بنات قطر وين احسن مكان اسوي ليزر..

مرحبا اختي هنوف قطر ..

انا من قطر وجربت اسوي ليزر بس للحين ماانتهيت من الجلسات

فيه اكثر من مكان .. البنات كلهم يروحون عند الدكتوره المى .. ينصحون بالجهاز اللي عندها بس يقولون يعووور ويذبح ,.. وبصراحه انا شفت رفيجتي حرقت لها جزء بسيط من ويهها .. عشان جيه انا شردت منها وماحبيت اروح لها

بالنسبه لي انا رحت مركز قطر الطبي عند الدكتوره شيرين وااااايد روعه الجهاز اللي عندها والاحلى ان هي وااااايد حبوبه وتقول لج عن كل شي يخص الليزر ويخص البشره يعني تكونين فاهمه كل شي .. والجهاز اللي عندها بالتبريد .. وبصراحه ماعورني كنت احس بطول الوقت ضربة الماي على الجلد يعني... واتم شهرين او اكثر على مايطلع

وبالنسبة للحف لازم انتي قبل لاتسوين ليزر تكونين مب شايله شعرج من فترة.. يعني يكون شعرج كله طالع وقبل لا تروحين تشلين قبله بيوم او بنفس اليوم بالموس او المكينه انتبهي لا تشلينه بالحلاوه ..

وبسسسسسسسسسسس

واي استفسار لا تترددين .. اسألي وعيوني لج


مـــــــــــوفقة

مرحبا خواتي كيفكم ان شاء الله طيبين .....
أختي صراحة كنت ناوية انزل نفس موضوعك بس سبقتيني ..... يا ريت الخوات الي جربوا الليزر يقولوا
وين جربوه اسم المركز ؟؟اسم الي عملت لكم اذا شاطرة؟شنو الأماكن الي عملتيها؟؟ شنو الأسعار ؟؟
انا بالنسبة الي شوفت اعلان مركز قطر الطبي عن الجهاز الجديد عندهم اسمه جنتل ليزر و هو فيه نظام التبريد الي قالت عنه الأخت bogas يا ريت أختي تقوليلي الجهاز الي عند مركز قطر ينفع للشعر الخفيف يعني مو سميك ؟؟و كم الأسعار تقريبا عندهم ؟؟

تحياتي لكم

(w)(w)(w)

صحيح بنات نسيت اقول اني شفت قبل كم يوم اعلان لمركز العزيزية الطبي عن جهاز جديد عندهم يشيل الشعر الأسود و الأبيض كمان .... يعني بما انه يشيل الشعر الأبيض يعني ممكن يشيل الشعر الوبري طبعا هذا استنتاجي .... البنات الي جربوا المركز يا ريت يقولوا تجربتهم ؟؟

هلا خواتي ..
بالنسبه للجهاز اللي عند مركز قطر الطبي انا مرتاااحه وايد فيه .. ولما كنت اسأل الدكتوره عن الشعر الوبري قالت لي انها تنصحني مااشيله عشان مايكثر لان بعد الشل بالليزر راح يكثف ويصير اسود.. وبالنسبه للاسعار كل منطقه بالجسم له سعر.. يعني الوجه 500 ... والابط 300
بس ماادري عن باقي المناطق لان انا جربت بس منطقه الابط والحمدالله تقريبا انا افتكيت منه .. وان شاءالله نهاية هالشهر راح ابتدي شوي شوي بباقي جسمي كل فتره بسوي شي مره ايد ومره رجل يعني لحد مااشطب على جسمي كامل لان الدكتوره قالت لي افضل انج تبتدين في منطقه معينه احسن افضل من انج تسوين الجسم كله في جلسه وحده ..وبالنسبه لأسم الجهاز والله مااعرف بس مايعور وايد يعني الم عادي اي وحده تقدر تتحمله

وموفقين

أختي الغاليه حبيت افيدج ان واااايد امدحوووولي الليزر ألي عند الدكتور حسن العبدالله مب هو ألي ايسويه
ممرضه عنده بس واااايد شاطرة ومن المرة الثانيه اتسويلج اشياء ثانيه ببلاش مثل أصابع اليد أو الرجل بس وااايد امدحوها بصراحه الدكتورة ألما بصراحه معاملتها وااايد خااايسه واحسها تجاريه لأن وااايد ناس ماستتفادوا عندها
ملاحظه مهمه: قبل ماتروحين اتسوين الليزر اتحفين المكان ألي تبين اتسوينه بالموس يعني لا بالحلاوه ولا المكينه لأن الماكينه والحلاوه اتشيل بويصلة الشعر لأن البويصله هي ألي الليزر يحاول اضعافها عشان اتخف الشعره وتصير مع الجلسات الشعرة أخف لين اطيح كلش

