احلى العطور العربية،، تجدونها هنا,, وعن تجربة

الشيخة;4868307:
هلا ومرحبا بش اختى maryoom
اشكر مشاركتك
بس ما ذكرتي لنا العطور الي تشترينها من اجمل واصغر علي!
يمكن تخبرينا عن شي حلووو وندعي لش

عموما القرشي في السيف حبيبتي


ويا هلا بمرورك الطيب

سوري عزيزتي غالي والطلب رخيص

بالنسبة للعطور العود اللي أستخدمها:-

من أجمل دهن عود أسمه روح الخليج صراحة روعة ريحته،، ومخلط الشمس وطبعا البخور المعطر والعود الكمبودي

أما العطورات اللي من أصغر علي وهي: المها دهن عود ريحته حلوة حيل،، وعطر أنوف،، وعطر نوور مع البخور تجننن والكل سألني عنه لما حطيته لي،، وعطر أشواق،، وفي عطر شميته آخر مرة وأن شاء الله ناوي أشتريه عجيبة ريحته أسمه همسة،،

وعندي عطور من محل في بوكوارة أسمه ريحة العطر عطوراتها كلها عربية و عود وكلها روووعة فعلاً،،

وإذا تذكرت الباقي راح أكتبهم

تسلمين على هل موضوع الحب

مشكوره الغاليه على الموضوع لأنه غربال تشتري شي غالي وتفاجئ في البيت ريحته عشان جيه أنا بعد عن العطور العربيه (القصة أني كنت أروح عند أجمل أخذ بتوله وخلط في البيت بس للأسف ما تعيبني وحسها ثقيله)

من الرصاصي (الراقية ودهني)
ومن عبدالصمد القرشي (العود المبخر او المعطر)
ومن شمسه المهيري اختي خذت وعطتني من عندها (كوكتيل والدخون السائل رهيييييييب)

شكرا على المعلومات الحلوة يالشيخة استفدنا

الشيخة;4859540:
** عطوراتي العربية **
مثل ما وعدتكم

نسمي بسم الله الرحمن الرحيم

وابدأ على بركة الله

استخدم دايما نوعين من المسك
مسك روز من أجمل
ومسك العروس من القرشي

نفس اختياري..مشكوورة الشيخة على هالموضوع الفلة شكلي بخزن كل اسامي العطورات و اروح اشتريهم ..ذبحتي العود و توابعها خصوصا تبع أجمل, و احلى هرده عندي من الرصاصي صج كشخة (y)

تسلمين يا اختي على الموضوع الشيق والحلو انا عن تجربتي استخدمت دهن المسك المتسلق وجادور

هلا شيخة تأخرت على الرد صار لي ظروف ماقدرت ادخل عن اللوشنات اشتريها من السوبرماركت العادي عاد روحي الكبيرة مثل جيان وبتلقينها عند ركن الكريمات واللوشنات اخذ منها على العود والمسك احب الريحه الهادية واضيف لمساتي الخاصة فيها من دهن عود ومسك سائل ابيض وتصير فواحة وبالمثل كريم جرجنر بالمسك والمرطب ماله ريحته تعجبني

واله اخذه اليسا اشيلي وفيه انواع فيه على مسك ومسك ابيض وفانيلا هذي ماجربت خاطري اجربه
والنوع ثاني هم اخذ من عنده وانتي لما تروحي بتشوفي عده انواع واشكال وفي منهم فيه لمعة تعطي للجسم واغلب روايحهم مسسسسسسسسسسسسسسك لا والعلب كبيرة اسطوانية واقتصادية وعمرها طوويل

وعن مصر ادليها حته حته هههه مثل مايقولوا خبره اعرف كل مكان فيها ومحلات وااايد وهي بلدتي الثانيه تجنن وعندهم بعد العربية للعود بنفس السنتر وعماقريب بيفتحوا في السنتر بدي شوب ماموجود عندكم

واختي اللي من مصر بالنسبة للاسعار اللي بمصر نفسنا لو تقارني 16 جنيه يعطي دينار واحد ويمكن ارخص لو شريتي مسك عروسة اللي بنص تولة يطلع ب200 جنيه يعني 12.5 دينار او يمكن اقل من 200 جنيه 180

وفيه عنده عطر اسمه الأسطورة جربته كان خفيف ريحته وسعره مايتجاوز 160 جنيه


وحاضرين

واترك لك ياشيختنا بعض صور من اللوشنات اللي اقصدها :

كلي أنوثة;4865574:
بالكويت الحين فاتح معرض العطور
و مشتهية عطور عربية عووود و هالسوالف بس ماعندي خبرة فمشكوووورين الي قلتوهم بروح اشمهم
جانزين تقولولي أسامي عطور رجالية على عود من أجمل أو الرصاصي أو القرشي و أكون ممنونة لكم
و شكر خاص لصاحبة الموضوع الشيخة هاذي وردة حقج(f)

مراحب اختى كلي انوثة
تسلمين يالغلا على ردش ومشاركتك معانا
بس ما خبرتينا عن عطوراتش؟؟ ومن وين تاخذينها
ربي يعطيش العافية
وتسلم لي الوردة الي هي انت
ولش مثلش (f)

العطور الرجالية قاعدة حاليا الم اسمائهم
وراح ارد عليكم قريب (y)
واتمنى البنات هم يفيدونا

