اتمنى الموت لزوجي

حبيتي تخيلي معاي انه زوجك لا سمح الله عرف بحقيقة نظرتك له

وقرر فجأة انه يطلقك (لا سمح الله)وانت ما تعرفين السبب

وبعدها كمل دراسته و اترقى بوظيفته واتزوج زوجة اجمل منك وجاله عيال قماري

ايش راح يكون شعورك

اعتقد راح تتمني الموت لنفسك هالمرة مو له

انت فيها عزيزتي احوالك كلها تتغير بيدينك ادعي الله يتغير وهو معاك احسن ما تعدله وحده غيرك وانت تتحسفين على سوء تصرفك

ويكون عند علمك انا مستواي الدراسي اكبر من زوجي بكثير لكني اموووووووووووووت فيه وفارشتله الأرض ورد واحس نفسي معاه خبله لأنه ماشاء الله عليه ذكي ولماح ويعرف طلباتي من غير كلام ولا طلبات وفيه مميزات والله العظيم ماكنت احلم بيها مجرد حلم

وابشرك اني شجعته يكمل تعليمه وهو الحين منتسب في الجامعة وباقيله شوي ويتخرج وان شاء الله اذا الله فتح علي راح اشجعه يصف مع المليونيرية ولا عمري افكر اقلل من شأنه بالعكس زوجك على ماتعودينه

اسمحيلي اقولك انك تحتاجين تتعلمين اكثر من حاجته للتعليم

لأن العلم اذامافادك في حياتك ماهو علم والشهادات مرقتها ابرك

أختي أرد عليك وباختصار ...



إذا ولع لك زوجك أصابعه العشرة بدل الشمع ما راح يعجبك ...


لأنك ومن البداية أخذت عنه تلك الفكرة التي وضعتها في رأسك وسيطرت على تفكيرك ...


وأخاف أن ينتتهي بك المطاف مطلقة أو يتزوج عليك ...


احمدي الله على ما رزقك .. واستعيذي بالله من الشيطان الرجيم ...


واقرأي مشاكل الأخوات - الحقيقية - سواء في القسم هنا أو في المجلات والصحف هؤلاء ممن يتعرضن لضرب والذل والإهانة على أيدي أزواجهن ... أو من ابتليت بزوج مدخن رائحته تقرف الحيوان .. أو شارب الخمر أو أو أو ............


لا يعرف الإنسان قيمة ما في يده حتى يفقده ...

انزين حبيبتى انا اعتقد اني فهمت عليتش وانا رديت عليك في الاول ولكن رسالتك كانت مبهمه ومتعلقه بالمستوى التعليمى ولكن رسائلك الاخرى كانت واضحه وتدل على عدم قدرتك على عطاء الحب وان اعطيتى تكون واجب لاغير انزين عندي سؤال ولازم تردي قبل الصباح لانى مسافرة لهلي 0000
عندما تكونين مع زوجك هل تشعرين بعدم القدرة على التنفس
هل تشعرين بالضيق وهو قريب منك
هل تشعرين انك تشتاقين اليه وهو بعيد عنك
هل تندمين من اسلوبك معه اذا بادرك بالمحبه والشوق
من طريقه اجابتك استطيع ان ارد عليك باذن الله

مشكورين يابنات ماقصرتوا
للاسف الى الان ماحد فاهمني
انا ماكتبت لكم الا لاني محتاجه اسمع آراء و حلول
ابغى احب زوجي و ادلعه و ابادله با المثل لكن موعارفه وطالبه مساعدتكم
لان احس انه انسان نادر و ما ابغى اخسره و السبب تفكيري و عدم حكمتي في التصرف

اختي ج-ن
مشكوره ياقلبي على اهتمامك وياليت القى الحل عندك

عندماتكوني مع زوجك هل تشعرين بعدم القدره على التنفس؟
وقت الي اكون عند زوجي او زوجي يمي احس براحه متوسطه فقط اذا كنا ساكتين
يعني مانتكلم لكن اذا بدينا السوالف اول بداية استجيب معاه و بعدين اطفش و اتمنى يسكت

هل تشعرين باالضيق وهو قريب منك؟
احيانا اشعر باالضيق و هذا الاحساس يراودني اكثر من الراحه

هل تشعرين انك تشتاقين اليه وهو بعيد؟
احس بإحساس عادي ما احس اني مشتاقه له
لكن اذا تأخر اقول لنفسي لازم اكلمه اشوف وش فيه اكيد صاير فيه شي
لازم احسسه بإهتمامي و اني افقده اذا تأخر


