ليتكم تقروني ..وتدعو لي ..والله بحاجة دعواتكم

أختي مادام أنش الحين حامل يعني في شي يربطش مع زوجش ولاتهدمين بيتش بيدش يعني بالمختصر المفيد الحقران يقطع المصران و أرجعي الى زوجش و بيتش و لو ما رجعش زوجش أرجعي و دشي و لا كأنه شي صاير و مع الوقت أكسبي زوجش الى جانبش يعني خليش المغناطيس و هو الحديد و أجذبيه بكل جاذبية تحسين بواسطتها تخليبنه الى صفش و تأكدي بأن الصبر مفتاح الفرج و أما خواته شيليهم من بالش و فهمية بأن انتين و هو و البيبي اليي في بطنش أسرة وحده و تحيطها حلقه من ذهب و أنتون ما تبون هالحلقة يدش فيها شوائب الليي هم أخواته وقولي اليه شوف فلان ما شاء الله عليه و زوجته و البيبي أسرة جميله فنحن نتمنى أن نكون مثلهم و صدقني لا تخلي خواتك يأثرون في حياتنا الزوجيه و انشدية بحبش اليه و صدقيني شوي شوي بيصرف نضرة عن خواته و بيتغير لناحيتش والله موفقش

[GLINT]اصبري هذي الاشكال ماتجي بلعناد راح يزيدون احسن شي تصبرين وتسيرين احسن منهم واهم شي اكسبيهم لانة طرطورهم يعني اذا كسبتيهم كسبتية واسمحيلي زوجك ماعندة شخصية وانتبهي اذا ولدتي لاتحملين ثاني لين تستقر احوالك [/GLINT]

هلا خواتي وربي يجزاكم خير .. وييسر أموركم يارب ..



والله العظيم ما شافوا مني مضرة ولا حتى سولف عنهم جدام الناس بشينة أبد
كنت أداري خاطرهم حتى طباخ كنت أطبخ واحذ جدامهم ومن أول اسبوع دخلت المطبخ !
صدف رمضان واستحيت ..ولا هم قالولي ارتاحي لا تدخلين المطبخ ... عادي كان عندهم !

يعني اكثر من جذي شاسوي حتى اكسبهم !!!

الحين صار لي يومين من طرشت له أبي عقد الزواج حتى افتح ملف واراجع خاصة ان حالتي تعبانة شوي ..ومراجعات الحمل انتوا عارفين ان لازم عقد زواج وبطاقة الزوج حتى يفتحون ملف ..
طرشت طلبتهم ولا رد عليّ ولا جابهم لي !!!

لا تلوموني ان تمنيت الطلاق ,,حتى استغفر الله ساعات اتمنى اللي ببطني يطيح ..أقول اريح له واريح لي ! ..لكن استغفر وارجع اقول خيرة والحمدلله على كل حال ..وماباليد غير الدعاء والصبر ..

الزوجة الاولى محد عطانا عنها خبر اكيد عن سبب الطلاق ..واهم حلفوا مليون يمين أن السبب انها ماشية مشي بطّال ..والعياذ بالله !! ..
يعني تبلوا عليها بشرفها وغير جذي كانت فيه محاكم بينهم ..!

انا ماشية حياتي بالبركة ..وصدقناهم ,وسبحان الله الواحد مايدري شنو ناطره بكره ..يمشي ويقول يارب خيره ,,, لكن حالتي وصلت لي جذي ..ومو عارفة نهايتها لي وين !!


وانا مصيبتي مو بخواته اللي معاي بالبيت ,,,رغم انهم مو مقصرين بعد بخبثهم ولعانتهم ,
المصيبة بخواته المتزوجات !
يعني مافيه مجال اقول بكرة يتزوجون وارتاح !!


عسى الله يعيني بس .. ويستر من اللي جاي ..

حسبي الله ونعم الوكيل ..

