أنا .. ومديري !!

اختي كلام الاخوات معقول وصحيح
حتىانا والحمدلله كثر محترمه في الشغل وغير عن زميلاتي
كان زملائي يقول لي انت غير ... ماشفنا مثلك بنت
والي يقول انت ع راسي من فووق وحتى لو صار اعجاب كنت اتعامل معهم اني اختهم ودايم اذكرهم بهذا الشي وصار التعامل معنا على هذا الاساس

[GRADE="4169E1 FF1493 4169E1 FF1493 4169E1"] أنا بعد رايي من رأي أخواتي فالتعامل اللي يعاملج به مديرج ,, عباره عن تعامل موظفه محترمه
لانج حاشمة نفسج ,, وبطريقة تعاملج وياهم - الموظفين والمدير خلوكي محترمه
في نظرهم ليش لانج انت اولا متحجبه وتشتغلين عدل وما تدخلين ف الامور الثانيه همج الاول والاخير
الشغل وانو مديرج يكون مبسوط منج فهذا اللي خلاه يبادلج نفس الاحترام
والله العظيم حتى انا في شغلي الكل يحترمني لاني ما عطيت فرصه لاي حد يتكلم بكلمه
ليش لاني محترمه ويعاملوني مثل أختهم واللي ما سويت له سالفه والله مايكلموني وانا بعد ما اكلمهم نفسي عزيزه والدنيا مصالح وانت عارفه شو قصدي ,,

بس انت مشكلتج تكمن في اعجاب من طرف واحد لا غير
لان مديرج يحترمج لانج محترمه ومتحجبه وتشتغلين عدل ومبسوط منج
المدير شو يبى من موظفينه أو من السكرتيره نتيجة شغلها هل مركزه ف شغلها ,, ووووو ,, وو

انزين ,,. نصيحه من عندي أختي اشغلي نفسج بشي ثاني وشيلي هالمشاعر
من داخل قلبج ,, صح مثل ماقالوا خواتي المسأله فيها خراب البيوت
وان شاء الله الله يرزقج بولد الحلال اللي ينسيج الشغل وصاحب الشغل ويوفقج
في حياتج شو تبين بعد دعوه حلوه ,, [/GRADE]

قولي امييييييييييييين

اولا الشرع اربع انا ما ابيها تفكر فيه بس انتم كبرتو الموضوع وهي قالتنا على شعورها بس والله يوفقج

قوت القلوب

انا يوم كنت اتدرب
كان مديري واحد يمكن مثل مديرج <<< محترم ..أخلاق.. وشهامه >> بالمختصر مثل ابوي واو اخوي يخاف علي
وصح كان يعاملني غير عن الموظفين يعني اهتما زايد
او يقول ليش ما يبتو لفلانه ماء قهوة!!
ودايما يكلمني بهدوء .. يعني واضح انه معاملته معاي غير
بس اتعرفين ليش
لاني كنت مثلج
اول مره اتعامل مع ريال ف الدوام .. ويشوفنب اني وااايد استحي وما احط عيني ف عينه .. وما اطلب شي .. وصوتي ما ينسمع طووول الدوام << كله بالايميلات
بس كان مجرد احترام << بسبب اخلاقي

وتعوذي من الشيطان لانه هو اللي ايبلج الافكار هذي

بصراحه كلامكم وايد اقنعني وبالفعل قعدت مع عمري افكر باللي يصير


يمكن اعجابي فيه من مبدأ انه شخصيته وايد ممتازه والواحد المفروض يقتدي به ويطمح انه يصير مثله ويمكن هذا اللي كان في بالي بس انتوا فسرتوا كلامي على انه حب مع اني قلت لكم هب حب


واللي يقول الله حرم الاختلاط .. فاتصور انه هذا مب حرام فلا تفتون من عندكم .. وانا ما سرت متكشفه الحمدلله ساترة عمري من راسي لين ريولي ظفر ريلي ما يبين وشعره من راسي ما تبين والحمدلله الويه مش عوره عشان الكل يقول والله حرام !!!


انا جربت الشغل بين الرياييل وعرفت انه البنت اللي حاشمه عمرها ومحترمه نفسها تفرض احترامها غصبن عن اللي يابوا اهلهم حتى لو كان اكبر صايع بيحترمها لانها هي احترمت نفسها وما تمادت مع اللي يسوى واللي ما يسوى

من غير تفكير لازم تبعدي عنه

لان انتي مش هتقبلي الموقف ده لنفسك لو كنتي انتي مكان مراته
حبيبتي نصيحه مني ابعدي وتمني الخير للناس علشان ربنا يقف معاكي

اتمني لك التوفيق

:: قوت القلوب ::;4861291:
بصراحه كلامكم وايد اقنعني وبالفعل قعدت مع عمري افكر باللي يصير


يمكن اعجابي فيه من مبدأ انه شخصيته وايد ممتازه والواحد المفروض يقتدي به ويطمح انه يصير مثله ويمكن هذا اللي كان في بالي بس انتوا فسرتوا كلامي على انه حب مع اني قلت لكم هب حب


واللي يقول الله حرم الاختلاط .. فاتصور انه هذا مب حرام فلا تفتون من عندكم .. وانا ما سرت متكشفه الحمدلله ساترة عمري من راسي لين ريولي ظفر ريلي ما يبين وشعره من راسي ما تبين والحمدلله الويه مش عوره عشان الكل يقول والله حرام !!!


