غسول للفم

حياج الله الغالية...أول شئ لازم تعرفين سبب الرائحة الكريهة في الفم..يعني هي الصبح بس أو طول اليوم؟ثاني
عندج أي مشاكل بالصدر أو المعدة أو الجيوب الأنفية؟وشو نوع أكلج يعني حار ولا تحطين ثوم ؟ ثالث شئ يمكن يكون مجرد وسواس للرائحة الكريهة وعشان نتأكد إذا هو صدق فيه ريحة ولا بس وسواس....أول ما تقومي الصبح لحسي ظهر كفج واتريي دقيقتين وعقب شمي إذا كانت ريحة عادية يعني ريحة النوم ..طنشي وبعدين بنص النهار عيدي الحركة وشوفي إذا في ريحة ولا؟
وبالنسبة لنظافة الفم لتجنب الريحة إنج تغسلين أسنانج بعد كل وجبة وكل ما غسلتي أسنانج مدي لسانج برع وغسلي لسانج بالفرشاةنفسها اللي غسلتي بها أسنانج لأن اللسان تتكون عليه طبقة بيضا من بقايا الأكل المتخمرة وتصير فطريات على اللسان وتسبب ريحة كريهة...وبالنسبة للغسول ما أنصحج به لأن أول شئ الفرشاة والمعجون يغني عنها وثاني شئ كثرة أستعمالها تسبب اصفرار
الأسنان.....إن شاء الله أكون أفدتج وإذا عندج أي سؤال حياج

هلا اختي غالية الحبايب ما اعتقد انه عندي مشاااكل وبالنسبه لاكلي احب الاكل الحار واكل الثووووم ...

ومهتمه وااااااااايد باسناني بس مادري الريحه ليش فيني
متعقده منها واااااااااااااااااااااايد خاصه انه عرسي قرب وخايفه من هالشي

اذا عرف السبب بطل العجب انتي قلتيها بنفسج خلاص قطعي الثوم

وبالنسبه للغسول عندج اورال بي حلو بس حار شوي وعندج غسول بنت عذاري

شوفي غسول بنت عذاري

انا ما كانت اعاني ريحة بس وايد حلو بعد ما تاكلين اكل خفيف

وخايفه تتراكم بقايا الاكل وهي احد اسباب الرائحه

استخدمته وايد حلو اول شي تحسين كأن رمل بس والله اذا خلصتي

تحسين بانتعاش < حلوة انتعاش هههههههههههه

جربيه في وصفات بنت عذاري تلقينه