هل اسال زوجي هذا السؤال والا لا

السلام عليكم بنات

ربيعتي اليوم تخبرني عن سالفتها مع زوجها ومحتارة فيها فقلت بستشريكم وان شاءالله نلاقي الحل بطريقة ما اضر العلاقة اللي بينهم

تقول ربيعتي:
عندي سؤال في بالي من اول ليلة زواجنا خلصت حفلة العرس ودخلنا انا زوجي غرفة النوم وفي نص الجماع قام زوجي يدور على الفراش دليل لعذريتي وطبعا ما حصل شي وحسيته زعل وتضايق وقتله ليش انت شاك فيني قال لا بس هذا طبيعي قتله انت ما تعرف للعذرية انواع وانت دكتور قال انا مب دكتور نساء وولاده .... ورقدنا وفالصباح قمت انا وتسبحت ورحت اوعيه من النوم وعقبها طلعنا من الفندق رحنا على طول بيت ابوه اول ما دخلنا طبعا سملوا علينا اهله واخته الكبيرة اللي وايد متعلقة فزوجي والعكس سحبته وعلى طول اختفوا فوق وانا بعدني واقفة عند الباب


استاذتي فخاطري اسأله ليش سوا هالتصرف معاي وشو اللي قالتله اخته انا اتوقع يمكن قالتله اتريا يوم تحمل واتييب ياهل وبنعرف اذا ولدك اولا ما ادري انا ماريد افكر بهالطريقة لكن شو اللي صار بينهم

والحين نحن كملنا سنه و5 شهور تقريبا وعندنا طفل نسخة من ابوه والثاني بالطريق فشو الحل



وللعلـــــــــــــــــم يا خواتي

تقول انه زوجها الحمدلله محترم يعني ماله اي علاقات نسائية وما يعرف حد غيرها وهي واثقة وزوجها ما يطلع من البيت ابدا الا ساعتين وما يروح الا المقهى اما مولات وغيره مستحيل يطلع والصبح يكون فالسوق الاسهم والعصر فالدوام وايام الاجازات يقضيها معاها ومع هذا تستوي بينهم مشاكل عدم التفاهم واختلاف الطباع وطريقة التفكير هي رومانسية والريال واقعي مثل الاغلبية طبعا ومشكلتها تغار عليه وهي مب ناقصنها لا جمال ولا دلال ولا علم
وتوهم منتهين من مشكلة غيره من وحده من اهله وطرش مسج قال شو بشوف فيها وانا احبج انتي ومالي غنى عنج

بس السؤال فراسها وتموت تعرف الجواب بس نفس الوقت اخاف تؤثر على علاقتهم