ترتاحين الحين ,, وخلصي تجهيزاتك على مهلك ,, عشان اخر شهر تتفضين للمشي,,,

ادهني جسمك بكريمات مرطبة عشان التشققات ,,,

واهتمي باكلج ,,

وبس


>>>>>>>>>>>>>>>>>>>
وقبل لا انسى:tongue: ادعيلنا ربنا يسهل ولادتنا ,,, وانا وحدة ميتة خوف,, من الحين ,,, الله يعيني يارب والكل اجمعين

اسعد الله صباحكم خواتي العزيزات
بنت الرافدين
الله معاج حبيبتي ربي يقومج بالسلامه وتكون ولادتك ميسرة إن شاء الله

نووووسة
هااانت حبيبتي لاتستعجلين ع المشي دام الدكتورة قالتلك بعد 10 أيام وربي يقومكم بالسلامه وتفرحونا بخبر ولادتكم وترولنا قصة ولادتكم ...

بس قولولي يا بنات لاني ولا مرة حتي الان فحصتني مهبلي هي شتسوي بالضبط تفحص بجهاز ولا نظري الله يسهل عليكم ويقومكم بالسلامه تراني خوافه واحب اعرف قبل لا تمسكني لاني وااايد استحي والله من الخجل ودي أولد بالبيت خخخخخ

صبااح الخير
شخباركم بناات
وشخبار الحمل؟

انا متعقدة من شي ..كل من يشوفني لازم يقول ليي (متنتين) :ss:

وزني قاعد يزيد يعني انا في نهاية الخامس وتقريبا لحد الحين يمكن زايدة 6 او 7 كيلو

مادري اذا وصلت للتاسع جم بيوصل :ss:

صباحك ورد يامر الايام

حبيبتي مهما زدتي المشكلة مابتقدرين تسيطرين على نفسك إلا لو اتبعتي نظام رجيم للحوامل من عند دكتورة مختصة مع اني ما انصح الرجيم فترة الحمل ... عن نفسي انا بالسادس زدت 3 كيلو
وانا الحين بالثامن لكن الحمدلله من بداية حملي حتي الان زدت 9 كيلو ...وانا شاء الله حتي لو زاد انا عن نفسي واثقة اني بقدر اخسر وزن بعد الولاده لاني الحمدلله عندي اراده قوية من ناحية شكل الجسم والرجيم

تصدقون قبل الزواج اختي هدتني بلوزة تجنن بس المشكلة كنت متينة وضخمه لاني طوييييييلة وقتها كان وزني 76 كيلو والبلوزة للضعاف والرشيقات ....قررت اني لازم البسها وحطيتها بالراس وقررت اعمل رجيم قااااااااسي والمشكلة ماكان رجيم كان انتحااااار لاني ما كنت اكل اي شي او بالاحري اتغدي بسكوت والعشاء عصيييير او شاااي ..وفى غضون شهر نزلت 21 كيلو وصرت 55 كيلو
بس مابقولكم على الشعر إلي طاااح ولا الجسم إلي ترهل وذاااب والدوخه إلي كنت احس فيها وترهلات الجلد لاني ماكنت العب رياضه او اتحرك لاني كنت مهلكه نفسي جووووع
الله لايوريكم .... بس انا الحين عقلت واذا بسوي رجيم براعي بنتي فية لاني برضعها واخاااف الحليب ينشف من صدري ...وربي يساعد الجميع ونقدر نرجع اجسامنا او نحااااول نفقد وزن زااايد

مادري شفيني اليوم جرارة وااايد ...تكفون تحملوني مادري شفيني خخخخخ

ياهلا الماسة وحساسة

لاتهلكين روحش بالهنوع من الريجيم لان يضر اكثر من انه ينفع

انا اللي خله وزني يرتفع هو الاكل المترووووس دهن
يعني قبل كنت احاسب لهالشي..لازن انشف الاكل بكلينكس قبل لا اكله..بس لما حملت صرت ما احاسب اكلبدون تنشيف عشان جدي وزني ارتفع

