تجمع خاص بالحوامل البكر (( أول حمل لكِ تفضلي معنا )) ..

منوى;5266068:
عليكم السلام
هلا غصون البحرين شعلومش؟
شخباركم حوامل
أني بخير ولله الحمد بس حبيت أستفسر وطمنوني الله يخليكم ويسلمكم بخصوص ماء الرحم الدكتورة قالت لي انه زايد عن المعدل الطبيعي أحتمال تصير عندي ولادة مبكرة بداية التاسع وأنا احاتي مرة بخصوص هالشيء وبعد زايدة الحكة علي في البطن هذا شيء طبيعي على الرغم أن أستخدم كريم من الصيدلية وصايرة ما عندي شهية ما أحب أكل مرة كثير

هلا والله منوى

دووم تكوني بخير وماعليك شر ان شا ءالله

مثل ما قلت اختي غصوون اذا ولدتي في بداية التاسع كل خير ان شا ءالله بتكوني عديتي مرحلة الخطووره يعني بس ان شا ءالله تقوكي بالسلامه وبخصوص ماء الرحم ماعندي معلومه عنه ابد
والحكه اكيد تروح بطريقه معينه ويمكن تحصلي كريم ينفع معااك وحاولي تاكلين وتغيرين من نفسيتك وماتفكرين وتحاتين عشان ترغبين في الاكل وان شاء الله ماعليك شر
الله يحفظك ويسهل ولادتك وماعليك اي شر لا انتي ولا البيبي ..

@نوووسه@;5268668:
يارب ترزقني
مشكورة يالغاليه سلامتك ماتشوفين شر

حاضرين يا غاليه

الله يسلمك من كل شر يارب

تسلمين لي حبوبه

اخبارك واخبار البيبي

عساكم بخير ؟

درة الطبيعه;5269350:
ادعولنا انا نجيب بيبي زيكم ههههههههههههههههههههههههههههههه :wink:والله يسهل عليكم ويثبت حملكم والله يرزقني ويرزق جميع المحرومات:confused:

:D

درة الطبيعه

الله يرزقك من وااسع رزقه

يارب ذا الجلال والاكرام اللهم ارزقها وارزق كل محرومه الذريه الصالحه بقدرتك وعزتك وجلالتك

وبفضلا وكرما منك ..

الله يرزقك ويرزق كل محرومه يارب

وان شا ءالله قريب نشووفك في التجمع بينا ..(f)

غصون البحرين;5271959:

مساء الخير ياكروووووشات

شخباركم؟ وشخبار الحمل معاكم والبيبي؟ شخبار تجهيزاتكم؟


(f)(f)


أختي الحب الكبير.. شخبارك؟ من زمان ما بينتي؟ عسى المانع خير إن شاء الله.. طمنينا عليكِ..

والله يرجّع بن حارب بالسلامة إن شاء الله..


(f)(f)


تحياتي وسلامي للجميع

هلا وغلا غصووون

مساء الورد حبووبه

انا بخير والبيبي بخير ويسلم عليك

واما تجهيزات انا بكرا بعون الله بدخل الخامس وشكلي يعني ماشاء الله مابدخل السادس الا تجهيزاتي كامله هههههههههههههههه

مافيني صبر يا ويل حالي هههههههههههه

انتي اخبارك واخبار البيبي طمنيني عليكم اكثر

صدقتي الحب الكبير وبن حارب الله يردهم لنا بالسلامه .. وروحي فداك وينها ؟

الشيخة;5272266:
هلا عزيزتى
شاسوي
القعدة بالبيت لحالي احسها تقصر العمر والله
وشنو ملل وصايرة ما اطيق اكل ولاشيئ
اقول لامي لو اصوم احسن

انتى شلونك
وكيف حالوا للنونو؟؟
سلمى لي عليه
(f)

هلا عيووني

ماعليه فديتك هاذي ضريبة الحمل ولازم تتحملي والله يقدرك ع الصبر

هو لازم في البداايه مع الوحام ما تقدري تاكلي شيء بس بعدها ان شاء الله كل خير

انا بصراحه في الشهور الاولى الاول والثاني والثالث كنت تعبانه وما اكل زين واحس اني ضعيفه لاني ما احب اكل لكن كنت احاول واكل الي اقدر عليه دخلت الرابع وصار الحال بخير والحين باقي يوم بعون الله ع الخامس واحس من قرب ما ابي اكل ولا ابي طاير الاكل حتى ...

الله يسلمك يارب

والنونو يسلم عليك ..

