شو أكلتي ولدج اليوم؟؟ الجزء الثاني ..

والله ريحانتي ضحكتيني اونه ما تعشت صايمه

فديتها هالشهر بتكمل سنه ان شاء الله هي وخطيبها مروان

مهاري اليوم مارضت لا اتريق ولا اتغدا بس تشرب حليب ماادري بلاها..:(

سلام بنات ........ممكن أقترح عليكم أقتراح..........:o.....

في نهاية كل يوم تدخل العضوه و تسجل قائمه وجبات أطفالها لنفس اليوم...و اذا ما صار عندها مجال في آآآخر اليوم تأجله الى صباح اليوم التالي....حتى الكل يستفيد من التنويع في الوجبات ...فآآخذ منكم و تاخذون مني أفكار حلوه(y)(y)(y)
مثلا أمس .........

الريوق..كورن فليكس و حليب
الغذا...سمج و رز ابيض
العشا...روب و عيش أبيض


و بين الوجبات ...فواكه...عصير....بيبسي (أدري مضر بس أصرت عليه بتي في البراده)....جبس

فكرتش ممتازة نجمة ..
نحط القائمة حتى لو ما اكلوها اولادنا ههههههه
اليوم الفطور..بسكوت ويا حليب ..
الغدا سويتلهااا بطاطا مع رز ابيض وشوية لحم مفروم وخلطته بشوي زبدة
والعشاااا ..لين الحين بعدين افكررر.

عروس المووج..
هلاااا بتكمل السنه وهي صغيرونه
بس الحمد لله صحتها زينه
اي مروان يبا وحدة رشيقه مو مربربه تاكل الاخضر واليابس خخخخ

هلا شخباركم
زهورة اول ماقعدت رضعتها وعقب عطيتها نص كمثرى لان ماكملتها وعطيتها بسكويت مع الحليب
الغدا سويت لها الو وجزر مفيوح وصفار بيضة

شهد
على الريوق
سندويش جبن وحليب

وعلى الغدا سمك وعيش


بنين
على الريوق
بسكوت فارليز

والغدا
الوو مفيووح


ومااكلو ثنتينهم ههههههههههههه

بس شهد تغدت شوي

هلا والله انا رايي من راي نجمه الرضا فكرتها وايد حلوه ....
اول شي بقولكم عن اسماء عيالي واعمارهم عندي طارق عمره 4سنوات وشهرين والهنوف عمرها سنتين واربعه شهور

الريوق طارق كل بيض مفيوح ويا عصير برتقال والهنوف كلت سندويش جبن ويا حليب.
والغدا في قاعته دجاج طارق كل الدجاج خالي والهنوف كلت عيش ودجاج .
وبالعصر سويت لهم اندومي...
وبس العشا للحين مافكرت سشوي لهم

محتارة شنو اسوي الى زهورة على العشا؟؟؟

مرحباا..

شخباركم؟؟

نجمة الرضا..والله فكرتج واايد حلوه...

ريوق مهاري كان كورن فليكس مع حليب وابد مارضت تاكله..
الغدا كشري وبعد ماكلت شي...
العشا شوربة فطر والحمد الله شربتها...

هلا أمهات...مساكم الله بالخير:D

الريوق....خبز جبن داخله شرايح خيار...وحليب.....
الغذا....مندي دجاج
العشا....كورن فليكس و حليب..

بين الوجبات...بيبسي(n) +جبس وبسسسسسس
و الريوق ما عجبهم و تركووه:ss: خليتهم للغذا و الحمد لله تغذوا و لو شوية

من زمان ما كتبت بهالموضوع !

اليوم ولدي لما صحى كانت 11 الصبح ، مابي اخرب غذاه فبشرت له تفاحة و اكل نصه بس !

بالغذا .. رحنا عالساحل تحت شجرة و كان الجو رهيييييب ! و ظل يطالع القطط و هو ياكل ( عدس مع ارز ) .

بعدها روب بالشوكولا ، و بعدها مهلبية رز .

و العشا عطيته مثل الغذا لان ماحب ياكل من عشانا !

زهوورة ريوقها اليوم بسكويت وحليبو ونص تفاحة
الغداء عطيتها من غدانا الوو وجزر ولحم وعيش وفلح برتقال
العشا للحين ماني عارفة ويش اسوي ليها

الفطور..روب مع زبيب مطحون
الغداء..بطاطا حلوة مع رز ودجاج
العشاء ان شاء الله اعطيهااا
حليب وبسكويت

هلا بنات ....

اليوم الريوق بيض مفيوح ويا توست جبن وعصير وحليب وزيتون اخضر .
والغدا مجبوس دجاج ويا سلطه وعصير برتقال ..
والعشا يمكن اسوي لهم جبس ونقتس..

مرحبا...

الريوق اليوم كان صمون مع جبن وحليب

الغداء خضروات مسلوقه مع عيش ووروب..

العصر برتقال وتفاح...

العشا خضروات مسلوقه مع جبن..

عشا شهد

بيضة مفيوحه

وروبه

وعصير برتقال

السلام عليكم
ماااااشااااء الله المووضووووووووووع حلوووووووووو
مشكووووووووورات
ومتاابعتكم وياذن الله اليوم اللي بسوي فيه اكل لبنتي بدخل واسجله لكم
وفقكن اللــــــــــــــــــهـ,,,,,,,

الريوق ..كالعاده كورن فليكس و حليب
الغدا..سمج و عيش
العشا...برياني دياج و عصير فواكه
بالنسبه للعشا صرااحه العشا كنه معزومين و كان العشا فعلا لذيييييييييييذ وما شاء الله عليهم معضم الأطفال قاعدين و ياكلون طبيعي ما شاء الله عليهم و تأكدت هني أن العشا فعلا لذيذ و مافي أي خلل لكن ما أدري ليش أولادي ما أكلو الا لقمتين و بالغصب

بكره بسوي الريوق بلاليييييييييييييييييط:D و بيص مقلي

اول مرة اكتب بالموضوع مع انه يشدني

الفطور حق سنافري فطوم وزنوب كان تفاح مهروس مع الجبن وعلى الغداء سويت لهم ارز بالذرة والكوسا والبقدونس بس للاسف احترق واضطريت اعطيهم من غدائنا الي كان ارز ابيض مع دجاج بالخضار مع انه مبهر بس كان وقت متاخر وبنوتاتي جوعانين

العشاء سويت لهم بيضة مفيوحة بس الصفار مع جبنة وقيمر

واليوم ريقوهم راح يكون سيرلاك بالقمح والتمر والغداء دجاج بالخضار الخفيفة والعشاء انشاء الله اخذ افكار من عندكم