متى طفلك استغنى عن رضعاته الليليه

انا بعرف انو علميا افضل انو الطفل ما يرضع بالليل حتى ترتاح معدته... المهم انو الطفل ما يتعود يرضع في الليل ولا بتصير عنده عادة. اختي وهج الحب انصحك نصيحة حاولي تجربيها لانو البداية بتكون صعبة لانو الطفل بيهدا لما تعطيه اللهاية ولما توقع منه على طول بيرجع يبكي. انا كنت لما تصحى بنتي بالليل اشيلها من سريرها و اخليها تنام جنبي في السرير. لما تحس اني جنبها بتنام اسرع وحتى لو وقعت منها اللهاية مابتبكي وزوجي ما كان يحس انها صحيت بالمرة. يوم على يوم صارت تنام بدون ما تصحى بالليل وانا بصحيها الصبح قبل ما اروح الشغل عشان ترضع. والله يوفقك

بنتي ليومج مااستغنت عن رضعات الليل كل 3ساعات او 3ساعات ونص توقظني وتشرب حوالي مرضاعتين لانها تعاند وماتشرب قبل لاتنام فتقوم من الجوع لكن الايام اللي تشرب فيها مرضاعه وتنام توقظني مرة بس عند صلاة الفجر

حاولت امس وياه الليهايه رقد الساعه 2 ونش على 4 يبي يرضع طنشته صاح عطيته اللهايه (مع انه مش متعود يمسكه )مسكها وقعد يمصمص وتسمعيييييين صوووت يمص بضمييييييييييييييير وعقب مامص نص ساعه رقد وبعدين نش على الفجر الساعه 5 تم يصيح ومايبي لهايه غمضني انه يوعان فرضعته

انا بنتي عمرها 3 اشهر تقوم مرة وحدة او بالكثر مرتين بس
يعني تنام الساعة 10 و تقوم 4 ترضع بعدين تقوم بال6 او 7 تقريباً
و انا ارضعها طبيعي 100%

نومها متواصل من 5 الى 7 ساعات يومياً بعدين تبتدي تقوم كل ساعتين او 3
بس هالايام مادري شفيها ماتزيد عن 5 ساعات متواصل و مرات اقل

و في ايام ماتقوم ولا مرة بس نادر يعني مرة وحدة بس نامت 9 ساعات متواصل بس ماعادتها



لازم تسوون روتين حق الطفل عشان يعرف ان هذا وقت نوم
و غير جذي حاولي ماتخلين بنتج تنام عقب المغرب
اذا نامت قوميها و غيري الحفاظ او ملابسها عشان تقوم

حبيبتي وهج الحب بدك تتعبي اول فترة انا ضليت شهرين لحد ما بنتي تعودت توخد اللهاية و تنام. بس صدقيني راح ترتاحي كتير بعدين (y)

مشكورين على الردرود ...بس بسالكم وخاصه انتى يا اخلى ملح يعني طول النهار ماتخلينها ترقد ولا كيف ؟؟!! يعني انتوا الللى عيالكم يطولون في الليل انتوا ماتخلوهم في النهار يناموا ولا كيف !!

بصراحه موضوع رائع ومفيد:)..........

بس بالنسبه لي انا ولدي(عمره الحين كمل الشهرين) من ارقده يقوم كل ساعه او ساعتين ......... مثلا نام السعه2 قام 4 لين ما تطلع الشمس صار يقوم كل ساعة مثلا السعه 6 بعدين7 وجي.........