بس طمنيني عنك اكثر واخبار البيبي ؟؟

عاشقة الذووق;5272375:
نوسه

يارب ترزقني

انتوا وانا

غصون البحرين

على راسي والله انتوا لكم وحشه فديتكم والله اعد الايام على خير ان اخلص الشهر الثالث واخش الرابع وارتاح يارب

الصخووونه شوووي خفت مو كثير اشرب سوائل زوجي مسوي لي خطه حلوووة ناشر الي بالبيت بكل مكان علب المويه الصغار عشان كل مارحت مكان بالبيت اخذ وشربت والله من سوى لي هالطريقه وانا اشرب مويه بكميه كبيره ...

ومداومه على الفكس يارب خير بكره ان ماشفيت بأذن الله بروح عند دكتورتي يارب خير مشكورين فديتكم عسى الله يحفظ مابداخل ارحامكم يارب وبطوونكم

يا هلا عشووقه

ايوه صدقتي السوائل تخفف كثير

تصدقي انا زيك مو من النوع الي تشرب ماي ولا تدري عنه اصلا بس مع الحمل زوجي وحتى في البيت امي متبعه معاي هل الحركه وين اروح الماي عندي عشان اشررب حتى بالسياره واذا بنطلع تلاقينه حامل بيده المااي قبل مفتاح السياره ..

بس صدق هل الطريقه تنفع وتصيرين تشربين ماي اكثر من طبيعتك ...


بس حبوبه انا مادري احس اني سمعت الفكس موب زين للحامل او انا غلطانه العلم عند الله

بس الي اذكره سمعت هل الشيء وبالتجمع بعد اهني بس الله اعلم .. اسالي اكثر قبل استخدامه وماعليك شر ان شا ءالله ..(f)

inte_o_ana;5273614:
مراحب حبيباتي :sa31:


شحالكم كلكم دوووووووووووووون استثناء:groupwave:


شخبار ال :21_95::21_95::21_95::21_95::21_95: الدلوعيــــــــــــــن

.. الحمد لله انا ابخير و البيبي بعد :salam: عليكم ..

اليوم دخلت الاسبوع ال 35 بدت علامات الانتفاخ بالوضوح تقريبا .. انتفاخ بسيط في اليد والريل و البراطم منتفخه اليوم بشكل ملحوظ جــــــــــدا (n) الله يستر من انتفاخ الخشم:confused:

التعب موجود ولله الحمد من البدايه والثجل زاد مع انه مب مبين اني حامل شكلي جنه توني بالسادس الحمد لله ..

الكسل حدث ولا حرج ..

النسيـــــــــــــان فضيع ( ام سلوم ارحم مني بوايد ) ..

احس ابا الايام تركض و اربي ( الله يسهل ادعولي ) عشان تعبت خلاص ..

الحجه بدت بعد بس احاول اطنشها قدر المستطاع .. ( ماشي فايده ) :(

تجهيزات هدايا التوزيه في مراحلها الاخيره .. الحمد لله ..
اغراض البيبي 90% جاهزه ..


عندي فكره حبيت اخذ رايكم فيها .. (اكتب لسته بالاغراض اللي اباها او في خاطري و اعطي خواتي و امي واللي قريب مني وايد - يعني عشان ما يشترولي اغراض انا ما اباها وماحتاجها ) نفس حركات الاجانب في مناسباتهم يكتبون الغرض ومن اي محل واللي بيشتري كيفه مش اجباري الموضوع !!!! ) ولا ما اسوي ها الحركه !!!!

انا الصراحه فكرت اسويها حق بو الشباب بس .. اكتب كم شي ابا او خاطري فيه و هو ع كيفه يختار منهم و ياخذلي !!!!

اخوي خذلي القاري من ماركه كارولينا هريرا - والكار سيت سالوني ربعي شو تبين الهديه قتلهم فبياخذولي الكار سيت من نفس الماركه - وانا اصلا ماخذه الشنطه من نفس البوتيك ف كملت الكلكشن كله ..

اختي خذتلي طقم الطلعه من بيبي ديور ..

باجي بيتنا و خواتي ومب عارفه شو اقولهم ابا !!!




السموحه وايــــــــــــــــد طولت عليكم

رايكم يهمني ..

هلا وغلا

دووم تكوني بخير فديتك

والله يسلمك انتي والبيبي ..

وانا بخير والبيبي عندي بعد يسال عنك وعن اخبارك اكثر ؟


الله يعينك ويهون عليك مع التعب والانتفااخ ..

لا عادي فديتك الفكره حلووه حنا تصير عندنا كثير حتى في الزواج اذا شيء ناقص من تجهيزات الزواج او الفرش ناس كثير تسووي هل الفكره وتمشي امورهم احسن من يجيهم شيء متكرر او ماله دااعي وخصوصا بين الاهل مافيه احارج من هل الامور تلاقينهاا فكره حلووه ..

شوفي شنو نفسك فيه للبيبي وناقص عنك وقولي لهم وان شا ءالله بيجيبوون رغبتك واكثرر ...