مممم اول شي والله حبيبتي حااسه فييج ..
الله يصبررج الله يصبررج الله يصبرج ويهدييج للصح ويريح باالج منه ومن اهله وخوااته
والله انا مقدرره ضرووفج ويااه واكييد هم الي يدزوونه يسوي جييه فييج بس تعرفيين
هالنووع من الريااييل تتفين علييهم يلزقووون .. ممم ما ادري بعطييج حل بس لو ما عيبج
لا تسويينه الحل هوو انج ما تسوييله ساالفه وبينييله انج مب مهتمه لا فييه ولا في خوااته
ويوووم بيعصب ابتسمي .. ويووم خوااته يتريوونج تصيحيين اضحكي هوو هاا الي بيقهرهم ..
ودووم حسسيه انه مقصر بس انتي مب محتااايه ولو عندج اخت اشكيلهاا وشوفي ردهاا ..
وحااولي تكسبيين خوااته لو ما رمتي تقهريينهم حاولي تكسبينهم .. ولو كنتي تبيين تكمليين ويا ريلج .. ولا تهمج هالتهديداات لو يبا يتزووج يتزووج .. سوي طااف لو هو ما يبااج انتي بعد لا تموتين تبيينه .. وصدقيني ما يرووم يتزووج كله كلاام في كلاام
والله يصبرج والله ربي معاااج .. وما بقصر في الدعااء حيااتي باي .. الله يوفقج

هونيها وتهون وانا اختك

وارمي حمولك على رب العالمين واصبري ان الله مع الصابرين ولك الاجرباذن الله


ولاتكثرين التفكير والهوجاس تتعب نفسيتك وياثر على جنينك وصحتك


وكلي امرك لله وعليك بالاستغفار في كل وقت وكل لحظه

وباذن الله تفرج همومك وتحل جميع مشاكلك وتذكري ان من لزم الاستغفار جعل الله له

من كل هم فرجا ومن كل ضيق مخرجا ورزقه من حيث لا يحتسب

((وقل استغفروا ربكم انه كان غفارا يرسل السماء عليكم مدرارا ويرزقكم بأموال وبنين

ويجعل لكم جناتٍ ويجعل لكم انهارا ))

ونصيحتي لك اختي اكتبي له رساله على الجوال

وقولي له انا اعرف ومتيقنه بان اللي مافيه خير لاهله مافيه خير لزوجته

وانا اعين واعاون ولاتمنيت بيوم اني اكون سبب لقطيعه بينك وبين هلك معاذ الله

وهذا شي ربنا حذرنا منه واتمنى يجيني ولد مثلك يشيلني على راسه ويبرني اذا كبرت

ولاتتوقع ان برك بوالدتك وحبك لخواتك يضايقني بالعكس على عيني وعلى راسي وانا اعين واعاون

بس تمنيت انهم يقدروني ويعزوني عالاقل لمعزتك عندهم

ومن حقهم عليك انك تقوم بواجباتهم واحتاجاتهم

وبنفس الوقت انا زوجتك وام اعيالك ومن المفروض ان لي حقوق عليك وربي امر بها

ومن واجبك ماتقصر معي فيها

ولا تنسى ان بيننا طفل الان وحرام يصير ظحية خلافات باستطاعتنا لو جلسنا مع بعض

واحترمنا رغبات بعضنا اننا نحلها


وان ما اطلب منك غير حاجه وحده بس لو تكرمت ارجوك رجاء تجيني علشان اتفاهم معك

وبدون تدخل اي طرف لا من هلي ولا من هلك وتكون هذي قاعده نبدا حياتنا فيها

من اول وجديد واذا انت شاريني فانا شاريتك ولا نسيت الايام الحلوه اللي قضيتها معك

وارجوك هالرساله تكون بيني وبينك وارجوك اذا اقتنعت بكلامي تتصل بي وان ارحب بك في كل وقت وكل لحظه ومهما كان انت حبيبي وابو عيالي ومالي غناة عنك




