ذكريات زواجي مو حلوه.

رغم محبتنا انا وزوجي وذكرياتنا الجميله في كل وقت

الا ان ذكريات الزواج مزعجه لي وله :09:

يعني انا وهو على وجيهنا بمعنى الكلمه
حتى هو يتضايق اذا ذكر شي يقول والله ماكنت اعرف في هالامور
وهو حياه شديييييييييد
يعني اذا صارت امه عندنا ما يحط عينه في عيني عندها

اول شي يوم الشوفه كنت داخله عليه وقلبي بينقطع من الصياح مابي اعرس بكيفي خخخخخخ
بس يوم شفته دخل راسي
يوم الملكه تسنعت واستشورت شعري وحطيت كريم اساس وبلاشر وكحلت حواجبي والفستان جهزته في الدولاب عشان مابي امي تدري اني اتجهز له بس لو جاني منهم اشاره انه بيسلم علي انقز والبس الفستان بس
<<<<<<<<<<<<<<<<<< في خاطرها ما انتبهوا اهلها لحركاتها هع هع هع
وانتظرته يقول لابوي ابي اشوفها لان الملكه كانت رجال بس ) ومع ذلك ماجاب خبري الاخ يقول ماجا في بالي اني اطلبك
وانا استحيت اقول لابوي ناده بسلم عليه
يعني بالعربي خلصت الملكه وماشفنا بعض [url] GetSmile]
وماكلمنا بعض حتى يوم الزواج

يوم العرس من البثاره اهله كلهم ومرت خاله وحريم اخوانه دخلوا عندنا في الغرفه ومن الحياء هو ماقدر يتصرف وهو عارف العيون مسلطه عليه
حتى دخل وسلم عليهم كلهم وماسلم علي

طلعوا هم وعلى طول قال يله خلينا نروح البيت شكله ماخذ راحته متوقع احد يطل علينا
في السياره نفس الشي ما اخذنا راحتنا هو راكب قدام وانا راكبه ورا :(
لان اخوه هو اللي يسوق
يوم وصلنا البيت
قال غيري فستانك حتى ما يزعجك وانا فكرته يقول البسي قميصك
<<<<< راحت الاخت ولبست قميص النوم طبعا مع الروب تبعه خخخخخخ فرحانه اول مره تشتري قميص نوم
وهو يقول بعدين انا ماكنت اقصد تغيرين تلبسين قميص النوم كنت اقصد تلبسين فستان هادي :22:
ااااااخ وش اسوي امي واخواتي ما جهزوا لي فستان هادي البسه هذيك اللليلة قبل القميص

<<<<<<<< ماقلت لكم على وجهها :(

سافرنا لجده غير بعد ثلاث ايام ومن الربكه زوجي نسى عقد الزواج ورفضوا يسكنوننا في الفندق الا بالعقد :09:
راح ليلنا واحنا من فندق لفندق وهم يرفضون اخر شي فيه فندق رضى ننام عندهم بس قال لما تجيب ورقه من الشرطه انها زوجتك
يعني قمة الترتيب في كل حدث

هو ضاق صدره مرررررره في هذيك السفره كملنا اسبوع واخذنا عمره ورجعنا

رجعنا وحملت وبدا الوحم
وبدت مصايب الحمايل
وكل سنه يصير شي في ذكرى الزواج وما اسوي فيها حفله ولا شي

الحمد لله على كل حال هذا حال الدنيا تجري الرياح بما لا تشتهي السفن :)

ولكن

قررت نجومه سنة 2007 ان تقهر الحزن وتجدد الحياة مع الحبيب بعدما فهمها زين وفهمته زين
وناويه اسوي لي حفلة عرس ولا اروع تحت شعار && دع الاحزان تبكي من جبروت ابتسامتك &&
بكنس عيالي عند اهلي
بفصل فستان ابيض منننننننننننتفش
وبسوي تسريحه تجنن ومكياج يخليه ما يعرفني
وبشتري مسكة ورد كبر جدي
وبحط شرابات تحت صدري عشان يرتز فوووووق
واخليه يجيب لي طقم الماس يلبسني اياه
وبشتري من العروض التجاريه هذيك اللمبه اللي تأشر وتولع وتطفي
وبرقص لين ينفك وركي
ويستاجر بانوراما نفرفر فيها
وبسوي برنامج سياحي لجزر مورشيوس ولا المالديف <<<<<<< اعصابك
بس بروح جده قبل وبسكن في هذاك الفندق ليله وبلبس نفس فستان السهره اللي كنت لابسته ذيك الليله <<<<<<<< فيها بقايا رومنسيه
وبنزور ملك بروناي واخليه يعشينا على حسابه
واذا رجعنا بنمر على دبي بشتري من بعض بنات حواء اللي هناك خخخخخخ <<<< الطبع يغلب التطبع

المهم
الخلاصه ومافيها
ابغى اكسر الذكريات الشينه ايام العرس
واغير الفكره في راسه
او بمعنى اصح اربط الفكره الشينه بوحده احسن منها تفركشها :)

ابغى كل وحده تدخل تعطيني فكره لحفلة ذكرى الزواج بناء على ما وضح في قصة زواجي :)
آرائكم بكل صراحه لو سمحتوا