بس اليوم انا وايد خايفه زاتمنى تردون علي بلييييززز :(:(

من رقدته امس الساعه 1:30 ماقام ابدا ,حاولت اوعيه الساعه6 عشان يرضع وما رضع ,,,, ولين الحين الساعه 4 العصر راقد بس قومته الساعه 12 وسبحته ورضع شوي ورد نام ........ شو هذا طبيعي والا ردوا بليز وطمنوني
مع انه من يومين مب راقد زين (مع العلم انه في الاساس ما يرقد وايد)

السلام عليكم

وهج الحب

انا بنتي بالنهار تنام بس اكثر الوقت قايمة
تنام مرة الضحى تقريباً ساعة الى ساعتين
و بعدين تقوم ترضع و تلعب شوي و اغير حفاظتها بعدها ترد تتعب و تنام ساعه الى 3 ساعات و عادتاً يكون وقت وجبة الغدا

بعدين تقوم و ترد تنام اخرالعصر تقريباً وقت المغرب تنام ساعة و تقوم


بعدين من التعب مرات تنام بس نوم خفيف من10 الى 20 دقيقة و احاول اخليها ما تنام كلش





الحمدلله امس بنتي نامت من الساعة 11 الى الساعة 5.45 يعني سبع ساعات تقريباً اللهم بارك
بنت اختي بنفس عمر بنتى بالضبط (بينهم يوم واحد بس ) تنام بشكل افضل من بنتي
يعني تنام متواصل 7 او 8 او 9 ساعات بدون رضعات ماشاءالله عليها الله يبارك
و اختي ترضع بنتها طبيعي 100% و انا كذلك

يمكن بنتي ماترضع وايد بالليل لان سويتلها روتين من كان عمرها شهر او اقل و اختي بعد سوت نفس الطريقة



فا معناته ان انتي قاعدة تسوين شي غلط و عودتي طفلج على عادات خاطئة و يبيلها حل
انا لو مكانج اقرا كتب او استشير ناس متخصصين يمكن دكتور اطفال بخصوص هالموضوع و اسأل كل الامهات الي اعرفهم


و طبعاً الافضل تسويين روتين ما قبل النوم و شوي شوي راح يتحسن الطفل بالنسبة حق نوم الليل و تقل الرضعات تدريجياً ان شاءالله





بس لازم تحلين المشكلة لان الوضع مووووو طبيعي
كل الناس الي اعرفهم يقولون الحد الاقصى حق رضعات الليل ست شهور بعدها المفروض تنام طوووووول الليل بدون رضعات يعني مثل الناس الكبار




الله يساعدج و ترا يبيله صبر انج تسووين روتين للطفل لان ماراح يتعود بسرعه

عاشقه زوجها هذا عادي انا ولدى كان جي اول وااااااااايد يرقد من زجم بعد مايبته باسبوعين او 3 تقريبا خلاص اتخربط نومه كنا نوعيه غصب يرضع والحين كل شوي يقوم ...لاتخافين ...احلى ملح انزين انتى خبرينيي شو سويتي بالظبط عشان نبتج جي استوت ترقد ..ترى ولدى كان برققققققققققد بس من زجم وهو صغير كان كل شوي يقوم يرضع عشان مضايق من خشمه فشكله اتعود يمكن عشان جي ولا انتى شو اتقولين ؟؟!!.فجر الاسلام انا اكون اكلته وكل شي بس مااادري شكلها صدق عاده ...رورو انزين اخاف استخدم اللهايه ويتعود عليها علطووووووول ومايتركها ...بلييز اللى عندها حل اتساعدني ..ومشكورين ولكم دعوه صداقه من قلبي لكل اللى رد علي

بنات والله انا معجبة بالامهات اللي ماتخلّي طفلها يقوم بالليل والله كله بالتعوّد ماشاء الله عليكم
حجرّب اليوم اشبّع بنتي كويس و بعدين لو صحيت اهزها و ما أرضعها
ادعوليييي بلييز
حقولكم بكرة ان شاء الله شو سويت معها

انا بنتي وقت النوم اسويلها روتين او بعض الحركات الي تحسسها ان وقت نوووم
مثلا وقت معين كل يوم 9 و نص مثلا ابتدي اسبحها و اغير ثيابها و حفاظتها و اسويلها مساج
بعدين ارضعها عدل اتأكد انها شبعت و تكون الغرفة ظلمة مافيها الا ابجورة وحدة و تكون اضائتها خاااااااااااافته
و بس بعدها يكون هدوووووء و مافي ازعاج او كلام و انا و زوجي اننام و جذي عرفت الفرق بين النهار و الليل و هذا من كانت صغيرة كلش يعني شهر او اقل

