أنا لسى عروس وخاني زوجي

اختي العزيزه.. أسأل الله ان يمسح على قلبج والله انها مصيبه لاننا نساء ..

والنساء تكون الغالب عليها العاطفه.. ولكن .. انا أنصحج اختي

تضعين العقل قبل العاطفه في هذا الامر..
خلق الانسان من النسيان ولابد للمحب ان يسامح محبوبه ..ادري ان هذا صعب على النفس بس حاولى واشترى الفرح ع حساب نفسج لانه((زوجج))...
ودام ريلج عاف هذيل البنات وردلج هذا دليل ع انه يبحج ومشترى رضاج اهوه غلط واهم شي انه اعترف وصلح غلطته والانسان مب معصوم من الغلط ,,
والحلو انج بعدج تحبينه صح مب شرات قبل....اصلا اكيد مب شرات قبل هذا اللي ناقص بعد اللي سواه
بس يستاهل وقلبج خذ حقه وادب ريلج والحين لازم يرجع القلب نفس قبل واكثر بعد عشان ما يبيخ الموضوع وتمصخينها,,كل علاقه لها رسم بياني مرات فوووووووووق ومرات وسط "ما بنقول تحت"

انتي بس عجلي في امورج بينج وبين نفسج وانهي زعلج الداخلي
ارضي عن الموضوع
وقولي قدر الله وماشاء فعل
وقولي الحمدالله انه رجع لي لوحدي
بس خذي وقتج وانتي تراضين نفسج واداوين جرحج بهدوء
وشوفي الأشياء الحلوه,,وشوفي حبكم اول ما تزوجتوا وذكريات العرس واول شهر :)...واهم شىء عليكى بالدعاء والتقرب الى الله عسى ربى يهديلج زوجج ويوفقج
والسموحه اختى^^

كناري;4825762:
حبيبتي.
هالشيء مؤلم صح،، بس مو معناه انه خانك خلاص..
كللللللللللل الشباب كلللللهم بيعملو هالاشياء,, مهما كان
لا تعتبريها خيانه خيانه،، بس اعتبريها غلطه و زله..
واغفري له هالزله يا حبيبتي..
الرجل اذا زوجته غفرت له و سامحته بيصير يحبها حب مش طبيعي!!! لانه بيحس بتأنيب الضمير و بيحس انه ظلمك، وبيحاول بكل الوسائل يرضيكي حتى لو انك راضيه.
بس اذا ضليتي تحسسيه انك ما نسيتي و انك شاكه فيه وشاكه
ترى حياته هو بتصير جحيم لا يطاق
وممكن يتغير عليك للأسوأ،
رح يقول مهما سويت ما بيرضيها!!! خلاص ما ابيها!!
الاسان بطبيعته بيحب الروح المتسامحه
بس انتبهي
اهم شي!!!!
تظاهري انك ما تفتحي موبايله..
وصيري بالسر كل فتره شوفي الراسائل الي توصله والرسائل الي يرسلها هو
وسجلي الارقام الي تشكين فيها
واتصلي عيلهم من رقم ثاني وشوفي هي بنات ولا شباب...
بس لا يحس انك مسويه مراقبه عن بعد ..بيحس بالحصار ساعتها و ينخنق
و كمان بيصير حذر جداً ،، يعني حتى لو ما تغير بيصير اذا حس انك تشيكي على موبايله بيصير يمسح كل شي أول بأول
وممكن بعد يجيب رقم ثاني يستخدمه.. لذلك لا تخليه يحس انك بتشوفي شو بموبايله!!
بالتوفيق

انا مع اختي كناري في كل كلمة قالتهااا

والله يهديه لج ان شاء الله بس انتي بعد حاولي ماتذكرينه بالسالفه كلش والله صدقيني انج بتكبرين في نظره

عليك حبيبتي بالدعاء والله يسخر زوجك لك ويسخرك لزوجك

الله يكون في عونك وعوني انا زوجي يراسل قناة زفاف يبي مسيار ويوم كشفته دعيت عليه قدامه انه يروح مايرجع من الدوام الا على ظهره وخاف وكان يبي يغيب يوم سمع الدعوه بس غصبته يروح الدوام بس هذي الدنيا رجالنا عميان والله اني زيك جميله بمعنى الكلمه بس الشكوى لله