هل تندمين من اسلوبك معه اذا بادرك با المحبه و الشوق؟
لاااااااااااااااااا
با العكس احس بسعاده وراحه لكن اتجنب النظر الى عيونه الي تشع
في ها الوقت با الرومانسيه و الحب لاني اذا حطيت عيني في عينه احس بإحساس غريب
بعيد عن الحب و المشاعر مباشره تجي في بالي ان ها الرجل مايناسبني وانقهر و اسكت
لذلك اتجنب النظر الى عيونه وفي قلبي اطلب من الله ان يحببني فيه وبس تنتهي مشاعري

أختى العزيزة

قد تكونين أخطأتى فى طريقة عرض مشكلتك ولم تجيدى شرحها ولم تشرحى مكنونات نفسك لنفهمك

لكن كيف نكون فهمناكِ خطأ وانتِ تقولين اتمنى الموت لزوجى وادعوا عليه ؟؟؟؟؟؟؟؟؟

لم تقولى اوجدوا لى طريقة تساعدنى فى التقرب الى زوجى

وتقولى انك غير نادمة على طريقة تعاملك معه ؟؟؟؟

الله يهديج بس

ذكرتيني بفلم شفته

البطل كان انسان جاهل وتزوج البطلة المتعلمه
وساعدها تكمل دراستها وفتح لها مكتب محاماه
بس نظرتها له ما تغيرت، مجرد انسان جاهل، وهو
من كثر ما يأس من انها تحبه، قام يخونها ويا وحده
ثانيه، وفي نفس الوقت ساءت معاملته لها،
بس تمت وقت طويل لين ما اكتشفت انها تحبه
وللأسف يوم سارت له عند عشيقته ، عشان تعترف
له بحبها، كانت النهاية لأنه مات وهي خسرت الانسان
اللي حبها صدق..

صح ان هذا مجرد فلم ، بس اختي ممكن في يوم من
الأيام تخسرين ريلج وما تكتشفين غلطتج إلا عقب
فوات الأوان.

في زوجات وبنات يتمنن زوج مثل زوجج، قولي الحمدلله
ولا تجحدين النعمة تراها زواله
مافي شي أحسن حق الوحدة من زوج صالح يحبها ويستر
عليها ويكون أبو عيالها

الله يهديج

لا حول ولا قوة الا بالله


انتي في نعمة مو حاسه فيها


احمدي ربج وسواء اتزوجتي برضاتج او لا فهذا نصيبج الي الله قدره لك


احمدي ربك زين معاكي ويحترمك ويحبك

تدعين عليه لانه مو متعلم ؟؟

لو كان يضربك او عنده سوالف شرب وبنات والعياذ بالله او انه يخونك ايش كنتي تسوي


احمدي ربك واسعدي زوجك مثل ماهو مو مخليك محتاجه شي


ياما مثقفين ومايعرفون ربهم ولا دينهم


والله ماعرف ايش اقول بس انتي بنعمه غيرج مو محصلها وانتي مو حاسه بنعمة ربك عليكي


استغفري ربج وحبي زوجك وابنك الي جاي


لاحول ولا قوة الا بالله

حرام عليج ليش تدعين عليه دامه يحبج وموفر لج كل شي شو بتسويلج شهادته تكفي معاملته وحبه لج
هذا كله يكفي وتعوذي من الشيطان لأن لو صار فيه شي انتي أكثر وحده بتتأثرين
الله يسعدكن ان شاالله ويبعد عنج هالأفكار

لا حول ولا قوة الا بالله
قولي لها احمدي ربك عندك زوج ويحبك ويراعيك يعني لو خذتي واحد معه شهاده ويمسيك بضرب ويصبحك بشتايم بتنبسطين..!؟
المسئله كلها انها مغروره وشايفه حالها عليه عشان كذا ماقدرة تقتنع فيه
خل تنزل نفسها له شوي وبتشوفه ماله مثيل بدنيا
الله يعينكم

احمدي ربج انا اول مره اشوف وحده ترفس نعمه

الله يهديج بس وبعدين حرام تدعين على بالموت ولا من دون سبب

اسمحي لي اقول انتي انانيه وشايف عمرج على ريلج

يوزي من تفكيرج ليقلب الله عليج دعواتج

ادري كلامي قاسي بس قهرتيني بصراحة

استغفري ربج اختي وتري الشهادة والتعليم ومو كل شي ولازم انتي من داخلج تغيرين نظرتج لة وتجاوبين معاة اهو يحبج وعطيج الى تتمنينة المفروض على الاقل تردين لى جزء من هل الاهتمام والحب
الله يهديج ويسر امورك يااااااااااااااااااااااارب