الله يخفف ويسهل عليك ويقومك بالسلامه يارب

مرحبا كروشات


اخباركم واخبار البيبيات

انا بخير وحبيت اطمن عليكم واسال في الغايبين بن حارب والحب الكبير وروحي فداك عسى غيبتهم خير ان شا ءالله وماعليهم اي شر يارب ..

انا بعون الله بكرا ابتدي اول ايامي في الشهر الخامس وان شاء الله كل اموري بخير بفضل الله وبفضل دعائكم

دعواتكم لي يا غالين ..

والله يهون عليكم يارب

حياك ياااارب ترزقني


الحمد لله انا والبيبي تمام
ياربــــــــــــــــــــــــــــــي لك الحمد

مبارك عليك الخامس

عقبالنا يارب ..

فديت قلبك نوووسه

الف الحمدالله والشكر دووم تكوني بخير انتي والبيبي ..

الله يبارك فيك وعقبال ما تدخلي الخامس وتشاركيني

باقي لك كم ؟

السلام عليكم ورحمة الله وبركاته,,,


اخباركم يارب بخير وصحة وعافية ,,,


واخبار النونو ,, الله يقومكم جميعا بالسلامة يارب,, ويقر عيونكم بشوفة اولادكم كاملين منورين .. ان شاء الله ,,

تقبلوني معاكم ؟؟؟

انا الحين بالشهر الرابع ,, وقريب بدخل الخامس,,, وهذا اول حمل لي ,,,

عمري 24 ومتزوجة جديد,, ساكنة في ابوظبي...


لسى مابديت اجهز ولا شي للنونو,, مع انه بخاطري اطير السوق الحين ,, بس حابة اعرف شو معاي ولد ولا بنت ,, عشان اختار عدل,,


موضوعكم وايد عجبني,, وان شاء الله نستفيد من بعض ..

بنت الرافدين;5277156:


السلام عليكم ورحمة الله وبركاته,,,


اخباركم يارب بخير وصحة وعافية ,,,


واخبار النونو ,, الله يقومكم جميعا بالسلامة يارب,, ويقر عيونكم بشوفة اولادكم كاملين منورين .. ان شاء الله ,,

تقبلوني معاكم ؟؟؟

انا الحين بالشهر الرابع ,, وقريب بدخل الخامس,,, وهذا اول حمل لي ,,,

عمري 24 ومتزوجة جديد,, ساكنة في ابوظبي...


لسى مابديت اجهز ولا شي للنونو,, مع انه بخاطري اطير السوق الحين ,, بس حابة اعرف شو معاي ولد ولا بنت ,, عشان اختار عدل,,


موضوعكم وايد عجبني,, وان شاء الله نستفيد من بعض ..

عليكم السلام ورحمة الله وبركاته

يا هلا وغلا بنت الرافدين

حنا بخير جعلك بخير ..

الف مبرووك الحمل والله يثبته لك ويقر عينك بشووفته يارب

ويقوومك بالسلامه ..

منوره التجمع وحياك بينا

ولنا شرف تواجدك حبوبه ..


اي شيء تحتاجينه او حابه تسالي فيه او تستفسري عنه ان شا ءالله انا والخوات مارااح
نقصر بعون الله معاك ..

منورره (f)

يارب ترزقني;5274822:
هلا عيووني

ماعليه فديتك هاذي ضريبة الحمل ولازم تتحملي والله يقدرك ع الصبر

هو لازم في البداايه مع الوحام ما تقدري تاكلي شيء بس بعدها ان شاء الله كل خير

انا بصراحه في الشهور الاولى الاول والثاني والثالث كنت تعبانه وما اكل زين واحس اني ضعيفه لاني ما احب اكل لكن كنت احاول واكل الي اقدر عليه دخلت الرابع وصار الحال بخير والحين باقي يوم بعون الله ع الخامس واحس من قرب ما ابي اكل ولا ابي طاير الاكل حتى ...

الله يسلمك يارب

والنونو يسلم عليك ..

بس طمنيني عنك اكثر واخبار البيبي ؟؟

عزيزتي .. تسلمين لي يالغلا
انا بخير .. بس احس كأني صايمة كم يوم ما اكل
واحس نفسي غامة عليي
واحس اني ابي ارجع وما اقدر ارجع !! لانه اوردي ما في اكل
يصير خاطري باشيا بس لما ايبونها لي احس اني ما ابيها

وامي مسكينة مش عارفة شنو تسوي معاااي
تقول لي اكل حتى لو رجعتي الاكل بس اكلي
بس نفسي ما تبي تاكل!!!!!! انا شاسوي بعد
اقول بصوم لله افضل. لانه اوردي ما قاعدة اكل ولا شيئ

واحس بدوخة براسي


والحمدلله رب العالمين
:)
بنات تقول الطلق اهون من الوحام هههههههههه

البيبي ما ادري عنه شيئ! لحد الان
مواعيدي ما قاعدة اروحها احس ما فيني شده اقوم واطلع!!