اختي العزيزة الله يكون في عونك وترى مو انت الوحيدة بس برضه هذا ما يشفعله
على العموم الأخوات ما قصروا لكن الأخت روبا ذكرتك باهم شي واللي الكل نساه
انا من خلال تجربتي وخبرتي بالحياة 15 سنة زواج اقول انه اهم شي في الحياة الزوجية الأولاد ومستقبلهم اذا ما كان مضمون لا تغامري وتخليهم هم الضحية
انا راح اطول معاك النقاش شوي استحمليني
الرأي الأول انك تتركيه بدون محاولات قبل لا يصير اولاد بينكم وترى بعض الناس اذا تعودو على شي لازم يرجعو له ولو بعد فترة صدقيني وهذا الأغلب في الرجال تسأليني ليش اشمعنه الرجال ؟
اقولك لأن الرجال لا جا يوم من الأيام وطفش من حياته الزوجية (وهذا يصيبنا كلنا رجال ونساء بعد فترة من الزواج) ما راح يخاف انه يعاود الكرة ويقول شو راح تسويلي يعني وهو متأكد ان زوجته راح تخاف على مستقبل اولادها وراح تقول انا حضحي واسكت واستحمل عشان الأولاد وهذا في الغالب لأن بعض الأمهات يشوفون نفسهم اهم وينفصلو حتى بعد وجود الأولاد وفي هذه الحالة تكون مصيبة اكبر وضاع مستقبل الأولاد مهما حاولنا التوفيق بين حياتنا الخاصة الجديدة وبين متطلباتهم وحقوقهم الطبيعية
الحل الثاني : وهذا لا تلجأيله الا لو كنتي مو بقادرة على الأول ابدا --
انك تصبري وتحاولي مثل ما نصحوك الأخوات قبلي لكن اهم شي تفكري فيه وانت مسؤولة امام الله انك تستعملي مانع حمل مضمون وما تضعفي وتتركيه الا بعد سنتين على الأقل تكوني اتأكدتي تماما رغم انه مافي ضمان لانه ما شي يعوق الرجل لو بغي بعد فترة
انصحك قبل ما تقرري تختاري انك تستخيري ثلاث ليالي ورا بعض وخليك عاقلة ومنطقية في اتخاذ قرارك والحب يجي مع اي رجل غيره بالعشرة الحلوة
وبالتوفيق ان شاء الله وانا وجميع العضوات لازم نوعدك بالدعاء لك بظهر الغيب ان الله يفرج عنك
سامحيني على الاطالة

اختي الحبيبه تبغين زوجك يحب الارض اللي تمشين عليها

عليك بذكر الله وكثرة الاستغفار

ولي رجعه باذن الله

الله يسخر قلبه لك انشالله . .

وانا اشوف دام انه اعتذر وحلف وبرر موقفه وما طنش الموضوع معناته ان اهو مب راضي على اللي يسوي ويبي يتغير للاحسن ..
انتي وقفي معاه .. وحسسية انج رضيتي بالغصب .. ولو فكر مره ثانيه يسوي هالشئ راح يخسرج على طوووووول ... خليه يفهم هالشئ مو بالكلام الصريح لا بتصرفاتج يعني دايما حسسية انج مو ناسية اللي صار لين ما تتأكدين وتحسين ان خلاص ندم وتاب توبة مايرجع فيهااا ..
ودعي له دايما بالهداية ترى دعاء الزوجة لزوجها مستجاب انشاء لله....
ادعي ان الله يبعدة عن كل حرام ويبعد شياطن الانسسسسسس ..

وبعدين استغررب من البنات اللي نصحوج بالانفصال عنه ... ترى كل انسان يغلط .. واذا كل وحده انفصلت عن زوجها بهالسبب جان نص الحريم اطلقووا الحين لازم الواحد يطول باله واللي الله كاتبة له بصير ..
والطلاق والانفصال هذا لا تفكرين فيه كلش انتي بنفسج تقولين ان زين ومافي شئ ومو مقصر معاج يعني خلاص ... ترى الطلاق مو شئ بسيط اختي ..

عزيزتي اذا سواها وانتي عروس لما اتجييبين عيال شنو بسوي ، الرياييل دوم جذي يحسسون الزوجة بأنها تكملت اثاث النوم يعني مافي رومنسية ولا كلام كله آوامر والكلام الحلو حق الغريبه .

المفروض كنتي اتخبرين اهله بسبب الزعل اللي بينج وبينه عشان ما يعيدها مرة ثانية، الحين لو هو اللي شك برساله من رسايل جوالج جان الحين مفضوحة عند اهلج وعند ربعه وعند الناس كلها .

وبتظلين العمر كله في هم وغم بسبة فعلته ولا بتنسين ، الله لا ...............................(6)