محل دونات .. كيف ابتدي .. ؟ ؟ ؟ ؟ ؟

عزيزتي اول حاجه اعمليها في البيت وبيعيها على الاهل والاصدقاء ممكن محلات الحلويات والمدارس وخليهم يسونلك دعايه لين تشتهرين
اما بالنسبه لفكرة المحل احس انه صعب اولا يكلف عليك ماديا ثانيا تحتاجين شخص تثقين فيه وراح تتعبين
اما بالنسبه للدونات خليها باحجام مختلفه وخلطات متنوعه وابتكري
وبالتوفيق والله يرزقك عيوني

لا استطيع البيع من خلال الاصدقاء يقولو عليا ايه بعدين ؟؟

لازم يكون من خلال محل .. اشكرك كثيرا لاهتمامك ..


ارجو المشاركة يا بنات

موفقه يارب

قمر من لبنان

اكيد تقدرين لكن راح تكون شوي صعبه عليج

يبي لج فرن متخصص وأدوات طبخ كبيره الحجم لأنه الكميه راح تكون كبيرة

وشخصين على الأقل يساعدونج اذا مو اكثر

وانا اؤيد كلام بوك2 ابتدي من البيت احسن وان شاء الله ماراح يقولون عنج شي

وبالتوفيق

اول شي المحل لازم يكون في شارع تجاري او حتى لو مو تجاري بس يكون مكانه حلو عالشارع ومساحته حتى لو صغيرة كبداية مب مشكلة
:21_88:
2 الاجهزة لعمل الدونت وادوات مطبخ من الموجود عندج والاشياء الغير متوفرة تكتبينها في ورقة وتحسبين تكاليفهاوتطلعين في يوم او يومين مخصصين لتجهيز المطبخ من السكر والدقيق واشياء لتزيين الحلويات ومعدات مع (كتابة كل المصاريف في ورقة) اتوقع هالاشياء تكاليفها معقولة جدا
3 التراخيص والاوراق وكتابة تواريخ تجديدها في نفس الدفتر اللي كتبتي فية المصاريف الحاجيات قسميه عشان كونين منظمة
:happy1:
4 لتجارة ناجحة اما تجعلين المحل للبيع فقط وتجعلين المعدات هذه في مطبخك المنزلي (هنا تحسبين المواصلات والانتباه لطريقة نقل الدونت للمحل) اذا كنت ام وماتقدرين تروحين المحل خلي الشغل فالبيت ولاتشتتين نفسج بين البيت والمحل لازم يكون عندج برنامج ابدا ما تتهاونين فيه لتجارة رابحة باذن الله

5 تحتاجين موظفة امينه بعد اجراء مقابلات واختبارات تختارين البائع اللبق الشاطر الامين(^)
وانت تظعين الاسعار والانتاج عندج كم حبة دونات عملتي اليوم كم حبة بعتي كم حبة مازالت موجود

6 ديكور المحل لازم يكون بالوان حلوه ونظيف جدا والعلب تكون جميلة:balloons:
7 علب للدونات جميلة ومبتكرة مناديل ملونه بطاقات باسم المحل
8 عروض تسويقية مثلا كل 10 حبات واحدة مجانا وهكذا(^)ممكن تقدمون كوب قهوة اذا كان فيه طاولة بالمحل كوب قهوة مجانا

والله ولي التوفيق