طبعاً اذا حسيت ان بطنها يعورها اعطيها ماي غريب قبل النوم عشلن ترتاح بالنوم
و اذا خشمها مسدود ارش فيه بخاخ ماي و ملح من الصيدلية عشان ينفتح و تتنفس براحه


على فكرة اليوم بنتي مانامت وايد زين اعتقد لان طول النهار نايمة بسبب ان كنت طالعة و اهيا وقت الطلعة تنام يعني اليوم بنتي نامت الساعة 10.45 و قامت 4.22 و بعدها بساعتين 6 و نص تقريباً قامت مرة ثانية و رضعت و بعدها بساعة و نص يعني بال8 قامت بس مارضعتها غير ملابسها و حفاظتها و لعبتها و ظلت ساعة كاملة و الحين نامت مرة ثانية و هذي الي اسميها نومة الضحى

البارحه حاولت اخلى ماينش رقدته 11 ونص نش 12 ونص يرضع وبعدين تم واعي وسويت مثل ماتقولين احلى ملح طنشته بعدها ساعه الا ربع الا اشوف الولد رد رقد ةتم راقد لين 3 ونص نش عطيته الاهايه يمصها اشويه وبعدين يدزها عرفت انه يوعان بس ماضعت قلت مابعطيه صدلاي تميت لييييييييين مماااااصاح بعدين غمضني ورضعته رقد 4 ونص ونش 6 وانا خلالالالالالالالالالالالاص هلكانه لانى اول اللليل من التعب ماقدرت انام فنمت معاه 4 ونص المهم بعدين رقد على 7 لانى في البدايه طبعا حاولت اعطيه لهايه المهم نش بعد ساعه يعني الساعه 8 وبعدها رقد ليييييييييين 11 وهذي عندي نعمه ماتستتوي الا بالنااادر وبعدين نش 11يرضع وتم ميود في صجدري لييييييييين 1 يوم اشيل صدري يصيح وانا كنت اصلا عاطياه الصدر اللى مايحب يرضع منه يعني تقدري اتقولي نشف الحليب ....انتى يامنوليزا شو سويتي ؟؟

ما مشي الحال
صراخ صراخ صراخ لما زهقت و رضعتها
حاحاول اليوم تاني
ياااارب

حبيبتي عندي ولد عمره 3 شهور بينام من الساعه 10 لساعه 5 الفجر. كنت بتبع معاه طريقه وبتمنى انكم انكم تجربوها مع اولادكم لانها عن طريق دكتور.
اول شي متل ما قالت الاخت احلى ملح نقوم بتغير الحفاظ وتغير الملابس ونلبس البيبي ملابس نوم تكون مريحه.وغرفه نوم البيبي تكون مظلمه ما فيها الا بس ضوء خفيف وما يكون فيها ازعاج .ونقوم بارضاع البيبي كويس ونشبعه .هلأ بس يفيق بالليل ما نعطي حليب نهائيا ونستبدله بمغلي الاعشاب, ممكن نشتري من الصيدليه او حتى ممكن ان نغلي بالبيت ونضعه في تيرموس (البراد).وبس يفيق بالليل منعطي البيبي قليل من مغلي الاعشاب بالببرونه .لان يمكن البيبي يفيق بالليل مو شرط يكون جوعان لان ممكن يكون عطشان.
عزيزاتي ممكن تلاقي نتيجه من اول ليله ويمكن اسبوع .
وبتمنى نوم هادىء لاطفالنا و راحه بال لأهاليهم.
اسفه على الاطاله.