وطبعا اذا كلمك وانشاء الله انه بيكلمك نبهييه اذا بيجي لايقول لاحد انه بيجي حتى ما احد يتدخل بينكم لامن هله ولا من هلك


ولا اوصيك تركزين على نقطه وحده مهمه جدا تتفقين معه بعدم تكرارها

وانك عمرك مابينتي لهلك اي حاجه عنه وعن هله محبتا فيه وحفاظا على مكانتهم عند هلك

وتتفاهمين معه باسلوب جميل ومقنع بانه ما يطلع اسراركم لاى احد مهما كان حفاظا على حياتكم

من المشاكل

ولاوصيك قبل لا ترسلين الرساله له اقراي سورة البقره واستغفري على الاقل 500 خمسمائة مره ومارح تاخذ منك نص ساعه

لكن بتشوفين نتايجها عجيبه بفضل الله عز وجل

والله ييسر لك جميع امورك ويفرح قلبك ويصخر قلبه لك ولولده ويهديه ..


ولا تنسين تطمنيننا عليك اول باول وقلوبنا معك ..

لاحول ولاقوة الا بالله ..
شنو هذا ؟!؟
والله عورتي قلبي :(

انزين ياحبيبتي يعني انتي طول فترة الخطوبه ماعرفتي طبعه واسلوبه .. واسلوب خواته ؟!؟

والله ماعرف شاقولج ..
بس بحط نفسي مكانج .. اظن اني بعطي نفسي فرصه عشان استمر معاه مب عشانه طبعا عشان اللي الياهل اللي جاي فالطريج .. لكن اذا السالفه استمرت على نفس الحال وقت طويل .. اعتقد اني بختار الطلاق ابركلي .. عيل مايصرف علي وهو ملزوم ؟!؟ هذي فيها قضية نفقه وهو ملزم اصلا بهالنفقه .. ليكون باجر بعد مابيصرف على ولده ؟!؟


الله يعين ..

أختي الغاليه صح اني مو متزوجة
بس ودي أقول رايي لانه يمكن يفيدج..

اول شي انتي تقولين انج متزوجه من 4 شهور
يعني توكم في بداية زواجكم
وعادي المشاكل تكون في بداية الزواج لان الاثنين مو متعودين على بعض
وكل واحد من بيئه تختلف عن الثاني..

ثاني شي خوات ريلج اللي حسيته من كلامج ان فيهم غيره
و وايد ناس جي يغارون من زوجة اخوهم


اختي ترى بعض الاحيان نجاح الامور تكون بيد الانسان بنفسه
وهو مو حاس فيها
ساعات الغضب والضيق والتنرفز تخلي الانسان مايعرف اشلون يحل مشكلته..

نصيحتي لج تفاهمي وياه انتوا الاثنين
ولو تقدرون تظهرون بيت بروحكم يكون أفضل
واتوقع ان من بعد ما تنجبين الطفل الاول بتتغير حياتكم
فكري باللي في بطنج اشذنبه انه يعيش بلا ابو
او يمكن لو تطلقتي ياخذ الطفل عنج


وخوات ريلج حاولي قد ماتقدرين انج تكسبينهم
حتى لو تدخلوا في حياتج انتي حاولي قد ماتقدرين انج تجارينهم وتصبرين عليهم
وصدقيني بيي اليوم اللي بترتاحين منهم


وصلي استخاره ماراح تخسرين شي
على الاقل بتتضح لج الامور أكثر
لان اللي يستخير ربه مايخسر شي الا يربح اشياء وايد
وبتتوضح لج امور اكثر يمكن انتي ماتكونين عارفتها


واهم شي اهم شي لا تنسين ان الغضب هو اللي يخليج ماتقدرين تفكيرين بشي
ولا تقدرين توصلين لانتائج لحل مشكلتج اللي انتي فيها
هدي بالج وصلي استخاره واقعدي بالليل وفكري على راحتج
وان شاء الله مايصير الا كل خير