مرحبااا

شخبااركم

كأني جيت متأخر:(

المهم انا اسوي الليزر عن الدكتوره عايده الصالح

هي دكتوره قطريه ماشاءالله احس اني ارتحت لشغلها

احيانا الممرضات اللي عندها هم اللي يسوون

شغلهم حلو ومعاملتهم حلوه

لكن انتي تقدرين تطلبين ان الدكتوره هي اللي تسويه لج\


تقبلي مروري (f)

انا بصراحه اسوي عند عياده لكن عايده وااايد حراميه كل مره تقولج اذا سويتي نفس الشي يقل السعر بس هي تزويد وبعدين ماتعطيج الجرعه كلها علشان كل مره تروحين لها وتدفعين انا صار لي فوق 7 جلسات للوي وللحين نفس ماهي من جي قلت بغير

اما بخصوص الما هي تقولج انا عندي جهاز قوي وهذا يمكن من اول استعمال يودي الشعر بس يعور اذا تبينه بسوي لج وعندها الجهاز العادي

هلا حبيبتي انا بخبرج عن تجاربي
انا جربت التعامل مع منى وجيهان الي عند الدكتور حسن العبدالله وشغلهم حلووو ونظيف وهم حبوبات بشكل خيالي وجربت شيرين الي بمركز قطر الطبي (ترا هالثلاث مش دكاتره) وهي بعد حبوبه وشغلها حلو وارخص
الدكتوره الما مامدحولي شغلها وعايده غاااااااااليه . قبل الليزر لازم كل االشعر يكون طالع
وبس انتي تروحين بيصكرون لج عينج وبيسوون الليزر ونتنهي القصه وان شاء الله تسوين وترتاحيين

مرحبا اختي .. صادقين الخوات اللي قالوا عن الدكتوره ألما بصراحه تبلع فلوس وحتى جهازها مب احسن جهاز بقطر .. والله احلف لكم ان رفيجتي اللي معاي حرقت ويهها بالليزر قبل عرسها بأسبوع تتخليون الموقف

انا انصح بمركز قطر الطبي جهازهم جدا متطور وارخص بوايد من اغلب العيادات وفوق هاي كله اخلاقها عسل

اتمنى ان احنا افدناج ..؟

مرحبا خواتي كيفكم؟
صراحة استانست بالردود و التفاعل لأني من زمان أحاول اعرف أحسن العيادات .....
الحين خواتي انتو متفقين أنه عيادة الدكتور حسن العبدالله و مركز قطر ممتازين
وانه عيادة الما و عايدة مو أحسن .....
يا ريت ايظل في تفاعل من الخوات .....
تحياتي

د.مروة في مركز جراحه التجميل ممتازة

Bogas;4915587:
هلا خواتي ..
بالنسبه للجهاز اللي عند مركز قطر الطبي انا مرتاااحه وايد فيه .. ولما كنت اسأل الدكتوره عن الشعر الوبري قالت لي انها تنصحني مااشيله عشان مايكثر لان بعد الشل بالليزر راح يكثف ويصير اسود.. وبالنسبه للاسعار كل منطقه بالجسم له سعر.. يعني الوجه 500 ... والابط 300
بس ماادري عن باقي المناطق لان انا جربت بس منطقه الابط والحمدالله تقريبا انا افتكيت منه .. وان شاءالله نهاية هالشهر راح ابتدي شوي شوي بباقي جسمي كل فتره بسوي شي مره ايد ومره رجل يعني لحد مااشطب على جسمي كامل لان الدكتوره قالت لي افضل انج تبتدين في منطقه معينه احسن افضل من انج تسوين الجسم كله في جلسه وحده ..وبالنسبه لأسم الجهاز والله مااعرف بس مايعور وايد يعني الم عادي اي وحده تقدر تتحمله

وموفقين

اموره بس بغيت اسالك كل مره حق الابط 500 والا مره وحده تدفعين والا اشلون ...؟؟

السموحه حبوبه:o

بنات أنا جربت ألما مره وحده بس

وطلعت روووووووووووووووووووووحي

مت من الألم

حسيت أن قلبي بيوقف

وباقي الجلسات اللي بعدها

شاسوي

أبي أكمل الجلسات لأن عرسي بالصيف

وين تنصحوني أكمل معاها ولا

وين أروح

هي أذبحتني من أول مره

لدرجة اني خذت مخدر أملا عشان أحطه قبل ماتحطلي من أول جلسة عذبتني

اختي عذب الخيال .. الابط مب سعره 500 سعره 300 ومع كل جلسه يقل السعر .. الوجه سعره 500 ومع كل جلسه يقل السعر .. هذا في مركز قطر الطبي واظن باقي العيادات نفس السعر الله واعلم بس انا اقول لج عن اللي انا سويت عندهم

