شنو آخذ معي

السلام عليكم

انا ولدي عمره 2 وشهرين بس ما ااعتقد يفرق وايد للاطفال

1_ للسوق :
حفاضات
كلنكس
مرات لبس (يعني بدله ثانيه للاحطياط )يمكن يخيس
حليب مرضعته وماي حار

2_الاهل والاقارب :
بيجامات (عدد 2 او 3 ) خاصه اذا بتم ساعات طويله عندهم لان الاطفال يخيسون اذا كلو ولا لعبو بالرمل
حفاضات
اكل لهم (مثلا عصاير بسكوين اكلات لولدج كل ام تعرف شو يحب ولدها )
وطبعا الحليب ومرضعه
ومطاره الماي الحار اذا كان بعده يشرب حليب


3_البر والنزهات :
قبل كل شي (ادوول _خافض حراره _فازلين _ كريم ترطيب _ لزق للجروح ) لان انتي بالبر مو عارفه شو يصير
معاج وخاصه الاطفال وخااااااااصه بهالجو البارد ظروري
طبعا لبس (عدد 2 او 3 ) لان بالبر رمال ووصاخه فلازم ملابس
اكلهم (على حسب كل طفل اذا كان حليب ماي حار وبارد وبسكوت او اكلات ثانيه موز على حسب انت اتعرفين )
لحاف او فراش للاطفال لان احتما يرقدون او يكون الجو بارد
حفاظات وكلنكس للحفاظات


هذا الي تذكرته الحين وعلى حسب انا شو اخذ لعيالي ويختلف من ام لثانيه على حسب عدد الاغراض والاشياء الي يحتاج لها طفلج

هلا عرايس موضوع وايد حلو ............وانا عندي بنت عمرها سنتسن وولد عمره 4سنوات والاغراض تختلف اللي بحطه لهه

لسوق

حفاضات. فوطه .كولينكس. ثياب احتياط يمكن يلعوزون روحهم .وحليب .ماي.واكل خيفيف مثل بسكوت وشبس وعصير.


للاقارب والاصدقاء
اذا بتم 4 او 5ساعات بحط لهم كل واحد بدله وبجامات وفوطه وكولينكس وحفاظات وحليب وماي ومرضعه زياده وبحط لهم يسكويت وعصيرات وشوكولاته وشبس وكم لعبه علشان يسلون روحهم فيهم.

لنزهات والبر
حفاظات وفوطه وكلونكس وحليب وكم بدله وبجامه وملابس داخليه حق ولدي وماحف يمكن احد منهم يرقد والاكل الخيفيف مثل اللي ذكرته في السابق وكمان يعتمد عاى المكان اللي بروحه..............

1 السوق , 2 الأهل والقرايب , 3 البر والنزهات

السوق والاهل والقرايب

تاخذين معاه اكل من شيبسات وعصير وموية وممكن تاخذين معاه ملابس احتياط لو وسخ نفسه

البر والنزهات

تاخذين له ملابس احتياط -بطانية خفيفة ومخذه-نعال خفيف -وكريم للقرص -اسعافات اولية مثل لزقات ومرهم-
وعدة الاكل من موية وعصيرات وغيرو

مشكورييين والله ما قصرتم على تجاوبكم مع الموضوع ولا زال للحديث بقية مع الأخوات

انا بنتي عمرها ثلاث سنوات ونصف

السوق : ما اذكر اني اخذ شي

الاهل : يعتمد على مدة الزيارة لو كانت زيارة خفيفة بعد ما احمل شي
بس لو بيت اهلي وبجلس اليوم كامل احمل اشياء وايد وخصوصا الثياب اما الاكل ما احمل شي لان كل شي بيكون موفر هناك وحتى لو بغت شي ومو متفوفر السوبرماكتات شاحنة الدنيا واخذ معاي بيجامة وملابس للبيت ما يقل عن بدلتين وبدلتين ملابس للطلعة يمكن واحنا هناك نقرر نطلع مكان.

البر والنزهات : البر ولا مرة رحت مع بنتي ، اما النزهات بتكون خفيفة يعني يا مكعن يا العاب وفي كلتا الحالتين ما اذكر اني بحتاج شي لانها كبيرة وما تحتج لا حفاظات ولا حليب ولا رضاعات ولا بتوسخ ثيابها .

ولدي عمره 3 سنوات و نص تقريبا

اذا نروح السوق احمل له شنطة صغيرة فيها بدلة وحدة بس

والبدلة الي اشيلها بالعادة ما استخدمها بس احتياط يمكن يكت على روحه عصير او ماي

فلازم احمل له بدلة وحدة ضروري وحتى لو المشوار كان ساعة واحنا راجعين

وطبعا اشيل له اكل مثل بستوق وعصير وغرشة ماي صغيرة

عشان لو طلب اي شي في وقت موب مناسب يكون عنده شي يسكت به

وطبعا اقصد بوقت موب مناسبة ان احنا بعيدين عن السوبر ماركت

واذا بروح زياة للاهل حتى لو ساعة وحدة بس ضروري اشيله له شنطة صغيرة فيها بدلة وحدة