اختج في الله
M!ss Qtr

الله يعنيك ان شا الله ويصبرك ويفرج همك
حبيبتي انا راي غير عن البنات, زوجك وخواته من بيئة وحدة يعني بمعنى اخر نفس الطينة وعلميا زوجك مسلوب الشخصية والأرادة يعني بيتكلم بلسان اخواته بيمشي على هواههم يعني انت ما تتعاملين مع رجل تتعاملين مع شخص يمثل امه واهله ورغابتهم ومن كلا مك الواضح انك مرة طيبة معاهم وقابلواالأحسان بالأساءة ب..بعني كيف راح تكسبينهم بالعقل والمنطق!لازم تكونين بقوتهم ودهائهم وخبثهم وعندك قوة تحمل كبيرة عشان تعيشين معاهم وادا ماكنت بها الصفات صعب تعيشين معاهم
الحل السليم انك تصبرين في بيت اهلك عشان ترتاحين لانك حامل وابعدي عن الضغوط النفسية وادا جا بيت اهلك يبيك حطي شروطك بحيث تحفظين حقك الشرعي بس بطريقة حكيمة وحذرة وان ماجا وخلاك لوقت الولادة خلي اهاك يتدخلون ويطالبوا بالطلاق ادا انت ضامنة حياة طيبة مع اهلك تعينك على تربيت طفلك
واتمنى من الله ان يفرج همك ويرزقك السعادة

الله يهدي زوجج زيرعكم حق بعض ويبعد هالخوات عنج

من جد وضعك يقهر

شووووفي اختي لاتحسبي نفسك انتي الوحيده الي وضعك كذاااا انا بصرااحه اشووف البيت الي فيه اخوات ومرة

اخوه لازم تسير فيه مشااااااكل اتووقع انو بين كل 10 بيووت بيت واحد ماافيه مشااكل بين مرره الاخو والاخوات

انتي لي واحد من اخوانك يتكلم معاااه بجد انو ماترجعي الى بشروووط اول شي لازم يسير في خصوصيااااات

بينكم يعني مو كل شي يروح يقوول لاخواته ويصرف عليكي لان من شروط النكاح النفقه

وشكلو زوجك تمام لكن اخواته خربو بيته مرره واحده يبغو يخربوه مرررره ثاانيه ....الله المستعاااان

وانتي من اول اعطيتيهم وجه زيااااده عشاان كذا استقو عليكي

[GLINT]مرور للمرة الثانية احسن شي تستخيرين وتحطين مزاياة بكفة وعيوبة بكفة وتشوفين اللي يريحك بعد كنت اقلك اصبري عشان اخوتة بتزوجون ويفكونك شرهم اثاري المتزوجات برضوا لحقك شرهم الله يعينك هذا مامنة فايدة لامصروف ولاشخصية الله يعينك استخيري والخيرة فيما اختارة الله[/GLINT]

الله يعينك اختي وييسر لك امورك
بدعي ربي لك يحبب زوجك فيك ويسخره لك

الله يعــــــــــين,,,

اول شي ...شكله زوجك الابن الوحيد لأهله ....كذا اللي مسيطرين عليه اخواته وامه ....
طيب أبوه وين ؟؟؟؟!!!!1


الشغلة الثانية ....الصراحة ...ياختي ماحسيتك صريحة معاه أبدا ..وانا عارفة هالنوعية لو صارحتيه بعيوبه ...يتم معصب ...وبصراحة شكله مدلع والله ...

الله يعينك بس...
الشغلة الثالثة ....انو الغلط اللي يسوووه الأهل ..انهم ما يسألو عن اهل الزوج أبدا ....ومشاكل هالأيام ..أغلبها أهل الزوج,,,,,بس نصيبك ومش معترضين على حكمة رب العالمين .....

