زوجي و الحمل

أنتظري تولدي وشوفي كيف راح يفرحون بالبيبي

الله يكون بعونك

حبيبتي يا عمري ولا تنقهري ولا على بالك
طنشي طنشي على الاخر لان القهر مش كويس الك و للي في بطنك
لما يصرخ عليكي اعملي حالك مش سامعة
و هدول اهلو شو دخلهم في الموضوع
بتفهمي زوجك المحترم انو هو المسؤول عنك مش همة

و طنشي غذي حالك كويس و اوعي تبكي ولا تنزلي دمعة واحدة
عيشي ايام الحمل مع ولدك الي في بطنك ولا كانه في اي مشاكل
و زوري اهلك و تدللي عندهم متل مابدك

و زوجك بكرة لما يشوف ابنه و لا بنتو قدامو رح يغير رايو و يعرف انو كان غلطان

ماشي عزيزتي و ديري بالك على حالك

اول شي الف مبرووووووووك

والله يهون ويسهل عليك ولادتك يارب وتقومين بالسلامه

ثاني شي
الله يهدي زوجك واهله هذي إرادة الله ما يعترض عليها الا قليل الايمان استغفر الله بعدين هم وش دخلهم ومادامهم ما يبون عيال ليش يزوجون ولدهم وهو مو قد المسؤلية

انتي توكلي على الله ما عليك منهم واهتمي بنفسك زين ولا تتعبين نفسيتك علشانك وعلشان البيبي
واطلبي الله يهديهم ويسامحهم

صدق فيه ناس ما ادري وش يبون في الحياة دايم حياتهم تدخل في الناس ومشاكل لها اول مالها آخر
الله يشغلههم بانفسهم

هونيها وتهوون الغالية بااجر يشوف ولده او بنته ويستااانس .. ولا تضايقيين عمرج اهم شي صحتج وصحة الجنين .. والله يسهل عليج يارب

الله يكون في عونج اختي وايسر عليج يا رب


روووووووووووووووووووز

اختي ترى عادي الرجال مايحس بالفرحة اذا البيبي في البطن مثل اليهال اذا قالت ليه امه اني حامل بجيب لك اخو يستانس وبعدين خلاص عنده عادي ويمل يقول متى بيجي بس تاكدي انك بعد الولادة انشاء الله راح يستانس اكثر عنش ترى الابوة طعمها غير بس بيشيله بين ذراعيه بتشوفي الحب والحنان وعادي هو بس يبي يجاري اهلة ولا تحاتين في رجال وايد يتاثرون بلي حواليهم وانت بعد صايرة حساسة من الوضع الي انتي فيه ويه الحمال لا تكبرين الموضوع ولا تعطينه اكثر مما يستحق ولا تعبين نفسيتش عيشي عادي ولا تلومينة يعني حتى انا كنت اقول ليه ماتهمت يقول ويش هو اختراع يعني ترى وتعالي شوفيه الحين يخاف على بناته اكثر مني

السلام عليكم ورحمة الله وبركاته

اختي وعندهم يهال وايد مب يهالج
ذنب عيالهم الي اييبون يهال وايد انتي عايلتج بروحج انتي وريلج والبيبي الي بتييبينه
وانا اقول لج حريهم كل ما تشترين شي للبيبي اول شي راويهم وبيني فرحتج في حمالج وخل ينقهرون وتفقع جبدهم

وطلعي يوم واحد معاه تتشرون لاغراض الياهل حتى لو بعيد عن موعده اساسا

او موعد للسونار خل يجوفه شلون يتحرك ببطنج او من تبتدي الحركة خلي يده على بطنج قلبه بيحن على ضناه

لو مهما كان الابو يستانس على الياهل الي من صلبه
ودايما وانتي معاه قولي له شتتخيلين قولي اتخيل انه يطلع يشبهك اممم ابي ياخذ كل الصفات الحلوة مننك عينك فمك كلك على بعضك وحنيتك وووو

صدقيني راح يحن .. واذا ما حن جلسي معاه تفاهمي قولي له هالياهل بيكون خير علينا لانه انت ابوه وانا امه

وفهميه ان الياهل ما يجي الا معاه الخير ... وحاولي باسلوب الدلع والغنج لا تصيحين وتعندين ...