واكل احط له بستوق او اي شي خفيف عشان لو طلب ما يحرجني في بيت الناس

ومثل ما قلت لكم البدلة الي احملها قليل اذا استخدمها

لانة لو كت على روحه عصير او ماي او لعوز روحه باي شي يكون عنده بدلة

اما اذا بروح البيت ابوي فاقعد طول اليوم هناك

وفي هاليوم اشيل شنطة اشوي اكبر لانة بقضي اليوم كله وبحتاج ملابس اكثر

يعني اشيل له ثلاث بدلات وبجامة نوم وبدلة للطلعة وطبعا ملابس داخلية

عشان لو قررنا نطلع او بيجون ضيوف على غفلة تكون عنده بدلة كشخة

ولازم احمل له اكل من عصير وروب وفواكه واذا احتاج شي ثاني ناخذ من البرادة الي صوب البيت عادي

بس بعد لاززم اشيل له اكل

ام نور وايد استغربت منك :icon9:

يعني حتى لو بنتك كبيرة وما تحتاج حفاظ ولا شي بس سبحان الله

تكت على روحها عصير او ماي ما تدرين

يعني المفروض تشيلين بدلة احتياط

ولدي في عمر بنتك لكن انا ضروري اشيل له بدلة احتياط

ومثل ما قلت نادرا اذا استخدمها هالبدلة

لكن ما اقدر اطلع بدون ما احمل شنطته الصغيرة احسها ضرورية


وبسسس وايد طولت عليكم

ومشكورة هيمانة على الموضوع

صباح الخير بنات تفاعل جيد منكم تشكرون عليه أما أختي حبيبة جيمي مشكورة أنتي بالنسبة لي أنا عندي ثلاثة أطفال سبع سنوات ثلاث وتسع شهور وسنتين واربع شهور لكل واحد اغراض خاصة به بالنسبة للسوق آخذ معي للصغيرة حفاضة احتياطية وحليب أبو النكهات للجميع وغيار واحد لها أما الكبار فاخذ لهم بسكوت والحليب أبو النكهات والماء يكون متوفر في السوق أما الأصدقاء والأقارب فتكون زيارة غير طويلة بس لازم من الجنطة واحط فيها لكل منهم بدلااة احتياطية والصغيرة ما انسا لها الحفاضات اثنتين والفوطة والحليب أما بيت أهلي فتكون الجنطة الكبيرة لأني انام عندهم أخذ معي غيارين لكل منهم وبجامات والحليب أبو النكاهات آخذ منه تقريبا عشر علب وحليب الصغيرة وبدلات للخروج وحفاضات للصغيرة وكلوتات حقت البامبرز للكبار لأنهم يخذلوني في النوم ولازم اعمل احتياطاتي عشان ما يوسخوا الفرش أما البر فأخذ لكل منهم ملابس احتياطية من ملابس خارجية او داخلية والصغيرة الحفاضات والحليب ونسيت الأكل في البر اسوي لهم خبز التست بالجبن والحليب أبو النكهات سواء بالفراولة او الموز على حسب ما يحبون والبسكويت والشبس يكون بكثرة معي وترمس ماء واللصقات حقت الجروح والمسحة الطبية وألعابهم حقت البر والبطانيات الخفيفة اذا نام احدهم معليش طولت بس يمكن نسيت شيء باقي الأخوات يذكروننا به

انا بنتي عمرها 6 شهور اذا بروح مشوار سااعه بس ما احمل شي ابدلها وكلشي واطلع
بس اذا برروح بيت ابوي احمل لها ثيااب 3 بدلات و5 حفاظاات واكل طبعا لها وعلى حسب المشوار اللي بروحه اذا بطول اكثر من ساعه لاززم احمل لها بدله وحفاظ علشان ما اتوهق وما احمل اكل اذا مشوار ما بطول فيه هي ترضع طبيعي اذا عطشت ارضعها فسياره
مشكوره عالموضوع

مساء الخير يا بنات يمكن التفاعل اكثر في هذا الوقت وأنا ناطرتكم بكل الحب

معقول ما فيه احد يبي مشاركتنا

ومنكم نستفيد ، انا قمت اسوي جذيه لاني في البداية كنت لازم احمل لها شنطة صغيرة بس بعدين شفت اني ابدا ما احتاجها قلت بعد ليش اثقل على روحي وهي لازم احملها ( خبرج دلع البنات) بعد احملها واحمل شنطتي اللي اثقل مني واحمل شنطتها اتضايق وايد.

وفي بيت اهلي عندها كبت خاص وكل شي عندها هناك لاني اروح يوميا تقريب وحتى بدلات طلعة كل اسبوع اغيرهم هناك.

بس برجب هالمرة بسوي مثلكم

ما شاء الله عليك بس نحن ما نقدر لازم من الجنطة لعل البنات يشاركون بخبراتهم ونحن ناطرينهم

هلا بعروسات المنتدا ما ادري ليش ما شفنا باقي الأخوات وألا البرد له تأثير

مساء الخير بنات معقول ما تبون تشاركوننا اجبروا بخاطري وادلو بدلوكم اعطونا ما تجود به افكاركم

مو اختي انتي كاتبة لعمر فوق 3 سنين و انا ولدي عمره 6 شهور

والله البنات كفوو ووفو