تجمع خاص بالحوامل البكر (( أول حمل لكِ تفضلي معنا )) ..

وأنا بنظم وياكم هذا أول حمل لي وأناأحين في الشهر السابع..

والصراحه هالشهرين واااايد حسيت بتعب أكثر من الشهور الاولى

رفيدة2006;5593603:
[GLOW="FF0066"]كيف حالكم اخوانتي دي اول مرة اشارك معاكو انا حامل في الشهر التاني بس عندي كام سؤال عاوزة اعرف اجابته انا بقالي حوالي اسبوع وانا نفسيتي تعبانة اوي وبعيط جامد اوي كنت عاوزة اعرف هل ده ممكن يكون اثر في البيبي وعمل تشوه لاقدر الله وكمان قبل ما اعرف اني حامل كان عندي برد جامد اوي خدت قرصين بس علاج ممكن برضه يكون اثر في البيبي ياريت تطمنوني ربنا يقومكو كلكو بالسلامة [/GLOW]

هلا والله رفيده


بخير جعلك بخير يارب

الف مبرروك الحمل والله يثبته لك وحياك بينا ..

بخصوص انك تبجين ترا هاي من النفسيه اثناء الحمل بتمر عليك اوقات تزعلي لحالك وترضي لحالك وهذا جداً طبيعي بس انتي حاولي تهدي نفسك كثر ما تقدري وان شا ءالله كل خيرر ..

اما بخصوص القرصين ربك يحفظ البيبي وان شاء الله ماعليكم شر بس بعد اذا راجعتي الدكتوره خبريها انك اخذتي قرصين وكذا وان شاء الله تطمنك اكثرر وتجنبي اي نوع من الاقراص حاليا .. الا بوصفه طبيه ..


يا هلا بك بينا

نورتي التجمع ..

@نوووسه@;5594890:
السلام عليكم


كيف بنات واخباركم ؟؟؟

وكيف اللي ببطونكم .......

انشاء الله الجميع بخير ...

عليكم السلااااااااااااام

هلا وغلا نووسه

بخير حبيبتي وانتي اخبارك واخبار البيبي ؟؟

التواقه;5595433:
وأنا بنظم وياكم هذا أول حمل لي وأناأحين في الشهر السابع..

والصراحه هالشهرين واااايد حسيت بتعب أكثر من الشهور الاولى

هلا والله التوااقه

حياك بينا

الله يتمم حملك ع خيرر

ويعينك يارب ويسهل عليك

نورتي التجمع (f)

يارب ترزقني;5595605:

عليكم السلااااااااااااام

هلا وغلا نووسه

بخير حبيبتي وانتي اخبارك واخبار البيبي ؟؟

حياك يارب ترزقني

الحمد لله تمام انا والبيبي ...

عندي موعد اليوم انشاء الله نتطمن عالبيبي

وشكها انتي وانا ولدت صحيح ؟؟؟

@نوووسه@;5595725:

حياك يارب ترزقني

الحمد لله تمام انا والبيبي ...

عندي موعد اليوم انشاء الله نتطمن عالبيبي

وشكها انتي وانا ولدت صحيح ؟؟؟

هلا وغلا نوووووووووووسه


دووم تكوني بخير

الله يطمنك وبس ترجعي طمنينا عليك وع البيبي

امممم هي ما تغيب عنا وكل يوم تتواجد واتوقع انها ولدت بعد الصموووووود هذا كله

الله يطمنا عليهاا ويسهل عليها يارب

آمـــــــــــــــــــــــــــين

الله يسهل عليها ويطمنا عليها ...

الله يسمع منك حبووبه

ويسهل عليها وع الجميع يارب

ويرد الغايبات ويطمنا عليهم .

