كيف تقضون يومكوم مع اطفالكم؟

لمسة حنان* 01-01-2008 20 رد 4,092 مشاهدة
ل
السلام عليكم

بنات كيف تقضون يومكم مع اطفالكم انتم 24ساعه ماقبلينهم



ولاكيف؟
c
مع بنتي يومي يبدا الظهر ..
لما ارجع من الدوام العب معاها شوي وارضعها ..
وساعات نقعد شوي نتتظر ابونا لما يرجع واحيان انام الظهر وترقد معاي ..
تقوم العصر ااكلها والعبها شوي لين الساعة 6 تقريبا .. ترضع مرة ثانية
ومن الساعة 6 - 10 تقريبا تكون مع اهلنا .. البسها واكشخها واطرشها عند جدتها ..
وتلعب مع اليهال بالمشاية ولا بالالعاب اللي يحطونها حق اليهال .. وساعات تنام فترة بسيطة
ونروح البيت والعب معاها بزايادة عشان تتعب وتنام عدل

هاي بشكل عام يومي معاها ..

ساعات اكون تعبانة تمسكها الخدامة او اطرشها عند عماتها او خالاتها على حسب ..
بس مب 24 \24 اجابلها :)
ا
موضوع جميل يعطيكي العافية

والله بصراحة اقضي على اهدأ واجلس وخلااااص يكفي ههههههه الله يهديهم البنت والولد على قيل وقال
المهم بيلعبو اغلب الاوقات لحالهم اما بالبلاي ستيشن او الكمبيوتر او التلفاز او بالسكوتر بيعمللو البيت ملعب

انا باليوم نادرا ماالعب معهم بيجي ابوهم ويلعبهم بالبلاي ستيشن شوي

وهالشي روتين يومي تقريبا عدا الخميس والجمعة اهل وطلعة

مشكووورة
ل
مشكورات انا احيانا اقابلهم اغلب الوقت هبلو في الله يصلحهم ولا القى لنفسي ولازوجي وقت
س
بالنسبه لي اصحى من النوم على الساعه وحده الضهر ولدي يقوم على الساعه 12 طبعا يكون بغرفته يلعب لحد ماقوم من النوم
واذا جلس يبكي اخليه في الصاله في المحبس يتفرج على طيور الجنه

فتره الظهر اخلي ابوه يجلس يأكله وانا ارتب البيت بعد الصلاه العصر اطلع لناادي احيانا اخليه عند صديقتي واحيانا يجلس مع ابوه ..........

بعد المغرب ارجع طبعا يصير مالي نفس معصبه

الصراحه ابوه يلعب معاه انا حدي ابدل له ملابسه واغير البامبرز

ويخلص اليوووووووووووووم
ح
انا ولدي عمره 4 سنوات ومقابلني 24 ساااعة
بس الحين في الروضة ويرجع الظهر يسوي واجباته ويتغدا وبعدين نظل نلعب في الكمبيوتر او البلاي ستيشن ونقعد نرسم ونلون ونلعب في الصلصال ساعات ونكتب الحروف والارقام يعني الاشياء الي يتعلمها في الروضةوساعات نلعب في العاب من مكعبات او نلعب لعبته المفضلة لعبة السيارات الصغاااااااااار واذا احسه طافش من الملل اروح وياه فوق السطح يلعب هناك بالسيكل او السكوتر او يلعب كورة وفي شغل البيت طبعا يساعدني واكثر وقتي العب وياه لانة ولدي الوحيد
والعصر يرجع زوجي من الشغل يتغدا ويقعد صدوقي يسولف وية ابوه عن الروضة و الاشياء الي سواها والمغرب يروح وية ابوه ياخذون عشا وعقب ما يرجع يتعشا و يسبح ويدش يناام وهكذا طبعا هذا بشكل عام

لانة ساعات نطلع وايام الاجازات يتغير الوضع
ع
اغلب الوقت معاي

اليوم مثلا قعدنا الصبح اكلتها وطلعت معاها شوي

قالت : اعااااااااااااااب

يعني العاب

ووديتها الاسواق تلعب بالعاب الاطفال اللي تنحط فيها 100 فلس

بعدها رجعنا شوي

رد زوجي طلعنا مرة ثانية وتغدينا بره

رجعنا ونامت

الليل جت صديقتي وقعدنا شوي وبعدها صديقتي طلعتنا

ولما رجعنا من صديقتي رديت رحت بيت امي

يعني اليوم كله طلعة في طلعة

هو على العموم الصبح يا اما اطلع معاها يا اما تروح بيت الجيران يا بنت الجيران تجي عندنا تلعب معاها

