زوجي وبروه

يسم الله الرحمن الرحيم
بدأت مشكلتي من يوم خطبتي قلت الحمدالله جا الزوج اللي بيعوضني عن كل الحب والحنان اللي فقدته لما بدا زوجي يكلمني في التلفون كان كلامه سطحي وما كان يقول كلام حلو وكان دايما يقول اني انا زوج ما اتعوض واني ادب واخلاق وكل بنت تتمناني واني لو الف الدنيا كلها ما راح القى ريال نفسه وكنت عروس استحي ارد بس كنت اقوله صح كلامك كان دايم يمح نفسه وكان نفسي يمدحني يقول لي انا كلام حلو..
المهم تزوجنا وقلت يمكن يتغير من اول يوم تزوجته حسيت فيه برود قليل في كلامه معاي بس مع ربعه واهله العكس. ما قدرت استحمل برودة لما رجعنا منشهر العسل اخترت وقت مناسب وقلت له الآتي(حبيبي انا احبك واموت فيك وانت مقصر معاي شوي وانا ما قلت هذا الكلام الا لاني احبك وأبغي حياتنا تكون من احسن ما يكون..انا من اول ما خذتك ما احس ان تقول لي كلام حلو مثل اي زوج يقوله لزوجته ما تلمني ولا تبوسني قلت انت مغصوب علي قال والله لا ماخذج برضاي واختياري بس انا ما اعرف اقول كلام حلو قل انا اقول اللي احب تسويه لي وانت قول لي اللي تحب قال اوكي
قلت ابيك تمسيني وتصبحني بكلمه احبج ابيك تلمني من فترة لفترة مابي حياتنا تصير عاديه ابيها حلوة معاك على طول وانت ايش تبيني اسويلك قال ولا شي قلت خلاص ادلعك على كيفي..الله وكيلكم قام ثاني يوم ولا كأني تكلمت معاه امس وتم على نفس البرود وعلى نفس الروتتين دوام ونوم وربعه واذا قعد في البت جابل التلفزيون واذا فيج خير كلميه لانه ما راح يرد عليج لان ما راح يسمعج بعدها بفترة طويله رديت فتحت الموضوع وكانت ردت فعله كالعاده ابتسامه فقلت له انا ما الوم المراه للي تكلم لها واحد من ورا زوجها لازم بيكون مقصر معاها في شي ولا همه
انا ابي اعرف صار لي اربع سنين ولي بنت وولد متى بلقا الحب اللي انا محتاجته هل اللي انا طالبته صعب؟ غالي؟ حرام؟
اسفه على الاطاله لكن من الهم فيني