انا جربت الشغل بين الرياييل وعرفت انه البنت اللي حاشمه عمرها ومحترمه نفسها تفرض احترامها غصبن عن اللي يابوا اهلهم حتى لو كان اكبر صايع بيحترمها لانها هي احترمت نفسها وما تمادت مع اللي يسوى واللي ما يسوى

والله انج حرمة .. تعجبني البنت اللي تحكم عقلها على قلبها .. والله يرزقج زوج صالح ووسيم ينسيج الدنيا باللي فيها .. يارب

أدلة تحريم الإختلاط من السنة

روى ابو داود في السنن والبخاري في الكني بسنديهما ، عن حمزة بن السيد الأنصاري ، عن أبيه رضي الله عنه ، أنه سمع النبي صلى الله عليه وسلم يقول وهو خارج من المسجد فاختلط الرجال مع النساء في الطريق فقال النبي صلى الله عليه وسلم للنساء : " استأخرن فإنه ليس لكن أن تحققن الطريق ، عليكن بحافات الطريق " فكانت المرأت تلصق بالجدار حتى أن ثوبها ليتعلق بالجدار من لصوقها

وجه الدلالة : أن الرسول صلى الله عليه وسلم إذا منعهن من الاختلاط في الطريق لأنه يؤدي إلى الافتنان ، فكيف يقال بجواز الاختلاط في غير ذلك ؟


***


روى ابو داود البالسي في سننه وغيره ، عن نافع ، عن ابن عمر رضي الله عنهما أن رسول الله صلى الله عليه وسلم لما بنى المسجد جعل باباً للنساء ، وقال : " لا يلج من هذا الباب من الرجال أحد " وروى البخاري في التاريخ الكبير عن ابن عمر رضي الله عنهما، عن عمر رضي الله عنه ، عن النبي صلى الله عليه وسلم قال : " لا تدخلوا المسجد من باب النساء " .

وجه الدلالة : أن الرسول صلى الله عليه وسلم منع اختلاط الرجال والنساء في أبواب المساجد دخولاً وخروجاً ومنع أصل اشتراكهما في أبواب المسجد سداً للذريعة الاختلاط ، فغذا منع الاختلاط في هذه الحال ، ففيه ذلك من باب أولى .

دليل عدم جواز كشف الوجه

قال الله تعالى : { يا أيها النبي قل لأزواجك وبناتك ونساء المؤمنين يُدنين عليهن من جلابيبهن ذلك أدنى أن يعرفن فلا يُؤذَين }

وهل تعرف المرأة إلا من وجهها

أختي هذي بعض الادلة اذا انتي حابة تغلطي بكيفك بس لا تحللين وتحرمين على هواك .... هدانا الله و إياكِ

هذا ما جنته الإختلاط , الفتنة

ختيه رويا ... كشف الويه مش حرام لكن انه الوحده تستكف مفاتنها هذا اللي حرام .. وهذا اللي لمسته من الاحاديث اللي حاطتنهن .. وعن الاختلاط هذا اللي حطيتيه معناه انه الرجال قوامون على النساء وهذا ما بنختلف عليه .. واكيد انا ما بسير امشي بين الرياييل او بسير اكل معاهم او بقعد اسولف معاهم !!

انا لي مكتبيه الخاص وشغلي الخاص وحتى اللي في المكتب كلهم بنات والرياييل في مكاتبهم ما يجمعنا غير الشغل وما نكون رواحنا لازم الكل موجود او ع الاقل لازم يكون فيه حد زياده


ولا تظنين اني انا بقبل اكون معاه بروحي لو شو ما كان

مشاء الله عليج اختيه ونعم فيج

بس حبيت اعلق على كل اللي قال انه الاختلاط محرم

ماحرم الاختلاط الا بسبب سوء النيته والقلب

والبنت اذا حاشمه عمرها وساتره وتعرف من الحرام والحلال ماحد بتجرا عليها

الاسلام كرم المراته وامر عليها الحجاب عسب ماتلفت او تكون مثيره


الله يوفقج اختيه ويستر عليج ويرزقج بزوج صالح في دنيا ولاخرة ويستر عليج :)