حياك ياااارب ترزقني


الحمد لله انا والبيبي تمام
ياربــــــــــــــــــــــــــــــي لك الحمد

مبارك عليك الخامس

عقبالنا يارب ..

الشيخة;5277256:
عزيزتي .. تسلمين لي يالغلا
انا بخير .. بس احس كأني صايمة كم يوم ما اكل
واحس نفسي غامة عليي
واحس اني ابي ارجع وما اقدر ارجع !! لانه اوردي ما في اكل
يصير خاطري باشيا بس لما ايبونها لي احس اني ما ابيها

وامي مسكينة مش عارفة شنو تسوي معاااي
تقول لي اكل حتى لو رجعتي الاكل بس اكلي
بس نفسي ما تبي تاكل!!!!!! انا شاسوي بعد
اقول بصوم لله افضل. لانه اوردي ما قاعدة اكل ولا شيئ

واحس بدوخة براسي


والحمدلله رب العالمين
:)
بنات تقول الطلق اهون من الوحام هههههههههه

البيبي ما ادري عنه شيئ! لحد الان
مواعيدي ما قاعدة اروحها احس ما فيني شده اقوم واطلع!!

:eek:

مايصير فديتك اقل شيء الموعد تروحينه عشان تتطمنين ع البيبي

لازم تشجعي حالك وتروحي لو مره وحده اذا بقيتي من غير تروحي ترا مو بصالحك ولا بصالح البيبي ..

ثاني شيء ما يصر صح انتي ما تاكلي طول اليوم بس جسمك يحتاج سوائل حاولي تشربين سوائل وحاولي تبحثين عن اي وجبه او اب اكله لو اكلتيهاا تحبيها عشان ع الاقل تاكلين شيء جيه خطر فديتك عليك وع البيبي نفسيه ..

واذا تحبين البيبي وتخافين عليه وتبينه من قلب لازم تغصبي نفسك وتا اكلي وبعد تروحي تطمني عليه ...

وكثري سوائل وعصيرات وحليب عشان تعوضين نقص الاكل وما يقل السوائل عك وعن البيبي يسبب جفااف فديتك


الله يهوون عليك

@نوووسه@;5277310:
حياك ياااارب ترزقني


الحمد لله انا والبيبي تمام
ياربــــــــــــــــــــــــــــــي لك الحمد

مبارك عليك الخامس

عقبالنا يارب ..

فديت قلبك نوووسه

الف الحمدالله والشكر دووم تكوني بخير انتي والبيبي ..

الله يبارك فيك وعقبال ما تدخلي الخامس وتشاركيني

باقي لك كم ؟

باقي


لي


اسبوعين


ويوم

@نوووسه@;5277393:
باقي


لي


اسبوعين


ويوم

اي فديتك

الفرق بينا مو كبير

انا نفسي اعرف جنس البيبي

الدكتوره بالخاص اعطتني موعد بدااية ثلاثه 6\3

صعب الانتظار ..

صحيح اول مولوود وبنت او ولد ماعليه كل شيء من الله حلوو وابيه والحمدالله

بس خاطري اعرف عشان اكمل اختيار تجهيزات للبيبي تناسب ..

اكيد انتي مثلي تفكرين شنو جنس البيبي وتبين الايام تمر بسرعه ؟

الفرق مو كبير بيننا

الدكتورة مارضيت في المراجعه الاخيرة

قلتها سوي سونار وانا خاطري اشوف البيبي ..

مو جنسه بس قالت خليه الشهر الجاي نشوف بالمره جنسه ..

وذي الايام احس نفسي ماصرت افكر كثير لاني مشغوله

عندنا فرح نهاية الاسبوع

وانشاء الله اروح مع زوجي ..

فرحااااااااااااااانه

مرحبا .. آسفة جداً ماقدرت أقرى كل الردود لأنهم وايد ما شاء الله .. بس حبيت أنضم لكم وهذا أول حمل لي وأنا بالشهر الأول .. يعني بعدني بأول الطريق .. ومثلي مثلكم متخرعة وزوجي أكثر مني .. رحنا السوق نشوف أغراض للياهل وأغراض حقي !!! .. بعدني بطني ما كبر وأحاتي الثياب هههههههههه .. وأبي أعرف أكثر عن الوحام .. لأني للحين ماحسيت بشي غير إني تلوع جبدي أذا أشرب عصير أو شاي بدون ما آكل وياهم شي !!! ..