الظهر نوم

العصر يا طلعة او انها تلعب مع الشغالة

الليل اروح بيت امي او تجي تزورنا وحدة صديقتي

وخلاص

هذا نظامي في كل الايام
B
انا اولادي مقابليني 24 ساعة الله يهديهم ويصلح شانهم
أ
موضوع جميل يعطيكي العافية

وعني مقابله بنتي 24 ساعة

بس توني من حملت صار ياخذها ابوها شوي يطلع معاها لأهله او يوديها العاب بدوني

كان ودي ماافارقها

لان تعودت على حجايجها وصياحها وطلباتها وهدرتها اللي ماتخلص

بس التعب مانعني


الله يحفظها لي من كل شر
س
أنا عن نفسي مقابله بنتي 24 ساعه بس في الأوقات اللي تكون نايمه فيها أو لمن ارسلها


شويه عند جدتها بحكم انها ساكنه قبالي يعني نص ساعه تقربا وأروح أجيبها

أو أنا أروح أجلس هناك عندها يمكن لأنها توها صفيره عمرها 6 شهور عشان

كذا لازم أنا اللي أكون مقابلتها وطبعا آخرالاسبوع يتغير النظام
............................................

تقبلي مروري
ز
بالنسبه لي اقابلها ساعه نصحى الظهر اسبحها واوكلها ارتب البيت ويجي ابوها من الشغل نتغدى وينام بعدين اخذها ونروح عند الالعاب نلعب الين تمل بعدين نتفرج التلفزيون والمغرب يطلع ابوها احيانا ياخذها معه عند جدتها وانا اقعد عالنت واحيانا ماياخذها تقعد معي كل شي اسويه هي معي والحين قاعده اعلمها عالحمام يعني حياتنا كلها بالحمام ههههههه شقيه مره ربي يخليها لي بس هذا تقريبا كل يوم يصير
ر
وانا بنتي مع الاسنان مطلعه عيونب بس شر ونكد وبكاء احترت معاها ارضع اغير اعطيها موية غريب وادول واحط لها مرهم الاسنان ومافي فايدة الله يهديها ويصلحها
و
اكـــــــــيد انا ولدي معاااااااي 24 على 24 لان ولدي بعده صغيرون اربع شهور بس لما يكون عندي شغل بالبيت ياخده ابوه ولما اروح بيت اهلي طبعا مايخلونه عندي بس مو كل يوم اروح
واكيد لما يكبر بيغير كل شي
م
ولدي بالويك أند يمكن مجابلني طول النهار والليل.. بس أيام الروضة الصبح أنا أكون بالداوم وهو بالروضة وبعدها تاخذه أمي ويقضي وقت الغده مع أمي وأبوي وخواتي لحد مارجع من الداوم وآخذه ونرجع بيتنا ويلعب شوي مع أبوه بعدين نقضي الوقت في اللعب مع بعض (يعني عادي أحيانا يخليني أنا التلميذه وهو المدرس) شوي بالطين شوي بالمكعبات وبالليل أحممه ووقت العشاء نقعد مع التلفزيون وبعدها ينام..

أيام الويك أند الصبح كله معاي.. بس الجمعة في بيت أهل زوجي ويلهى مع عيالهم والسبت في بيت أهلي ويلهى مع عيال خالي وأنا أستغل الوقت وأطلع إذا كان عندي مشوار أقضيه....
s
هلا موضوع رائع
بصراحة انا من ما خلصت الدراسة مجابلة بنتي 24 ساعة خخخ
بس ساعات اطرشها بيت جدتها او اخواتي يمروا ياخذوها يعنى الكل يقسم الوقت معاي وغير هاي ابوها لما يرد من الدوام تكون طول الوقت عنده
والحين بما اني حامل فقترة الصبح تروح بيت جدتها ومن بعد الظهر تكون عندي لين الليل
اما الويكند طبعا غير وخاصة جمعة لانها طول الوقت معاي انا وابوها
ل
الله يخليهم لكم
s
معاهم بغرفة العابهم 24 ساعة وبطلعاتي معاي
واقعد انا بالنت اتصفح واشارك وهم عندالي
عيالي معاي على طووووووووووووووول

بس احيانا باجواء خاصة انا وزوجي اخليهم بالبيت مع اختي الصغير والخدامة
ج
انا الحمد لله ر بالعالمين عيالي كلهم صغار

وانا موب موظفة

فجالسة مقابلتهم 24 ساعة خخخخ

الله يخليهم ويحفظهم

مرة لعب مرة اكل مرة تلفاز مرة كمبويتر وادا صار كلش قليل بيطلعون مع بابتهم
أ
عن نفسي مقابلتهم 24على24ساعه
الا بعض الأحيان لما ينزل عزوز عند اهل ابوه
ويتغير الخميس والجمعه

تقبلي مررررررروري
ل
شكرالكم
X