اختي همس الفجر .. بالفعل الجهاز اللي عند الدكتوره الما وايد يعور ويعذب وانصحج تروحين لمكان ثاني وماله داعي انج تسوين مخدر لكل مره ..

موفقين خواتي

أختي العزيزة مشكورة على نصيحتج ..

والله إني من عقب اللي شفته من أول مره ميته وأخاف يقرب الموعد الثاني من العذاب اللي عذبتني إياه

تدرين هي عطتني سعر بالتلفون ولما خلصت لي عطت سعر أكثر !!!

أستغربت

انزين وين ممكن تنصحيني أروح

أنا وقتي ضيق

وأبي أخلص علاج أبي مكان ثقة

ومجرب أمانة يابنات لأني سألت أهنيه قبل وأنصحوني بألما وعلى هالأساس رحت لها بس حسيتها تبي تخلص وبس مستعجله !! أذبحتني والله

أحين وين أروح

مشكوره حبوبه

بس انتي عند من اسوين يعني لو رحت هناك اطلب من اسوي لي

ونتي بعد كم جلسه ما صار الشعر يطلع لج ...؟؟ ياريت تقولين لي ..

والسموحه

؛


انا سمعت ان اليزر بعد فتره يأثر على لونها...

ويوسع مسامات الجلد..

والله اعلم..

هلا خواتي انا اسوي عند ((شيرين)) في مركز قطر الطبي .. هي الحرمه الوحيده اللي تسوي ليزر لان في شخص ثاني بس مب حرمه ريال ..

انصحكم تروحون وصدقوني بتدعون لي .. وبالنسبه بعد كم جلسه ماصار يطلع لي .اختي انا غير عنج وانتي غير عني يعني انا عشان اشيل الابط بالليزر بس احتجت 3 جلسات وبقول لج التفاصيل اول مره سويته شهر 5 اللي فات وتميت ماطلع شعر لحد شهر 8 وبعدين رحت سويت الجلسه الثانيه والجلسه الثالثه سويتها شهر 11 والحين انا افتكيت وقالت لي ماراح يطلع لج شهر وان طلع بيطلع بعدين ومثل وبر الاطفال

وبالنسبه لزوجة اخوي احتاجت اكثر من 5 جلسات عشان مايطلع لها ابد يعني كل شخص يختلف عن الثاني

عموماً هي بتقول لج كم جلسه تحتاجين واسعارهم محدده .. انا مرتااااااحه وايد معاهم

انتي بنفسج روحي شوفي من يسوي عندهم تقريبا كلهم اجانب
والجهاز روعه بصراحه انا مااقول انه مايعور ابد بس بصراحه تقدرين تتحملينه لاني انا من النوع اللي مااتحمل الالم وممكن اسوي مناحه بالمكان بس الحمدالله ماعورني وايد يعني تتحملين عاااااادي وبعد ماتروحين البيت ماتحسين بأي شي .. وعن باقي الاماكن اللي يسوون ليزر مااقدر اقول لج عنهم لاني ماجربتهم

وموفقين .. وتحت امركم لاي استفسار

اختي انثى ورديه احب ارد عليج

تدرين من متى اكتشفوا الليزر من زمااااان يعني اكثر من 20 سنه وماقد سمعنا في حالات ولاشفنا في حالات تأثرت بالسلب .. سمعنا ان الحاله ترجع مثل ماهي بس ماسمعنا انها صارت للأسوء وعلى فكره الليزر له استخدامات وايد مب بس لنزع الشعر لعالاج حالات كثير بالبشره

وفرضاً انه بالفعل يأثر على المدى البعيد يعني متى راح تطلع أثارها بعد 20 سنه او اكثر يعني بنكون عجزنا والبشره تالفه تالفه .. حتى لو ماسوينا ليزر .. انا من رأيي ان مافي لها اضرار ولو كان لها اضرار ماكان دول العالم سمحت بالجهاز يكون بالمستشفيات ولا العيادات ويستخدمونه الناس بشكل عادي ..


وشـــــــــــــكــــــــــــــراً