مساء الخير

شخباركم كروشات ان شاء الله بخير

وكيفهم عيالكم عساهم مرتاحين

انا اخاف من سالفة الماي ماعرف كيف بيكووون ؟؟؟؟؟؟؟؟؟؟؟؟

وعادي في الشهر التاسع تنزل افرازات ولالااااااااااااااااااا ؟؟؟؟؟؟؟؟؟؟؟؟

ღ جنــه خيـالي ღ;5588832:
هلا بك اكثر


شفتي شلون اللمستشفيات صارت

والمشكله ان الوحده ماتدري شلون بتولد طبيعي او قيصري


الله يسهلها علينا يارب


المهم االشميسي احسه مو حلو ابد


طيب ماتقدرين تروحين للملك فهد او عبدالعزيز


كثير مدحوها

وفيه مستشفى سليمان الحبيب ولادتهم اقل سعر من المملكه

ودله كثير مدحوها


دكتورتي بمستوصف بشمال الرياض


انت اي حي ساكنه..؟

اهلين جنة خيالي كيفك انشاءلله تمام

لا والله الشميسي ابددد موو حلوو بس انا رحت لهم عشان يعطوني تحويل للجامعي

او مدينة المللك فهد الطبية وقالولي ماراح نعطيك تحويل الا لما تسوين تحاليل واشعة

وبعدها ادخل على الدكتور( ويمكن )يعطيني تحوويل عاد عطوني موعد في نهاية شهر 4

اسلوب تطفيش مبدعين عاد هم بالتطفيش

المهم مدينة المللك فهد مايستقبلون اي احد لازم تكون الحالة تستدعي وفية عندهم بفلووس

ام الملك عبدالعزيز اللي هوو الحرس انا مو تبعهم

الحبيب كنت اتابع عندهم بداية حملي بس ماعندهم مستشفى ولادة على ماظن

ودلة سبحااااااااااااااااان الله مارتاح لهم وماشاكلهم كثيرة مافكرت فيهم ايد

وانا ساكنة بشمال الرياض بعد

يارب ترزقنى

مشكورة حبيبتى على ملاحظتج تخيلى من شهرين ما دخل فمى كوب شاى صج معجزة هههههههههههه


اما بخصوص العمل عندى وعندج خير الله يرزقنه بس فعلا نفس مايقول زوجى طفلج احق فييج مابعور راسى

انتى شنو تخصصج

مرحبا يا أمهات المستقبل أشلونكم ؟؟
سمراء الوادي
أنا أتابع مع الدولي لأني على التأمين الصحي كخخخخخخخخ

خوالــي;5598165:
مساء الخير

شخباركم كروشات ان شاء الله بخير

وكيفهم عيالكم عساهم مرتاحين

انا اخاف من سالفة الماي ماعرف كيف بيكووون ؟؟؟؟؟؟؟؟؟؟؟؟

وعادي في الشهر التاسع تنزل افرازات ولالااااااااااااااااااا ؟؟؟؟؟؟؟؟؟؟؟؟

مساء الورد


بخير جعلك بخير

بصراحه حبوبه ماعرف بخصوص موضوع الماي او الافرازات بس الاخت قمقوومه تقدر تفيدك لانها كانت معانا بالتجمع ويعني ما صار لها كثير من ولدت اكيد عندها خبره اكثرر ..

الله يسهل عليك يارب

بن حارب;5587020:
هلا بنات اشحالكم انا الحمدلله بس من متى وانا مرقده ف المستشفى تعبت والله من السابع وهم يوقفون الويع بس الحمدلله على كل حال ذابحتني التقلصات ويلسة المستشفى بس بلا شو انسسوي الحمدلله انتو قولولي شو اخباركم

سلامات اختي
ما تشوفين شر ان شاء الله

الله يبعد عنك العين ويفرج عنك
وترجعين للبيت سالمة غانمة

وعقبال الولادة المتيسرة من رب العالمين

ديري بالك على حالك وقللي حركة لين تتحسن حالتك
وتقومين من احسن ما يكون

سمراء الوادى;5598646:
يارب ترزقنى

مشكورة حبيبتى على ملاحظتج تخيلى من شهرين ما دخل فمى كوب شاى صج معجزة هههههههههههه


اما بخصوص العمل عندى وعندج خير الله يرزقنه بس فعلا نفس مايقول زوجى طفلج احق فييج مابعور راسى

انتى شنو تخصصج

هلا وغلا سمراء


اي حاضرين .. زين عفيه وااصلي ولا تشربين شيء ..