شوفي ياقلبي .....حاولي مثل ماقالو البنات تاخذي فترة نقاهة وماعاد تفكري بمشاكلك ..ادري صعبة ...بس شوي شوي ..لو قلتي انا مبافكر غير في حياتي وسعادتي ....العقل بيتعود ....على هالكلام
والأهم الأهم وهي مجربة مني ....سورة يس ..كل يوم الصبح ...وقت الفجر خاصة ....ماتاخذ منك 10 دقايق والله ...
انها بإذن الله حل لكل المشاكل ......طبعا الاستغفار والدعاء آخر الليل ...الله يصبرك ويسهل أمورك ....ويسخرلك زوجك ويهديه ....بجاه محمد وآل محمد

لا تستعجلين ترى مصيره لك والدق ع الحديد وهو حامي يفكه اصبري وبتوصلين

ومسألت اخواته وحركاتهم البايخه ترى مهي سبب مقنع للانفصال

وسعي صدرك ودعي ربك وقوي شخصيتك

ناس مااتستحي منك لاتستحين منها

مرحبا حبيبتي
انا قرات مشكلتك وهي كتير معقده
زوجك بحبك اتاكدي من هذا ومافي شك
بس بحب خواته كمان وهدا كويس موعاطل بس هم اخواته بستغلوا هدا الحب يبين اله انهم خايفين على مصلحتوا وانهم بدهم الخير الك واله بس كل كذب بكذب
فانتي لاتخرب حياتك بايديك وائما ماتجعلي حياتك مشاع يعني شووووووووووو ما صار معاك ماتحكيلهم اشي واذا بدك تروحي عند اهلك ماتخلي احد يعرف الاوانت صرتي بسيارتوا
وهيك بتقصري كتير على حالك مشاكل
وكل اشي بقول لزوجك اعملي حالك مقطنعها ومثل عليه انو هدا الحكي منه وبعد فتره اشتغلي على وتر تانيب الضمير انك كنتي مضايقه وعشانك ما كسرت بخاطرك وصدقي شو ي شوي بتكسبيه وهو بصير يفهم طبعك
واسمعي اهم شيييييييييييييييييييييييييييي
ماتعودي زوجك انو انتي بدبري فلوس من هون وهون هو زوجك ومجبور فيك وب ابنه وصدقي سنه سنتين وبتعود هو الي يصرف عليك

بس اذا حدا من اهل الدخل وانتي قاعده قدامه وكنتي مقطنعه انه غلط تدخلوه ناقشيه واثبتي رايك
ربنا يهديكم ويهدي سركم

ما الومج على طلب الطلاق...

بس الغاليه اصبري شوي...

ادري بتقولين اصبر على شو...خلينا نقول فرصه اخيره...

اذا تعرفين وين يشتغل ووقت شغله...

خلي ابوج و الا حد من اخوانك الكبار يروح هناك...

ويقوله ابيك شوي فلان...خليه يطلع معاه بالسياره...

يا يجيبه البيت عندكم تتفاهمون انتوا الثلاث...

او تروحين معاهم في مطعم او اي مكان هادي...

و هاي الحركه عشان ما يكون له مجال يتصل باهله او اي شئ...

قوليله بالكلمه الطيبه...انا اعرف انك ريال بمعنى الكلمه...

و فيك خصل كثير حلوه و اي وحده تتمناه في ريلها (( امدحيه شوي ))

بس انت الله يهديك تدخل اهلك في خصوصياتنا...

و هذا اللي مخرب...قوليله امك و خواتك على عيني و راسي...

و احبهم...و ولدي و لدهم...بس انت الحين تزوجت...

و لك حياتك الخاصه...قوليله سولف مع اهلك و اطلع و ياهم...

قوم بواجبهم...بس حياتنا خلها على جنب...

قوليله في البدايه صعب عليك...بس اذا سألوك شو سويتوا اليوم...

خل يجاول لا جديد...او مرات و لا شئ...شو يعني بيزعلون؟؟؟

ما يقدرون بتكون فتره و بيرجعون...قوليله انت سندي في هاي الدنيا...

و انا يوم تزوجتك ابوي قال انا عطيتك لواحد و النعم...و مأمن فيك...

