كل واحدة تقول لنا اولادها شبه مين في العيلة

آنه ولدي بالضبط يشبهني ويشبه أخوي... زين تعبي ماراح بلاش....
بس الحين آشوف وايد ناس يقولون أن هو يشبه أبوي مع أني طالعة على أمي مو أبوي..

والولد مافيه شبه بالمرة من أبوه الا عند الفم شوي وقصة الراس

انا بنوتي لين اللحين ما عرفنا لها مرة تشبهني مرة تشبه ابوها وساعات عمتها ..
بس الاكيد العيون عيون ابوها .. :)

موضوع حلو..:)

ولدي محير الكل خخخخ...من انولد اهل ابوه يقولون يشبهني مع انه موووول ما يشبهني..واهلي يقولون يشبه ابوه..طبعا مع ختلاف الالوان خخخ...وكل ما يكبر اشوفه يشبه ابوه..بس الحين مستوي يشبه اهلي بس مب انا...اللي يشوفه وياي ما يقول اني امه..بس يشبه خواتي واحيانا احس يشبه ابوي و اعمامي..امي تقول يشبه ريلي...بس اهل ريلي و ربعه يقولون مووول ما يشبه ابوه..حالتنا مستعصيه ولدي ما بغى يزعل حد :)وبالنسبه للون عيونه و شعره...ماخذه من صوب اهل امي...وحتى اهل ابوه فيهم شوي

بالنسبة ليي ولدي الكبير ناس يقولون يشابه ابوه وناس يقولوون يشابه خاله الا هو اخوي اما ولدي الثاني فالاكثرية يقولوووون ايشابهني واما بنوتتي ناس تقووووول تشابهني وناس اتقول على بيت ابوها بس اني احسها نسخة مني

انا ولدي كلحد يقووول شبه امه

فديته والله

..ولدي يشبهني تماما ويشبه واحد من اخوتي ..يعني اللي يعرفني بس ما يعرف اخوتي يقول يشبهني واللي يعرف اخوتي يقول يشبهم ولا اخد ولا شيء من ابوه ..مع اني تمنيت انه يكون يشابه ابوه ..
حتى تصرفاته نفسي وخاااااااااااااصة العصبية ..خخخخ

ولدى
الاول علي

يشبه ..أبوه الخالق الناطق

لكن الثانى يشبهنى الحمد الله

انا بنوتى اخذة عيون وسمار جدها و خشمى و غمازاتى و فم عمتها و ذقن و شعر ابوها يعنى كوكتيل راضت الكل

موضوووووووووع ووايد حلوو وغريب شوي خخخ

انا ولدي يشبه ابوووووووه كوووبي سبحان الله

حتى لين اوديه موعد الدكتورة والنرسات يقولون سيم سيم بابا خخخخخخخخخ

ويوم سافرنا تايلاند الكل يقول كوبي بابا في الشوارع والمحلات

يعن شبه لدرجة فضيعه

حلو الموضوع مشكورة اختي على طرحه

انا ولدي شبه ابوه بالضبط

اول نظرة لي في لحظة الولادة قلت ابوه

الشبه فضيع ولدرجة كبيرة جدا واذا احد يشوفه وما يعرف ابوه يقول لي ما ياخذ منك ولا شي شكله غريب
اقول لهم يشابه ابوه

والي يعرف زوجي يقول ماشاء الله جنى ابوه وهو صغير يشبه وايد

والله واذا اطالع صور زوجي لما كان في عمر ولدي استانس احس الي في الصورة ولدي صدوقي مو زوجي

هههههههههههههههههههههههه

والمميز الي في زوجي عيونه واسعة ورموشه غامقة وطوال

والي يشوف ولدي يقول ان عيونه حلوة ومرسومة ومحكلة طبيعي

اقول لهم ان طالع على ابوه وحواجبه بعد كثيفة وغامقة مثل ابوه

يعني كل شي مثل ابوه بس العيون والحواجب واضحين ان مثل ابوه بالضبط

ولدي اسمر مثل ابوه وصدوقي كل يقول لي انتي لونك ابيض وانا لوني بني مثل البابا

بس الحين عمره 3 سنوات ونص فتح وايد وصار ابيض بس اغمق مني بشوي

وانا تعبي راح بلاش وكل اقول لزوجي انا تعبت والولد طلع عليك

ان شاء الله الله يرزقني بنوتة تشابهني عاد مو كل على ابوهم ترى صج بزعل هههههههههههه:schmoll:

المهم ان ولدي قمرر ويجنن مثل ابوه وخلاص هههههه

ردودكم تجنن وزي العسل يا احلى امهات
وفعلا شكل الطفل بيتغير من وقت للتاني بس
يعني نور شبه باباها جدا بس فيه بيقولوا عليها شبهي
هي اخدة الحاجة المشتركة اللي بيني وبين باباها وهي الغمازات انا باباها عندنا نفس الغمازات:shiny:
اخدة مني الفم
اما باقي الملامح كلهاااااااااااا باباها سبحان الله!

بنتي شبه باباها وعمها وتشبه اختي الصغيرة

موضوع واااااايد حلو

انا ابني الحمد لله نسخة عني بس انا عيوني احلى

بس امي تقول الحين صار شوي شوي يرجع على ابوه يالله كافي علي 6 شهور

شكرا لك اختي مرة ثانية على الموضوع

أنا بنتي خلييييييييييييييط بين الاثنين..
بس تاخذ شبه من عماتها وأبوها أكثر..

انا بنتي لونه غير عنه هي اغمج منه كلنه بس الشبه تشبه ابوها وولدي لونه علي ويشبهني

موضوع حلو ..

حمودي طالع كوبي بيست ابوه بس لو فيه لحية وشوارب بيكون توأم ابوه عدل

امامريومه المزيونه .. اول 3 شهور كانت تشبه جدتها (ام ابوها) لكن الحين مسكته طبق الاصل مني لدرجة انهم ينادونها باسمي ... طبعا هذا شرف لها .. خخخخخخخخ

علاوي نيجاتيف مالي بس الحين صاير اسمر من قعدته بهالشموس

أما بنونه ماشاء الله طالعه لأبوها قمر فديت قلبهم أني

اهل ابوها يقولون طبق الاصل من ابوها

واهلي يقولون طبق الاصل عني وعن اخواني حتى في ناس يفكرونها بنت اخوي من زود ما تشبهه

ولدي يشبه اخوي اللي هو خاله لما طلعنا صور اخوي وهو صغير قارنتهم بصور ولدي سبحان الله نسخه طبق الاصل

آنه عيال أييبهم يشبهوني وسبحان الله من يكبرون يقلبون شبه أبوهم.

الحمد لله في الحالتين حلوين.