اعذريني اختي على كلامي لك هالمره00000000000
يوم طرحت الاسئلة عليتش كنت اتمنى تقولي 000ايه000
لان هالمشاعر مرت علي بدايت زواجي وقدرت اتخطاها بمساعدة خواتي العودات لكن اجاباتك تدل على مشكله بمشاعرك الداخليه مهتزه ماتعرف تستقر واذا تبي تستقر تقول مو معاه اكيد كنتي راسمه فارس احلامك شي ثاني 000لكن هذا الي عطاك الله هو حاولي ترضي فيه وابعدي الافكار هذي من راسك وشوفيه بمنظار ثاني قبل مايعرف مشاعرك ويشوف غيرك ووقتها ماينفع الندم لانك هاتحاولي ترجعيه لك ويحبك من جديد لكن وقتها تكون النفس عافتك والبنات على قفى من يشيل000وظل راجل ولا ظل حيطه000نصيحه لك اذا عندك اخت عوده خليها تساعدك وهم بغيت اقولك ان السنوات الاولى اهي اصعب مراحل الحياه الزوجيه حاولي تحكمي عقلك قبل عواطفك ولاتنسي الي في بطنك اتمنى اكون افدتك ولو بشي بسيط

السلام عليكم ورحمه الله وبركاته


اختي .. شلون تقولوين حق البنات انهم مب فاهمينك ... انتي قريتي موضوعك قبل لا تنزلينه .. وردودك قبل لا تكتبينها ... انتي تدعين على زوجك بالموت ,, وان اذا طلع مايرجع ... ودك يموت عشان ما تحسين بالذنب ..

وليش متعبه نفسج بالدعاوي .. خلي ولد الناس يروح وشلي اغراضج وقعدي بيت اهلج .. ومن متى الحب يعلمونه ... لو الحب يعلمونه جان سوا له مدرسه ومقررات .. الحب يجي من النفس واذاكل طبايع زوجك ما خلتج تحبينه .. خلاص خلي ولد الناس يتيسر على قوله اختي جواهر ..
منتى ملزمومه فيه ..

واذا اهلك ما تقبلو فكره طلاقك الحين بتعودون بعدين ... تدرين ان الدعوى اذا كانت بالشر تلف وتلف وترجع لصاحبها ... يعني ما تدرين يمكن انتي الي تموتين او ضناج ,,, عقابا من رب العالمين ...

انا قريت ردودج مافيها شي واحد يدل على انج تبين تحبين زوجج... ان لا الله لايغير ما بقوم حتى يغير مابأنفسهم ... وانتي اذا ما بتتغيرن .. لا تطلبين الحل من عندنا ..

والي قاهرني تدعين ربج انج تحبينه ... وبنفس الوقت تدعين عليه بالموت .. شالتناقض النفسي الي انتي فيه .. وللعلم .. انتي ماكنتي مجبوره تتزوجينه انتي خفتي تصيرين عانس .
وقلتي خل اتلاحق عمري ,, لو كنتي واثقه انج ممكن تحصلين زوج احسن منه ما كنتي رضيتي

عموما .. انا ماعندي طريقه تعلمج تحبين زوجج..لان هو مب مقصر ,, والصراحه الي كاسر خاطري هو وقول حرام يحصل زوجه مثلج.

تحياتي
ام جنى وسمحو لي

اش فايدة لو كان عنده شهادات الدنيا وراتبه عالي ولكن



















مايعتبرك

قولي لصديقتك تحمد ربها دامه يحبها وهي تطوره وتخليه يكمل دراسته وتشجعه

اش فايده الشهادات والمناصب اذا ماكو حب

هذي بعدها مراهقه

لو كان يصبحها بضرب ويمسيها بضرب مافكرت بهالكلام

الله الهاااااااادي وبسسسسسسسسسسسسس

والله بصراحه ماتستاهلين زوج مثل هاذا يحبك ويحترمك وانتي تدعين عليه بالموووووووووت والله حرام

الحب والمشاعر الطيبه بين الزوجين ماتتقدر بالشهاااادات والماديات

ايش الفايده لو زوجك كان معاه عشرات الشهادات ويستلم مبلغ وقدره

وومايكووون بينكم اي مشااعر حب او احترام بينكم وبين بعض

انتي شوووفي بلاووي البنااات الي في المنتدى ومعاناتهم معا ازوجهم وبعدين احكمي على نفسك

احمدي ربك انو عندك زوجك يحب ومتحملك طوول السنه والنص وترى الرجااااال حسااااس بمجررد نضره بسيطه

من زوجتها وااخاصة اذا كاان يحبها

انتي تعووذي من الشيطاان واعرفي كييف تشيلين الافكاار هاذي من راسك

ووترى الله سبحاانه وتعاالى مايحب المتكبرين وانتي تكبرتي على زوجك بسبب شهااداتك

الله يوفقك ياااااارب في حياتك والله لايحرمكم من بعض

لله يهديج ادعي في صلاتج انه الله يحببج بزوجج روحج ابو عيالج مستقبلا
حاولي تسالين عنه كل حين تفكرين تطبخين له وعقب الاكل تسالينه حلوة الاكله والا0000
حاولي قد ما تقدرين وبعدين لا شعوريا بتشوفين نفسج تختمين فيه وما تبين فرقاه
او روحي بيت اهلج تمي اسبوع ويمكن بتحسين بشوق
الله يحببه فقلبج