نوره وكمان نوره;4868394:
انا استخدم مسك مكعبات من عبدالصمدالقرشي بعد الدوره
مسك العروسه كمان من عبدالصمدالقرشي
دهن العود الثقيل من العربيه للعود لشعري لكن ثقيله ريحته احس اني حرمه خخخخخخ
والخمريه مين يدلني على شي حلو ورخيص عبدالصمدالقرشي غالي مرره
والمعمول والعود كمان ماعرفت من وين اجيبه وكمان رخيص ابغى

مراحب اختى نوره وكمان نوره
وتسلمين عالمشاركتك الرووعة والمعلومة الخطيرة
شمعنه بعد الدورة تستخدمين المكعبات المسك؟!
فيدينا يجزاش خير

الخمرية اتمنى بنت تفيدنا فعلا
لانه الي عندي قربت تخلص وما في معارض!!
والي من سيد جنيد صراحه ما تعجبني

والاسعار الرخيصة والانواع الزينة
غلاي تلاقينهم في المعارض بس
اما المحلات لا طبعا لانه السعر يجي ثابت

يا هلا

عذراء البحرييييين

من وين حصلتي مستحضرات اليساا اشلي راح خاطري فيهم



والشيخه مشكوووووووره الغاليه على موضووعج الحلووو
وننتظر منج احلى العطور الرجاليه

موضوعك حلو اختي جربت مسك العروس ومسك الحجر ومخلط حلو عجبني بس مادري شسمة لانه تجربه من القرشي
ومن اجمل مسك روز وبودراتهم رهيبه والعود المبخر ومخلط صفا

ومن البخور بخور المسني و بخور من محل ديره العود في الرياض رهيب بالتوله

ومن الرصاصي مخلط عطر مبخر ومخلط اربع وردات

موضوع وااااااااااااااااايد حلو
انا عن نفسى ما استغنى عن مخلط الحجر الاسود من القرشى والمسك
روعة ودهن عود سيوفى من اجمل
عموما كل عطوراتى العربية اخذها من حرمة خبيرة وكل حد يشمنى تعجبه الريحة

جزاكم الله خير افدتونا

السلام عليكم ورحمه الله

هلا هلا خواتي فيكم وفي مروركم الطيب
راجعة لكم ان شاء الله وبرد عليكم وحدة وحدة كرمال عيوونكم

وجايبة لكم ابشارات حلوووة عن عطورات عربية مجربة ورائعة


موفقين يارب

من جد رووووووووووووعه
الله يعطيكم العافيه

[FRAME="3 70"]رجاء ساعدونى يابنات أنا مصريه ونفسى أفهم يعنى إيه خمريه وإزاى أستخدم بخور لشعرى[/FRAME]

اختي لمى خمريه معناه كريم زي اللوشن معطر للشعر ويجي منه عطر خاااص للتعطير الشعر وتبخير الشعر بوضع المبخرة تحت الشعر وطبعا ترفعين شعرج وتخلي الدخان يتغلغل داخل شعرج من الجهتين يد ماسكه الشعر ورافعته واليد ماسكه المبخر وبداخله فحم وعود ولو حبيتي احد يساعدج احسن ويفضل شعرج يكون مبلل وبعدها حطي لج عطر خاص للشعر وخمرية وشوفي الريحة الفواحة تلزق بشعرج يومين او اكثر لو كان العود غالي وجيد

اتمتى قدرت اوضح لج والبنات بيفدونج اكثر

اشكر اختي الشيخة على الموضوع الرائع..

انه معاج في أن عطر العزيزة شي روووعة والمشكلة انه انتاج الأمارات وماعندنه في البحرين يعني في المعارض فرصة تاخذين لج كمية...

من اجمل طبعا العود المبخر شي رئيسي وبعدها عطر الف ليلة وليلة وعطر غلا وسيكرت لوف..بناات لاتفوتون وصال من اجمل روووعة من ايام الجامعة استعملة وارش منه وانه ابخر او اذا كنت ابي ريحة غير ارشة لي في الجزء السفلي من العباية وفوق احط اي عطر ثاني فرنس او عربي وجوفي الريحة شلوووون حلوة والكل بيسألج..بس قولو لهم الخلطة سرية خخخخخ كنتاكي...

اصغر علي ماحبه وايد عطورة عادية مافيها شي مميز...سيد جنيد عندهم عطر بنفسج روووووعة وبعد اللوشنات المعطرة عندهم عطور ومسك جامد انه احط لي لوشن عادي فيكتوريا سيكرت واحط كمية بسيطة من لوشن جنيد اسمه قيم وبعد ثاني اعرف شنو اسمه....

سيد جنيد دهن عود بورمي التولة ب100 دينار لكن انه اخذ ربع تولة ب25 دينار تظل سنه تقريبا ..لأن احط في شعري اذا بخرته وورا الأذن وعند اماكن النبض وامسحهم بس كمية بسيطة واذا كنت رايحة مكان اول مافتح شعري وافصخ الشيلة تهب الريحة...

اذا تذكرت بعد عطوري باقول لكم

ليش مانثري الموضوع واحط صور..يلااا شجوعنه ونزلوا صور وانشالله انزل صور عطوري يلاا تشجعوا..

ربي ايوفقكم

في عند ام خلافي عطور وايد حلوه مثل فزاع والغزال الشمالي وسلامتكم