الله يعين والله .. اي هذا كلام زوجي بعد والبابا يقولون انتي قومي بالسلامه الحين وربي هل البيبي لو كم شهر بعدين فكري في الشغل لان لو بتفكرين لا بيوضفوونكم ولا شيء الله يعين بس ..

انا حبوبه كنت مخطوبه من قبل اول ثانوي وكان همي اكمل الثانويه بس ولم كملتها تزوجت مباشره في الاجازه وااصلت دراسه في معاهد من معهد الى معهد وعندي شهادة لغات ثنتين وكمبيوتر واكونت ومبيعات والله هلكت عمرري وكنت متاخره في الحمل كان وقتي كله للدراسه وشهادات موجوده مالها اي دااعي عندي وما فادتني ولا قادره اتؤظف منها .. والي صفيت عليه مبلغ العاطلين وياريت عطوني بعد لا بس مسجله عندهم هههههههههههههههه

ان شا ءالله بشووف موضوع حملي وبعدين ربج يفرجها ..


تفضلي رابط عاطلات البحرين هههههههههههه

http://www.3roos.com/forums/t291434_37.html

نور النجوم 888;5603556:
مرحبا يا أمهات المستقبل أشلونكم ؟؟
سمراء الوادي
أنا أتابع مع الدولي لأني على التأمين الصحي كخخخخخخخخ

هلا والله نوررررررررر

بخير جعلك بخير

وانتي شخبارج وشخبار البيبي ؟؟

بارك هايين;5587865:
مرحبا كرووووشات بكريات

بن حارب الحمدلله على سلامتك حبيبتي ماتشوفين شر

بنات والله خايفة من الولادة مرررررررررة حاسة اني بواجة شي مااعرف وشووو خصوصا اني خوااافة

والشعور هذا مسيطر علي ومنغص علي فرحتي بالحمل

وبعدين في شي مخووووووووفني مررة الجنين الا الان مابعد تحرك وانا بنص الرابع

عزيزتي ان شاء الله ما عليش شر
وتابعي مع المستشفى دامك بالشهر الرابع فهو شهر مناسب للمتابعة وعمل تصوير صوتي للبيبي
توكلي عالله وان شاء الله كل الخير جدامك

وعن خوف الولادة .. انا كنت نفسك
قطيت كل الخوف وراي
لاني لوقعدت خايفة .. شبستفيد!!
وبعدين احد عنده "الله" ويخاف
الي قوم امي وقوم اختي وغير وغير بالسلامة
قادر انه يقومني ويقوم كل البنات بالسلامة ان شاء الله
رحمة الله واسعة

وربي يرزقنا ولادة متيسرة ان شاء الله

سمراء الوادى;5587960:
الشيخه

حبيبتى كفيتى ووفيتى بالرد بس عارفه صايرة لى عقده من المستشفيات من زوجات اخوانى اللى قلتج عنها

هذى من سنه والامريكى يرفضون يولدون الحالات الغامضه يعنى وحده تتابع معاهم على الاخر وشاكين فى

وضعيه الجنين مستحيل يرضون يولدونها وتتحول على السلمانيه يخافون على الناس ،،،،

اما بخصوص العسكرى وحدث ولا حرج اخوى بنته ماتت فى بطن امها لانها سوت حادث خشن فى التاسع

ودخلت وبدل ما يولودنها خلوها تسع ساعات وحاطين جهاز نبض للبيبى وكان شغال وبعد تسع ساعات

