على البال;4834287:
السلام عليكم ورحمة الله
موضوعج يونس يا وفوني والمواقف كل واحد افشل من الثاني :)
انا استعمل التلفون للضرورة وصراحه ما احب المسجات :) حتى المبايل يغبر من قلة الاستعمال
واذا برسل مسج بس علشان اطلب عشا من اخواني لو كانوا برا ههههههههههه ومن اليوع احرص اني اكتب الرقم صح :)
مره ارسلت مسج حق ولد اختي على اساس ان مبايله معاي اصلحه له و كان وقت اجازه وانا سهرانه
ارسلت المسج نص الليل
المسج تقول (ترى جهازك ماله تحديث على النت )
بالباجر الظهر ياني اتصال وكنت راقده فطالعت الرقم بنص عين وشفته نفس رقم ولد اختي
المهم على طول عطيته بالويه
انا : انا مب قايلتلك لا تتصل هالحزه اكون راقده
هو: اختي انتي مطرشه مسج امس على تلفوني
انا : تستهبل حضرتك ...بعدني احسبه ولد اختي والصوت متغير شووووووووي لكن الاسلوب نفسه بطيئ بالكلام :)
الولد: شو استهبل انتي دازه مسج مدري شو كاتبه
انا : شكيت انه واحد من عيال اختي يغلس علي
اقول عن هالحركات منو وياي انت فلان صح ولا فلان ههههههههه قمت اعدد عيال اختي
الولد: انا لا فلان ولا فلان
انا: حموووود ترى والله مب متفيجتلك يالله خلاص اقلب ويهك بعدين بتصل فيك
الولد: والله انا مب حمود وانتي دازه مسج على رقمي زين قولي اسفه و غلطانه وخلص
انا: عاد الحين فتحت اذوني عدل وعيوني و تميت ساكته استوعب
ومافي كلام ينقال :) قلت له اسفه اخوي مع السلامه وسكرت التلفون واغلقته :) ولمن اتصل ولد اختي بعدين هزبته وقلت انا بسجل لك رقم واحد بمبايلي وان اتصلت من رقم ثاني بذبحك
ومره كنت افكر اسوي عملية للوز وعندي رفيجتي تشتغل بمستشفى
فدزيت لها مسج يقول
فلانه كيف الحال ان شالله بخير اقول شوفيلي عن عملية اللوز هل هي تخدير كامل ولا موضعي :)
وليزر ولا جراحي
ودزيت المسج
بعدين تذكرت اني ما سالت اذا بطلع بنفس اليوم
قمت دزيت مسج ثاني
فلانه صج اسالي الدكتور اذا اقدر اطلع بنفس اليوم لاني ما ابا اقعد يوم كامل ويفضل بعد ساعه
ودزيت المسج
شوي تتصل راعية الرقم وبما ان الرقم وايد متشابه انا ما انتبهت ان الاسم مب موجود
سالتني منو وياي
انا حسيت الصوت غير بس قلت يمكن ماخذه برد وصوتها متغير
سالتها فلانه؟؟؟؟؟؟؟
:) قالت لا اختي شكلج غلطانه بالرقم
قعدت اتاسف من االاحراج بعد مب مسج الا ثنتين
حليلها طيبوبه ما عصبت ومن هذاك اليوم تبت ارسل مسج غير اطلب عشا :)
لكن يتصلون فيني الناس والله انتي مطرشه لنا مسج وسائط :icon9: وانا بريئة والله
بس عرفت ان شركة اتصالات الهبله احيانا تييها حالات خرفان واذا طرش احد مسج خاصه الوسائط تروح للناس برقم ثاني وهالحركه صارت لاخوي مره انا مطرشتله صورت ولد اخوي وهو وصلته الصوره بس برقم ثاني
ديروا بالكم ترا من تخريفات اتصالات :whistling:
يوووووووووووووووووووووة مواقفج مرررررررررررررررررة تضحك خخخخخخخخخخخخخخ
بعدين اكتبي الرقم عدل ...ههههههههههههههه
هههههههههههههه
خخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخ
شاااااااااااااكرة لج مررررررررررررورج عيوني