قوليله انا ماحب ادخل حد بينا بس ما عرفت كيف اوصلك...

حاولي ما تعاتبين الا لما تبين خصله حلوه فيه...

حاولي تسوين هاي الحركه (( تشوفينه )) في اقرب وقت...

و ظلي بيت اهلك عقبها لفتره...

طرشي له مسج...قولي اليوم البيبي تحرك...تمنيتك موجود...

اليوم سويت تصوير و شفت البيبي...قمر فديته...

يعني حببيه في البيبي...قولي ياحظ البيبي يوم انت ابوه...

يعني خل يحس بالمسؤوليه...

اتفقي معاه مرات يمر عليج البيت بدون علمهم...

و غيروا جو...و بالتدريج غيري شخصيته...

زوجك ما ينفع معاه تقوليله انت فيك و فيك...

لا...كل شئ بسياسه و طريقه غير مباشره...

مثل ما قلت لج قبل حطي خصله حلوه فيه قبل لا تنتقدين...

و لا تنتقدين و انتي متأففه...لا...تكلمي و راسج تحت...

و مبرطمه (( مثل اليهال )) كأنه كاسر بخاطرج...

و الله يسخره لج...

اللهم اجعله لها سكنا و اجعلها له سكنا...

و اجعل بينه و بينها مودة و رحمه...

اللهم اجعله لها كما تحب و اجعلها له كما يحب

و اجعلهم لك كما تحب...

حبيبتي كل ما انصحك به هو الصبر والصبر ثم الصبر .....ترى ان الله على كل شيء قدير تمسكي به سبحانه فهو مغير الاحوال ومفرج الكروب ادعيه ليلا نهار واعلمي ان الصبر عاقبته دوماااااااا محموده حبيبتي احس من كلامك انك عاقلة ومركزة لا تتركي الشيطان يخرب عليك عيشتك ولا تهتمي لاعمال اهل زوجك اتركيهم للذي لا ينام الليل فهو وحده كفيل بنصرك عليهم

واوعي اوعي تقولي على ابنك ضناك انك موش عايزاه هو املك هو كل دنيتك ركزي عليه واعتبريه قارب النجاة لك من كل هذه المشاكل وتسلحي بالدعاااااااااء واكثريييييي منه والله يعينك ويقويك وينصرك

اللؤلؤه السوداء;4886219:
اختي الغاليه

ما انصحج بالطلاااق

احس ان زوجك يحبك ويحب اهله وااايد

يعني هو حياااته كانت ويا امه واخواااته وطنشي على الاشياء الشينه الي يسووونها اصبري واكسبيهم وحبيبيهم فيش

اقولج ما في احد حصل مثل ما حصلت اختي من بيت عمهااا
باقول لج بعض من المواقف الي صارت اليها وانتي احكمي

قبل الخطوبه لما راحت اختي تشرى اغراض وثياب طقم اليهاااا راحت وياهه اخت خطيبها واشترت مثل ما اختي تشتري من اغراض ومن فلوس خطيبهااا تصوري (( مع انها هي العرووووس ))

وكانوا ما يكلمونها الا لما يبغون شي من عند اختي

واختي كانت بتسافر ولا احد جى يسلم عليها بس اختي راحت اليهم في نفس اليوم علشان تسلم عليهم ومع هذا ما سلمو عليها تصوري تمد ايدها اليهم وهم حاقرينهااا ما ركبت الطائره والا ودمعتها على خدهاااااااااااا :mad::mad:

ويش اقول ويش اخلي

احس ان اخوات ريلج اشوا بوووواااااااااااايد منهم (( الله يسامحهم ))

مثل ما قلت لج حاولي تكسبينهم ولا تهدمي بيتج وخصوصا ان توش متزوجه ولازم اول سنه زواج يكون فيها مشاكل لان بعدكم ما تتعودون على بعض وعلى طبايع بعض

قصت اختج تشبه قصت وحده اتصلت للدكتورة فوزيه الدريع .. الله يكون بالعون ..