بس يا مر الايام انا الزيوت بالذات احب انشفها والدهن لازم اشيله مب زين حتي للبيبي
انا بعد صرت مع الحمل اكل واااايد دايما ماشاء الله نفسي مفتوحه والله خايفة بعد الولاده تكون شهيتي بعد مفتوحه ... بس إلي اعرفه انه المقالي مب زينه للحامل يعني كلي خفيف بس
مشكلتي احب الباذنجان المقلي وانتي تدرين الباذنجان يسحب كل الزيت ولازم انشفه عدل بس بعد مهما نشفته الزيت يلعب فى الباذنجان ويلعوزني اممممممممممم جوعتيني الله يسامحك انا فى الدوام الحين للعصر من وين اصيد باذنجان مقلي اخ يالقهر ابي استقيل اقعد فى البيت ابركلي والله

بل خرعتيني ..شنو اضراره عالبيبي لاني ما كنت منتبهة لهالشي

شكلش يالماسة مثل حالتي وية الدوام.انا مو طايقتنه خير شر ..لو ماعليي قرض سيارة جان من زمان قعدت في البيت لمن احصل شي احسن

حبيبتي يا مر الايام
انا تري مب متأكده انه فى اضرار على البيبي بعيد الشر الله يحفظة يارب
بس سمعت ان الزيت المقلي مب زين للحامل ... بس بيني وبينك انا اكل بس مااكثر يعني احب الخضار المقلي والسويس رول بالجبن والدجاج والفلفل الهندي المقلي اممممممممممم ..مجرمه صح
تدرين انا اكل فلفل بطريقه مخييييييييفه يعني بنوتي بتطلع مفلفله ومبهرة عدل الله يحفظها
الله يعينك يا قلبي على اقساطك انا الحمدلله اقساط السيارة عن طريق شغلي القديم يعني مب عن طريق البنك والحمدلله اني قلت للدوام عندي اني بداوم هالشهر اخر شهر لاني بصراحه مب قادرة اتحرك وانا وظيفتي سكرتيرة تدرين رايحه جاية وبعد شكلي خلاص ماعاد يسمح انا استحي وااايد لما اقوم من مكتبي لان احسهم يطالعون كرووشتي فديتها ...مع انهم الحمدلله وااايد الشباب إلي معاي محترمين

مر الايام مب طالع توقيعك
انتي بأي شهر واي اسبوع بلاضبط
واذا تعرفين تحسبين تراني متوهقه مادري دخلت الثامن ولاللحين بالسابع
لان انا الدكتورة كتبتلي ولاده 10/9
وانا على حسبتي 3 يوم من الشهر الثامن

للاسف ماعرف لهالحسبة
امممم انا في نهاية الخامس

الله يسهل عليش ويقومش بالسلامة انتي والبيبي

الله يتمملك على خير يامر الايام
والحمدلله على كل حال خلاص انا بثبت على حسبتي انا باليوم 3 من الثامن
وربي يثبتلك حملك ويقومك بالسلامه
قولييلي وحامك اختفي ولا للحين ؟؟

الحمدلله تقريبا اختفى بس التعب موجود..اقل شي يتعبني..واحيانا احس ان جبدي لايعة بس مو مثل قبل

الحمدلله اهم شي اللوعه تروح بعدها بترتاحين وبيبدأ الثقل
انا الثقل بديت احس فية بالشهر السادس لان كروشتي فجأه طلعت مادري شلون خخخخ
والحمدلله ..عموما الشهور الجاية احسن بوااايد من بداية الحمل بس للسابع وانتهت الراحه يعني من الثامن وطالع تحاسبين على نفسك عدل انا ماكنت اتوقع ان الحمل يعيق الحركة لهدرجه يعني يوم الجمعه رحت اتسبح بالبركه لو شفتيني تضحكين على مب عارفه اسوي شي حاضنه بطني وواقفه فى مكاني

انا لحد الحين بطني ما يبين..يعني اذا البس بالطو ما يبين اني حامل..بس ينعرف اني حامل لاني متنت

بالنسبة للبرجة بيت عمي لسبوع الجاي بروحون برجة وانا احتمال اروح بس ماظن بسبح