كم سنة لك متزوجة ؟ وما نسبة التغييير؟

موضوع غريب مرا وحلو
انا لي سنه و7 اشهر والله مااتغيرت لافي طبايعي ولافي شكلي

مدري ليه

اناااا اساسا حاسه ان جايني حالة جمود تااام


شوكرن ع موضوع الحلو

انا صار لي متزوجة 4 سنوات واشوي :shy:

وبصراحة انا تغيرت وايدددددد يعني كنت عصبية وايد الحين عصبية بس خفت عصبيتي عن قبل بوايد

يعني اعتبر صبورة بالنسبة للقبل

وبصراحة كنت مسرفة جدا الحين مع الحياة الغالية وظروف زوجي خف صرفي 90% عن قبل

لاني كنت مسرررررررررفة وايد والشي الي تغير فيني اني كنت احب انام في الظلام وفي الهدوء لكن الحين انام على ضو ء المصباح :21_162:

ومو لازم هدوء يعني حتى اذا في فوضى عادي انام لانة انا عايشة في بيت اهل زوجي بشقة منفصلة

لكن يوم التجمع اسمع صراخ عيالهم من الصبح بس انا انام اواصل ولا يضياقني هالشي

عكس قبل اتهاوش وية خواتي على صوت نفسهم ههههههههههه :sa36:

اممممممم وبالنشبة لزوجي انا من اخذته وهو طيب ويايي وحنووووووووووووووون

ويدور رضايي يعني ما اشوف شي تغير فيه

غير انه بداية زواجنا كان مسرف مثلي بس الحين صار عندنا ولد ولازم نحسب على صرفنا

وخاصة ان راتب زوجي محدود والحياة غالية

وزوجي مدخن حاولت وياه يترك التدخين لكن مافي فايدة ما عنده اي رغبة في ترك التدخين


:888345: الله يحفظ لي حبيبي ويخليه لي ويدوم المحبة بينا

اما انا صار لي 3 سنوات و6 شهور
والتغيير اوهوووووووووو 180 درجه
انا وياه نحب بعض من كنا صغار يعني وانا بالصف الخامس بدري علي ههه وطبعا اكبر مني ب4 سينوات
كنت طايشه ومطنشه وعايشه عمري وحياتي بطولها وعرضها وعلى بالي الحياه بعد الزواج بتستمر كذا
وبحكم انه بيتهم كله اولاد واحنا العكس صبايا تختلف التربيه مع اننا اولاد عم بس مختلفه ارائنا ومالاحظنا الا بعد الزواج يعني فترة الخطوبه ماكان باين يمكن مستحين نطلع الفضايح هههه
المهم ماعقلت الا بعد سنتين وزياده ولا تفهموني غلط بس كنت اعتبره عادي اطلع من البيت بدون ماقوله على كيفي ومن هذه الامور التافهه اللي مافهمتها الاقريب والحمد لله الحب والحنان ماتغير الا انه كبر بيننا والاحترام زاد وبعد حملي هذا احس انا كلنا تغيرنا صرنا عقلانيين اكثر ولازم نتحمل ظروف الحياة والله يخليه لي هو بنته واللي بالطريق والله يسعد كل زوجين

انا الحمد لله متزوجه لي 12 سنه واحس اني متغيرت بس هو الحمد لله كل ماله يتغير لاحسن يعني لم تزوجنا كان مستواها دراسي شوي الحين صار جامعي والوظيفه احسن والحمد لله من صبر ضفرحتى في الاخلاق صير احسن واحس يحبني اكثر من قبل

أنا صار لي متزوجه من إمممممممم
سته شهور بالظبط لا يوم يزيد ولا يوم
ينقص...
وإمممم تغيرت بس مو مره للأسف للأسوأ
زمان كنت متدينه بزياده شويه اللحين مو
ذاك الزود أحس مافيه أحد يشجعني وأبوي
زمان كان شديد الغيره علينا زوجي مو غيور
مره...
ومن ناحية اجتماعيه حسيت الناس هم إللي
تغيروا عليه مو أنا إللي تغيرت عليهم ساروا
جافييين معايه مادري ليه!
وزوجي تغير طبعا للأحسن الحمدلله صار
جاد وفرفوشي بنفس الوقت وحسيته ارتاح
من عدة نواحي الله يحفظه ليا يارب

لي ست سنوات

اكيد تغير في شي الزعل وصبوره

لكني تغير في حياتي كثير احس بالملل وكثير ماابكي

صريحه لابعد حد كنت اول اجامل

بس ماادري اذا في شي ثاني لان اللي حولك هم اللي يلاحظون

صار لي سنتين ونص

الحمد لله على كل حال


مره للاحسن ومره للاسوا

انا وريلي

أنا صار لي سنتين و3 شهور متزوجة .. للآن ما عندنا أطفال .. الله يرزقنا بالذرية الصالحة المعافاة عاجلا غير آجل اللهم آمين .. أنا تغيرت للأفضل يعني أول كنت مرة عصبية و دحين خفت عصبيتي شوي ..و زوجي كمان تغير للأحسن.. أحس انو أكتر تغيير يصير في الحياة الزوجية بعد الإنجاب.. الله يديم المحبة بيننا انشالله و يرزقنا بالذرية الصالحة المعافاة عاجلا غير آجل.. دعواتكم لي

انا بصراحة كنت حساسه عنداهلي وكلمتي انفذها واي شي في راسي اسويه لكن بعد الزواج كل شي تغيرالاحساسيتي زادت يعني كويس زوجي متحملني وانا الحين ليامتزوجه سنع وسته شهور وعندي ولدالله يحفظه ليا:sa23:

موضوعكم حلو:

انا متزوجة من 8 سنين وامشي بالتاسعة

حياتي وايد اتغيرت عن قبل

وانا الحمد لله(واعوذ بالله من كلمة انا)،صح كنت عصبية من البداية بس زادت مع اليهال وااااااااااايد
عندي اولاد وصغار ومطلعين روحي وايد
والا انا احب الرومانسية وحركات الدلع والمفاجآت


الله يخلي لي ريلي وعيالي يا رب
ويرضى علي ربي ووالدي

انا لسا مش متجوزة
ادعولى فرحى في الصيف ان شاء الله

اناصار لي ست سنوات واكيد كلانا تغير للأحسن والحمدلله والله رلا يغير علينا .

السلام عليكم
انا صارلي 3 شهور ونص متزوجه اتغيرت وارتحت لتغير لاني كنت عصبيه ودحين سرت هاديه
وصبوره وزوجي ماحس في تغير بس الحمد الله عجبتني شخصيته

ربنا يسعد كل البنات

موضوعك مهم

الله ستر علينا ولله الحمد وعدت ايام صعبة والعتب على التثقيف وصغر السن

كنت اضن ان اول ايام هي احلى ايام بس تبين العكس تماما وان كل مازادت العشرة زادت المحبة والموده وكل طرف فهم الثاني اكثر


وانا صارلي سنة ونص من تزوجت وعندي كتكوت

والحمدلله في تغير ملحوظ في شخصيتي بس بعد باقي الكثير لنغيره خصوصا في اطار تعاملي مع زوجي بس مع الناس الحمدلله مثل ما انا وما احتاج تغيير من وجه نظري على الاقل

الحمدالله التغير دخل في حياتنا لكن للأحسن وذلك بعد أنجاب الأطفال ، أحس أني كبرت وتفكيري شوي تغير وزوجي بعد تغير تسع سنوات زواج لازم يكون هناك تغير