اميرة لاسعاده يعطيج العافيه ان االيوم اتبعت اسلوب ثاني حاولت انه اعطيه لهايه نفس اننس عصببببببببب وصاااااح لين اليحن انا مش نايمه اخر شي عطيته مرضعه ولين الخين صاخي ..المهم انتى ولدج يقوم بليييل يشرب رضعه اعشاب ولالا؟؟؟ اللى فهمتوا من كلامج انه يقوم بس انتى ماتعطيه حليب..انزين ليش الدكتور قالج لاتعطيه حليب؟؟

اعتقد طريقة اميرة السعادة تستاهل التجربة و اعرف ناس يسوونها

انا بس بقرأ عنها اكثر و بجرب ان شاءالله

لان انا بنتي ترضع بالليل بس احس انها مو يوعانه لان 5 دقايق و تنام مرة ثانية
و بعدين اخاف ما اعطيها حليب و تطلع صج يوعانه



عموماً اقولج يا وهج الحب شصار اليوم

بنتي نامت 10
قامت 1 و نص انا استغربت جان ارضعات و نامت بسرعة
بعدين قامت مرة ثانية الساعة 5 و نص تقريباً مع صلاة الفجر
يمكن لانها سمعتني احوس لاني كنت اتسحر لاني بصوم
رضعتها جان تنام و قامت 8 بس تصيييييح عبالي شبعت نوم حاولت اغير حفاظتها بس تمت تصيح جان اقول لا شكلها يوعانة رضعتها جان تناااااام مباشرة ساعة و رجعت قامت


اليوم نومتها مو ذاك الزود مرت عليي ايام وايد احسن




بس ان شاءالله بحاول ما ارضعا وايد بالليل مرة وحدة بسسس
و بجرب طريقة اني اعطيها اعشاب ان شاءالله

مشكورين على ردودكم وعلى اللي مروا بس ترى ترانى احاول اخفف رضعات له بس مب قادره شكله اتعود البارحه حاولت اتجاهله يصيييييييييييييييييييييح يغمضني وبعدين اطريت احطه احذالى بالسرير وبعدين نش كل ساعه يبي يرضع تعبت والله شكلج يا الحى ملح كلامج صح انا عودته بس كيف اتخلص من هالعادة ؟!

أنا قطعت عنه رضاعة الليل من الشهر الخامس،، وكل ماصحى يبكي عطيته رضاعة ماء وعلى هذا المنوال تعود أن مافي رضاعة بالليل،، وكنت أعطيه مع الفجر بس....

تبين الصراحه اختي .... انا ولله الحمد ما تعبت وايد لاني سمعت نصيحه وحده معاي ما شا ءالله كبيرة ومربية اجيال قالت لي روووووووووووووووز اصحي ولا اتعودين الولد انه يقوم نص الليل ويرضع والحمد لله عطتني الخطه ونفذتها ولله الحمد ما كان يقوم وينام لي الصبح .. الله يسلمج البيبي عطيه اخر رضعه الساعه 12 الفليل وبس
لا دلع ولا خرابيط ولا قلبج يعورج عليه خلاااااااااااااااااااص واذا قام عطيه اشويه ماي ورقديه مرة ثانية ولو قام عطيه ماي .... بس خلاص واسبوووووووووووع تمي على هل الحاله خلااااااااااااااااااااااااااص بيترك عنه الدلع وبيصطلب ... ومن يصبح لازم تعطينه الرضعه ... حبيبي سمع الكلام واعتقد كفاية من 12 - 6 او 7 الصبح ... اوتوماتيكيا راح يتعود ... هو ينتظر الحليب وانتي صبري نفسج بالماي لي الصبح ....

وبالنسبة لولدي الحمد لله ما تعبني واااايد ... وعقبها ارتحت ... حتى احيانا انا المجرمه كنت اوعيه عشان يرضع ههههههههههههههههههههه ... فديته والله .. والحمد لله كبر واتعود ... انتي بس احزمي الموضوع وعاملي بنتج بدلع وحنان بس بحدود ... وبالتوفيق اختي


رووووووووووووووووووووووووز