اختفى النبض ومات تخيلى حالتها ،،، وانا واقفه خمس حالات وفات يهال

اما الامريكى صديقتى تولد هناك تاخذ ابره فى ظهرها تولد فى ساعتين بكل بساطه وادخل عليها تضحك

لانها تولد بدون الم صج ونااااااااااااسه ،،،،

والدولى انا اسوى فحوصاتى عنه بس حريجه فلوس هالمستشفى صج تجارى ،،،

الشيخه حبيبتى شنو تخصصج على فكرة انا حاسه انج وايد تتحركين وانتى فى بدايه حملج تحملى شوى فى

روحج ووايد تجلسين على النت حاسه وهالشى مب تمام يعنى ريحى ظهرج لان الشهور الاولى خطرة وان

كنتى ظاهريا تحسى انج تمام وقللى العروس ههههههههههههه عشان كثرت الجلوس خطر لين يثبت حملج

خاصه انج بجر مثلى ،،،

اما بخوص العمل صراحه اقول ودى اعمل بس ما يهون علي اتعب نفسى ماصدقت على الله احمل بس ساعات

اقول خاطرى اكون امراه مكافحه واعمل الانسان طماع يبى كل شى شنو نسوى

وشكرا يا حلوة ياشيخه

مراحب اختي
لا تقعدين تفكرين واااايد بسلبية
بالذات في الشهور الثلاث الاولى .. الطفل محتاج للام انها تفكر بشكل ايجابي
ومش بس كذا
إلا حاولي احيانا تقعدين معاها ومع نفسك بس .. تتمددين على ظهرك وتحطين يدش على بطنش وتحاولين تغمضين عينش وتتخيلين البيبي وتتكلمين معاه
هذا يسموونه برنامج التأمل
ويساعد الطفل انه ينولد بإذن الله سعيد .. ويكون متعلق بيش بطريقة شديدة

اما عن تخصصي فخليها على الله
تخصصي مستحيل فيه قعده .. مشاوط يمين يسار
وفي سعي ومجابل بدون اوقات محددة
عالله اختي

مازلت انتظر .. ولكني شاغله نفسي عالاقل بالقرائة


حاولي تتابعين حملش في مكان غير الدولي
اختي كانوا ووايد يدلعوونها وبعد ما كان عاجبنها
قالت مثل قولش انه مكان تجاري من الدرجة الاولى

وحاولي تلقين لش اي وحده تعرفينها دكتور نساء او وساطة من وحده معينة
عشان تهتم فيش
الدنيا ما يبالها الا شذي الحين
انا ربع امي دكاترة توليد .. يحاولون يزوروني من فترة لثانية
وغالبا ينصحووني اني ما اروح المستشفى ووايد عشان لا يتلعبوون فيني
ويوصوني عالاكل والشرب رغم كره الوحده لهسوالف بادئ الحمل والله يعيني لمتى بعد؟؟
وخصوصا اني وصلت لحالة الاغماء وضيق التنفس .. والله يستر


على فكرة سمعت عن مستشفى الامل في عالي
بس لما راجعتهم قالوا انهم مش مستعدين لحد الان لمتابعة حوامل او توليد!!
وما ادري متى بفتحونة!!


ديري بالك على حالك زين عزيزتى :)

والله الحافظ
(f)

السلام عليكم

كيفكم جميعا ؟؟؟؟؟؟؟؟؟؟

انشاء الله االكــــــــــــــــــــــــل وبيبياتهم تمام ....

رحت للدكتورة وقالت الاملاح في البول كثيره" الله يعزكم"

وقالت لي غيري المويه اللي بتشربيها ........

ايش تنصحوني ؟؟؟؟؟؟؟؟

تمام نحمد الله


نوسه سوي مثل ماقالت لك وغيري المويه


والله يهون عليك يالغلا