ايش هالريحة الشنيعة بحفاض البامبرز الجديد؟؟؟؟؟؟

أتصلو واشتكو وشوفو شنو يرردون عليكم؟؟

ما اشم اي ريحه لحفاظ ابني وساعات تنترس لانه يطول بلنوم ويقوم الصبح يمكن كيلوا ابوال فيها هههه لكن الحمدالله ما اشم ايشي؟؟؟!!!

ام حمود انا ما شكيت من الريحة الا من قبل كيسين فقط يعني حوالي الشهر فقط...


بينما الاخوات هني يشكون من شهر 10 الا فات..

معناته انه فيه اصدار جديد يمكن مثل ما قالوا بعض الاخوات احساس الانتعاش وفيه اضافة جديدة...

ويمكن للحين ما وصلج يعني بعدج تستخدمين الاصدار القديم ؟!

انا من ولدت ولدي طروقي والحين عمره 4سنولت ماعمري استملت بامبرز كل استعمل حفاضات بامبي وايد زين واحسن من بامبرز والحين بعد قاعده استعمله حق بنتي هنوفه ولا من عمري اعيالي تظررو من بامبي من ولدت ولدي للحين بنتي اللي جبته والحين كملت سنتين ما عمرهم اشتكو من اي شي لا احمرار ولا حبوب ولا حساسيه الحمدلله.....

يا حبوبات البامبرز ما خذ دعاية فوق اللازم بصراحة الحين البامبرز من سيء لاسوء بنتي صرت اضع لها بامبي وفيه حفاض يمدحونه اسمه ليبرو ويقلون أنه رائع بس مشكلته غالي شوى وأنا اسأل من تدلني عليه من وين احصله في الرياض ياليت تدلوني وفي الأخير اتمنى انكم ما تكلمونهم خلوهم فيه الأفضل بس بحكم شهرته صرنا ما نعرف ألا هو

جمانه تصدقين كنت راح اسوي مثل ما سويتين احس ان البامبرز يطلع ريحه كريهههههه مع اني اغير الها على طول جربت عينه من الصيدليه بيبي جوي ما طلع الها ريحه بس سرب هذي مشكلة الحفايض مافي الا البامبرز الا مايسرب

انا مسبب حساسية لولدي على الفخدين حبات صغار واحمرار ان شاء الله راح ارجع على بيبي جوي

حبيبتي جمانة خلاص بامبرز فقد رونقه , احنا بس عطيناه أكتر من حجمه
اسوأ شي مر علي في حياتي كان بامبرز
لا ريحة ولا امتصاص ولانعومة
ليش يعني واخدينو ببلاش احنا عشان نضحي بكل هذا

بقولكم شي يضحك على ريحته...
كانت بنتي الله يعزكم عندها امساك و كنت ألبسها بامبرز و بعد ساعة اشم ريحة فظييييييعة ما تنطاق أقعد ازغرط و أقول اخيرا سوتها أخيرا و يطلع كل هالريحة من البول الله يعزكم
قعدت أقول كويس اني غيرت لبيبي جوي قبل ماتسويها في بامبرز ولا شو كنت شمّيت :):)
عموما انا من غيظي حاولت أكلمهم كتييير بسبب موضوع التسريب ولا حد رد
قلت اذا كان منتجهم سيء لهذه الدرجة اكيد مش حيهتمّو بخدمة العملاء
(( المكتوب بيبان من عنوانه))

موني واااااجد زين مثل بامبرز مضغوووط بس مافيه ريحه انا استخدمت بامبرز شهرين ولوع جبدي بالريحه وماضل حفاظ ماجربته (بامبي_بيبي جوي_ بيبي فاين_ هجيز_بامبرز_لاكي)اللي يسرب واللي يمتلي بسرعه وللي يسبب طفح جلدي واخر شي موني روعه حتى شكله يفتح النفس

سلام عليكم
انا من ولدت استخدم البامبرز والريحه فيه كانت كريهه مجرد مايتبول وانتو بكرامه يعني مو شي جديد
بس ماغيرته

بس من اول امس اعتقد او شي يومين كنت شاريه كيس جديد وكان في الحفاظ لون اخضر في وسطه وله ريحه مقبولة مو كريهه.. وهاليومين استخدمته وعادي ماله ريحه ولا شي كلللش راحت الريحه الكريهه اقديمة..