تعرفى
هو لو غير اسلوبه معاكى شويه
يعنى مثلا تقل عليكى او اتعامل معاكى بقسوة شويه هتحسى اد ايه انك متلهفه عليه وشويه شويه هتحبيه
اصل احنا كده
تملى نحب نحس بالرجولة فيهم
اقعدى معاه واتكلمى

مش عيب قوليله على كل سلبياته
وهو طالما بيحبك هيحاول يحلها ويعدل ف نفسه
متسبيش نفسك للشيطان
انا رفضت العريس الاول لاحساسى بحبه الشديد وده كان بيفقدنى احساسى برجولته
وحنيته الشديده معايا ومع الناس
كنت محتااجه احس بشدته

زى ما بقولك اقعدى معاه واتكلمى ف كل السلبيات وانا واثقه انه هيسمعك وهتتحل ان شاء الله

لية يا اختى كل الكرة دة لو مش عاوزاة سيبية بس لية تتمنى لحد السوء بهذة الدرجة

هلا اختي...

قبل كل شئ عيدي صياغة المشكله اذل مب مقتنعه فيها...

ثاني شئ يمكن اللي تمرين فيه شئ نفسي من الحمل...

يعني ممكن الوحده تكره زوجها او تتمنى تكون بروحها...

اختي...

مهما كانت مشاعرك متضاربه لا تدعين بالموت لأي أحد...

اصبري و قولي (( اللهم عوض صبري خيرا ))...

في بنات ازواجهم يخونونهم و يدرون و ساكتين...

تخيلي المراره و الالم اللي يحسونه...

فوق هذا كله ما دعوا عليهم...لانهم يحتسبون الاجر...

الحين انتي تدورين الحل...و هذا شئ جيد...

لانج تبغين تتغيرين...

شوفي قبل كل شئ

قولي الحمدلله اللي رزقني بزوج يحبي و بذريه تسعدني...

الحين حاولي تغيرين اشياء في نفسج...

يعني غيري نظرتج لزوجك...قولي هو يحبي و يستاهل اردله الحب...

اللي يعطي شئ في (( قانون الحياه )) نقوله شكرا...

ابدئي تشكرينه...خلي نظرتج متفائله...لا تقارنينه مع احد...

خلي نفسج متسامحه و طيبه و محبه...

انزعي اي رغبه عدوانيه...او احساس ميت اتجاه زوجك...

انتي زرعتي صوره او فكره عن زوجك...

و الفكره تحولت لمشاعر ترسخت داخلج...

بس للاسف المشاعر كانت سلبيه...

غيرها للاحسن و للايجاب...طالعي محاسنه...

اتركي مساوئه...شو يعني زوجك جماله الخارجي (( مش و لا بد ))!!!!

بالعكس...في حد من الحريم يصيحون الويل من جمال الازواج...

تدرين ليش...لان البنات و راهم...و الازواج يشوفون نفسهم على زوجاتهم...

و بالتالي تصير الخيانات و عدم الاحساس...و المشاكل تكثر...

يعني بالعربي ما يدلع مرته و لا يكن لها اي مشاعر...

شوفي الله عطاج زوج يشبع رغبتج العاطفيه...

قولي الحمدلله...لا ترفسين النعمه...

و مثل ما قلت لج شوي شوي ابدئي من الصفر...

كأنكم عرسان جداد...تعرفي عليه من اول و يديد...

اللهم اجعلها له كما يحب واجعله لها كما تحب

و اجعلهم لك كما تحب...

اكثري من الاستغفااااااااااااااااااااااااااااااااااار...

مشكورين يبنات ماقصرتوا
الله يعطيكم العافيه
اختي تنثر و ج-ن

اشكر لكم اهتمامكم

اختي ندايم
شكرا على النصيحه
احب اوضح لكم حاجه انا وقت الي كتبت موضوعي و كتبت العنوان اتمنى الموت لزوجي
قصدي هي مشكلتي يعني مشكلتي اني اتمنى الموت لزوجي و دائما ادعي عليه
مع انه يدللني و يحبني وتصرفي هذا مضايقني اني اقابل ها الحب با اللامبالاه وعدم الاهتمام
يمكن غلطت في صياغة الموضوع لكن و الله العظيم و الله العالم بنيتي كان قصدي ان مشكلتي اني
ادعي على زوجي و اتمنى له الموت و ابغى اغير ها الشي

الله يعطيكم العافيه