ساعدوني بنتي تعاني من البلغم

ما تشوف شر البنوتة ما عليها إلا العافية إن شاء الله ..

شوفي أختي عندك يانسون أو حلبة مذيبين للبلغم

وفيه طريقة تشيلينها بإيدك وتحطينها على ريولك وراسها لتحت وتربتي على ظهرها وتحت باطها بيتم يطلع بروحه سبحان الله ..

والله يعطيها العافية

في دواء يخللي البلغم ينزل مع البراز العفو
اسئللي الدكتور عنه وهو مريح والاخت ام المهند ماقصرت يعطيها العافية
وماتشوف شر بنوتك يارب

انا بنتي عمرها بعمر بنتش وصادها بلغم
وديتها المستشفى اخصائية اطفال عطتها مضاد لمدة ثلاثة ايام ابر كل يوم , بس بعد المضاد سهال على طول ما ينقطع بسرعه
بس فادها عدل والحين الحمد لله


كانت حالتها مأساويه تقيؤ غير طبيعي

ان شاء الله يعطونش اياه
ويشافيها رب العالمين

الله يشفي الجميع يا رب

انا بنتي صادها من البرد بس للحين فيها مو فايد وياها الدوا فبجرب الي قالته أم المهند بس شلون اسويه..؟؟ اليانسون أو الحلبة شالطريقة

أنا بنتي يوم كان عمرها 6شهور كان معاها بلغم وديتها للمستشفى فقالي الدكتور وجهي ظهرها للشمس وخصوصا الرقبه مده دقيقتين وعطاني علاج يذيب البلغم وكان يطلع مع البراز ــ أعزكم الله ــ
والله يشفي بنتك وجميع أطفال المسلمين

ربنا يشفي كل المرضى.
ابني عمره 3 شهور عندو بلغم اخدتو للدكتور حكالي بس ينام تكون نومتو مرتفعه خوف ما ينخنق من البلغم .
حجرب اعطيه اليانسون والحلبه الي وصفتهم الاخت ام المهند.

اشتري جهاز بخار ، مذيب سريع للبلغم !

بتجربة طبعا ،،

مشكورين وما قصرتوا بس انا دايما اعطيها يانسون علشان الغازات بس ما جربت الحلبة

بجربها ان شاء الله يعطيكم الف عافية

للي سألوا عن طريقة الحلبة واليانسون ..

نفس الشي للإثنين : ملعقة صغيرة تنقعيها في ماي حار بمقدار الترمس اللي عندك وكل ما جيتي تعطينها رضاعتها إستخدمي هالماي اللي فيه الحلبة أو اليانسون وإخلطيه مع حليبها ..

وممكن تستخدمين الرضعة بروحها لين رقم 1 فقط لأن الأكيد إن الطفل ما راح يتقبل طعم المزيج فأقترح خلطها مع الحليب .

نفس ماقالت أم المهند الضرب براحة الكف على الظهر والجنبين والصدر، تطلع البلغم كله.. مجربة...

مشكورين وما قصرتوا
ببدا اليوم ان شاء الله يفيد:D

ادهني صدرها وظهرها بزيت السمسم

وايد زين بس اذا كانت تعاني من هالشي فترة طويلة لازم تستشيرين الطبيب

اليانسون...والسنوت(الحبه الحلوه) تسوينهم شاي وتعطينهم البيبي

وعندج طريقه ثانيه هي انج تنقعين اللبان في ماي حار..وتصفينه وتعطين الطفل مقدار قليل بس


وماتشوف شر بنتج...

تسلمين يا ام المهند ............. بصراحه جربت الطريقه الي قلتيها حق ولدي وحطيته على ريولي ........ وطلع البلغم ............ مشكووووووووووره