ذكرى زواجي شرايكم في برنامجي؟

السلام عليكم جميعا يا مبدعات

والله انكم مبدعات .. قاعده اتصفح المنتدى و اشوف افكاركم اعجبتني فقلت خل اشوركم

الخميس الياي ان شاء الله بسوي ذكرى زواجي الثالثه و للعلم السنوات اللي فاتت ماكنت اسوي حفله بس كنت اجيب كيكه و اصور مع زوجي بس السنة ابي اسوي شي سبيشل مثلكم :wink:

خل اقولكم على الافكار اللي في بالي اسويها وابيكم اذا فاتني شي او عندكم اضافه نوروني لاني احس روحي ملخبطة مو عارفه ارتب الوقت حق البرنامج

اول شي زوجي بيكون اكيد بره فبيكون عندي وقت اسوي عشا خفيف فأبي اقتراحات حق عشا سريع و خفيف

راح ارتب طاوله الطعام و ازينها بشموع و ورود و راح اجيب قالب كيك شرايكم اسويه على شكل قلب ولا اسويه على شكل رقم 3؟ و عطوني عباره اكتبها عليه

راح اسوي له حمام دافي مع شموع و زيوت عطرية و هالسوالف شفت فكره الاخت عاشقه الذوق و عجبتني الله يجزاها خير .. بقوي قلبي لاني شوي مستحيه ادخل احممه بنفسي بس يالله يستاهل عمري :o

بعد الحمام بيكون العشا اللي انتو بتعطوني له وصفات <<<< كانت طلب و صارت غصب :D

غرفه النوم راح ارتبها و احط ورود على شكل قلب على السرير و شموع و حركات

شرايكم نسوي جلسه مساج على الارض ولا خلاص نكتفي بمساج مع الدوش؟

ها شرايكم في هالبرنامج و اذا عندكم رتوش ممكن ندخلها في البرنامج تخلي البرنامج يصير كشخه لاتبخلون

طايحه في روحي برنامج و برنامج خوفي الجمهور( حمود ولدي ) يقعدون من النوم و يطيح برنامجي في جبدي :D