الله يهدي زوجك ان شاء الله ويصلحه ويحنن قلبه على ضناج


في أمان الله

اختي الكريمه عليكي بقيام الليل والدعاء ان الله يسخرلك زوجك واهله والاستغفار بنيه الفرج وصدقيني انشاء الله يفرجها عليكي

تقبلي مروري

عاااااااااااادي حبيبتي ولاتشيلين في خاااطرك

انا ماحملت الابعد 4 سنين من زوااجي

مشاعر زووووجي اقل من العادي حتى الدكتوره ماراح معي الا قليل وانا كنت اغصبه يروح

اما من ناحيه اهله ولاهمهم كأنيي امس متزوجه وحملت من بكره ههههههههههههههههههههههه

تصدقين خالتي الي اهي ام زوجي تتضايق اذا حملوا زوجات عيالها

واما بنتها اول ماتزوجت حملت على طوول وعسل على قلبها وبنتها الثانيه نفس الشي تجيب عيالها ورا بعض

فتره 4 سنين مو شويه ولاكلفوا على انفسهم يتصلون ويباركون لي بالحمل ولابمسج

ويوم ولدت تخيلي خالتي جت ثاني يوم !! واما بناتها ماكلفوا على انفسهم يجون مع ان المستشفى بجنب البيت !!! البنت الكبيره كلمت بعد كم يوم والثانيه ماكلمت .. شوفي شلون الاستحقااااااااار

المهم انا طلعت من المستشفى رحت لبيت اهلي وبعد 25 يوم من ولادتي كنت فرحانه ذاك اليوم قلت ماحد جاي اليوم وكنت نايمه و4 ونص العصر دق زوجي وقالي اهلي في الطريق جااااااااااايين !!! هنا انا ارتفع ظغطي وقعدت اتخانق انا ويااه وسكرت الخط في وجهه .. المشكله اني قايلتله اذا اهلك بيجون خليهم يعطوني خبر قبل بيوم . طبعا هذا كله من تخطيطات اخته ماتبيني استعد ولا شي تخيلي ادخلوا وجلسوا بس ربع ساعه وطلعوا حتى الشاهي ماشربوه وطبعا عباياتهم عاليهم

المهم انا طنشتهم ولاهموني المشكله هم اذا جيت ابي ازورهم للاازم اعطيهم خبر قبل كم يوم والا مايستقبلوني تخيلي احيانا اسمع اصواتهم فوق ولاينزلون يسلموون ..

والحين ولدي عمره 4 شهور ولافكروا يدقون علي يقولون تعالي نشوف البيبي

خلاص انا عرفتهم وصرت ماروح لبيت اهله الا اذا ماكان فيه احد بس امه اجلس معاها شوي واطلع

تصدقين احسن مافيه لامشاكل ولايححزنوون

لان الرجال مهما سواا اهله اهم الصح وانتي الغلط

ياعمري طنشي ولاتروحين لهم كثير ولاتبكين اهم شي انتي انبسطي وروحي للسوق مع اخواتك وجيبي اغرااض للبيبي ويوم تسوين سونار لاتعلمين شنو الي في بطنك مو موهامهم

وتحيااااااااااااااااااتي لك

وانا شعاااري في الحياااة طنش تعش تنتعش

الف مبروك علي حملك
صدقيني اول مايشوفوا البيبي هيننسوا

ربنا يتمم لك حملك علي خير يارب

اول مرة اسمع ان الحمل يبا له استئذان من الاهل !!
سامحيني حبيبتي بس والله تخيلت نفسي مكانج ومتت قهر

بحياتي ماسمعت ان الاهل يضايقون اذا مرت ولدهم حملت

هذا شي مايخصهم ,, هذي حياتج انتي وزوجج بس
لا اهلج ولا اهله يدخلون بها ,, ولا اي حد ثاني يقررون كيف لازم تمشي حياتكم