جمانة النوع الي تستخدمينه الحين نفس الوصف الي قلت عنه والا شلون؟؟ جربي الجديد وردي علي... حتى العلبه الي اختها مكتوب عليها شي الاقتصاديه يعني انا اخذت الي فيها 62 حبه

يمكن بعد ماوصلني الجديد انا اخذه من صيدليه الرحمه صيدليه زينه يعني مو مقطنه ههههه

يمكن الرقم الي انتي تستخدميه هو يعني جديد توه واصل خخخ مايندرى بعد

السلام عليكم ورحمة الله وبركاته
أني من ولدت واستخدمت بامبرز وأني أشم الريحة بس مستمرة عليه لأني جربت بامبي وبيبي جوي وموني بس يسربون نومة الليل
وبامبرز ما سرب ليي بس من يومين لاحظت أنه من تنترس بول وتنقلب فطوم على بطنها يطلع البول لأنها تضغط عليه قلت يمكن أبدل ليها لسايز أكبر وتنحل هالمشكلة ببدل ليها لوسط لأني استخدم ليها صغير مع انه لما ألبسها ايه ضابط عليها لأنها ضعيفة بس يمكن سعته أقل من تبولها بس غير جدي ما يسرب وولادي من النوع اللي يبولون واجد ما يخزنون من جدي أهم شي التسرب
حمود استخدمت ليه كل شي مسكين استخمت ليه بامبرز وبيبي جوي وموني و بنيز كلهم سربوا وياه ما عدا البامبرز القديم
جمانة
أحسن شي بدي علمي بتش على الحمام بما أنها كملت السنة ولا تعورين راسش

انا استخدمت بامبرز لبنتي الكبيرة لما كنت في السعودية وكان يطلع ريحة لازم اغيرة على طول

وبعد مارحت امريكا صار مافية ريحة والحين استخدم بامبرز لبنتي الصغيرة وبعد مافي ريحة

المنتج في السعودية غير عنة في امريكا مادري ليش ؟؟؟

أنا ملاحظة هالريحة من سنين، حتى وآنه حامل بعبودي كنت أحس بالأطفال أن ريحتهم كريهه وقلت بعد ماأولد مستحيل أستخدمه لولدي،، يعني الريحة مو بس من الحين لا من زمان...

صح قدمي شكوى في مكتب الشكاوي وشوفي شنو يردون عليك....

بصرااااااااااحه انا استعمل بامبرز لولدي لكن مااافيه ريحه يعني ريحه عااااااااااديه وبعدين احس انو احسن نوع بامبرز

اخت جمون انا هم لاحظت انه فيه ريحة بس لاني توني يديدة في الامومة قلت يمكن هي بول اليهال حتى اقول يوم هم اصغر ماكانت الريحة جذي يمكن هو السبب بعد في الطفح الجلدي الي صاير حق زنوب بل توني ماخذه منه العلبة الكبيرة ام 62 حبة هي متى بتخلص الحين لازم بصراحة اغيره بس شنو تقترحون لاني ابي حفاظ زين مايسرب ؟؟؟؟؟؟ لاني بعد هاليومين لاحظت والحفاظ نظيف انه يصير تسرب

يا وييلي الظاهر إني نسيت الأمومة خخخخخخخ ، وأنا بعد أستعمله لمودي وأحب قدرته على الإمتصاص ومناسب للأوزان بس فعلا توني بربك أدري إن الريحة وأخيرا سببها طلع بامبرز مو بول بنتي ..


يا الله كل شي يخص الأطفال الحين تغير والله حتى آكلهم .

تسلمين جمونة ع التنبيه واليوم إعدام لبامبرز .. وبسوي حملتي للحفاظات عشان أشوف الأنسب والله يعيني

هلا

انا كنت ملاحظه الريحه من يوم ولدي كان صغير...بس بعدين اختفت الريحه اعتقد لانهم غيرووه..ولين الحين اشوفه زين مافيه ريحه...استخدمت لعيالي بامبرز اللي فيه اللانولين...والحين الجديد ونفس الشي ماشي ريحه..

جمانه اذا الريحه لهالدرجه مزعجه انا معاج اتصلي بخط الشكاوي لانه يمكن اللي انتجوه اخر مره صار فيه خطأ او مشكله...ماتدرين

واذا تبغين تغيرين عن بامبرز وتستخدمين حفاظات ثانيه انا كنت مجربه انواع واايد وشفت احسن الانواع هي...نانييز ....هجيز....

كنت كاتبه موضوع بخصوص الحفاظات وتجربتي معاهم بس ماحصلت الموضوع كان فيه حفاظ ثالث زين..ما اذكر اسمه...

اما بامبي بصراحه مب حلووو...متييين وكميه القطن فيه وايد..حتى يوم تسكرينه تحسين الطفل بتعوره ريوله من كبر الحفاظ...

لما كانوا عيالي صغار كنت استحدم لهم البامبرز وكان من احسن ما يمكن

بس الحين اختي ولدها الصغير متبهدل مع الحساسية من البامبرز وغير جذي تقول اختي انه يطلع من الحفاظ شي صغير مثل الكور الصغيرة وتتلزق عليه

الظاهر هي اللي تسبب الحساسية

بصراحه انا للحين ما لاحظت الريحة اللي تقولون عنها (a) مع اني بولدي الكبير والحين الصغير استخدمت لهم بابمرز وكل شي اوكى والحمدلله ..