عيدميلاد ولدي بنات البحرين

انا مو البحرين بس حبيت اهني وقول كل عام وهو بالف خير يااارب
وعقبال ماتشوفيه عريس ان شالله

انا بعد اقوول كل عام وهو بالف خير وان شاء الله بنات البحرين يفيدونج

كل عام وهو بخير اما انا عادة كيك عيد ميلاد بنتي اسويه عند وحدة اسمها ام حسام ساكنة سار ، طعم عجيب واسعار حلوة وكل تشكيلة تتمنيها

روحي مخبز المنار بتلاقييه انواع من الكييك واكل للعيد الميلااد يعني اسعارهم حلوه ومخبز على مستوى
وكل عام وهو بألأف خيير
تحيااتي

عندك المخابز المعروفة : المنار وسعر الكيلو عنده 6 دينار..

المخبز الكوري وسعر الكيلو 7 دينار..

بس كيكهم لذييييييييييذ مو اي كلام...

عندك ليلوووو ولا شكولا... بس اسعارهم لج عليها شوي...

وبالنسبة للاكل.. اذا بتسوين بوفيه عشاء ولا خفايف..

انا عن نفسي سويت بوفيه عشاء.. يبت مكرونة وهريس من سفرة العرب.. معجنات وبيتزا صغيرة من مخبز عادي.. مقرمشات وقطع كاكاو .. اسياخ دجاج مشوية من احد محلات المشويات..


واذا وجبة خفيفة... عطيهم فشار.. ( ياريت تجيبي جهاز عمل الفشار لأنه يخلي المكان يمي يمي هههه ) ذرة.. مكسرات في صحون صغيرة .. قطع كاكاو .. فواكه.. مادري هذا اللي ببالي الحين..


وكل عام وحمادة بألف خير..

كل عام وهو بخير وصحة وسلامة شوفي مخبز المنار ممتاز

كل عام واهو بخير بس حبيت اقول انة مخبز المنار اذا تمت الكيكة ليلة او ليلتين في الثلاجة تصير كأنها حجر :(

اما حلويات طارق كيكهم عجيييب ولذيذ

كل سنه وهو بخير
الخوات ما قصرو

السلام عليكم ورحمة الله وبركاته

بالنسبة للكيك ام حسام او المخبز الكوري الاثنين دايما اتعامل معاهم ... بس افضل الكوري واذا حبيتي يخلون لج ع الكيكة صورته
واذا بغيتي كيكة ايسكريم عندج ديري كوين ..


الاكل ما قصرت جمانه خلت لج كل الي كنت باقوله ...

بس بضيف عليج لو بتعزمين يهال شوي اكبر وي اهاليهم سوي مسابقات للامهات ومسابقات للاطفال ..

مرة بنت حماتي سوينا لها جذي .. وشرينا كله هدايا من 5 دوائر ههههههههه ووزعناهم عليهم واستانسوا لان الاهم هو اللعب والوناسة يعني سوي مسابقة الروب مسابقة الطحين الي ينفخون فيه الكراسي الموسيقية ونط الحبل ...

اممم البالونات والسوالف هذي عندج الانوار .. او محلات عجيب .. وانا احب محلات عجيب اكثر... عندهم كل شي تبينه لاعياد الميلاد

كل عام وولدج بخير وعقباله عمر نوح النبي يا رب ... والله يقومج بالسلامة

في أمان الله

طبعاً عقب رد جمانة ما نقدر نتكلم

بس مثل ما قالت إدا حابة سعر زين وكيك لذيذ وطري عندش المنار والكوري ثنينهم جربتهم في استقبال ولادتي أخذت من المنار وعيد ميلاد حمود أخذت من الكوري ويسوو ن صور بالكمبيوتر وحتى إدا بتحطين صورة ولدش والصور عجيبة وكيكهم طري مو من اليابس

وإذا عندش استعداد للغالي عندش ليلوز ولو شوكولا

وعن الأكل إدا عزومتش كبيرة عندش الجميع للتموين يسوي لش بوفيهات وأسعاره معقولة

كل عام وهو بخير

ماعندي تجربة سابقة قلت ابارك لج واخذ خبرة من خواتي جايتنا اعياد ميلاد الحين ههه

انا الشهر الي فات سويت عيد ميلاد ولدي والكل نعت في الاكل وقال ممتااز ووااااايد

الاكل كان من مخبز المنار والصحن الواحد ب600 فلس خذيت 100 صحن طلع لي ب50 دينار

والكيكه كانت عجيبه وطعمها حلو الكل قال لي فرش ولذيذه وتمت لعقب اربع ايام ناكل فيها ههههه

خذيتها من لوشوكولاته الي يم السيف 6 كيلو ب60 دينار

اي صح ماسئلتي عن اغراض العيد ميلاد

يعني الصحون والكاسات انا اخذت من الانوار طقم كااامل صحون وكاسات وقفشات بلشوك والسكاكين طبعا البسلاستيكيه والصوايات بعد طقم والسفره عجيب كان وايد حلو

وخذيت هدايه للاطفال مثلا طين ودفتر تلوين وللاولاد سيايير

كل هذا من الانوار وانا اخذت كلشي مئه حبه واخذت بعد الزينه والبالونات

طلع لي ب30 دينار وااايد سعر حلو صراحه

كل سنه وهو بالف خير وعقبال ماتشوفينه معرس يارب....

سوري ماعندي فكره انا مب من البحرين بس حبيت ابارك.. مابيقصرون بنات البحرين ان شاءالله..:groupwave:

أختى إذا حابة كيك زين والميزانية تمام مالج الا ليلو، آنه آسوي دايما عنده حتى حق تجمعاتنا العائلية، مرة سويت حق عبودي على Thomas ومرة Happy Feet شغل مضبوط بس مثل ماقلت لج يبي لج ميزانية... وعندج Marre في الرفاع كيكتهم لذيذة وتبقى طازجة فوق الأربع أيام...

وعن الأكل تقدرين تاخذين من قيصر او طارق يبيعون بالصحون وأنت تحددين كم السعر اللي تبينه.. آنه ماقط سويت بالبيت على طول من جسميز...

كل سنة وهو طيب وعقبال حفلة عرسه...

كل عام ولدش بالف خير ..
بصراحة اني جربت كيك المنار وكيك ام حساااااااااااااام
بصراااااااااااحة كيك ام حسااااااااااااااااااااام لذييييييييذ احلى من المنار ...خفيف ...ولا كانش تاكلين حلاااااااااااااااوة (شكر)
والمخبز الكوري بعد عجييييييييب ..

انا جربت المنار مدحوها بس بسألكم المخبز الكوري وين ايصير؟

حبيبتىبالنسبة للكيك لوشوكلا فظيعه بس السعر شوي غالي وعندج المحبز الشرقى الكيك يذوب فى الفم بس بالنسبة حق الأشكال مادري اذا يسوون او لا وعندج مري فى بوكوارة بسوون اشكال وايد حلوة بس تكون الكيكية مغطية بالمرزبان وهو وايد ثقيل بس اشكال حلوة
وبالنسبة للأكل عندج مطعم قرية الوسمية صوب عيادة عبدالله كمال اكلهم حلو بس حار
ومطعم بوعلي صوب النادي الأهلى اسعارهم حلوه (( الحمص والورق عنب عندهم يجنن )) والبوفيه مالهم مع الطاولات والصحون