وقريت من رد ثاني لج ان عشان عندهم وايد يهال بالبيت

المفروووض تسكنون ببيت بروحكم لان السكن مع اهل الزوووج مصيبة ,, انا بالنسبة لي
اسكن بصندوق ولا اسكن بقصر اهل زوجي ,, لان من وجهة نظري الزواج استقرار واستقلال
كيف بيكون فيه استقرار ونتو مب مستقرين ف بيت خاص فيكم
ومافي استقلالية حتى في اكثر شي خاص بين الزوجين وهو موضوع العيال

دام انتو عايشين بيت اهله لالالالالالالالازم يتدخلون بابسط الاشيا
بس ماتوقعت ان توصل فيهم انهم يحرمونكم من اليهال

واصلا من اهداف الزواج ف الاسلام الانجاب لزيادة الامة الاسلامية
هذول انانيين اسمحيلي حبيبتي ,, كيف يحبون ولدهم ومايحبون تكون عنده ذرية وقرة عين له

زوجج فرحااان اصلا بس هو يحاول يخفي هالشي شكله خايف من اهله
بس بداخله اكييييييييييييييد فرحان

لازم تكلمينه بكل هدوووووووووء وتقولين له ان هالشي بعد ماكان بيدج
انتو متفقين من البداية تأجلون بس لما صار هالشي خلاص يعني انتي المسؤولة !! مب جنه هو المسؤول بعد
ليش لاغي نفسه ويحملج المسؤولية

لفرحي حبيبتي وادعي له بالهداية ,, ولازم توقفون تدخل اهله بحياتكم من الحين
خله زوجج يكون عنده شخصية وراي

الله يعينش اختى ..

ان شاء الله البنات فادووش
لانى بصراحه ما ادري شاقول!
وحتى لو على قولتش عندهم يهال ووووايد
زوجش ما اتوقع عنده ياهل عشان يطنقر عليش!! مدري زعله غير مبرر الصراحه حتى لو كان يعبد هله من المحبة .. بس زعله غير مبرر اطلاقا

لانه المال والبنون زينة الحياة الدنيا
وهذا الشيئ لازم يفرحه لانه بجي من يقولة بابا .. وهذا الشيئ يحبه الرجل

قولي له بس يتحمد ربه
غيره مو لاقي

وهالنعمة الي هو بيها الحين .. لازم يصلي ويركع ويسجد يتحمد ويتشكر الله
صدق رب العالمين لما قال .. وقليل ما تشكرون!


الله يهديه لش

حبيبتي ..

المهم هو فرحتك أنت ..

أما الرجل ربما يحتاج إلى وقت كي يستوعب الأمر ..
حتى بعد ولادتك ربما سيحتاج وقتا حتى يهتم لأمر طفلكما ويحبه ..

عاطفة الأمومة فطرة يا حبيبتي ..
أما الأبوة فبالممارسة ..

لذلك لا داعي للبكاء وتصعيب الأمر ..
دعيه وشيئا فشيئا سيهتم أكثر منك ربما ..

حبيبتي اهتمي بنفسك الآن ..
وعيشي لحظاتك ..


.. عروس محمد ..

لاحول ولا قوة الا بالله

الله يهديه ويصلحه ويحنن قلبه عليج وعلى جنينج

مااااااااااااااااااااااااعليتش منهم خليهم يطقو روسهم بالطوفه------------------فرحي بحمااااااااااااااالك حبيبتي واهتمي بغذائك ززززززززززززززززززززين وطنشيهم وكبري المخده ياااااااااااااااااااعيوني تاليها بيردلك وبيعتذر وراح يتحمس ولاولدتي راااااااااااااااااااااااااح ياكله من الفرح--------------------لكن اهم شي لا تشيلين شي في بالك هاي حشاشت يوفك حبيبتي----------------صدق ناس ماتملى عينها غير الترااااااااااااااااااب هالحين الوحده ادور الحمال دوار وانتي الله اكرمك ولابان بعينهم عمت عينهم انشااااااااااءالله

لا حول ولا قوة الا بالله

الله يعينك
ويقومك بالسلامة

الله يكون في عونج